雪山冰廳

Open Now

Now Closed

今日要去長沙灣做野，立即搵下有冇咩好野食。搵到依間老字好又新潮的冰廳試下。食飯時間入到去坐無虛席，你就知道係好野。見到好多人枱面都放住個肉醬意粉加漢堡，雖然好吸引，但我係俾佢的 始祖椒鹽豬扒飯 吸引入來的，當然要堅持己見，叫個來試下。食物好快上枱，但唔代表佢食凍哂，反而見到佢出哂煙，熱辣辣。係一個咁繁忙的中午都堅持到即炒，已經嬴左一半。始祖椒鹽豬扒飯 (炒底) : 炒底飯唔止有色，夠味，配料天多，2個女仔來SHARE一個都得呀。 豬扒帶骨分件去炸，唔係好乾也好入味，雖然講唔算出色，但都不錯。奶茶紅豆冰: 試下新野，紅豆有沙，唔算太甜，處理得唔錯。但個茶底帶少少 苦味，燶?過度焙焗? 可能自己唔識野，不過就唔太喜歡，個苦味輕身D會好D。 

這次我跟男朋友第一次到長沙環食這間餐廳心中滿是歡喜。主要原因他比較近長沙灣及荔枝角地鐵站。可以剛剛movie之後過嚟食真係可以填飽肚子。我自己作為女仔當然嘅海南雞飯同埋薄荷凍朱古力。cold朱古力可以比女仔溫暖感以及安全感真係稱心滿意,尤其是食緊辣野之後可以飲一啖真係唔錯。講返我自己最鍾意嘅海南雞飯首先這種海南雞肉質鮮嫩,最啱女仔食。唔太油膩容易消化吸收,好食過出邊任何大酒店。其次就係鍾意佢哋嘅服務殷勤而且位置適中。裏邊衛生各樣嘢唔錯而且舒適。😊

老婆唔舒服，機緣巧合下買外賣返荃灣出餐速度好快，落左單只係等左7-8分鐘就整好左兩個餐返到屋企d野食都仲係熱辣辣因為要搭車返荃灣所以本身打定輸數d麵會林左但係！叻沙佢地超細心自動分左湯！佢地自動分左湯！佢地自動分左湯！唔會太咸，唔會太辣，鮮味滿分肉醬意既肉醬絕對食得出係新鮮人手整的叻沙本身我唔太好，但真係咁大個人第一次覺得咁好食！牛肉漢堡包既牛肉食落係新鮮手打，櫻花蝦炒蛋絕對係絕品跪求荃灣開一間！

仲記得係深水埗店食過佢既避風塘炸脾, 留下深刻印象, 真係好鬼好食, 今日係長沙灣搵人, 係附近住既佢原來都係雪山既捧場客, 就一於去嗌餸食飯!栗子燉烏雞湯加錢就可以轉套餐, 十分建議大家揀燉湯, 因為真係足料又清甜, 熱辣辣原盅上, 好正! 蜜椒野菌薯角牛仔骨煲上枱時仲係熱到滋滋聲, 望落都見到好豐富, 野菌, 三色椒, 薯角同埋牛仔骨既份量都好足, 沾滿哂黑椒粒, 賣相係吸引既! 薯角表面仲微微脆, 牛仔骨夠腍身, 調味出色, 入口香濃黑椒味帶少少甜蜜味, 好好食! 最想一讚既係, 食到底既時候唔會成底油係度, 反之係非常乾身, 唔怪得食落特別香口又唔會覺得好油膩, 真係高質!  咸魚蓉土魷香煎肉餅6塊大大塊又厚身, 大啖大啖入口好滿足! 咸魚蓉已經完全融入左肉餅當中, 土魷則增加整體口感, 入口啖啖咸香惹味, 咬一啖再扒啖飯, 真係輕易撈到兩碗飯!麻辣銀牙韭菜花炒鮮魷幾特別既一個小菜, 唔係度度食到。麻辣味唔算好重但有其香味, 反而中意佢唔會太重口味, 唔會蓋過韭菜花既味道, 鮮魷份量多又彈牙, 又係撈飯一流!今晚叫3個小菜都好高質, 而且份量又大, 再叫埋依度既樽仔奶茶同檸茶,

繼上次食完下午茶見到餐牌有咁多選擇之後，今次再嚟食晚餐～波士頓龍蝦喇沙滲滲 $78大大碗嘅喇沙滲滲，除咗有半隻龍蝦🦞之外，材料豐富，有蛋、魚片、豆卜，油麵同埋米粉兩種口感，索滿香濃惹味、帶點椰奶香嘅湯底始祖椒鹽豬扒飯(炒底）$62侍應姐姐話好多人叫呢一個，話一定好食😆呢碟飯份量勁多，椒鹽豬扒有好多舊，炒飯好似食極都仲有咁！炒飯嘅味道唔錯，辣辣地，椒鹽豬扒就略嫌乾身咗啲啲，不過整體嚟講都好惹味！呢間冰廳環境唔錯，光猛乾淨，座位闊落又好坐👍🏻

以前嘅冰室淨係買紅豆冰、咖啡、三文治呢啲輕食，宜家呢個年代嘅冰室就通常以懷舊做招徠，但係食物嘅種類就多好多，呢間冰室有小菜、焗飯、蛋包飯、喇沙等等等等....連下午茶嘅選擇都多到揀唔到😆今日我地就嚟食肥仔下午茶榛子醬西多士 $32下午茶梗係要食西多士，呢度嘅西多士比邪惡更邪惡，一切開有滿滿嘅榛子醬，鍾意食甜野嘅我見到都開心😍大大啖放入口，咩叫減肥🤣🤣咸蛋黃雞中翼 $35另外一個比較特別嘅下午茶餐，香噴噴嘅鹹蛋黃，加上炸得香脆嘅雞翼，如果雞翼可以大隻啲就好喇樽仔咖啡 +$9冰室好鐘意用呢啲樽仔奶茶、樽仔咖啡做賣點，呢樽都唔錯，咖啡味都夠，奶夠滑茶走紅豆冰 +$9貪心嘅爸爸👨🏻想食紅豆冰，又想飲一杯冰凍嘅茶走，呢杯茶走紅豆冰一次過滿足佢兩個心願！

雪山冰廳今日同老友記聚一聚，佢開長沙灣當然就係搵平靚正又好抵食嘅茶餐廳啦，喺區內來講而家餐廳都算係數一數二嘅黃太，佢哋嘅招牌菜都特別多海南雞飯估唔到冰室都會有一啲高質素嘅海南雞食，佢哋嘅海南雞皮滑肉嫩，絕對係餐廳幾高質素招牌次選滑蛋鰻魚飯另外一個估唔到嘅就係冰室都有甘高質素嘅日式鰻魚飯食，原條鰻魚太大隻肥美又好食，配上滑蛋與別不同避風塘生炸雞髀配紅豆冰同朋友食完整親都覺得好肚餓，所以轉啱啱好下午茶時間叫咗個馳名嘅避風塘雞髀，佢哋嘅雞髀太大隻一隻手掌都捉唔住，再配上避風塘識嘅炸蒜，好食之餘又邪惡😀配上紅豆冰真係超級抵食絕對唔難估到佢點解會係佢咁出名，因為佢哋真係抵食又好味而且餐廳水準十分之高。雪山冰廳果然出名

芝士焗波士頓龍蝦海鮮飯 ，表面鋪滿芝士，波士頓龍蝦肉質爽口，味道鮮甜，內有大量魷魚、蟹柳、西蘭花、青豆、紅蘿蔔、雜菌。始祖椒鹽豬扒飯炒底，椒鹽豬扒肉質厚嫩，食落好惹味，炒飯充滿蒜頭、辣椒、香蔥、豉油味道，食落好香口。經典芝蛋牛肉漢堡包，芝士味道咸香，煎蛋有蛋汁，牛肉漢堡扒肥瘦適中，肉味濃厚，麵色表面鋪滿芝麻，口感鬆軟。榛子醬西多士，表面鋪有牛油，西多士食落蛋香味濃，配以榛子醬夾心、糖漿食用，味道甜而不膩。避風塘生炸髀，即叫即炸，份量大，雞脾口感外脆內嫩，肉汁飽滿，表面鋪滿炸蒜、辣椒乾、黑芝麻，味道香辣。紅豆冰，紅豆口感軟綿，味道香甜，牛奶奶味醇厚。熱忌廉咖啡，味道濃香、不苦澀。

.同朋友行開長沙灣 夜晚見肚餓😄搵下附近有咩好食😋行過見到呢間 入面都有好多街坊食好似唔錯喎 就入去試下啦😇.叫左個兩人餐+一啲小食成枱都係野食 超開心 超滿足🥰二人餐有兩個餸 跟兩個例湯我地就叫左個魷魚通菜同埋半隻霸王雞又係雞 超正😜啲肉好滑 好入味 唔錯😎至於魷魚通菜就差唔多啦😉正正常常.經典芝蛋牛肉漢堡包🍔呢個配搭絕對冇得輸！如果啲芝士再溶啲就仲正🥰.之後仲叫咗榛子醬西多士必吃！有榛子醬喺度都係第一次食咁樣食又幾夾喎！.我最鍾意就係呢隻雞髀呢隻係避風塘生炸髀🥰🥰🥰又大隻 又啖啖肉 避風塘呢個風味又真係幾夾雞髀🍗個皮好脆啊 咬落好滿足😆真係好想食多隻😙.🥢雪山冰廳 (長沙灣)📍長沙灣青山道413號東景大廈地下4-5號舖

「雪山冰廳」係一間菜式多元化嘅冰廳🤗.半隻砂煲生啫滑雞🐔用咗菇菌🍄芫荽🌿青椒再加上秘製醬汁烹調而成🫑非常滋味😋.XO醬海中寶西蘭花+白飯🐠有斑片🐟鮮魷🦑蝦球🦐加上新鮮嘅西蘭花炒🥦充滿XO醬，超級惹味🤤配埋白飯就一流🍚.原隻鮑魚福建炒飯🥢鮑魚有2小隻，質素相對差啲🥺但其他配料都好多，醬汁調味剛好👍🏻.滋潤燉湯🥣湯頭清潤帶藥材甘甜😌無味精，有雞腳同豬肉🐓🐖.華田曲奇妙趣🥤阿華田味道香濃，曲奇味唔夠突出😢.鮮檸檬可樂🍋普通招牌特飲

前陣子回到長沙灣舊屋執搭一下順便跟從前的鄰居兼好朋友吃個便飯不用多想 就老地方雪山吧下午時段喜歡吃她們的焗飯晚餐都是吃小菜套餐居多今次想試試酸菜魚就點了一份二人套餐 一份酸菜魚 以及一份小吃老壇酸菜魚(土豪份量)跟寬粉 $158我們點了大份的 人少的也可以點小份的份量非常多 滿滿的一大盆上面是魚件 份量不少 下面是寬粉 雲耳 芽菜 酸菜等配料除此之外也附送了一碗寬粉 所以份量真的很足魚肉嫩滑 鮮味 啖啖肉沒有骨而湯頭酸酸辣辣的味道正宗樽仔奶茶 跟餐+$15另外點了一個小菜二人餐 包含半隻海南雞 一個小菜 兩個飯 兩個湯或熱飲飲品必定要試她們的樽仔奶茶套餐+$15是超值的味道特別香醇 口感細滑燉湯 餐廳一般都是味精湯這她們的是燉湯 也就是媽媽的味道喝到的時湯料的清甜 沒有半點多餘的調味海南雞半隻滑滑的海南雞也是每次必吃還附上兩種海南雞醬料 算是很不錯了油飯 跟餐+$5我們+$5將白飯轉油飯吃海南雞必配油飯 油香十足 夠惹味蜜椒野菌薯角牛仔骨煲牛仔骨啖啖肉 而我更愛的是配菜軟軟糯糯的薯仔 香甜的青紅椒配上甜甜的蜜椒汁 送飯就是無敵了最後點了份咸咸香香的咸蛋黃雞翼完美作結

之前試過喺長沙灣嘅港口味，覺得比起一般茶餐廳嘅食物有更多特別嘅食物同飲品，所以今次試埋佢嘅朋友雪山冰廳！.波士頓龍蝦喇沙摻摻 $78🦞🍜睇menu見到出咗幾款波士頓龍蝦粉麵飯，最後揀咗喇沙摻摻。大大碗賣相吸引，除咗半隻龍蝦，仲有溏心蛋、豆腐卜、魚蛋、芽菜等等，配料豐富。喇沙湯頭濃稠帶椰香味，落咗參巴醬所以有啲辣。摻摻有米粉同油麵，索咗湯好入味。.經典芝蛋牛肉漢堡包 $36🍔+$8海苔炸薯條🍟麵包烘過面脆內鬆軟，牛肉肉質啱啱好，唔會太韌，最正係隻流心半熟煎蛋，牛肉索咗蛋汁加埋芝士，味道豐富。薯條新鮮炸起脆卜卜，灑埋海苔粉更加分。.咸蛋黃雞中翼 $35🐥雞翼炸到金黃酥脆，外皮沾滿咸蛋黃醬，仲食到粒粒咸蛋黃，味道濃郁非常惹味。.榛子醬西多士 $32🌰🍞+$8粟米雜果沙律🥗花生醬西多士就食得多，榛子醬嘅都係第一次試，幾特別。西多士新鮮炸起好香口，入面搽滿榛子醬，每啖都食到榛子醬又唔會太甜，估唔到同西多士幾夾。配埋一大碟雜果沙律，食完好飽足。.港式茶走紅豆冰（跟餐+9）🥤.雜果賓治（跟餐+9） 🍹.總括而言：係茶餐廳食到呢啲特別嘅菜式食物以西餐為主，選擇幾多味道唔錯，價錢親民，去開附近可以一試！

雪山冰室在這區很久，老字號了，平靚正。.2人餐有燉湯兩盅飲，有豬肉雞腳等材料，滋潤解渴呢。去骨霸王雞 - 有半隻，去了骨後依然好多肉，雞肉嫩滑，加上豉油及蔥蒸，很有住家飯的味道。咖喱彩椒牛魔王煲 - 牛魔王是當之無愧，有牛仔骨、牛腩、牛筋、牛肉片，份量多，超正。咖哩濃香，煮到牛肉好入味，上台時是熱騰騰的，真正的煲仔呀！咸魚蓉土魷香煎肉餅 - 一共有6大塊，真心兩塊我已經可以當一餐，這碟的份量足夠3-4個人食。足料厚物，食得出有咸魚的咸香，也食到粒粒土魷，即時生煎，所以製作時間需時。來雪山冰室，必點樽仔奶茶，夠醒神。

今日我去左長沙灣，行到夜晚攰攰地，見到呢間餐廳幾多人，裝修企理光猛，就坐低試吓佢。餐牌選擇有好多，有五有波士頓龍蝦叻沙，咖喱，酸菜魚都有。由於嗰日我哋行到七八點，所以最後買咗幾個小菜做晚餐。嗌完餸之後好佢就上個跟餐燉湯，個湯係成中燉嘅，飲落冇味精，有好多材料喺入邊，仲食到有舊煮到淋晒嘅煲湯豬肉。富貴滑雞煲顧名思義個雞煲啲材料都好豐富，有鮑魚有花膠，啲花膠煮到淋晒，仲有好惹味嘅滑雞。美極牛仔骨呢碟都好惹味，上碟份量好多，件件牛仔骨都啖啖肉，配合埋啲美極汁，可以拎黎食幾碗飯。咁之後我哋仲嗌左個蒜蓉炒菜芯，份量都好多，啲菜好新鮮，岩哂健康人士。

最近疫情好轉，都係時候去同女皇嘅爹娘聚吓食餐飯。而對佢地黎講雪山冰廳就係佢地嘅食堂。差唔多成年無黎，環境無乜點變，而疫情下大家當然要盡足責任做個安心出行同量個體温。今晚最想試嘅就係新品，老壇酸菜魚。如圖所示有倆個size。呢個係土豪份量，以冰室黎講真係好有誠意。味道酸辣適中，魚肉嫩滑，份量名副其實嘅土豪。另外可選擇跟白飯或者寬粉。(個人建意跟飯，因為個魚本身都有寬粉底)黎到雪山我有倆樣必點一係跟餐嘅燉湯，味道清得黎，食得出夠足料夠火喉。另一樣就係樽仔奶茶--香同滑你找對了。阿爹最愛嘅紅豆茶走冰豉椒炒蜆---鑊氣十足，每隻蜆肉都十分肥美，送飯一流去骨海南雞--皮下僅存嘅一層啫哩，令皮肉溶為一身唔好忘記佢嘅辣椒醬。蜜椒野菌薯角牛仔骨煲---一樣係送飯之選。整體都唔錯，唯一失望係油飯似乎略為退步，偏濕軟嘅口感，唔夠香口。