雲川 米線．紅薯粉 (盈豐商場)

Open Now

Now Closed

今天經過屯門虹橋，突然想食米線，一落巴士就看見這間米線店，便進了入去！叫了店員推介的豬頸肉米線，豬頸肉一條條很容易入口，肉質嫩滑，燒得火候剛剛好！湯底不會過鹹，沒有味精，還有很多肉碎，配料！米線不會過林！簡直令人回味！

身為屯門友，已經一直仰慕屯門無人不曉嘅呢間雲南米線舖多時，呢日心思思決定專程黎拜會呢間傳說中嘅神級米線舖。叫左碗經典小鍋酸辣米線，加配豬頸肉，不消一會就送上黎，湯底熱辣辣，散發出酸酸嘅香料味，令人食指大動。一入口簡直令人震懾，酸辣味加上鮮甜嘅秘製肉汁混埋一齊，配上最愛嘅酸菜、莞茜，味道極為豐富濃郁。配上香口嘅豬頸肉，簡直係停唔到口，連湯都想飲埋。呢間舖係紅橋個邊開左間分店，但分店質素較為遜色，味道不及主店。

半年冇食過我心目中no.1豬頸肉 對佢念念不忘😍😍上次食過紅橋分店 今次一於試下建生呢間總店先豬頸肉螺旋藻酸辣米線 $40豬頸肉係呢度必食🐷 份量好多 一條條幼條狀外面燒到微脆 好香口裏面醃得甜甜地 好juicy好入味超勁好食!!!(總之三言兩語講唔曬)友人係咁搶我d海草食 很健康吧湯底今次嗌小辣 對我黎講辣度岩岩好配菜都好豐富 酸菜同辣肉碎送米線係惹味既😋😋😋豬頸肉魚角酸辣米線 $40魚角彈牙爽口 裏面有d調味 味道唔會好單調麵配一隻餸$37 再加每款餸$7 平日2pm下午茶減$4聽講香茅豬扒同小食都唔錯 下次要試

一人吃晚飯真的想吃得又快又好又不可貴，這時香港的小店就是我最好的選擇。雲川燒是最近開始在屯門區新增了兩間分店，吃過幾次麵覺得還不錯，所以今天又挑來解決我的晚飯。雞中翼酸菜中麻辣米線$44，還有杯熱奶茶晚餐這價真的超值，有得吃有得喝。最重要是味道還不錯。雞中翼有兩件，不會很小一隻的正常份量。然後酸菜是腌製過又辣又酸非常開胃。湯底濃即使中辣又不會一層油，米線又不會太軟身有點彈性吃起來很酸爽。香港特色小店真的是窮人恩物。

呢間米線幫襯左好多年嚕由新開細細間得兩三張枱仔，到而家搬咗大舖，仲開埋分店以前鋪仔細細，有即叫即燒嘅串燒， 開晒啲枱係出面咖特別係冬天，雖然凍，但好有風味最鍾意食佢嘅燒羊架同埋燒帆立貝，每次都會叫個米線再加串燒可能好少人食串燒啦，而家冇晒嚕，得返米線同埋小食，因為佢本身主打係串燒，冇咗好似差咁啲嘢咁不過米線同小食依然好食，所以成日都會幫襯，我細佬食得好辣，成日都會叫佢嘅大辣黎食，話佢夠辣喎附近有好多同類嘅鋪頭，但始終都係鍾情呢一間，唔食得辣嘅朋友仔可以叫佢嘅魚湯米線，都唔錯㗎

屯門返工三年，最後一年先知呢間小店，午飯特別多人，行十分鐘先到店都要仆過去食。真係食咗無數次，湯好濃唔鹹，食完唔口渴，到到去咗油麻地返工平時放假都要間中返去食。味道無得頂，做到濃同辣都剛好。食物份量好大份，豬扒成塊上，其它送都算多。另外一提係要讚老細管理做得幾好，環境乾淨聞唔到小強味（我鼻好敏感個環境係咪有小強），老闆親力親為落場落單同做樓面。只安排一個姐姐去安排位置同人流，無見過佢地亂，就算冧曬檔都無話亂嘅，要走配菜就無漏過！老闆仲教員工如果响同一時間發生幾件事應點分次序處理，從小事睇到老細係幾有心做，唔係話生意多就態度差。員工配合同默契好好。第一次試鹹檸樂，幾得意。特飲加$5

住附近都食過1-2次都還可以 今次真係激氣又唔好食 再無下次（服務）想叫豬頸肉墨魚咀熱拌紅薯 佢黎左墨魚咀墨魚丸我明白落錯單好常見 但係唔肯換就真係第一次仲要係咁拎住部落單機比我睇無錯 我唔係話廚房出錯野我係話你落錯單啊大佬😡😡😡質疑佢係度扮傻（食物）真心食過最差既熱拌紅薯 少配料少到無倫 無花生又少肉碎 好似就咁用水煮完就算 最點係我食熱拌有3分1碗都係水黎 好難食 真係唔湯唔水 而且墨魚咀無第一次食咁爽口 每況愈下

剛剛替朋友去盈豐商場格仔鋪拿東西，所以順便在這裡吃午餐。其實我也有一段時間沒來盈豐商場，幸而沒有太大改變，相反對面的寶怡商場越來越多連鎖餐廳，非常唏噓。雲川燒應該是盈豐商場最熱鬧的小店之一，我見到四方八面的中學生都來光顧，可見它有一定人氣。來吃雲川燒前我在網上看了大家推介甚麼好吃，眾多食客推薦豬頸肉，所以我必點豬頸肉。另外網民都說這裡配料豐富，故點兩款配料已很足夠。雖然我平日吃超多配料，我都覺得這裡吃兩種配菜真的很飽足。豬頸肉切得幼長，我挺喜歡一絲一絲的，連米線時吃大小剛好，有時太大片吃起來反而太麻煩，需費時咀嚼。豬頸肉燒得頗香，嫩中帶彈，味道甜香，難怪大家都熱捧豬頸肉。韭菜雲吞沒有令我失望，雲吞皮薄，十分的飽滿，終於可以吃到正常的雲吞，最近米線店所吃的雲吞皮厚肉粗嚡，吃了一顆不會想再吃，幸而雲川燒沒出現這狀況。韭菜雲吞微微肉汁從雲吞裡滲出，鮮美的韭菜更提升肉餡的鮮甜味。湯方面我選了小酸辣，因為不知其酸辣程度如何，先點小的一試。這湯頭酸味重於辣味，所以如果想吃辣一點中辣也可以。米線滑溜得來又爽彈，不會太軟或太硬，完全符合我的心意。

-我同朋友都好鐘意食米線，今日我地去盈豐買完野，就喺呢頭食米線。呢頭都有好幾間米線，今日揀我地至愛嘅雲川燒。-我叫左中麻辣豬頸肉米線，豬頸肉份量好多，切到細細條容易入口，豬頸肉好香口，好食。我覺得豬頸肉浸住d湯淋左無咁好食，所以我會夾起佢。鐘意佢嘅麻辣湯底，唔算太油，有麻味。-朋友叫左小麻辣蘿蔔米線，蘿蔔夠淋，青甜無渣，索埋d湯好味。-炸大腸出面食一串都成十幾蚊，呢到大大碟都係26蚊，而且份量多，豬腸肥瘦適中，配酸甜醬無咁溜，但如果有芥醬咁就更好。

呢間紅薯粉已經數唔清食左幾多次由我返緊學仲可以星期一至五黎食下午茶去到而家已經返緊工只可收工同假日黎食，雖然係開左咁耐，但一直都保持水準，我仲介紹左唔少朋友黎食，大家都覺得冇介紹錯。除左紅薯粉，串燒都係又平又好食，可惜佢地已經冇做串燒我每次黎都係食小酸辣紅薯粉，配料首推豬頸肉豬腸蘿白同旋藻。出面食個d豬頸肉好多係切到好厚而且好淡，但雲川燒既豬頸肉係炭燒的燒到脆卜卜咁而且成碗都係，真係每次都唔會覺得唔夠豬頸肉食。另外豬腸煮得入味，唔會un，好正。想健康d可食蘿白同藻，但蘿白係一時時，有d日子唔當造，會食到苦苦地所以豬頸肉同豬腸係最冇死既選擇，推介完畢。

豬頸肉微酸辣米線！好鬼正😋食過翻尋味呀。點解可以咁好味。老闆話個湯係佢出手自己去調教同出面唔一樣～又真係喎😍😍岩岩食完就已經想再去食喇！點算🤣另外燒茄子/蠔都好好味呀😋

食過無限多次嘅雲川燒等我寫一次食評啦！雲川燒午餐時間勁多人，主要都係附近返工返學嘅人所以要去嘅話就要留意番時間啊最多人嘅時間係12點半至兩點如果真係好想佢可以打電話去book枱嘅今次食嘅係酸辣湯底中辣佢都唔算好辣（個人食譚仔食三小辣）個人最常叫豬扒同蘿蔔豬扒超好食，招牌菜蘿蔔都好好食好甜，每次都好甜朋友就叫咗豬頸肉腩肉都好好食其實佢啲花枝丸，墨魚咀，海帶都好多人叫佢啲薯粉唔係好硬，好食！米線都係正常米線🍜又係睇個人喜好啦！湯底來講，個人鍾意酸辣，麻辣、魚湯都有不同支持者你地都試吓邊個最鍾意啦仲有啊，佢啲檸檬茶係好飲㗎茶底夠晒香！其他嘢飲都沖得好好，有時我都會叫凍齋啡，凍檸賓順帶一提佢下午茶好似平少少小。其實佢夜晚都好好食架有燒串燒，下次有機會再寫食評

同屋企人叫左豬骨湯薯粉同少少串燒share。薯粉本身有好多配菜，唔驚唔夠飽，加左切到好似粗麵咁嘅腐竹同埋蘿蔔，少辣嘅肉碎同酸菜令個湯無咁單調，薯粉唔會太硬，整體味道幾好。另外加左孜然燒一口牛同燒韮菜，感覺似大陸食過嗰種孜然味，好正，仲有蒜蓉燒茄子，蒜蓉有少少苦，同埋無落孜然粉，落埋會更完美。

位於建生很多人吃的小店，有飯有麵有湯有撈吃的。這間最好不要點水餃因爲是水平下，但她的豬排與豬頸肉倒是比不少店好吃。這是撈薯粉不辣，其實撈要辣則需要自行加辣椒本身這醬汁是有點甜且不辣的。豬排幾乎是必點的配菜，很香口而且不會很乾還保有肉汁。薯粉也不會很軟身有點彈口及黏性。適合喜歡有咬感的人。這個是湯米線湯底是大麻辣，同樣一定會有她最為好吃的豬排。丸類屬於正常沒什麼特別，而她湯底則是跟撈完全不同，辣話自然沒份較多但不會很膩。而米線也是質素正常不會太硬或太軟塌塌。

一直都是這店的粉絲，幫襯多年終於要寫返篇食評因為店鋪位子不算多，也比較迫，所以每次都是外賣，每碗粉都配飲品，像我叫的豬頸肉撈薯粉配熱飲也只是$37，抵食又大碗，之前也食過串燒，都好好食；不過今次豬頸肉略為少了及切得太薄身，撈薯粉好粉地方可以做得夠乾身，這裡水準一向保持到，而且配菜如肉碎和芽菜也好多；另外也試過湯米線，都好好味，試過一次拿外賣，倒瀉了野飲，店員即時沖過一杯比我😭明明係自己唔小心，但佢地都好貼心～會一直encore的小店！