雪山冰廳

Open Now

Now Closed

睇咗呢間餐廳嘅食評都有好高評價，諗住都唔會差得好遠，所以去試吓，點知真心失望，味道同食物都認真麻麻，d野煮到過晒龍，食材又唔新鮮，食物質素唔掂，侍應亦冇招呼水準可言，衞生都唔好，侍應企上枱整野後完全冇抺番張枱，又有狗竉物坐係隔離枱開餐，個客同伙記好熟落，抱住隻狗唔帶口罩走嚟走去，而家有疫情唔該做飲食業嘅人，同食客都多啲注意下衛生啦！總體而言今次真係好失望，唔知係唔係間餐廳水準下跌得太快，都食評所講相差一截。

今次慕名而嚟，特登入長沙灣食呢間大受歡迎嘅波士頓龍蝦海鮮焗飯🦀 果然名不虛傳！ 隻龍蝦真係有半隻手掌咁大隻，仲有龍脷柳、青口、鮮魷、鮑片等等， 配料好夠多，真係幾足料，真係幾抵食架！ 係餐廳入面CP值好高嘅一道菜椒鹽豬扒飯炒底豬扒幾好食，我鍾意佢咬落去係厚身得嚟更好夠鬆化，食到少少嘅辣，都幾惹味，可以一試！另一道我地嗌左嘅小食係芝士煎蛋牛肉漢堡包，本身我個人都好鍾意食港式嘅漢堡包，而呢一款係包皮有好多芝麻好香口，牛肉好厚好juicy，仲有隻流心蛋添😍最尾我就揀咗個呢間餐廳特色嘅榛子味西多士作甜品

今次就見到呢間多人讚既冰室，又好想食下炸雞髀就黎左雪山啦！雖然得兩個人，但都因為太餓見到餐牌太多選擇就叫左幾樣野試！首先係叫左個南洋咖喱滑雞飯，咖喱香帶少少甜味，開胃之餘，雞件都係滑！汁再配飯真係好係好開胃然後叫左個喇沙套餐，佢配埋櫻花蝦炒蛋同丹麥多士，炒蛋略嫌唔夠味，但可以自行落鹽！成個餐好豐富，一個人食一定會飽晒喇沙真係驚喜，雖然唔可以話係100%正宗，但佢會做番喇沙既油麵加米粉既麵底，而且湯底好味！一定要試下！然後再食埋個好邪惡既避風塘炸髀上面既椒鹽粒好脆口，估唔到會同雞髀咁夾，而且食落唔係死咸！因為好大隻，叫一件兩個人share就夠！再飲番個解渴既檸七呢餐真係好滿足！冇諗過冰室都做到咁多樣化，期待下次再試埋其他野食！

之前試過雪山冰室嘅姊妹店港口味冰室同副線食物非常出色嘅蘇山雞飯😚❤️今次就嚟到深水埗分店食個晚餐😋食物同樣好有特式🤩🤩當日6點去到竟然仲有下午茶餐食🥰🥰-🔸芝士焗波士頓龍蝦海鮮飯 $79嘩大大隻龍蝦🦞成個飯氣勢大增🔥龍蝦啖啖肉 好爽甜🤤除咗龍蝦之外 仲有好多海鮮好足料🤫🤫仲同龍蝦一樣咁鮮甜🤩加上焗溶咗嘅芝士🙆🏽‍♀️食到lamlam俐👅🔸榛子醬西多士 $30平時食開嘅西多通常都係花生醬🥜餡 榛子真係第一次食🌰建議可以落少啲糖醬🙈因為榛子醬都甜甜地😚同埋味道會出啲😎😎🔸炸魚薯條 $35同我想像中有啲出入🤣🤣本身以為係炸魚薯條係好似炸魚手指條咁🤣點知原來係炸魚同薯條😂😂炸魚啲魚肉都幾多🤤唔係得層厚炸粉👍🏼👍🏼不過好似 咗少少🤏🏼 而薯條炸得啱啱好 好鬆化 即叫即炸 個人覺得兩樣都點千島醬好味啲🙈🙆🏽‍♀️🔸黑蒜田園炒時蔬 $45炒得好有walk氣🤫🤫仲有幾款菜可以揀🥦🥬🔹港式茶走紅豆冰 $25🔹凍檸水 $19

晚上到長沙灣，打算找間茶餐廳和家人食個飯，放鬆一下。上網找到這間「雪山冰廳」，是很多人推薦的小店茶餐廳，那就一於帶家人嚐嚐。我們6點半左右去到，餐廳未算多人，可以揀個好位置坐。但當我們食完時，接近7點半至8點，雪山外面就開始有人排隊，證明真的有很多街坊幫襯。能夠吸納街坊的，一定是間好餐廳。我們看看餐牌，想一嚐這裡的推介菜式。茶餐廳一定有它的名物，才可以吸引到回頭客，所以我就主點雪山打星的食物，試試質素究竟如何。⁎ 1. 招牌海南雞（配油飯）作為皇牌推介的招牌海南雞，單看顏色已感覺到質素不俗。海南雞份量不少，半隻來說可以供3人左右享用，雞件順滑得來而且切得大件，食起來口感更好。海南雞處理得非常入味，可以沾一些酸辣醬，味道更好。當然，海南雞一定要配油飯，所以加多少少錢亦是值得的。⁎ 2. 蜜椒野菌薯角牛仔骨煲本來想食牛仔骨，但出奇地其主角落於煲內的薯角。薯角先經煎香，再放入牛仔骨煲內煮成，令到薯角非常香口，亦帶陣陣牛香。牛仔骨亦煮得不錯，肉味香濃而且大大塊很好咬感。⁎ 3. 經典芝蛋牛肉漢堡包相信這份經典芝蛋牛肉漢堡包是雪山的其中一款名物。漢堡包新鮮煎好，食落非常燙口，所以牛肉非常鬆軟。加

樽仔奶茶唔夠凍。茶味唔夠 ，全日早餐ok，但塊魚柳炸燶咗少少……星洲炒米唔係太有味，同埋唔夠色……..服務態度都係有求有應,但冇回應下次去都係飲番有冰凍奶茶算了……

雪山冰廳 有兩間分店一間位於長沙灣而另一間喺深水埗 . 今次我食咗長沙灣呢間同男朋友一齊食左個下午茶我哋叫咗個避風塘生炸髀+紅荳冰•同埋經典芝旦牛肉漢堡!!! 下午茶都多選擇, 圖入邊杯嘢飲 個人應為極唔好飲!!!😟

#wetdodo_長沙灣之前都食過佢副線既蘇山雞飯～今次食埋本家雪山冰廳😎食物款式都多樣化👀聽聞小炒都幾惹味！不過今次就冇試到啲小炒～—————————————————————🦐波士頓龍蝦喇沙摻摻 $78😋：8/10通常喇沙都係配普通蝦only~不過呢到配左半隻龍蝦😛雖然唔算好大隻 但好多膏！！肉質都好結實～仲有埋蝦蚶🤓喇沙湯式好香濃～帶有陣陣椰香味摻摻係有油麵同粉絲 份量都比得好足而且配料既豆卜索晒湯汁超級正～魚片同蛋就正常水準🥸大大碗成落好滿足！🐥招牌海南雞飯 $62😋：7/10海南雞好香滑！可惜既係佢有骨～如果冇骨同份量比多啲就更好油飯口感上有啲似炒飯咁好乾爽 入面仲有啲魚乾仔食落唔會油膩～🥞榛子醬西多士 $30😋：8.5/10同平時既西多唔同呢款西多入面係搽左榛子醬但咁既配搭又唔會好甜啵西多熱辣辣😻外皮香脆而入面仍有麵包軟熟口感好味又好邪惡啊🤪🍗避風塘生炸髀 $30😋：6.5/10上面既避風塘香料碎好多要小心啲～切雞髀果陣有啲呢hea一入口勁似媽咪麵🤣生炸既雞髀肉質都仲算juicy但生炸髀既水準可能未必每次咁一致今次就有少少炸過左火既感覺🥺Btw係重口味人士之選🤪尤其是媽咪麵愛

今次嚟到位於長沙灣嘅雪山冰廳✨係一間開咗業60年嘅老字號 由於價錢經濟而且幾抵食！所以附近都多街坊得閒會落嚟食下😍❶ 波士頓龍蝦叻沙滲滲 $78一嚟到係勁大碗✨湯底香濃惹味 幾重蝦味 而且帶啲椰奶香😋上面有半隻龍蝦 配料仲有魚片、雞蛋和豆卜等😚摻摻係油面mix米粉 有晒兩種口感🤪每一啖都非常掛湯 ❷ 經典芝牛蛋牛肉漢堡 $35包係用港式芝麻包 中間再夾着煎蛋、芝士 、免治牛肉和麻醬✨食落夠晒Juicy! 麵包微微烘過 牛肉漢堡幾厚身 不過略嫌煎得過乾🥺 整體性價比都幾高 值得一試～❸ 黑蒜田園炒時蔬 $45我哋揀咗炒菜心🤣感覺唔算好特別 識落黑蒜味唔夠重🥺不過為咗健康着想真係要食多啲菜🥺！➍ 樽仔奶茶 $25用左樽仔裝住 喺雪櫃拎出嚟夠哂凍😚唔怕啲冰融到淡哂味😋入口順滑濃厚✨偏重奶味 都有淡淡茶香🧋❺ 華田曲奇妙趣$25個底係華田底🥺上面有一大pat忌廉 隔離在擺咗一塊oreo曲奇 飲落唔算特別🥺我覺得就咁叫返凍華田都ok!

第二座雪山差不多兩年無來了，對上一次令人流哂口水的芝蛋牛堡、海南雞飯、樽仔奶茶等仍然吸引，今次嘅目標已鎖定幾款招牌美食。=̶老壇酸菜魚=̶ $88推介:⭐️⭐️⭐️⭐️(迷你份量)+寬粉估唔到冰室都有酸菜魚，味道有份還原地道川味，魚塊件數滿足，後來發現除了新鮮酸菜魚之外，還有其他當日活鮮在餐廳柱上黑板，最吸引的蟶子王要即時加單!=蒜蓉粉絲蒸蟶子王= $56推介:⭐️⭐️⭐️⭐️⭐️ 必點限量的特別推介大大隻蟶子王，$28隻(兩隻起) 就咁睇價錢都無理由唔叫😆上檯蒸出來嘅蒜蓉粉絲特別吸睛，蟶子彈牙美味蒸熟的岩岩好👍=始祖椒鹽豬扒飯= $62推介:⭐️⭐️⭐️⭐️⭐️必食除左招牌炸脾之外另一吸引嘅招牌飯👏飯底特別炒底，有咸有辣，睇返張相都想再食😋飯粒分明，色香味做到樣樣俱全!椒鹽豬扒一大塊切片，足料CP滿高分👍=港式茶走紅豆冰= +$9推介:⭐️⭐️⭐️⭐️冰室一定要點的懷舊紅豆冰，紅豆份量又係滿足之選，比樽仔奶茶多一份口感多了一份甜蜜滋味。若果來第四訪還有蔥油、咖哩、焗飯系列要試試，夏日特別還有湯飯，款式多到唔止冰室咁簡單👏👅美味: 8/10 😮驚喜: 8/10✨環境: 8/10 💆‍♂️服務: 7/10💡性價: 9/10 🐽飽

放假我和媽咪都好喜歡帶謙謙周圍去唔同地方玩下， 玩完就會係附近食野，今次係長沙灣體育館玩完就去左雪山食晚餐。玩完真係好肚餓叫左滋潤燉湯二人套餐 ：⚛️ 去骨霸王雞半隻 ～ 霸王雞加上青蔥和甜豉油，仲要無骨雞又滑好正，最岩謙謙食。⚛️ 黑醋薯角牛仔骨 ～ 我自己鍾情薯角，呢味牛仔骨先走油再加黑醋去煮好惹味。⚛️ 雞腳花旗參燉湯 ～ 好足料滋味濃郁，鲜美甘淳。⚛️ 油飯 ～ 加錢轉油飯， 雞油滲入飯裡幾香。🧋 港式茶走紅豆冰 + 凍檸檬茶月～ 用左茶走做底的紅豆冰唔太甜仲好飲。另加 老壇酸菜魚 （迷你份量）～ 估唔到迷你份量都會咁大碗， 魚片無骨夠滑溜，可以放心進食， 味道唔會太辣，連謙謙都食左好多片，配菜亦好多。

雪山餐廳青山道413號這間餐廳最特別令我們女生喜愛就是他們獨有的多醬汁西多french toast..西多士能夠做到好食真係唔簡單而且比其他半島酒店更好食。原因係他們可以做到皮薄餡靚醬料得多。配上特有凍檸檬茶簡直是為 vvvvv smooth icy..自己男朋友最喜愛當然係佢哋嘅酸辣魚。這款與特別之處非常嫩口。絕對適合唔鍾意食辣嘅朋友。而且食完之後唔會頸渴唔加味精。😊這間餐廳令我們起來因為位置適中鄰近地鐵站好適合打工仔。

《經典抵食下午茶☕》———————————————-#雪山冰廳 🗻-之前食過深水埗分店，今次咁啱經過長沙灣，又係三點三，梗係要去encore吓啦🥰-小店一如既往，走懷舊風格，無論係牆身定地板嘅階磚都透出八十年代嘅感覺🤗下午茶價錢親民，選擇多元，今次就專登揀咗啲上次無點到嘅嚟食😆-🐮雪山沙茶牛肉公仔麵嚟到傳統冰室又點可以唔食經典牛麵呢～醬汁比一般濃味，帶點微甜，味道濃郁，麵底煮得啱啱好，唔會太硬或太腍🍜常餐配埋頂級雲腿午餐肉炒蛋同香酥丹麥多士，簡直係無得頂😆-🍔 豬扒漢堡吉列豬扒炸得金黃香脆，啖啖肉，加埋芥末沙律醬口感豐富😜-🍞 花生芝味金鏄西多士外表炸到金黃，中間夾住芝士，表面放上牛油，再加上香甜嘅糖漿，完全係絕配，超邪惡，無論大人細路都一定中意😍-🧈 菠蘿油菠蘿包食落都算皮脆，自己將冰鎮嘅牛油夾落去，就成為冰火二重天嘅菠蘿油啦😎下午茶餐加配海苔炸薯條-❤️ 紅豆冰雖然其他飲品都唔錯，但要尤其讚下個紅豆冰，夠哂大杯足料，淨喺睇表面就見落咗唔少紅豆，真材實料，而且夠哂冰涼，啱哂夏日炎炎消暑用😚-⭐ 參考價錢︰吉列豬扒漢堡配華田曲奇：$41花生芝味金鏄西多士配紅豆冰：$41菠蘿油配雜果賓治：

今日要去長沙灣做野，立即搵下有冇咩好野食。搵到依間老字好又新潮的冰廳試下。食飯時間入到去坐無虛席，你就知道係好野。見到好多人枱面都放住個肉醬意粉加漢堡，雖然好吸引，但我係俾佢的 始祖椒鹽豬扒飯 吸引入來的，當然要堅持己見，叫個來試下。食物好快上枱，但唔代表佢食凍哂，反而見到佢出哂煙，熱辣辣。係一個咁繁忙的中午都堅持到即炒，已經嬴左一半。始祖椒鹽豬扒飯 (炒底) : 炒底飯唔止有色，夠味，配料天多，2個女仔來SHARE一個都得呀。 豬扒帶骨分件去炸，唔係好乾也好入味，雖然講唔算出色，但都不錯。奶茶紅豆冰: 試下新野，紅豆有沙，唔算太甜，處理得唔錯。但個茶底帶少少 苦味，燶?過度焙焗? 可能自己唔識野，不過就唔太喜歡，個苦味輕身D會好D。 

這次我跟男朋友第一次到長沙環食這間餐廳心中滿是歡喜。主要原因他比較近長沙灣及荔枝角地鐵站。可以剛剛movie之後過嚟食真係可以填飽肚子。我自己作為女仔當然嘅海南雞飯同埋薄荷凍朱古力。cold朱古力可以比女仔溫暖感以及安全感真係稱心滿意,尤其是食緊辣野之後可以飲一啖真係唔錯。講返我自己最鍾意嘅海南雞飯首先這種海南雞肉質鮮嫩,最啱女仔食。唔太油膩容易消化吸收,好食過出邊任何大酒店。其次就係鍾意佢哋嘅服務殷勤而且位置適中。裏邊衛生各樣嘢唔錯而且舒適。😊