頂立

Open Now

Now Closed

咖啡加拉麵的組合還真的是第一次見，而這間拉麵亦真的做出了特色，兩種主角的風味都非常突出，這小店帶來的驚喜很多！雖然這裡的規則可能有點多，但也算是小店的一種堅持！店內還有挺多不同的產品在賣，如果合適的話支持一下也不錯，而且還會有特別安排呢！貝拉麵（１０５元）拉麵很有驚喜，湯底比較清甜的，鮮味十足，濃濃的貝類的鮮味，喝起來完全不會覺得口渴！而且這裡還特別配上冷萃咖啡來一喝，令兩者配搭起來又有不同的味道和驚喜！而麵氣是我喜歡的粗麵，口感爽滑，但又吸湯！其他配菜還有梅花肉和大蜆。梅花肉吃起來爽中帶嫩，油脂的部份入口即化！大蜆味道鮮甜，完全無沙！拉麵套裝（７５元）這個會配一份硬布丁和一杯冷萃咖啡的，性價比還是挺不錯！冷萃咖啡用上三款不同的咖啡豆混合磨製而成的，味道除了有本身咖啡的香味外，還有點花香和堅果香，回味也有點茶味，味道挺豐富的！升級甜品（＋３０元）從硬布丁升級為提拉米蘇巴斯克芝士蛋糕，挺特別的一款的，吃起來既有提拉米蘇香，又有芝士蛋糕的香和滑，而且挺大的一件，味道挺搭的！

今次已經係第二次嚟呢間頂立拉麵店，佢哋主打嘅自家製冷泡咖啡配搭拉麵嘅湯底令到每一啖都有唔同嘅風味真係令我再嚟試多次嘅原因🤤今次嚟到見到佢哋換咗幾種拉麵嘅湯底🤩，而且最近仲推出咗會員制如果購買佢哋嘅tee會有唔同嘅優惠最特別嘅係可以有一排隊特快專線同埋免+1 😎今次呢度咖啡嘅風味試得出頭段有少少茉莉花香嘅感覺而尾段烏龍茶嘅口感限定•海•頂立•紅蝦湯底($118)湯頭試得出有好濃郁嘅蝦膏蝦頭味道香味，濃郁之餘亦風味十足, 配搭上原隻嘅紅蝦同埋拉麵層次感十足, 豚肉亦都煮得非常嫩滑而且試完咖啡再飲一啖湯又會有另外一種唔同嘅風味頂立高湯（貝汁)($95)呢個貝汁清湯湯底就比較清新，再配搭咗鮮貝食落去海鮮鮮味十足而且更加突出咗蜆嘅鮮味另一種非常唔同嘅風味😍昭和風味硬布丁呢個硬布丁真係個人私心推介，柔軟Q彈而且蛋味十足小小嘅焦糖口味甜中帶苦嘅感覺👆🏻👆🏻👆🏻

◐屯門咖啡X 醬油拉麵 味蕾大衝擊走入屯門一間好隱蔽嘅小店，雖然今日落住雨，但依然無阻我嚟一試嘅慾望，香港好少拉麵店主打醬油拉麵，醬油都分白和黑，配上鮮味貝汁。同我係日本食到嘅味道好相似。麵都係自家製，小店嚟講好有心思，我希望麵係硬小小會更好。雖然我唔係好識飲咖啡，但係老闆會詢問我哋飲咖啡的程度，沖一杯為客人訂製嘅咖啡，係一杯前調有茉莉花香，後調有烏龍茶味嘅咖啡☕️一啖咖啡☕️，一啖拉麵🍜，提升左拉麵嘅鮮味，呢種味蕾衝擊係好特別！另外，甜品最令我有深刻回憶，係自家製焙茶巴斯克蛋糕，表層有脆脆增加texture！焦糖布甸都出色，甜而不膩。有不定期限定甜品，來之前記得留意店鋪IG！

一直bookmark咗呢間拉麵x咖啡嘅小店，之前經過已經有比佢舖門口吸引到，又公仔佬又長毛怪，仲要大大隻字寫’珈啡天國’。對於我地對拉麵x咖啡呢個組合十分有興趣，今次終於約好黎試下。入到去完來係好細，大約10個位左右。入座之後店員會比先比張簡介你睇，之後先再介紹menu。我地兩個叫咗一碗白湯 ，另一碗加錢叫咗貝湯，兩碗都追加做套餐(冷萃咖啡，昭和布甸)，其中一個餐再追加豚肉、蛋、tiramisu。頂立白湯拉麵白湯顏色好清，飲得出魚嘅鮮味，面頭有一大塊豚肉，粟米芯脆脆同埋無花果乾脆脆。麵條店員有重點講係有改良過，用咗兩款麵粉混合再有啲小麥加入去，所以做到可以比較煙韌同掛湯。頂立貝湯拉麵貝湯有濃濃嘅貝類鮮甜味，而且仲有3大隻貝係面。如果係鐘意食貝類嘅，不防加10蚊轉呢個湯。冷萃咖啡咖啡都好有驚喜，估唔到同拉麵真係夾到，印象中係用咗3個地方嘅豆mix埋，飲落有啲花茶感覺，易入口，就算平時唔飲開咖啡嘅人都一定接受到。個人飲到中段開始偏酸，尾段有啲花生嘅味道，好正。昭和布甸比起出面嘅布甸較扎實，味道好濃，店員重點講佢地呢款布甸改良過，加入咗cream cheese係個蛋漿到，所以個味會比出面濃郁

白醬油高湯拉麵白醬油湯呈琥珀色澤，鹽味較突出，但不是死咸，而湯充滿魚乾、昆布及乾茹味道與白醬油相結合，入口溫和順滑；拉麵與一般的𣎴同，質地與蕎麥麵相似，但較粗及有嚼勁，吃時帶有微微麥香；配上由慢煮處理豬肉叉燒，肉質非常鬆軟嫩滑～ <限定> 地、烏梅子拉麵期間限定，醬油豬骨湯配烏梅子醬，相較白醬油高湯，湯頭再濃郁，入口已感受到厚厚骨膠原，而烏梅子又中和豬骨濃湯的油膩～同時配慢煮豬肉叉燒，十分惹味～昭和風硬布丁與現今普遍軟綿綿布丁不同，奶香不至太濃，反蛋味很香濃，口感紥實綿密，焦糖偏微苦，令小編味蕾上有苦甜美妙的平衡 提拉米蘇 小店提供軟硬兩款選擇，小編選了硬身，香濃蛋糕浸了薄薄咖啡，配上脆口的手指餅，吃時散發濃濃酒香及淡淡咖啡香，味道甜而不膩

屯門虹橋頂立珈啡X拉麵X甜品｜美味的秘密今日去屯門探朋友，佢介紹我去虹橋一間隱世拉麵小店，佢神神秘秘話呢間拉麵店非常特別店內裝潢充滿好多日本傳統裝飾，最搶眼一定係大大個紅色日式燈籠，門口掛住和式燈籠，門口木牌寫咗拉麵店嘅介紹，小店運用拉麵配合珈啡帶出「鮮味x珈啡」獨有主題店員好有耐心介紹佢地既咖啡同拉麵，完全感受到佢除咗對拉麵、咖啡嘅熱愛，今次試咗佢地新出貝汁湯底，利用鮮貝及白醬油混合調製，利用貝類鮮味加強湯底中鮮甜另外朋友試咗佢地限定湯底，白醬汁加烏梅子，白醬汁湯頭滿滿豚骨脂香，混了一點烏梅子酸增加了豐富的口感昭和硬布甸布甸口感比較硬身，食落去蛋味十足，甜味唔會話太濃郁而且食落去口感非常嫩滑，估唔到佢哋甜品都做得非常出色，絕對抵讚；另外士多啤梨巴克斯蛋糕絕對係驚艷，頂立珈啡X拉麵X甜品都做到好高分家陣原來出咗自家Tee可以有獨有優惠當日穿着本店Tee可指定產品免費，免加一，優先入坐都好正😳😳📍頂立屯門井財街9號錦發大廈地下20B號

🍽️ "Damn Lab" located in Tuen Mun's Jing Choi Street 🌟The coffee served at Damn Lab is truly exceptional, thanks to its innovative combination with a soup base that creates a unique and flavorful experience. With every sip, you'll be greeted by a delightful aroma that not only pleases your taste buds but also allows you to explore the mysteries of cuisine! ☕🍵🌟The staff at Damn Lab patiently guide you through the proper order of enjoying your meal, ensuring that you can fully savor the exquisite f

今日食左依間屯門嘅小店《頂立》就主打咖啡x湯式交叉商戶體驗，一啖湯一啖咖啡，形成每一次獨特嘅體驗。店舖細細間，佈置都有點心思，原來係佢哋一手一腳自己去做。頂立海蝦湯，先聞湯底嘅香味，鮮香會令口腔分泌不少唾液，湯底十分濃甜，雞胸肉甚嫩，自家製拉麵彈度唔錯，掛湯，鮮甜味道爆發。頂立麵+昆布+萬能蔥+鹿兒島慢煮雞+紅椒絲+金木犀， 超正！🍴頂立海蝦湯拉麵：$95📌頂立🍽️屯門井財街9號錦發大廈地下20B號舖

#chuchu食在屯門📍 頂立Bookmark 咗好耐好耐嘅餐廳，以前賣烏冬宜家已經係拉麵！拉麵x咖啡嘅配撘好特別，好出色！真係小店嚟，入面有大約8個位，夜晚仲係one man kitchen一腳踢，所以冇得book位！坐低之後老闆逐一為客人介紹餐牌、創作理念，好有heart🫶🏻 #chuchu推介 支持小店！特別係杯咖啡令🐷念念不忘，已經好想再去！💡如果賣晒就會早收架！所以最好早小小去！—————————————————————❣️ 頂立高湯 貝汁拉麵 $95賣相令人食指大動，面頭有大大隻嘅蜆，大大塊叉燒！慢煮豬肉叉燒，好大塊，有成碗麵咁大，超嫩滑，肉味都好香濃！有3粒新鮮蜆，好鮮甜，湯頭淡淡既醬油鹹味加上貝香味，又唔會太咸！.❣️ 頂立·鴨白湯拉麵 $108雞白湯就食得多，鴨白湯真係第一次聽！面頭有大大塊叉燒，仲有啲鴨肉！湯底都係好好味，好濃！拉麵係自家製架，個樣又小小似蕎麥麵，原來真係加左少少黑麥同蕎麥，較粗有咬口，好食！.❣️ 頂立拉麵套餐 （冷萃咖啡+昭和風硬布丁） $75#chuchu飲品 #chuchu甜品 冇諗過拉麵店嘅咖啡同甜品可以咁出色！.☕️ 冷萃咖啡好好飲，好有驚喜！

黎到屯門這間特色拉麵店它以「鮮味x珈琲」為主題是一間創新及有理念的小店🫶🏻裝修和餐具都好獨特Feel到店主的用心😊點餐前店員會用心講解包括介紹拉麵店的概念和食物的配搭及特別之處我和朋友叫左套餐拉麵+昭和風硬布丁+冷萃珈琲 店員教先飲一啖咖啡☕️再飲一啖拉麵湯底再飲返一啖咖啡個味道真係會唔同左更鮮明更有層次個體驗好特別😍⭐️冷萃珈琲☕️咖啡由三種不同產地的咖啡豆混合調配而成帶花香為主再加一點果香味道層次好鮮明😃入口溫和👍🏻唔會苦澀⭐️拉麵🍜拉麵可選黑、白醬油或者貝汁湯底濃郁而且有唔同的配料味道好得😆黑白醬油各有千秋黑醬會比較濃味白醬比較鮮味⭐️麵條軟硬適中口感彈牙😋叉燒味道夠惹味而且夠大塊好有誠意👍🏻夠飽肚⭐️昭和風硬布丁🍮布丁蛋香味濃郁入口軟滑口感有蛋糕feel加埋焦糖的味道 好好味😍⭐️Oreo 巴斯克蛋糕巴斯克芝士味好出配埋orea味兩者好夾蛋糕口感超滑🥳好味到馬上外賣一件返屋企食✌🏻非常之欣賞小店的用心❤️加上佢有唔少的自家品牌自製服飾唔錯依間店絕對值得encore🤘🏻

咖啡與拉麵對我來說，從來都拉不上關係，偏偏這所餐廳老闆，不忌諱地告知天下它們的關係，對於作為食客的我們，尤如在辦公室聽了一則驚天新聞一樣震驚，是一會食拉麵的新體會。驚外發現這裡甜品超出色！媲美甚至超越甜品店水準！被布簾遮擋的黑色門面帶著一種神秘感，門前掛上餐廳的概念內容，就如書前序，為晚餐帶來了序幕，令朋友與我有迎接新事物的心情入內。流程體驗如認識一位新朋友，感受到那位朋友對咖啡的熱誠，餐牌首頁介紹咖啡與拉麵湯底對味蕾激發，帶領我們如何了解他喜愛的世界香郁蝦殼蝦膏熬製湯底，有少許粉粉沉澱物口感，配上2片鹿兒島慢煮雞塊，雞肉尚算軟滑估不到無花果乾輕甜酸，與鹹香湯底中和到配合清新如花茶般宏都拉斯咖啡，濃郁湯底更突出咖啡酸甜甘香。黏口香濃雞白湯底，感受到骨膠原及魚介甜味，再飲一啖同一杯咖啡，今次個酸甜味更突出。自家製拉麵無鹼水味，但麵質較一般軟腍，真係好睇個人喜好。充滿蛋香所以比一般實在，絕不是魚膠粉動感彈，焦糖輕盈薄而滑～甜度適中沒有苦澀味，是完美的沉實的焦糖。清幽焙茶味與忌廉芝士中和，軟綿綿順滑口感不會太結實，吃光成個都不覺飽，重點蛋糕上加上一層脆糠，多一層脆感整體口感提升，膩感同時減少

🍜貝汁拉麵主料係慢煮豬肉叉燒，鬆軟而嫩滑，感受到肉既鮮美。配上新鮮既蜆，湯頭淡淡既醬油鹹味牽引住貝類加魚類熬製出黎既甘甜，貝香味鮮明，令人印象深刻，我將湯飲到最後😋🍜白醬油高湯拉麵對比貝汁既「高調」，白醬油湯頭入口有種溫柔優雅既質感，琥珀色澤，鹽味較突出，鰹魚的味道同白醬油相結合，非常有順滑感店家介紹麵條時，告知加入少許黑麥同微量蕎麥，所以質地同蕎麥麵竟然有丁點相似，但較粗而有嚼勁，有麥香另有少許滑滑既感覺☕️冷萃咖啡入口帶朱古力、梅同棗果類既香氣，入口甘甜，配貝汁/醬油高湯有呼應作用。老闆提醒要先呷一口咖啡，之後再品嘗拉麵。一試之下又真係有啲微妙既化學作用，之後飲既咖啡酸度會變得更加柔順圓潤☕️咖啡涷三個漸層，由底部「齋啡」，中層「奶啡」，到面層「牛奶」組成，濃厚既咖啡味，冰涼順喉好清新🪭🍰芝麻奶酥巴斯克蛋糕黑芝麻味好搶眼！芝士味道輕盈，特別在於面糕面加上奶酥，金黃香脆，口感有層次之餘，糕身質地仲好幼滑，而且份量十足😋🍮昭和風硬布甸燒店員介紹係用上一整隻「曉」雞蛋，由於蛋黃屬橙紅色，所以布甸色澤深黃。一羹連濃濃微苦的焦糖拌上口感順滑又紥實既布甸，超重蛋味，一抹懷舊既昭和喫茶風🍡注意到牆上

來到屯門隱世小店食拉麵，呢間拉麵配合珈琲帶出「鮮味x珈琲」獨有主題，真係好值得一試！店主人好細心講解，一定會揀到自己喜歡的口味！.呢日咖啡係Brew blue，頭段花香感重，中段飲落似台灣蓮霧，夾不同拉麵味道又不同好神奇！.呢間真係非常用心的拉麵店，高湯采用冷泡混合魚乾，乾菇和昆布，浸泡24小時，當中會令乾處理製品味道更加濃厚及柔順。配合24小時低溫慢煮雞湯，擔當湯中的鮮甜，亦配合柔順的魚乾鮮味，真係非常高質👍🏻而麵也是自家製，1.8mm 的中細麵，好有咬口😋.黑醬油口味采用二段熟成時間，黑大豆及小麥釀製，低鹽味道，突出大豆風味，呈現深褐色，令高湯混入香純味道。慢煮丹麥黑毛豬大大塊，粟米芯好爽甜，配合無花果乾和紅椒絲木魚花好好食😋再飲啖咖啡，味道滿清香！.貝汁口味利用鮮貝及白醬油混合調製，利用貝類鮮味混合高湯，加強湯底中鮮味。呢碗拉麵搭咖啡就酒香感重左，口味偏酸，又有不同味道！.甜品時間😍布甸好滑身焦糖口味，today special Homemade blueberry 巴斯蛋糕勁厚切，上面有啲餅碎，藍莓口味芝士味濃厚，口感細滑餅底鬆脆超級好食🤤再搭咖啡，味道變得淡身左！中和左甜無咁

第一次嚟到 唔係好明佢點樣嗌睇餐牌唔見佢話個面會包啲咩就問咗店員佢碗麵係咪會包埋叉燒咁原來就係包嘅 但係嚟到先知道原來只係包一塊薄cheap cheap嘅同朋友嗌咗一黑一白醬油湯底食落一開始覺得個湯幾清甜，但係越飲越唔對路呢個咪就係平時喺屋企煮都煮到嘅柴魚或者鰹魚粉嘅湯底 如果係店家真係有好俾心機煲嘅話 我都只能夠講完全冇辦法 飲落就係咁普通所以我諗呢一個拉麵嘅唯一優點就係清淡如果湯底唔啱，可能就係我口味唔啱啦但係啲面都仲係黐埋一舊食落去有一部份都係一餅嘢咁但係呢碗嘢要$95 就係得一坨麵 一片薄cheap cheap嘅叉燒 半粒無花果乾 一堆柴魚粉 一個玉米荀 同埋一個淡嘅湯後尾仲食咗個布甸 都幾好食嘅 但係朋友就覺得太漏同埋想講一開始入舖頭嘅時候要等 咁我哋側邊仲有一位客人 個店員就走出嚟問我哋邊個先 咁我就有啲錯愕 因為係我哋開門先 咁我就仲係錯愕緊嘅時候個店員就已經以為我哋係後面嗰組 好彩最尾嗰位客人都未齊人 都係我哋入去先 店員同店主都係幾好人嘅 不過真係唔係幾thoughtful

一早聽聞呢間咖啡麵館好耐，先兩個月終於的起心肝同朋友諗住嚟食，結果遇上湯底賣晒，白行一趟。心有不甘之下，決定趁上星期例休日一個人再戰大西北，勢要食到為止。呢度坐位唔多，10個左右，加上店內只有一人主理，由講解餐牌、落單、煮麵、沖咖啡都係一人包辦，所以想嚟食嘅朋友最好就唔好太趕，嚟到慢慢嘆就至啱。佢哋主打拉麵配咖啡，睇番餐牌介紹，呢種組合嘅原理係以拉麵嘅鮮味激發起咖啡中嘅谷氨酸，從而令到食麵前同後飲咖啡都會飲到唔同嘅風味。頂立高湯拉麵 ($95) 小店剛剛轉咗新menu，宜家只提供一款湯底，另加黑、白醬油或者貝汁。新湯底混合咗魚乾、乾茹同昆布，浸泡1 日後再加入雞湯低溫慢煮，飲到濃郁雞湯之餘，亦有魚嘅鮮味，真心好好飲，阿叔又忍唔住飲晒喇！拉麵店內自家製，粗幼度適中，有咬口，掛湯力唔錯！配菜有2大塊叉燒，入口軟嫩，表現正常，反而特別加入嘅無花果味道甜甜地，口感又Q彈，好有驚喜！冷萃咖啡 + 昭和硬布丁 ($75) 又真係估唔到拉麵同咖啡都可以好夾，咖啡初飲味道濃郁，食過拉麵後果香味更出，層次更豐富。難得嚟到食到，點可以唔食埋甜品呢！呢度嘅布丁屬於懷舊款嗰隻，蛋味香濃，口感實的的，有啲似食蛋