農耕記 湖南土菜 (東港城)

Open Now

Now Closed

之前喺深圳已經想試呢間農耕記，見佢喺東港城開咗，即刻嚟食晚飯叫咗好多嘢食：蒜蓉粉絲蝦仁，粉絲好入味，而且有好多隻大蝦，每隻大蝦都爽脆鮮甜，食得出係游水海蝦，非常新鮮糖醋酥肉，酸酸甜甜好惹味，同平時食開嘅糖醋骨唔同，呢度係將啲肉切做一條條，啖啖肉，令人胃口大開鮮炒黃牛肉，牛肉肥瘦適中，而且份量慷慨，煮得好入味，送飯一流果木脆皮烤雞一隻，係最出色嘅一碟餸，類似廣東酒樓嘅炸子雞，不過呢度嘅烤雞更入味，而且皮脆肉嫩，啖啖肉，飽肚又好味，令人垂涎三尺清炒毛白菜，真係好大兜，有平時酒樓嘅三四碟咁多，白菜嫩口新鮮，識落清新健康花卷，有三大條，微甜，一定飽肚最後叫咗兩杯香水檸檬茶，清甜可口，大大杯，解渴又清新呢間舖頭地點方便，位於坑口東港城，食物份量慷慨，味道出色，性價比非常高，推薦#農耕記

經典酸菜鱸魚，魚肉Q彈入味，配菜都幾多有金針菇，紅薯粉，湯可以直接飲。唔會話特別刺激的辣糖醋酥肉，酸酸甜甜特別開胃。可以特別點個紅薯飯，裏面有紅薯同紅棗，一打開都幾香。可以再叫個冰粉解辣。

比深深貴，叫了3個 。 菜，鮑魚辣椒炒肉，少油都很多油。大碗花菜要少辣較合港人口味。香辣刁子魚，不好食，多油埋單246 。5點時間入座沒有人，其他時間就很多人。不建議

這店新開張嘅時候已想來試試，見啲食物相片好似好辣🌶️，所以猶豫了一陣⋯今天中午，終於可以嚟試吓啦，好彩星期日嘅中午都唔算好多人等位，我大概等咗10分鐘左右就已經有位可以入座。我點了”招牌湖蝶鮮(小辣)”、“蒜蓉粉絲蝦仁”、“蒜蓉蕃薯葉”和“老麵花卷”。“蒜蓉粉絲蝦仁”係上咗枱之後，即刻明火烹煮，侍應仲會提供一個沙漏⏳計時，當沙漏流完就可以熄火。這個菜除了蒜蓉、粉絲和蝦仁之外，還加了蟲草花，估唔到又幾夾喎😋”招牌湖蝶鮮(小辣)”賣點魚肉無骨、肉質QQ，絕對名副其實👍🏻。魚肉本身無乜辣味，但當配合埋蒜頭、辣椒一齊食的時候，辣味充足。“蒜蓉蕃薯葉”可以選擇少油，不過炒番薯葉少油應該無咁好食，所以都係選正常油炒。因為唔想食飯，所以點了“老麵花卷”，相對嚟講這個份量都幾大，有三件。食物整體都好好味，份量都唔少👍🏻。

今晚同左朋去呢間農耕記食飯，我哋差唔多晚上9:00去嘅，等咗幾分鐘就入得去，未入座之前侍應同我講入座起計90分鐘要交枱⋯⋯明白嘅！上菜速度非常之快叫咗幾個餸，第一個叫咗炸子雞半隻，圖入邊我已經食咗兩嚿，但係都幾細份！之後叫咗個蝴蝶魚，我就唔係咁鍾意個口感，但係我啲朋友接受，口感係比較爽，可以揀少油，味道尚可另外叫咗呢個招牌鮑魚辣椒炒肉，啲肉非常少，鮑魚只有指甲咁大隻⋯⋯雖然得指甲咁大隻，但係都有10幾隻嘅⋯⋯⋯味道尚可啦，服務方面，店員起碼有10個，但禮貌一般，最後店員嚟影低我哋嘅碟，交返俾公司話表示客人食晒啲野啫係對佢哋餸菜滿意，其實只係Portion 比較細，食得晒都好正常⋯⋯⋯⋯三個人食，三個餸，兩碗飯，一杯檸檬茶，total $400

同2個同事lunch諗吾到食咩 一於去食下辣嘢先 有個同事食唔到辣 都有佢岩食既嘢！ 我地join會員仲有50蚊coupon送！ 最好就係佢可以少辣少油！ 真係好開心！ 好食！

湖南菜以其獨特的辛辣和鮮香著稱，讓人一試成主顧。尤其是剁椒魚頭，魚肉鮮嫩，剁椒的刺激味道讓人垂涎欲滴。另有酸辣土豆絲，口感爽脆，酸辣交融，令人開胃。每道菜都充滿層次感，搭配米飯更是絕配。總的來說，湖南菜不僅美味，還帶有濃厚的地方特色，值得一試！

呢間餐廳試業其間所有菜式半價，日日都大排長龍，我都八卦睇下係咩餐廳，原來係辣嘅湖南菜，我唔食得辣即係唔關我事啦。前排奧運會商場搞活動，用點算換遊戲券送兩張農耕記coupon，滿300可以減100，每次可以用一張。我又心郁郁想試下呢間新餐廳，睇下餐牌原來都有幾款唔辣或走辣嘅菜式，即刻打電話訂枱即晚就去食。當日都有好多人排緊隊，我哋有訂枱好快就安排到座位比我哋，餐廳食辣為主當然會有陣比較濃少少嘅氣味，職員都好有禮貌，上菜好快，食物都唔錯嘅。扣減現金券兩個人食咗五百左右。食評推薦嘅蒜蓉粉絲蝦仁，上菜後要煮到個沙漏流完就可以開蓋，蝦肉新鮮，粉絲都幾惹味。果木脆皮烤雞，對我嚟講真係太瘦喇，雞脾位都有啲似雞胸咁。油豆腐炆拆骨肉(走辣)，油豆腐好味嘅，原來拆骨肉係炆到離骨同碎嘅肉，所以基本上無肉，有啲油膩。招牌蝴蝶魚(免辣)，肉質都幾新鮮，有少少爽口。鹹蛋黃燒賣，比鹹蛋黃吸引所以點，就係有蛋黃嘅糯米，糯米好味過蛋黃。鮮肉米粉，幾大碗嘅淨米，呢隻米粉幾好味。

常來這邊食飯，好愛鮑魚小炒肉和黃牛肉，好好味🥰🥰🥰這家的服務也都很好，服務員都好熱情，環境裝修也不錯，想吃湘菜非常推薦來這邊！將軍澳呢度吃湘菜選擇好少，農耕記真係好選擇！

招牌果木脆雞：雞皮脆口，雞肉味道嫩滑有汁，但真心斬件太大件，強烈建議每一件斬得較小件更好，入口難度會冇咁大挑戰清炒蕃薯葉：番薯葉嫩滑，蒜蓉清炒味道偏淡，即使叫少油，都是比較偏油大蒜炒臘肉：臘肉有濃濃的煙燻味，蒜苗嫩滑味道不強烈，不過整體油份較多招牌湖蝶魚：魚片嫩滑，加辣後味道辣椒味道頗為出，適合喜歡食無刺的人士糖醋酥肉：味道全場最佳，外皮粉漿質感不過不失,適合老人家小孩嘅口味老面花卷：味道正常，不過不失

之前在深圳吃过很多次农耕记，这次看到东港城开了一间就赶紧来吃了，结果就是非常失望。首先是菜品的味道完全比不上内地农耕记的味道，一点都不辣，尤其是有一道🫑炒鸡蛋，一点咸味都没有，完全吃不下去饮品的选择也很少，这是一间湘菜馆，我认为提供多种冷饮的选择是有必要的，香水柠檬茶很甜，不好喝🙁之前在内地农耕记米饭是无限量续加的，现在这里也没有最后一点让我感觉失望的是前台收银的态度，可能是因为我讲普通话，态度非常差不会再来了

土雞和剁椒魚頭好吃，蒜蓉蒸蝦，青椒燜老鴨，，小炒豬肝，酸蘿蔔炒牛肚，經典酸菜鱸魚，果木脆皮烤雞，鮮炒黃牛肉，酸辣雞雜，大蒜炒臘肉，這些都推薦，環境不錯，服務員態度不錯

近月內地湖南菜連鎖餐廳「農耕記」來港不斷開分店，極速擴張連開5間分店，包括佐敦、黃埔、黃大仙等，早前北角新分店開業更推出優惠菜品半價起，吸引不少香港人前往幫襯。近月內地湖南菜連鎖餐廳「農耕記」來港不斷開分店，極速擴張連開5間分店，包括佐敦、黃埔、黃大仙等，早前北角新分店開業更推出優惠菜品半價起，吸引不少香港人前往幫襯，然而隨著餐廳熱度上升，想食都未必食得到？近月內地湖南菜連鎖餐廳「農耕記」來港不斷開分店，極速擴張連開5間分店，包括佐敦、黃埔、黃大仙等，早前北角新分店開業更推出優惠菜品半價起，吸引不少香港人前往幫襯，然而隨著餐廳熱度上升，想食都未必食得到？

今日想食啲中式小菜，但係依家酒樓揦埋都要咕嚕肉$128一碟，青菜都$98 ，竟然俾我搵到原來農耕記個Menu青菜都係$58 ，咕嚕肉都只不過係$68 ，非常化算的中餐。我哋唔食辣，亦都有很多選擇。招牌湖蝶魚非常彈牙，即炒非常有鑊氣，碟頭非常之大，三四個人share都可以。蒜蓉粉絲蝦仁很入味，佢俾埋個漏斗計時器， 6分鐘之後，啲鮮蝦煮得剛剛好，非常之彈牙，配埋蒜蓉醬，就算食唔晒啲粉絲都要外賣拎走。糖醋酥肉每條都炸得非常之香脆，酸酸甜甜，送飯一流。家常炒絲瓜夏天必叫，非常有住家菜感覺，沒有加任何濃味醬汁，普通青菜，體會出湖南土菜的風格。果木脆皮烤雞-半隻外脆內軟，雞皮蝦得脆卜卜，入面鎖住肉汁，調味亦非常之惹味，一啖接一啖。香水檸檬茶原來一杯咁大杯，下次兩個人飲一杯都夠，茶底濃郁，帶有點香味，如果叫辣嘢更加解辣。鹹蛋黃燒賣10分特別，在其他中菜館應該見唔到，原來是入面有鹹蛋同糯米，但是出面包到好似小籠包一樣，非常之飽肚。

呢間湖南菜成日都有人排隊，於是我今日早咗放工，特登去咗冇咁多人嘅時段食😏首先就要講下佢哋嘅小筍炒臘肉,入面嘅筍片又嫩又脆,加埋肥美鹹香嘅臘肉,🤩🤩真係唔俾人失望。咬落去都滑滑嫩嫩,好有咀感,非常入味!😋再有佢哋嘅雪豆酸菜肉末,😘色香味俱全!肉末既鮮嫩,雪豆亦非常爽口,再加埋酸酸甜甜嘅調味,令人一口接一口。😆😆真係好到想掃光件碗!😚除咗呢啲,佢哋嘅香椿炒雞蛋亦非常出眾!炒得好熟好香,雞蛋細細塊又入味,仲有好多香椿點綴其中,好鮮美!😀😀