雲長小龍坎老火鍋 (Closed)

話說昨晚同好朋友去咗呢度打邊邊慶祝生日，兩個人，一入到去氣氛超好，好熱鬧，服務員都非常好態度，好快趣就嚟咗個湯底，我哋一人一半一個馬勒一個番茄🍅真係好食到爆炸，今日仲回味緊。足料清甜，飲清晒。超級推介！👍👍👍👍👍超邪惡嘅海鮮的確好邪惡，不過真係好香好好味。鮑魚太大隻，肥牛都超好味，最估唔到係個魚皮餃，諗住一般般嘅魚皮餃點知佢同平時嘅好唔同，回味指數爆燈😋😋😋😋😋爽滑、流沙黑松露雲吞正爆、白蜆、牛肉，全部好新鮮好正！地點方便，諾士佛台行過多少少，坐得舒服，中國風裝修、睇返出邊啲相原來勁多名人都黎過，好多服務員幫手，所以成日都有人叫：“唔該” “唔該"。仲好快手過到嚟，服務一流！近年食過覺得好正嘅邊邊，一定要再去！

其實麻辣火鍋食過好多，在香港麻辣火鍋當中我覺得雲翔小龍坎算是香港少數好食嘅麻辣火鍋，因為佢嘅鍋底味道濃厚，其實如果鍾意食辣嘅真係可以去試吓，因為佢可以調校大中小辣俾你，我試過大辣超級好味，食材新鮮，裝修舒服，最窩心的是餐桌有小櫃桶可以給你放電話📲價錢又不算太貴，以這個價錢食上等貨！在香港我諗唔會有第二間用呢個價錢可以食到呢啲貨品，他們還有一些特色嘅小食都係好好味！但係如果揸車去嘅人士可能要泊車遠少少！

好耐之前食過銅鑼灣分店，估唔到尖沙咀都開分店了，記得上次淨係試左蕃茄湯底，所以今晚就帶埋媽咪黎試埋個最出名既麻辣湯。🥘紅油藥膳鍋 $138紅油麻辣鍋加入花椒、指天椒同乾辣椒等十多款香料煮成，入口帶有牛油香氣，雖然只叫左小辣但辣勁十足。清香藥膳鍋，有龍眼、杞子、淮山同紅棗等煮成，藥材味較重。🥢鳳城水餃皇（半份）$43大大粒鳳城水餃，內餡有豬肉、鮮蝦、木耳絲、冬菇絲等，味道香濃。🥢手打四寶丸 $98加入乾冰上碟，氣勢逼人，有牛肉丸、鯪魚丸、鮮蝦丸、墨魚丸，粒粒起膠彈牙，墨魚丸較為好味。🥢龍哥牛肉卷 $88牛肉非常嫩滑，包住莞茜味道更香，放入紅湯更為好味。🥢山藥片 $38🥢油麥菜 $38蔬果類都好新鮮。🥢豆沙窩餅 $58煎至金黃色，餅皮包住豆沙餡，豆沙夠哂綿，外脆內軟、甜而不膩，必食。

見近排勁多人喺呢間火鍋店度打卡，就相約朋友一齊嚟食原來尖沙咀分店位於金巴利酒店裏面，火鍋店環境唔算好大，一入到去充滿中國古典風味裝修有中國古代風，都幾得意。不過唯獨是枱比較細，如果多人的話就坐得一般，我哋六個人，所以檯唔算好大。我哋叫咗好多食物，擺上枱非常豐富而且食物精緻，影出嚟非常之靚我哋叫咗鴛鴦鍋，麻辣火鍋湯底要左小辣，但係對於我嚟講都係偏辣，因為佢比起出面嘅麻辣湯底係辣啲嘅 另外一邊係藥膳鍋，唔算好重藥材味，都算幾好食。火鍋配料都選擇多，而且質素都算唔錯，有幾樣食品真係要推介手切肥牛黎到嘅時候有乾冰，擺盤非常靚，而且牛肉雪花分明，份量多，食落入口即溶響鈴新鮮炸起，而且有心思，響鈴入面有紫菜，食落有雙重口味，都幾得意呢個好似墨魚油炸鬼咁，可以即食，炸得非常香脆可口， 一試難忘牛柏葉黎到嘅時候好得意，全部晾起曬喺個架上面，打邊爐食非常之爽口我哋仲叫咗炸魚皮，又係炸得好香脆，新鮮熱辣辣。另外蝦滑一版咁黎， 爽口彈牙，真係手打嘅 其他食物例如餃子、手打墨魚丸等等味道都唔錯， 都算一個打邊爐嘅好地方。

講起食麻辣火鍋，我比較鍾意都係小龍坎既湯底。麻麻帶新，而且辣味夠香夠濃有層次。尖沙咀開左新店，再黎試試水準油碟係食麻辣火鍋既一大等色，蔥蒜蠔油麻醬，最緊要係佢既特製麻油，如果想要咸味，唔好落醬油，係要落鹽!調配起黎超香，味道甜甜點左鴛鴦鍋，免得朋友食唔到太辣太極雙滑! 有墨魚有蝦，質感較挺身，起膠起得好兩三分鐘左右，浮起就可以食，入口鮮味十足，而且彈牙雪花牛立花用既牛柳肉都幾靚，油脂香味重，而且牛肉味濃，入口軟滑又嫩功夫土豆，真係好考功夫! 土豆切得夠薄，晶盈通透落鍋三十秒就食得，入口爽脆，完全吸哂湯既香濃，而且又有土豆既爽甜玫瑰豬頸肉，造型滿分，味道亦一絕豬頸肉唔可以太薄，免得失去彈口質感。入口豬肉味及油香味十足，亦有豬頸肉應有既爽彈質感

小龍坎原來已經開到黎尖沙咀，之前一直話去銅鑼灣食，依家近近地尖沙咀都ok了!揀左鴛鴦鍋，怕中辣太辣😂😂有蕃茄同藥膳湯揀，同朋友揀左蕃茄其實食落唔算好辣，辣味比較進取，黎得快去得快，同朋友都覺得食最辣都無問題。而且辣唔係死辣，雖然辣得快，但辣中帶麻，辣勁過後餘辣好香，令人回味。雪花牛立花，size切得適中，而且解凍得夠，唔會外邊煮老哂中間都未熟。辣湯用黎煮烏冬超正! 十分推介全場最驚喜應該係土豆片，因為無諗過佢煮完次後咁爽口，而且吸哂麻辣湯既香濃，又唔太辣，味道爽甜。玫瑰豬頸肉，造型夠靚仔，豬頸肉入口油脂香味十足，但肉質可以再爽啲即炸紫菜響鈴卷超香口，加左紫菜，味道更突出!麻辣牛肉就比較一般，係熟既牛加上醬汁同辣椒咁

我絕對稱得上係一個火鍋迷，每星期都總有一兩次打邊爐。不過都係第一次去酒店食火鍋。哩間火鍋店位於尖沙咀君怡洒店1樓。環境同舒適度又係值得一讚，坐位闊落，有梳化卡坐，絕對係同朋友聚會好地方。火鍋靈魂係湯底，今次揀左紅油番茄鍋 (鴛鴦鍋-紅油麻辣併番茄) 麻辣揀左小辣但都好足夠。湯底好香吾油夠辣，蕃茄湯好濃好夠味。Hkgalxfoodlover 推介 🥢龍廚八寶摩天輪 Hkd118打卡必點，分別有4粒餃同4粒手打丸。 🥢太極雙滑 Hkd118 又係打卡必點 雙滑係蝦滑加墨魚滑。 🥢冰川鵝腸 Hkd78 夠新鮮，爽口。 🥢紅糖糍粑 Hkd58,呢個糍粑真係超好味，一試難忘！ 好煙韌,甜度適中唔油膩，必食!怕辣嘅朋友仔吾洗擔心，佢地倉比樽麻油你點，點完有解辣嘅作用。我都試左，真係好work🤩最後食完仲有沙冰送嫁😋Hkgalxfoodlover 回頭率: 75%

朋友慶高彩烈咁話book咗間好嘢同我食，慶祝佢升職加薪，一看之下，呢間位於君怡酒店嘅火鍋源自成都，係陳栢宇有份投資引入香港嘅。餐廳嘅裝修古色古香，有紅燈籠，壁畫，屏風，浮雕，木枱長木櫈，幾有風味。雲長小龍坎原來喺國內有超過二百間分店，出名食麻辣鍋(唔知朋友係咪唔記得我係唔食辣嘅)😂😂😂雖然有得揀鴛鴦湯鍋，但由於朋友咁啱有啲唔舒服，於是就陪我清清地揀咗個唔辣嘅湯底。📸皮蛋芫荽湯 HKD128雖然係清湯，但湯底濃郁夠味，大量皮蛋芫荽好足料。📸小酥肉HKD68香口酥脆，又細細粒容易食，我食到停唔到口，差唔多成碟都俾我食哂😂📸海鮮拼盤 HKD99/位海鮮新鮮鮮甜，而且價錢唔貴，絕對食得過！📸鳳城水餃皇(半份) HKD43脹卜卜，好足料，而且皮薄餡靚👍🏻📸龍哥牛肉卷 HKD88幾特別，牛肉捲住芫荽，利害之處係滾完啲芫荽都冇走出嚟，保持原位，牛肉嫩滑，芫荽香濃爽口。📸魚皮餃 HKD48我打邊爐嘅必點食物，皮脆肉滑。📸玫瑰豬頸肉 HKD58賣相一流👍🏻肉質爽口彈牙！📸翡翠豆苗 HKD38份量多而且新鮮。📸豆沙鍋餅 免費(原價HKD58)而家like facebook就有得送喇👍🏻味道唔錯喎，荳沙少少

提早book定枱約咗朋友仔嚟君怡酒店嘅雲長小龍坎打邊爐，一嚐呢間過江龍嘅麻辣鍋，明明期待而久，點知感冒仲成個星期都仲未清，仲要喉嚨痛🙈唔緊要啦，呢次嚟食個清湯冇咁刺激先，咁先有藉口下次再嚟試過個麻辣鍋😋一嚟到餐廳，俾佢古色古香嘅裝修吸引住。醬料自助，全部大大兜自行調配。⭐️皮蛋芫荽湯 HKD$128除咗麻辣湯，藥膳鍋，呢到清清地都可以叫個芫荽湯。個鍋都好有特色，龍頭坎咗喺鍋邊，好有霸氣。⭐️小酥肉HKD$68炸得香酥鬆脆，但因為唔舒服嘅關係，只係食得一舊仔就唔敢再食🙈⭐️海鮮拼盤 HKD$99/位呢個海鮮拼盤幾抵食，99蚊位有海蝦，蜆，蚌，仲有鮑魚。⭐️鳳城水餃皇(半份) HKD$43裡面有大大隻蝦肉十分足料！⭐️龍哥牛肉卷 HKD$88厚切新鮮滑牛卷住芫荽，香濃好味。⭐️魚皮餃 HKD$48魚皮餃外皮爽脆，幾好食。⭐️玫瑰豬頸肉 HKD$58賣相精緻，粉紅玫瑰，好睇又好味。⭐️豆沙鍋餅 HKD$58而家做緊promote，like佢地嘅fb均送一份荳沙鍋餅👍🏻唔好以為送嘅就冇好嘢，呢個鍋餅外皮香脆，入面煙煙韌韌，再包埋甜度適中嘅荳沙，味道值得一讚👍🏻📝而家食飯仲有利是封送，新年拎埋個利是封返嚟食飯，

小龍坎嘅尖沙咀分店位於君怡酒店商場一樓，唔算太大，但都設有包房，另每張枱之間都唔會太迫，坐得舒服。湯底主要係麻辣，蕃茄同藥膳，今次點咗紅油藥膳，小辣剛好，麻辣味唔會太搶，接受到。藥膳味都幾突出，加上點咗花雕雞件，加入埋雞肉同花雕酒之後，味道更香濃，忍不住喝了一碗。請開雞件，半隻98，合理價錢，唔會太肥，脾位翼位算滑，配合埋湯底，好食。䈑筍捲長條薄切片，有八條，輕灼幾秒已經食得，清爽嘅口感仲帶有䈑筍嘅獨特香味，食不停，大愛，如份量多點更開心。鮮蝦雲吞皇，一碟有8粒，大少適中，無乜肥肉，有鮮蝦味，唔錯。荳苗應該話係温室荳苗更合適，一份38，份量不少，味道青澀，清新爽口，解去不少膩感，很適合打邊爐。花甲王88份，有8隻，中型，尚可。整體人均2佰幾，價位適中，多人食可點多幾款更開心。

喺香港食到麻辣火鍋嘅機會愈黎愈多，聽過雲長小龍坎呢個名無數次，今日同另一半黎到尖沙咀分店，餐廳位於君怡酒店一樓，就喺美麗華附近，十分易找。店內面積甚廣，除左一般卡座，仲有房間，好闊落。畢竟火鍋店選擇多，加上入座時間尚早，客人唔多，特別自在。店員有禮招待，及後都有自然自覺加湯、收拾餐牌選擇多，湯底方面有紅油、蕃茄、藥膳，可以雙拼；另有皮蛋芫茜同埋要預訂嘅酸菜魚鍋($388)，定價$128-148。配料方面有丸類、滑類、手切牛、海鮮、豬、空運嘅毛肚、蔬菜、菇菌等，仲有小食、炸物，價格中上。人均消費二至三百蚊，唔會食到好飽好飽嗰隻。茶位、醬料 $25/位紅油藥膳鍋 $138平時多數食蕃茄拼紅油，今日試下藥膳。湯底好快上枱，紅油嗰邊會滾得好快，間中要攪拌，以免痴底。揀左少辣，唔會好麻，容易入口，配肉同菜類都好正藥膳嗰邊好入味，裡面有黨參、杞子、龍眼殻等，我都忍唔住飲左幾轉。花甲王 $88花甲上枱已經開哂口，同平時食嘅唔同，普通左啲啦，心理上點都會覺得冇咁新鮮花雕雞件 $98/半隻雞件啖啖肉，配藥膳湯底十分適合，雞肉都唔會鞋口，湯底滲入雞肉，好入味，而且幾滋補咁。自製鮮蝦雲吞 $78/份雲吞一口

趕在冬季的尾巴，趁天氣還是寒涼，多吃一點麻辣火鍋解饞。看到位於尖沙咀君怡酒店的雲長小龍炊的食評推介，感到不錯，便決定相約舊同事在這裡聚舊。餐廳的裝潢是懷舊中國氣，入口的龍騰裝飾很有氣派，感覺氣勢磅礴。餐廳內有三國演義的畫像，擺放著古色古香的座椅及餐桌，在這裡吃火鍋彷如置身於三國之中。而餐具都是青花瓷碗碟，每一枱都附送一小碟泡椒雞爪作前菜，每人都有一瓶油碟，是可以混和到調味料當中，有解辣和中和味道的作用。來到這裡，當然要點麻辣鍋，但朋友不嗜辣，所以我們選鴛鴦鍋，另一半是蕃茄湯底。要注意，麻辣湯會愈滾愈辣，建議點小辣開始。番茄湯香甜清新，不嗜辣的朋友也不用擔心。極品手切肥牛（小）- 牛肉有雪花，但感覺有一點雪藏味，味道一般。手捲牛舌花- 以牛舌捲成花的模樣上碟，牛舌爽。鬼馬墨魚脆 - 這是一道熟食的小吃，油炸鬼內鑲滿墨魚滑來炸，味道不錯。即炸紫菜響鈴- 響鈴炸得鬆脆，炸響鈴內捲有紫菜，頗特別。黑松露海鮮餃 - 水餃內有黑松露醬，帶子和蝦，水餃充滿黑松露香味，十分特別。手打四寶丸- 手打四寶丸放在木盒內，中央放了乾冰和鮮花，釋放出來的霧氣充滿仙氣。墨魚丸最彈牙，牛丸則較冧。 椒鹽粟米- 看

雲長小龍坎老火鍋 · 主打正宗老火鍋，在全國有超過三百間分店，雖然我不是很吃得辣，但朋友極力推薦就被引誘了😛 不過有點意外店子坐落於尖沙咀君怡酒店一樓，可能是歌手陳柏宇有份投資，有「明星效應」當晚都有不少遊客及本地人捧場，為著這個四川麻辣火鍋慕名而來走入餐廳🍴我們都被這條栩栩如生的巨龍石雕震懾著，十分霸氣🐲 餐廳走中國風，實木橫樑支撐天花，吊上一盞盞紅色的燈罩，龍騰的圖案，營造古色古香的氛圍雖然當年歷史堂沒有太認真上課😂(壞學生一名）但總聽過張飛、劉備、關羽這三個大名鼎鼎的英雄人物，甫入餐廳看到牆身是張、劉、關出戰打仗的情景，氣勢磅礴，令人有種穿越時空的錯覺一瓶瓶「內地直送」的油碟堆砌起來，果然夠哂霸氣🔥香港人可能對「油碟」會比較陌生，其實即是麻油，在川渝麻辣火鍋中是擔當著重要「醬料」的一員，有降溫、提味解辣之用🤭 亦令蘸點過後的食材更香滑我們叫了麻辣藥膳鴛鴦鍋，一紅一白，頗強烈的對比顏色，辣度分為大中小，吃辣屬初級程度的我很有自知之明，挑選小辣，紅當當的紅油，油香十足，麻辣湯底雖有很多花椒、辣椒乾🌶️等辛料，卻不是想像中的辛辣，麻與辣兼備，辛而不嗆喉，想必就是四川老火鍋的魅力之處🔥藥膳

明星歌手開副業 好多時都會簡飲食業 因為「辛苦得來志在食」最容易賺錢應該就係開餐廳🙆🏻‍♀️ 自己好少幫襯哩類餐廳 不過朋友作為陳伯忠粉 一於陪佢食返餐😚小龍坎係火鍋單點 內地一個受歡迎既麻辣火鍋品牌😯 係香港暫時有兩間分店 有銅鑼灣同尖沙咀 我地今次簡咗後者 地點係君悅酒店🏨1樓 算係幾就腳四川菜我甚少接觸 因為自己都唔係嗜辣之人🌶 不過朋友係愛辣 更愛麻辣 所以不得不點返個紅油藥膳鍋 一鍋兩拼 一邊係小辣既麻辣湯底 朋友話辣度係可以接受 不過食食下會發覺有後勁 不能小看🤣 香香辣辣 另一邊就係藥膳湯底 藥材味唔算太濃 清甜帶甘 可以單飲👍🏻每人都會有樽專用油碟 即係麻油 我第一次見 幾神奇 不過味道就麻麻地岩我 反而朋友都幾鐘意點😂 出面亦有自助醬料區 有齊一堆醬汁自己調配 整間餐廳既裝潢都幾古色古香 幾有中國傳統感覺🙆🏻‍♀️手捲牛舌花🐄 賣相幾吸引 口感唔錯 有咬口又爽口 帶點牛味 餐廳貼心咁提供控制時間20秒 口感就會岩岩好✌🏻手打四寶丸 仙氣十足😶 四款丸都係手打既關係 所以幾彈牙 有齊蝦丸 墨魚丸 牛丸同豬肉丸🍡 四款之中我最鐘意就係手打蝦丸 最爽彈 感覺最新鮮 加上有蝦肉

今晚同朋友一齊嚟試下呢間好出名既麻辣火鍋店。一坐底店員就俾咗圍裙我哋，驚我哋食嘢嗰陣會有汁彈。另外仲有辣鳳爪，味道都唔錯！辣辣地可以過下口癮。今次揀咗了紅油藥膳鴛鴦湯底，一邊係麻辣，另一邊係藥膳。而我本身就比較鍾意食藥膳鍋，因為可以飲埋佢個湯！呢度嘅麻辣，味道都唔錯，嗌小辣的辣度都已經足夠，麻麻辣辣，能夠刺激味蕾。藥膳湯底甘甘地，而且好清甜，啱哂中意飲湯嘅我。海鮮拼盤包海蝦一隻、沙白蜆兩隻、蚌一隻同埋一隻鮑魚，鮑魚整熟咗都仲有成隻手掌咁大隻!海鮮新鮮鮮甜，$99/位呢個價錢都算超值!雲耳，每次打邊爐都係必叫，雲耳不單止健康，而且仲會吸收埋湯嘅味。食係上嚟爽口又有湯味!正!鬼馬墨魚脆，之前打邊爐都有試過落油炸鬼，今次係油炸鬼中間再加左墨魚滑，食落除咗會吸咗湯汁之外，仲好爽口彈牙! 即炸嘅關係，其他嘢未食得之前可以食住醫下肚。極品手切肥牛(小)，細嘅份量都唔算少，我地3個人一人都食到6-7塊。肥牛厚薄適中，牛肉味都幾濃，肉質鬆軟。花雕雞件(半隻)，花雕酒味都幾濃，就算整熟之後都食到有酒味，雞肉嫩滑。馬蹄竹蔗水，一小枝大概可以飲到5-6杯。樽入面還有竹蔗、馬蹄、紅蘿蔔同埋茅根。味都算幾濃但係