雲川 米線．紅薯粉 (盈豐商場)

Open Now

Now Closed

自從搬到屯門住後，就不停探索平價美食小店，可惜發覺很多餐廳格價竟然拍得上市區。不過，在工作地方附近發現盈豐商場裏有一間長期客滿的米線店，中午時段特別多學生，更有其他客人會打電話訂枱，再同時間十多個人一齊來。＄36一餸米線包熱飲，最愛麻辣湯底，附上微辣肉碎、韭菜、芽菜和蔥，每加一款餸多＄6，最多人點就是豬頸肉，一條條燒豬頸肉切好，肉唔會太乾，同時有香脆口感，絕對令人一試上癮。湯底香濃主要肉碎出味，但有時不想吃辣，也可以試鮮魚湯底青甜美味。小食必選麻醬手撕雞，調味太完美，必點麻醬！五時候更有串燒供應，價錢便宜，有原味、麻辣、孜然選擇，最推介孜然粉味！

早幾日聽朋友講話呢間野好好食，所以就特登去揾呢間野試下。舖頭位置唔算就腳，不過為左食好野無計啦。嗌左酸辣湯小鍋米線，餸就叫左口碑好好嘅豬頸肉同菜肉雲呑。湯底好濃味，豬頸肉真係超正！外脆內軟，切到細細條但都好有咬口。

今日親友帶我去試，一去到店內好多人，差不多全店坐滿，今次嚟係食下午茶，都好抵，因為36蚊有兩餸仲有凍飲，我自己就叫咗個腩肉豬腸豬骨湯底紅薯粉， 腩肉非常入味，今次冇食辣，只叫咗個豬骨湯底，下次會再去，要試下佢哋嘅酸辣/麻辣，因為親友介紹佢嘅酸辣，麻辣都做得我出色，親友就叫咗個酸辣魚角豬頸肉薯粉.嘩。。。好多豬頸肉呀

位置在盈豐商場入面，在商場入面 唔行去另一邊都唔知有間米線鋪，都係去順豐羅野 樓上望落去先發現咋，見到咁多人等位既，成十幾人等緊，就一於試下，叫了 豬扒 酸辣米線 ，一吃 就愛上 唔同譚仔的，呢個係正宗川辣 好香口 正 ～～

呢間小店位置有啲偏僻，起商場既角位朋友話好食所以先會同朋友山長水遠入黎食😅粉麵全日都有，不過晚市就再有串燒分別叫左兩碗米線，因為大家都鐘意食米線多啲，所以就無試紅薯粉啦豬頸肉，菜肉雲吞魚湯米線$42豬頸肉切得好幼細，不過份量夠多！味道唔錯，甜甜地有啲蜜糖香。菜肉雲吞就一般魚湯唔錯，清清地豬頸肉豬潤豬骨湯米線$42豬潤ok ，無"壓"味，不過略嫌薄左，無咩咬口豬骨湯無咩特別個人覺得，豬頸肉同魚湯可以試下PS : 午飯時間，未到十二點半已經開始多人，早少少去可以坐到卡位舒服啲！

雲川燒，日頭只有米線食，夜晚就多左串燒可以食✔️✔️如果大家係鍾意食米線，可以食雲川燒，裡面有唔同湯底，而我就食左魚湯，味道好好，而依到既豬頸肉又係好好，量又多，推介✔️✔️👍🏼👍🏼👍🏼

宜家逢星期日基本上都會全家去雲川燒食晚餐。因為我哥好鐘意食呢到出名既豬頸肉米線。啲豬頸肉唔係一片片咁，係薄切做一條條，好好食～不過因為我太愛食豬大腸，所以米線都叫左豬大腸。有幾款湯底簡，我簡左酸辣，我媽就鐘意魚湯～ 另外再簡要小鍋米線呀定其他，有幾款配答～30幾蚊包杯野飲，次次都簡豆漿，因為好抵，一大枝～拿係呢到必叫既一定係炸大腸炸大腸同炸大腸！真係岩炸起熱辣辣外皮好脆，會食到停唔到真心～雞翼尖都必叫，唔記得影相，佢係勁軟好易咬，好重蒜蓉味同係辣既好過癮！

上朋友家探孖b, 由於地方細，我地買外賣上去食，除了韓國野，仲睇到呢間餐廳幾整潔，服務員又親切，見到有紅薯粉，好想食，就叫左香茅豬扒熱伴紅薯粉，因為要湯就食得好論盡~我地完全無睇收據張單，叫完就等拎，返到去開來食，發覺點解廚師咁好刀功，切到咁薄咁幼嘅肉片，原來豬扒變左豬頸肉囉雖然都好食，但我想食嘅是香茅豬扒....仲有芝士年糕，好期待食佢，當打開盒時，見到佢好似油浸咁，好肥.....雖然芝士年糕本身係幾好食，好煙韌，不過真的好肥膩，張吸油紙可以吸多啲油就好啦，同埋拎到返去都唔太熱了~整體有好有唔好，但我仍值得再試下其他食物

雲川燒係媽咪介紹我去食，佢講到天上有地下無既咁好食，仲指定我要食豬頸肉米線，我就懷住半信半疑既態度去一試⋯ 原來我媽堅唔係同我開玩笑😳😳😳😳😳🗣「超級好食呀！！！！！！」.大概8點左右去到餐廳，人頭湧湧要搭檯，但無損我嘗美食既心情 wohoooo.👉🏻豬頸肉酸辣米線（小辣）好食⭐️⭐️⭐️⭐️⭐️我媽果然無介紹錯呀，超級無敵一級棒首先湯底好夠酸，好濃味，d香蔥肉醉好吊味；豬頸肉剪到咁細條都依然保存到肉汁～ 而且燒得火候岩岩好呀，好脆😋😋😋😋😋.👉🏻蒜蓉牛油焗金菇菜好食⭐️⭐️⭐️⭐️蒜蓉無同你慳，一pad見到係錫紙入面，所以好香好香～ 份量都比想像中多（食完有排刷牙lu😂😂）.👉🏻孜然燒花枝丸 好食⭐️⭐️⭐️⭐️成粒上大大粒（試過出面係比半粒你😭）孜然少覺得可以再落多dd 👉🏻燒菲菜 好食⭐️⭐️⭐️半唔會好油，都係唔夠孜然粉😂👉🏻燒五花腩無咩特別😆 好食⭐️⭐️⭐️.👉🏻燒雞翼我鐘意食好食⭐️⭐️⭐️⭐️燒得火候岩岩好呈現出黎既金黃色～ 好香好脆～～～～～啖啖肉.其實真係幾好食，一定要再黎～♥️

我最愛的米線店有兩間，而這間就是其中一間。位於建生，由於不是旺區的關係，基本上都是做屋邨、學生及鄰近醫院生意。相信要一般人要到屯門醫院探訪或者青生醫院開放日才可以到來一試！工作關係，經常光顧這家餐廳而香茅豬扒麻小辣紅薯粉走芽菜就是我最常叫的！香茅豬扒麻小辣紅薯粉 $33米線/紅薯粉 $33 包一項配菜 多於一項則額外加錢香茅豬扒或豬頸肉是我最推介的配菜豬扒相信是經過醃製的⋯因為除了豬扒表面外，豬扒內都有著重重的香茅味！絕非馬虎臨急醃！而肉質非常稔和滑，輕輕咬一口便可以切斷，而且豬扒不帶凍肉味！輕輕咬一口配著香噴噴的香茅味，實在令人垂涎！ 推介而且豬扒是大塊的 塊扒size 絕無偷工減料，未吃時 它有接近碗那般大的豬扒！很好很好！湯底味道 我每次也選麻小辣點了麻辣後 基本上跟外面的雲南大米線一樣 會加入炸醬碎肉作調味。而這裡也不例外，只是炸醬不多！如喜歡妒醬皂人話必需要額外點咯口味方面： 麻感不足，但配上清甜的豬骨湯低 又是另一番滋味我是個不太能吃辣的人，但這個湯底對吃不到辣的人還是可以接受！小辣還可以！所以推介！而飲品方面就可以加＄3飲豆漿或者其他凍熱飲品希望大家會喜歡❤️

佢個豬頸肉真係一絕!好多好多。真心好香🌞🌞🌞🌞 真係好用心 係燒過再碎剪。🌝好中意呀，個湯唔洗講啦 好野味⋯辣死都要飲個雲吞餒好食既⋯但個包我覺得就厚左d lor其實佢個燒茄子都好好食🌙🌙🌙🌙🌙

第一間令我想一試再試既米線餐廳好食既唔係因為佢好味,係我想知點解每次食完都要狂飲水!第一次食係好好味 因為湯既濃度同味道係一絕!!第二次食 就覺得湯既酸度太勁,要求待應唔好咁酸(待應回應:湯底冇得走酸,一走整定)第三次食 試左好多餸,都叫可以接受!! 但我見到有人送黎一包包好細既湯包,湯包上印有簡體字!(有魚湯,豬骨湯等等...)自此之後我就冇再黎,因為覺得呢間野.....食得多會影響身體就算再好食又點?? 食完個口好辛苦~不停要飲水....點解?呢間野偶然食一次就可以....始終湯底係一個味精包....不食為妙!!

又係下晝開飯嘅時間啦，今日同啲同事去咗呢度雲川燒。名副其實呢度其實係食串燒加埋雲南米線嘅餸係lunch時候呢就超多學生喺度食逼到爆，次次等位等到傻，但都照等因為好味。我係呢度超好味燒豬頸肉既粉絲黎。先講呢度嘅米線，湯底有好多種有麻辣、酸辣、、豬骨湯、魚湯仲有撈米線。除左魚湯全部都辣既，不過辣得黎都幾惹味。$36包一個餸比起附近幾間米線係有少貴，佢呢度有螺旋藻結唔係好多地方有得食呢啲健康野，同埋花枝丸好食嘅，香茅豬扒同埋係必食既豬頸肉切幼條，燒得好香又有咬口，有個燒汁味得來又少少甜味。酸辣湯底好濃，紅薯粉充滿彈性，叫咗蘿蔔今日啲蘿蔔就多咗渣，不過係甜唔苦，仲有叫咗雲耳爽口。料多好大碗😋

好耐冇黎過盈豐食晏，每次返到黎都會覺得有啲唔同，以前細個果時係呢個商場剪頭髪、學畫畫同補習，對佢既回憶就係有好多好野食XD，雖然商場入面既裝修冇咩點變，但賣野食既就久唔久會轉下，呢個亦都係佢既其中一個特色，今次就黎到呢間細佬放飯成日會黎食既雲南米線。聽聞呢間野開業冇幾耐已經好多人黎食，主要係一家大細同做學生客，今日黎到唔駛點等位已經有得坐，睇一睇menu，都係果幾味，諗住求其嗌個米線算，價錢唔算貴，$42左右兩餸米線包野飲。豬頸肉香辣腩肉小麻辣米線，我叫左最愛既豬頸肉同食米線必叫既腩肉，加埋個小麻辣，建議平時食開中辣既朋友叫小辣好啲，因為已經好夠辣味，連平時食開辣既細佬都話中辣完全係辣到會有孖膶腸XD，等左一陣好快就黎到，先試湯底，味道偏濃但唔會話好似拉麵果啲咁杰，非常啱我口味，豬頸肉頗為香口，做得算係唔錯，用黎配湯麪一流!至於腩肉就雖然叫左香辣，但湯底本身係麻辣，所以唔係好食得出肉本身既辣味，但鹹香味夠，唔會好似出面果啲咁冇味，總括黎講呢間係屯門區我到目前為止食過最好既雲南米線，推介!

香港的物價高，出街食飯動輒二、三百元，抵食的餐廳已經沒有了嗎？當然不是。屯門區是美食天堂，搜羅了這間地道小店「雲川燒」，價錢絕對是物有越所值，也是我的拍心口推介「雲川燒」此店設在屯門建生，看起像平民餐廳，菜式有十多款，走經濟型路缐。款式之廣相信街坊不會悶，平均消費只是$40左右。其中一款是我誠意推介「香矛豬排麻辣米線」豬排軟鬆滑，入口鬆化，外香脆乾，切成一片片，肉質仍存肉汁，色澤金黄而夾有香茅清香， 沒有什麼冰鮮味，相信醃製功夫做到足，是本米線的精髓所在。湯底麻辣惹味十足，麻味衝激味蕾，一陣子辣香攻上鼻孔，不足以言詞形容。米線吸收湯底鮮美，腍粉質感，非常飽肚。大家有時間可光顧一下！