雲川 米線．紅薯粉 (盈豐商場)

Open Now

Now Closed

以前佢又細舖做到變咗大鋪覺得佢真係做得越做越好每次去親都要等位排隊真係最欣賞係佢嘅豬頸肉非常好味 一啲都唔會吝嗇非常大份 每一碗都非常足料而且佢啲小食都非常之正如果鍾意食辣真係幾唔錯

好食嘅紅薯粉鋪頭，首選係豬骨湯配紅薯粉，少少辣，個湯好入味。另外佢個酸辣湯亦都同其他鋪頭嘅唔同，酸得來帶點微辣好惹味。配料方面，佢個豬扒同豬頸肉都做得非常出色，蘿蔔亦都炆得好好，浸落啲湯度食入曬味真係好好味。

公司就在這間雲川燒附近， 有機會食午餐 就一定來到這裏點我最喜愛的酸辣 米線， 小酸辣已經適合我的辣度， 配料我會選豬排，豬頸肉或螺旋藻，再加一杯凍檸茶，超正。不過人流太多，有時很難等位，一人去吃，比較容易取位，樓面阿姐又好醒目，服務也OK。

芝士腸入邊仲係凍 鴨胸唔似鴨胸有浸紅腸味 未到好難形容 太複雜我平人唔識欣賞 份量多但唔好食都係冇用本人覺得譚仔會仲好食或者去虹橋嗰間雲貴風 覺得呢間以前仲係細鋪個陣都好好食

有時想食米線都會黎雲川燒食，我通常叫清湯但有炸漿嘅，之前食過佢個酸辣，對我呢個唔食得辣嘅人黎講真係太辣啦，食到係咁流鼻水😂😂😂清湯加炸漿都有好些微嘅辣，我覺得好好食😂😂

呢日嘅下午茶去咗盈豐商場呢間雲川燒食米線🍜，仲有另一間分店喺紅橋嗰邊~餐牌有落單三步曲睇，方便大家，減少落錯單嘅機會！首先揀咗湯底先，我食開酸辣湯，湯底好濃郁，因為我本身鐘意食酸嘢嘅，食食下米線就唔小心飲咗半碗🙈如果第一次嚟食，建議揀少酸，因為比起譚仔真係好酸下架！ 今次食微酸辣豬頸肉配雞翼米線豬頸肉份量超多，雞翼係滷水嘅，有2大隻 $45就有交易 +$3有凍飲，都算抵食嘅👍🏻 日後又多咗間食米線好地方，唔使成日食死一間吖嘛^^

今日去咗位置喺屯門嘅呢間雲川燒，有一個住左喺屯門好多年嘅朋友仔帶我去食。佢同我講呢間最出名唔係佢啲米線而係佢嘅豬頸肉。咁今日我就點左一個小窩米線配兩個餸點左一個煙鴨胸另外一個係朋友極力推介我點嘅豬頸肉而湯底我係揀咗酸辣湯底小辣。個湯底方面：食到佢酸酸辣辣亦都有好香濃嘅豬骨味味道尚可而且配菜都有好多有芽菜肉垂等等一般小窩米線都會配備嘅配菜，但米線覺眼要叫佢煮耐啲最重要嘅豬頸肉方面：豬頸肉佢已經切好咗，一條一條方便你食由於燒過嘅關係亦都比較香比較脆。但係佢不設另外一個碟擺好豬頸肉所以如果豬頸肉浸湯好耐的話就會變到好淋整體來講佢嘅豬頸肉屬於中上好食

位於屯門建生的雲川燒是辣薯粉愛好者的好去處。在良田體育館打完羽毛球後十分疲倦和肚餓，作為麻辣薯粉愛好者的我立刻想起這間雲川燒，便與同為食辣鬼的朋友一起來到在這裡。我叫了一大碗中辣麻辣豬頸肉紅薯粉。這碗薯粉的豬頸肉奇多，其肉質新鮮爽嫩、油而不腻。薯粉質素優良，粗幼適中，爽滑彈牙，份量充足。麻辣湯亦辣度十足，麻辣味鮮香，湯味亦不會太鹹和味精味不會太重，沒有感到因味精多而渴水，只不過湯的油量可以少一點的話就更好了。  

呢間係我食過最好食既米線🍜之一，佢以前係有做串燒架，但現架只主打米線 黎食就一定會叫腩肉或豬頸肉呢二個餸都好好食👍🏻而湯底本人就十分愛食酸辣有分（微、小、中、大），酸辣做得好正酸味夠而又跟辣，而佢既麻辣都做得不錯一樣有分辣度。 而且價錢不貴$38包飲料，分量是足夠的。真心好食，值得去食完再食，係寶田到都搵到好食既米線真係好，係冬天會特別想食呢間野，所以會時不時就會出現少人龍係到等位，但都好快就會等到有位入去坐底，因為姐姐見你一食完就會問你仲要唔要順便執野，想坐多一陣都比較難，無人等就唔會咁樣既。

酸辣燒豬頸肉薯粉，湯底幾香濃，湯底入面有唔少酸菜同臘肉碎，真材實料。紅薯粉好夠煙韌，份量岩岩好。招牌燒豬頸肉真係好推介，切成一絲絲，分量好足，入味一D都唔會韌。咁岩係下午茶時間食，可以減4蚊，幾抵食。

朋友就推介咗呢間米線店！(麻辣湯紅薯粉配一餸 $38，鮮魚湯紅薯粉配一餸 $38)食過後覺得質素唔錯，價錢大眾化亦好多選擇。麻辣湯紅薯粉配一餸—麻辣湯底幾香濃，裡面有唔少酸菜同臘肉碎！紅薯粉好夠煙韌，而且好吸收湯味。招牌豬頸肉，切成一絲絲分量好足，非常入味一D都唔會韌！鮮魚湯紅薯粉配一餸—相比起麻辣湯，鮮魚湯就比較清D，但都幾香。另一款餸既就係佢自家既香菇貢丸，超級爽口又食到菇粒！

要利申定本身個人唔太好米線，食親都係一大班人去譚仔就算，但有日見到朋友Po story又幾吸引，第日就去試試去。一去到見到門口咁多人，已經心諗真係咁好味咩？嗌左豬頸肉雲吞重慶小辣，小食叫左手撕雞😋 豬頸肉真係好推介！佢切到細細條但好有口感，份量亦算多，雲吞就正正常常啦，無咩特別，手撕雞份量夠兩個人食，都食唔停口😂朋友叫左酸辣湯，但我就覺得重慶辣香口啲，酸辣感覺一般，感覺配薯粉會好食啲。總結：去屯門就必食

而家梗有一間米線鋪係附近，但未必間間好食，在眾多雲川X米線鋪當中，我覺得呢間雲川燒係最好食既一間。Menu相當精簡，雖然好多選擇，但主要係諗食豬扒定豬頸肉。小麻辣豬頸肉米線隻辣幾好食，但豬頸肉切到絲咁，無咩咬口。雖然美中不足，但我覺得湯底好食過其他米線鋪好多。飲品：有汽水豆漿揀，不過我主要飲凍檸茶，普通茶餐廳口味，無咩特別可描述

呢間隱世既米線鋪兩間分店都位於屯門，係幾偏但食過一次絶對會特登為左佢而返屯門食因為實在太好食！🤤🤤👍🏻👍🏻👍🏻分量多 湯底極濃味 大推麻辣湯底岩晒我呢d重口味既人最正係佢既配料 豬頸肉 豬頸肉 豬頸肉極正，我都講左三次 你唔係唔試過？另外我會揀佢地既螺旋藻，姐係好似海帶咁都係好脆口好食！完全係屯門人既福音 食完佢唔會再想食譚仔or其他米線 十分好評聽朋友講佢既小食現炸都好正，同埋下午茶可以減4蚊超扺食

最鍾意食米線，雲川燒簡直係屯門之首！佢最特色嘅餸就係豬扒同埋豬頸肉，d肉好冧，仲有個墨魚咀都好有咬勁，仲有出邊食唔到嘅海藻，我都好鍾意食。平日嘅午市時間簡直座無虛席，附近嘅學生街坊都會嚟食，d呀姐做到冇停手， 不過好彩嘅就係等位都唔算等得太耐，值得一試！