西關粥品 (Closed)

西關粥品一直是我欲試的食肆，除了它採用粘米粉自製的西關粉仔外，時裝設計師鄧達智先生也曾不止一次，在他不同的專欄內推介過。下午三時才抵達元朗，心知已無緣嚐到每天限量製作的西關粉仔，於是午餐便到了大良泗記。飯後，在元朗街頭遊走、購物一會後，便順理成章走到西關粥品去。艇仔粥是廣州的名物，因此我選了艇仔粥一試。粥底透明，透出朵朵的白米花，入口清爽、流暢，最難忘的是一股自然的魚香，現在甚少粥品擁有這種魚香韻調。還記得老爸提過，昔日的艇仔粥用料認真，例如鮮魚片、鮮蝦及鮮魷魚等。相信西關粥品也秉承傳統，用料包括鮮魚片、豬皮、魷魚、鮮蝦、鯪魚肉和叉燒，還有蛋絲和油炸鬼，用料新鮮、豐富又齊全。當中我最喜愛彈牙富魚香的鯪魚肉。老公選了較為少見的西洋菜燒豬骨粥。這款粥品有著艇仔粥一式一樣的質感，不過入口則帶有爽口的西洋菜和濃濃的燒豬骨香味！燒豬骨香而不油，也沒有燒烤遺留的焦黑，事前工夫必定做得很細仔。粥裡還附有切得細小的陳腎，令我想起西洋菜陳腎豬骨湯，滋味亦如出一轍！看到不少客人也要來一碟炒蘿蔔糕，從色澤金黃的賣相，已透出香濃惹味之感。不過不想太熱氣，還是選擇了較溫和的香煎鹹肉粽。鹹肉粽煎得外層薄脆，而內層

今日同弟弟+男友一齊入元朗拜神，拜完梗係搵地方祭5臟廟la，我即刻就諗起之前鄧達智o係報紙專欄介紹過呢間，所以就1行3人去試食下la^^去到大概1點鐘....已經好多人了，門口仲有人等緊位添，好彩我地都唔駛等太耐已經可以入去，我地總共試左粉仔、咸湯圓、西洋菜陳腎肉丸湯、xo醬炒蘿蔔糕同埋叉燒腸，樣樣都好好味又足料，蘿蔔糕近乎粒粒都有臘肉o係入面，好味過好多間食店呀!!!下年新年可以考慮預訂呢度o既蘿蔔糕囉 叉燒腸初時睇落賣相麻麻地，但食落口發現個皮好薄^^有驚喜呀~!!果然食物不可以貌相囉~至於粉仔同咸湯圓其實配料方面好相似，主要分別係粉仔個湯比較杰少少，同埋咸湯圓比較多D菜抵讚的一點係個湯好清甜冇加味精，而且2碗都加左好多配料，食到最尾都KEEP住有配料食，呢樣真係抵讚，絕對係心機之作!!!下次絕對會encore的1間小店^^ PS，食左咁多樣野都係$129，真係又抵食又好食!!

唔係第一次幫趁~ 不過次次都太多人...所以食得趕d...無乜影相...今日早去到唔算太多人...總算可以慢慢嘆~ 不過又係夜晚先嚟...次次都食唔到粉仔...腸粉又沽清...真係無緣...叫o左咸湯圓...蕃茄碎牛粥...仲有必食o既煎糭...加埋一份煎餃子~ 咸湯圓 ($28): 一粒o粒既湯圓好煙韌好多料~ 好多魷魚~ 咸咸地好好味~            唯一係有d一粒粒好似內臟o既肉...好爽口ga...唔知係乜...一般...蕃茄碎牛粥 ($35): d蕃茄同d蛋花煲到溶晒~ 酸酸地咁好開胃~                   我都要研究o下點煲先得!!! 煎糭 ($26): 我地屋企有糭都會煎嚟食...好香口~ 呢度又煎得好脆~ 正~煎餃子 ($25): 外脆~ 多饀~ 份量又多~ 呢度仲有好多其他粥...鋪仔細細但好骨子~ 天寒地凍不二之選~ 

幾個月前同食友係元朗''覓食''時發現,一直想再番嚟最近趁飯聚前空檔再嘗令我念念不忘''古早味''粉仔軟糯滑溜，有米香,湯底香囗而無味精食時記得加辣菜脯,更惹味另外想借劉健威係專欄介紹該店一文尾段''內濫用澄麵，弄得所有米製品都失去米香，稻米被閹割掉了。故西關粥品的擇善固執，值得鼓掌致敬。 ''但願這些用心小店繼續承續,讓下一代一嘗我們的''古早味''

元朗的食肆眾多, 常跟媽媽四出覓食... 這次找到了家鄉食物的小店!! 結果像是坐了一回時光機陪媽媽回到了她的小時候, 本是一心到來嚐試"粉仔"的, 但老闆告知我們說賣完了!! 三點多就賣完?! 老闆解釋說因為是每天搓麵粉而製作的, 又不可以放過一夜, 因此份量不會預太多!! 這次, 唯有吃咸湯圓!!除了特色家鄉食品外, 我們還點了豬膶腸粉... 但水準有點失望!! 腸粉皮太厚, 而且豬膶又薄又乾, 一片片太大塊!! 西關咸湯圓其實就是用糯米製作的小形湯圓, 但並沒有餡料的!! 除了糯米小湯圓外, 清湯底還配上雞絲, 陳腎, 蝦米, 冬菇絲等...說實在的, 在於本人而言, 這就是某一處的家鄉東西, 然後東拼西湊的加上一些配料...味道不是十分特別!! 但在於媽媽級而言, 這就是她們小時候的回憶, 一邊吃著, 一邊說跟小時候的味道一樣...然後想想, 也對, 因為媽媽小時候跟這年代的生活環境有顯著的分別, 因此, 對於糯米這些很快飽肚的東西和其他材料加在一起就已經很滿足了!!現在的我們, 物質豐盛的社會下, 對每樣東西的要求也自然地提高了... 擁有得越多, 要求也只會越高, 要求越高

27/5/2012下午在粉嶺教會排完舞之後, 走到元朗覓食早前盛傳此店的廣州西關風味, 今天去到元朗決定一試, 間店其實不難找, 就在千色廣場後面不遠.入店坐下來, 見到三大盤剛蒸好的蘿蔔糕出爐, 賣相似乎好得, 但今次要留肚去另一間店, 所以沒叫.點菜時本來想叫盛傳中的西關粉仔, 可惜已沽清, 唯有試試自家製的沙河粉, 配以肉片.個沙河粉是自行磨米再用人手切割而成, 咬落薄薄一片而且有質感, 與坊間大量入貨的河粉由機器製成的大有分別, 香港似乎都很少地方可以吃到這種自家風味.招呼如其他食評, 人客不多算OK.埋單時見到店方在廚房自製咸湯圓及腸粉/河粉的米糰, 下次來一定要試.

這間是我和男友也十分推薦的食店，除了店內富傳統特色的裝潢，還有很多特色美食。最好味的莫過於其嫩滑皮薄的腸粉，有很多不同選擇，我同男友吃過三種味，牛腩腸、蝦米腸和生菜窩蛋腸，最好味是牛腩腸，因為肉汁加腸粉入口即溶shocked，很滋味。外面的餐廳相信很難尋覓這種味道，因為腸粉都是西關師傅自己磨制的。這里的的粥品固然野味，種類也琳琅滿目，滋補的花滑雞粥、清甜的菜心墨魚滑粥這裡有很多你意想不到的粥品，生滾粥很綿，冬心吃下很窩心。見到每枱人在這里也會叫一碟黃色的糕點，翻看歺牌才知是咸肉粽子，粘糖吃最美味！不過吃三件令你飽八成。。。mad 最後西關特色粉仔也是推介，十七元一碗，有魚片絲，叉燒絲，蝦米，冬菇等，因此湯底特別野味！西關粥品以平民價吃到滋味的不餐，令住在老遠的我也常來光顧！

這間是我和男友也十分推薦的食店，除了店內富傳統特色的裝潢，還有很多特色美食。最好味的莫過於其嫩滑皮薄的腸粉，有很多不同選擇，我同男友吃過三種味，牛腩腸、蝦米腸和生菜窩蛋腸，最好味是牛腩腸，因為肉汁加腸粉入口即溶，很滋味。外面的餐廳相信很難尋覓這種味道，因為腸粉都是西關師傅自己磨制的。這里的的粥品固然野味，種類也琳琅滿目，滋補的花滑雞粥、清甜的菜心墨魚滑粥這裡有很多你意想不到的粥品，生滾粥很綿，冬心吃下很窩心。見到每枱人在這里也會叫一碟黃色的糕點，翻看歺牌才知是咸肉粽子，粘糖吃最美味！不過吃三件令你飽八成。。。最後西關特色粉仔也是推介，十七元一碗，有魚片絲，叉燒絲，蝦米，冬菇等，因此湯底特別野味！西關粥品以平民價吃到滋味的不餐，令住在老遠的我也常來光顧！

今期有本書介紹呢到~ 西關係乜? 哦~ 原來搬仔粥料 豬皮, 蛋絲, 臂粒, 叉燒絲, 魚鬆, 土魷, 蝦米.... 就係咁~粉仔 - 又未至於"胡"左, 算合格之作, "西關"配料, 檯面有菜圃粒, 辣, 不辣兩款, 辣個款ok ga, 唔會太過份既一味麻加爆辣, 點到即止~咸湯圓 - 糯米粉粒, "西關"配料, 再加雞皮肉碎, 湯味夠, 可接受.... 不過個人鐘意, 客家咸湯圓, 以排骨入湯更強既肉味會好d ~雞絲"自制河粉" - 湯淡, 可能想特出 雞絲既味. 雞絲用酒腌過, 都係一樣淡淡. 可能食慣了工廠式既河粉, 白, 滑, 大小一樣... 自制既厚薄闊都不一, 有d 似炒河粉碎, 仲有既係'鞋"口~ 失望~煎餃 - 煎得好香, 仲係"趣"底, 不過d 油係個碟到仲見到, 但係.... 咬一口就, 木耳, 肉碎, 咸青瓜粒, 仲有一兩隻有肉汁. ok ga~ 可惜, 又係個人問題, 跟上既配醋, 用左鎮江香醋, 一陣濃烈既醋味, 太爆力~ 如果改用淘大荔枝醋.... 應該會完美~總結: 都ok 既, 再幫襯, 唔會係首選 ~ 西關 = 豬皮, 蛋絲, 臂粒, 叉燒絲, 魚

我呢個食評係3個月之前的了, 之前一直懶唔寫, 現在補回西關粥係元朗開了應該都有一年的了可能地點比較偏僻, 所以人流唔多, 夜晚八點後去, 基本上大把位俾你揀 (全店約有廿幾個位啦)艇仔粥, 真係好有細個時係廣州食的風味, 較之一般粥檔的出品, 呢度的艇仔粥明顯有心機得多, 佐料有碎牛, 尤魚, 豬皮, 花生, 叉燒絲, 蛋絲, 蔥花等, 撈埋一齊, 滋味非常.云耳什菇粥 (類似係甘樣的名稱), 非常清甜, 我老婆的至愛粉麵, 即叫即炒的, 配上些少芽菜和蔥段, 好味腸粉亦係即叫即拉的, 但粉皮略嫌厚了一點另推介 西關粉仔, 也是我我至愛 (以前有大 / 細碗, 現在只有細碗選擇, 配料跟艇仔粥的相若, 佐以菜酺, 非常好味)外話, 呢間粥店煮好粥之後, 會落幾滴麻油在粥面的, 不好麻油者最好記得講走麻油, 我見過有食客要求重煮一碗的情況招呼, 因為人客唔多, 所以招呼ok的, 價格 : 兩碗粥 + 腸粉 + 炒麵, 大約60蚊有找 (我的價格係三個月前的, 唔知現在是否有漲價)

星期日係天后誕，就同老婆入左元朗行下啦。行到肚餓，見到有間寫住“西關粥品”既粥鋪，入面推介一款“西關粉仔”，腦海即時浮現童年係廣州既一種小食，決定入內一試！再來叫碗艇仔粥，大大碗，肉料豐富，粥衣綿香，好味。最後見到對面有位仁兄食緊牛腩河粉，津津有味，忍唔住叫番碗試下。都真係唔錯，牛腩味道特別，河粉米香十足，同樓面呀姐吹左幾句， 先知河粉係老闆自家制造既，風味十足。見到隔離台有人食煎腸粉同埋煎餃子，賣相都幾吸引，但已經好飽啦，下次再黎一定要試下。

元朗有食神，除了食神滔滔既大榮華飯店之外，其他多國菜式亦不乏精彩演繹者。今天老婆想吃泰國菜，捨棄了常常光顧的泰好味，兩口子徑自繞至泰良苑方向尋找泰式美味，可是兩個路痴在大馬路繞了數圈找尋隱世小店仍不果，心想找不到泰良苑便到泰良園去吧!於是拖著飢餓的身軀徑往西菁街出發，也是根據開飯的地圖繞了數圈，還是遍尋不獲是也。可能是造物弄人，兩口子亂逛至西關粥麵門口，被光鮮門面及餐牌吸引，便舉牌投降，棄泰菜選粥麵去也不料竟是錯配西關情，選錯今晚有幸留在腸胃的伙伴醬味牛腩河粉($26) - 只能說索價對得起味道的平民菜。河粉沒錯非坊間慣常選用的薄身河粉，改用自家製厚河粉，老婆是挺喜歡的，覺得很特別；可是沒有對上我的胃口，只覺得像是在吃腸粉皮，也吃不出什麼米香，普普通通是也。至於牛腩，炆煮得很腍而五香味十足，剛吃下去感覺很好，可是一久了便蒸乾了嘴巴的水份。果然是惹味(精)十足呢鮮蝦墨魚滑粥($28) - 28大元在隔離街發記吃得心滿意粥，粥底軟綿不稀而粥料不減，還有錢找，因此我對這個索價甚高的粥品是很有期望的。可是結果卻令人失望之極首先，粥本身太稀而粥底太淡(跟上面的牛腩成對比)，即使加了些麻油、胡椒粉

老婆這陣子身體唔多好, 所以星期六晚上打算吃粥, 見富達廣場有間叫西關粥麵的店子開了一段日子都未試過, 於是乘機一試.店子雖然唔大, 但非常光猛企理, 地面亦唔會有很多的垃圾, 清潔上做得幾好! 點了肉丸粥, 菜心燒骨粥, 义燒腸及炒麵.肉丸粥的粥底唔錯, 唔會太鹹, 肯定不是味精粥, 但啲肉丸唔好食, 寫明是手打肉丸, 但一啲都唔彈牙, 肉質非常散, 而且無肉味. 唔多得!义燒腸啲皮厚了少許, 义燒份量唔算太多, 不過都比海皇的多些, 味道尚可.菜心燒骨粥個名幾特別, 其他地方未試過, 所以叫來試吓. 菜心很多, 不過用來做粥感覺上唔係太夾, 燒骨得幾件, 有些仲要係骨來的, 無肉! 而且個粥加了燒骨亦唔覺特別有味, 雖然有新意, 但味道上唔算出色.炒麵竟然是全餐最好食的, 非常夠味, 比起很多地方的做得出色, 可惜的是芽菜唔夠多, 否則會更好.整體而言, 這兒的粥單論粥底其實唔錯, 起碼唔會是味精粥, 但餡料方面就比較差. 幸好環境上真的幾好, 令客人吃得舒服, 這點比起元朗其他的粥店實在勝一籌, 所以都會再來嘅.

元朗開了一間西關粥麵,我又無去過西關食粥我唔知正唔正宗...粥我都好鍾意食.不過現今要搵一間有水準的粥店係難的...我兒時在街食的粥,個種味道..我現在搵唔到..所以我的食評..評粥呢種食物不多.呢間店不是在大街的.是在後街的...呢條街的食店得2間的..其餘的.都係賣精品.等的店...而環境.我覺得幾衛生.而且店內相當光猛...及第粥22元料都幾多.有豬肚,豬肝.肉丸,每種食物各二件.粥底綿滑...大碗..雖則味道不算鮮甜..但吃了後不會口渇.呢碗粥..也算合格...蝦腸..外觀不算太靚.而個腸粉不算滑...但內面有4粒爽甜的大蝦...已算不錯也合我口味

在元朗富達廣場,雪山隔離的"西關粥麵",已開了一段日子,為何貴網一直沒有紀錄?名為"西關",相信是賣廣州西關風味,有水餃,粥品,腸粉,甚至連狗仔粉都有.只吃一碗艇仔粥,材料非常之豐富,除了基本材料如豬肚,花生,瘦肉之外,更加上蛋絲,蝦肉等材料.粥底綿香鮮甜,吃罷不覺得口喝.價錢不算貴,在一些光鮮少少的街舖,也賣得比他更貴.未品嘗過正宗西關風味,但這碗艇仔粥,的確做得很好.如果這店在我家附近的話,不介意經常來,寧不吃$10有味粥,也付多一點來吃.