赤

Open Now

Now Closed

·🥗前菜:椰菜丝（任添）可配胡麻或柚子油醋·🐟味鱼干笑得非常香口，很适合下酒。·🥓猪肉车厘茄卷这个很值得推荐串烧/烧物，烹调时间控制得非常好猪肉口油香少焦脆再配搭车厘茄的酸甜很有口感和好食·🥩牛肉寿喜烧锅定食牛肉很嫩，配料亦非常丰富加上不太甜的寿喜烧汁非常夹·🥩牛肉汉堡扒定食和牛肉汉堡肉汁，口肉非常满足·🐟盐烧鲫鱼烧得外脆内嫩，鱼肉更有多汁·👍🏻值得一去的餐厅

最近天氣開始凍，女朋友就話好懷念日本嘅和牛壽喜燒，但又太忙無時間飛，所以就book左呢間位於銅鑼灣嘅「赤」，帶我黎食A5和牛壽喜燒喎！餐廳新開幾個月，裝修好精緻，坐得好舒服，店員都好有禮貌。既然我地為壽喜燒而來，梗係要order呢個$628嘅A5和牛肉眼壽喜燒鍋啦！A5和牛肉眼都有好幾片，牛脂分布好靚。蔬菜拼盤係包左嘅，裡面嘅蔬菜全部好新鮮。壽喜燒由店員親自幫我地燒，非常專業。所以每一啖食落去都好似喺日本食咁，超正！呢間餐廳除左壽喜燒，原來串燒都係主打。我地食左雞皮串燒同埋豚肉露荀卷，兩款都燒得好香！期待下次再來食串燒飲啤酒！

位於銅鑼灣嘅赤日式居酒屋，開左唔係好耐，係高級日式居酒屋嘅好選擇～整體環境舒適簡潔，昏黃柔和嘅燈光營造出一種溫馨而低調嘅高級感，非常適合同朋友小酌或者輕鬆聚餐位置係銅鑼灣海旁，窗外望到嘅風景都令人感到好舒服叫咗幾款串燒，每一串都展現出食材嘅原味同烹調師傅嘅細膩手法日本薩摩赤雞雞皮煎至香脆，油脂豐富但唔膩，口感層次分明，係經典之選日本長崎雞胸軟骨帶有啱啱好嘅嚼勁，雞胸肉保留嫩滑，配合軟骨嘅脆爽，口感豐富得嚟又唔會太重柚子胡椒雞肉充滿日式風味，雞肉嫩滑多汁，帶少少柚子胡椒嘅微辣同柑橘清香，味道平衡得非常好豚肉露筍卷係一大亮點，豚肉薄而不散，包住鮮嫩爽脆嘅露筍，兩者互相襯托，肉香同蔬菜清甜完美平衡大蔥豬腩豬腩肥瘦相間，燒得恰到好處，配埋微甜嘅大蔥，層次感十足燒鯖魚外皮燒得香脆，魚肉鮮嫩，油脂豐富但唔會過重，帶有淡淡嘅炭香，完美展現咗鯖魚嘅鮮味最後試咗熱稻庭烏冬，湯底濃郁但唔會太鹹，烏冬麵條有彈性又吸湯，令人一啖接一啖整體嚟講，赤日式居酒屋無論係食材質素定烹調手法都非常出色，絕對值得一試，特別適合鐘意日式串燒同居酒屋氣氛嘅朋友～

今日同朋友去咗百德新街呢一邊shopping，行到咁上下就見到呢一間轉角位嘅日式居酒屋！我朋友本身都非常鍾意食串燒，就決定幫襯吓呢一間，餐廳嘅裝修都同日本居酒屋非常相似，而且佢坐落去亦都非常舒服，絕對唔會話有好迫嘅感覺，所以我同朋友坐低嘅時候整體嘅感覺都係良好嘅！👍🏻日本長崎雞尾，香港好少有串燒舖可以提供雞尾呢一個食品，整體口感都唔錯，而且唔會太油膩、我哋都覺得佢燒得好香，冇諗過日本成日食嘅呢一個食飯都可以喺香港嘅呢一間居酒屋食，真係非常有驚喜！👍🏻自家製免治雞肉棒，佢再加左一隻日本嘅雞蛋，係自家製嘅長期雞胸軟骨，食得出本身嘅味道亦都唔錯，再加埋新鮮嘅日本雞蛋，成個口感更加特別，甜甜地加嘅雞蛋，鍾意食免治雞肉棒嘅我哋最後仲叫多咗一寸！👍🏻牛舌心, 本身就係非常鍾意食好食嘅粉絲我覺得餐廳喺控制牛舌嘅生熟程度做得非常之好！牛舌嘅顏色中間仲係靚仔嘅粉紅色，而且食落口非常好食，加咗少少黑椒嘅調味，令到牛舌嘅味道更加突出，我同朋友都非常鍾意！而且非常厚切，咬落去嘅時候亦都非常有口感，唔會話太薄！👍🏻白鱔，廚師喺處理嘅時候去晒骨，所以食落去嘅時候亦都啖啖肉，本身非常鍾意食魚歲都覺得幾好食，我覺得佢

唐揚日本薩摩赤雞皮，餐廳選用左日本嘅雞皮，佢呢一種雞皮有串燒或者小食類別，我同朋友本身都非常鍾意食雞皮，所以我哋決定就叫個小食嘅，因為大份啲可以一齊食！冇諗過佢嘅小食份量真係非常大份呢一個價錢嚟講真係非常之平$78起碼有超過12件！送啤酒簡直係冇得輸！加少少七味粉上去又係另一個味道！店員推介我哋趁熱食，佢嘅口感真係非常好，脆卜卜完全冇得輸！鍾意食雞皮嘅朋友仔真係唔可以錯過呢一個小食！CP值非常高！燒飯糰，簡簡單單嘅Siu飯糰冇諗過餐廳都做得唔錯，出邊仲有好脆嘅紫菜俾你包住一齊食，siu飯糰嘅外邊燒得非常香脆，整體我哋都覺得非常好食.唐揚河蝦，小食嚟講，份量都幾多，河蝦味道絕對唔會好腥！食得出餐廳本身來貨都攞得唔錯，整體口感都係比較香口，忍唔住食完一隻又一隻，亦都係送啤酒一流嘅小吃！芝麻雞翼，一份有三隻，上面鋪滿香香地嘅芝麻，再加埋雞翼嘅味道其實整體上都非常match! 店員推薦我哋如果食得辣的話加少少七味粉，辣辣地嘅口感亦都非常唔錯，鍾意食雞翼嘅朋友可以一叫！玉子燒 ，一份有四件即刻叫即刻做，再加埋餐廳加咗少少木魚絲，令到成個口感嘅味道更加多層次，玉子燒甜甜地，亦都笑得非常香熱辣辣嘅口

如果你想起繁忙既鬧市生活中抽離一下，有一啲同朋友靜靜地傾下計，享受下美食，千其唔好錯過哩間新開既日本居酒屋，據聞老闆因為太鍾意食串燒，所以索性自己開左一間。坐左成晚，見到顧客同店員/老闆都好好傾，我諗香港真係好需要咁樣有人情味既食肆。我地主要想食串燒，見到餐牌其實都好多選擇，上碟全部新鮮滾熱辣，獨有串燒包括鱔魚同埋，強調十萬次，免治雞肉棒！其他居酒屋可能都係賣緊預先整好既產品，但係，佢哋既自家製雞肉棒，費盡工夫，好味到我地要encore三次！再黎，就係佢哋既燒鯖魚，omg， 加埋檸檬同醬汁，將魚既鮮甜完全帶出。唔好睇少哩碟機翼，脆香之餘帶啲肉質嫩滑，用料真係好新鮮！最後食埋牛肉烏冬暖下個胃就咁過左幾個鐘，唔似其他餐廳會趕客咁，我地坐得傾得好舒服。下次一定再幫襯！

I recently had the pleasure of dining at Aka, a newly opened restaurant that promises an authentic Japanese experience. From the moment I stepped inside, I was enveloped in a warm, inviting atmosphere that instantly transported me to Japan. The decor is understated yet elegant, with soft lighting and traditional elements that create a serene dining environment.AppetizersDeep-Fried Chicken Wings: Crispy Perfection with a Juicy CenterWe kicked off our meal with the deep-fried chicken wings. They w

今天午餐，在銅鑼灣附近食了留意已久的日式餐廳— 赤，餐廳充滿日式風格，裝修既簡單又典雅，無論是和風裝飾還是柔和的燈光，營造出一種舒適的用餐環境，非常適合與朋友或家人聚餐。平日午市套餐選擇豐富，除了刺身飯、多款丼飯與熱食供選擇。每個套餐都包括都椰菜絲沙律、茶碗蒸、漬物以及麵豉湯，讓人不僅能享受到主食的美味，還能品嚐到其他日式小菜的精緻，特別是茶碗蒸的口感滑嫩，配料豐富。當日選了午餐D 馬糞海膽吞拿魚蓉珍珠米表面鋪滿新鮮的吞拿魚蓉，色澤鮮艷，口感滑順。搭配上新鮮的馬糞海膽。海膽的 creamy 質感與吞拿魚的鮮味相互融合，口感層次豐富。另外小食口嚐了香烤鵝肝。這道菜的鵝肝經過精心烹製，表面微焦，散發出誘人的香氣。每一口都能感受到鵝肝的滑嫩和豐富的味道，搭配微酸的醬汁，平衡了鵝肝的油膩感。另外，在下午茶時段更可以$39可享兩串串燒，當日選了的分別是香脆的雞皮和鮮嫩的雞腎。

唔知有無人睇開我嘅食評呢？我同朋友真係好鍾意去居酒屋🏮而當我同朋友知道銅鑼灣新開咗間居酒屋-「赤」，真係即刻沖去試🤣超誇張！佢個環境好舒適，好有日式居酒屋嘅感覺❤️🔶鮮菜條配味噌、鹽去日本居酒屋你會經常見到佢有呢個前菜，西芹、紅蘿蔔、青瓜、椰菜分別設成條，可以沾上味噌或者鹽，個人最喜愛就係青瓜再加上味噌，真係冇得輸，食到咁上下，又可以令到個口腔refresh一下！👍🏻🔶枝豆熱食的枝豆，面頭灑上少少鹽，好似真係日本食嘅枝豆呀😍🔶冬菇、燒雞翼、豚肉蘆筍卷冬菇好多汁，上面有少少嘅柴魚碎，好夾！燒雞翼個皮超級脆，啲肉仲好嫩，超正！豚肉蘆筍卷，豬肉嘅香加蘆筍嘅多汁，食落真係好爽！🔶一夜干燒得好好嘅一夜干，連骨都係脆，肉又好鮮嫩，整體好好👍🏻🔶唐揚日本薩摩赤雞皮呢個真係必點💛雞皮炸到超級脆，加上灑上七味粉嘅沙律醬，真係超好味！一定要趁熱食！

今日今日喺銅鑼灣工作，期待已久，終於有機會嚟探店，見到餐牌有午市套餐，好抵食。午餐揀咗一份「馬糞海膽吞拿魚蓉丼飯」，海膽好新鮮，好鮮甜，吞拿魚蓉配合蔥花，好好味。朋友揀咗一份「牛肉壽喜燒定食午餐」，壽喜燒汁湯底好濃，牛肉好軟滑，好足料。除此之外仲有紹菜、金菇、白蘿蔔、紅蘿蔔、洋蔥等等，吸收晒壽喜燒汁嘅味道，好入味。套餐配上加咗紫菜及芝麻飯素嘅飯，好好味。套餐仲包含蒸蛋，非常香滑。一夜干燒黃花魚，做到外脆內軟，熱辣辣，魚肉好Juicy、好新鮮。呢度串燒好出名，我哋揀咗牛舌芯串燒、豚肉秋葵卷串燒、雞翼串燒、雞軟骨串燒、豆腐串燒、鰻魚串燒。全部新鮮熱辣，即叫即做，好新鮮，好好味。一定要encore。

午市套餐，牛肉壽喜燒，湯底好濃，牛肉好軟滑，配菜有紹菜、金菇、白蘿蔔、紅蘿蔔、洋蔥等等，吸收晒壽喜燒汁嘅味道，好入味。太好味，用嚟送飯，食一碗白飯都唔夠。套餐配嘅飯，並唔係白飯，上面加咗紫菜、芝麻飯素，好好味。套餐仲包含蒸蛋，非常香滑。午餐仲有馬糞海膽吞拿魚蓉丼飯，海膽好鮮甜，吞拿魚蓉配合蔥花，好新鮮，好好味。每份套餐仲有一碗蒸水蛋，好香滑，有上湯嘅味道。一夜干燒黃花魚，做到外脆內軟，熱辣辣，魚肉好Juicy、好新鮮。呢度串燒好出名，我哋揀咗牛舌芯串燒、豚肉秋葵卷串燒、雞翼串燒、雞軟骨串燒、豆腐串燒、鰻魚串燒。好鍾意餐廳係一串一串咁燒烤，燒完即刻上枱，非常新鮮熱辣，食完一串，再上一串，唔會因為食得慢，而凍咗。

離遠就見到$39一杯大啤酒🍻所以吸引咗入嚟😌😍原來呢間餐廳係主打串燒 同埋各類型嘅日本正宗料理😙😙雞肉方面 我哋鍾意食日本薩摩赤雞雞皮，塊皮燒得好脆 完全冇油膩嘅感覺🐣仲有汁燒日本長崎雞頸肉 好有口感仲可以自己加埋啲胡椒 令到雞肉更加惹味🐤自家製免治難肉棒 係我哋每次去居酒屋必食隻蛋真係好正剩低嘅汁仲可以點埋其他串燒😉😉柚子胡椒雞肉汁燒大蔥雞肉🐷豬肉方面，叫左大蔥豬腩、荔枝豚肉卷，荔枝好爽甜🐽芝士年糕有軟腍腍嘅感覺，每次食都覺得好滋味白鱔芝麻雞翼總共有三隻 仲有啲沙律醬掂燒青魚🥘櫻花蝦鰹魚湯泡飯暖笠笠 鰹魚湯鹹鹹地 同啲飯好匹配 我哋仲嗌咗天河蝦 撈埋一齊嚟食🤣

銅鑼灣百德新街轉角就見到有唔同款式嘅串燒 啤酒 刺身環境企理有梳化坐 都幾舒服呢度有雞嘅唔同部份，夠特別日本薩摩赤雞雞皮燒得外脆內軟 幾正汁燒日本長崎雞頸肉、自家製免治難肉棒都係必食大蔥豬腩 燒到冇乜肥膩，咁但係又好軟身 柚子胡椒雞肉汁燒大蔥雞肉芝士年糕係最鍾意食嘅 你可以話佢係甜品 但係其實又有啲鹹鹹地 入邊軟身嘅白鱔芝麻雞翼炸天河蝦配啤酒就一流燒青魚都好正宗 櫻花蝦鰹魚湯泡飯 食完一系列嘅串燒，最好就係食返啲濕濕地嘅嘢個湯同埋飯係分開嘅自己入去滋味

今日我同男朋友去咗銅鑼灣海旁一間日式餐廳，聽講國慶節期間都有set lunch，而且價錢唔貴，每個set lunch大約一百零蚊，真係好抵食！我哋行完山，肚子餓得很，所以決定叫三個餐！一入去餐廳，就已經感受到日本風格嘅舒適氛圍，裝潢簡潔又有格調，服務員都好有禮貌，佢哋嘅set lunch包括任食椰菜絲、茶碗蒸、麵豉湯，仲有一款主食！首先，我哋叫咗一個角切魚生丼，裡面有甜蛋、吞拿魚、三文魚同油甘魚，魚生份量十足，色彩繽紛！魚生新鮮，特別係三文魚，肉質滑嫩，搭配上甜蛋，味道更加出色。另外一個餐係豚肉關東煮，豚肉煮得非常入味，肉質軟嫩，湯底清淡又有香氣，裡面仲有些椰菜，洋蔥，同白蘿蔔，吸收咗湯汁嘅味道，食落去好舒服。至於我哋第三個餐就係吉列豬扒配凍烏冬，吉列豬扒外脆內嫩，豬肉嘅味道非常香，搭配住特製嘅醬汁，真係好正！凍烏冬就滑順可口，配上清爽的蔥花，鵪鶉蛋，食落去唔會覺得膩。然後，任食嘅椰菜絲同茶碗蒸都係唔可忽視。椰菜絲新鮮爽口，有柚子醋或者胡麻醬你揀，食落去好開胃。而茶碗蒸則滑嫩無比，裡面仲有一D菇，味道鮮美，真係好舒服！仲有，麵豉湯嘅味道亦都幾出色，湯底濃郁，豆腐軟滑，每一口都令人感到暖

上網睇呢間居酒屋新開，而裝修又幾靚，於是入嚟試吓鮮蔬菜條應該係每間居酒屋必備的一款前菜，再配上自家製麵豉醬汁，尤其開胃！芝士年糕一上菜都係熱辣辣，外脆內軟，裡面有芝士拉絲效果日本長畸雞胸軟骨雞胸軟骨新鮮爽脆，不會太韌，口感幾新奇！雞皮蝦大葉卷大葉姐係紫蘇葉，師傅將雞皮包裹住蝦肉，每啖蝦肉都有啖啖的紫蘇香葉味，層次感很豐富豚肉荔枝卷豚肉juicy, 配上清甜的荔枝, 可以中和一下肥膩感汁燒大蔥雞肉雞髀肉嫩滑juicy ，配上口感爽脆的大蔥，一口雞肉一口大蔥，感覺唔會太肥膩自家製免治雞肉棒免治雞肉口感彈牙，配上拌勻的雞蛋黃一齊食，更有提鮮作品！玉子燒表面放上木魚絲，玉子燒得好嫩，口感不會太粗糙鱔魚鱔魚皮香脆，魚肉肉質口感juicy，非常新鮮燒原條明太子明太子表面燒得好香脆，味道稍為微辣，配上青瓜一齊食，感覺無咁膩燒原隻魷魚筒超大隻魷魚🦑口感幾彈牙，再配上自家製柚子醬汁，帶有提鮮作用櫻花蝦鰹魚湯泡飯超濃郁的櫻花蝦香味，淋上鰹魚湯，鮮味更豐富！中意飲清湯的朋友，一定要飲晒一整壺湯呀～