順興茶餐廳

Open Now

Now Closed

大坑名物！半世紀老字號 順興茶檔上次太遲黎 食唔到馳名滑蛋菠蘿包。今次醒少少趕係lunch hour之前到訪，終於食到啦！佢地嘅招牌滑蛋飯都好受歡迎 (好似11點後先供應)▪️滑蛋菠蘿油 $28一大朝早食到呢個邪惡菠蘿油 真係勁滿足！菠蘿包暖笠笠好鬆軟~ 上面嘅菠蘿皮夠脆就基本啦，連中間切面都經烘過。滑蛋嫩滑，份量十足之餘，又唔會整到個包好濕好腍。加埋凍嘅牛油，冷熱交融 好香好正！▪️滑蛋豬扒飯 $57滑蛋多到完全見唔到啲飯！生熟程度岩岩好，超滑嫩富蛋汁蛋香。飯粒分明唔會過乾，加上滑蛋、蔥花同微甜既豉油，基本上係不敗組合。不過豬扒就一般般，肉質偏硬，正常茶餐廳質素~ 但勝在份量慷慨，每一啖飯都食到蛋同豬扒，輕鬆清晒成碟。加3蚊有埋凍奶茶！

熱奶茶亦都好好飲茶味恰到好處唔會比奶味蓋過有茶香.至於服務質素一流真係要俾個讚在場嘅姐姐全部都溫文有禮主動幫我將份菠蘿油完美地分成四份而且切得好好😅如果係我切嘅話就散晒.另外話時話茶餐廳打個卡都有張雲石枱😌.

熱奶茶亦都好好飲茶味恰到好處唔會比奶味蓋過有茶香.至於服務質素一流真係要俾個讚在場嘅姐姐全部都溫文有禮.另外話時話茶餐廳打個卡都有張雲石枱😌

近排去咗大坑一間好出名嘅茶餐廳 平日中午去都大排長龍 唔知係咪真係咁好食呢😚👅滑蛋菠蘿油 $28呢個係佢哋嘅招牌菜 佢嘅菠蘿油真係幾好食😋菠蘿包嘅皮做得好鬆脆 入面嘅蛋幾厚 同埋食落幾滑 再配埋牛油 一齊食又甜又鹹 平衡得幾好 邪惡得嚟好好食🤤不過如果牛油再厚啲就更好啦👅滑蛋豬扒飯 $57呢個又係另外一個招牌菜 佢嘅蛋的確好滑 豬扒唔會太鞋同太靭 豬扒嘅份量都幾多🤩不過豬扒嘅炸皮會比蛋浸淋左🤭豬扒飯再加上佢嘅醬油 一齊食幾好味😛不過其實佢嘅醬油同普通豉油食物冇乜分別 👅車仔麵 $74佢唔同餸係收唔同價錢嘅 我哋叫咗咖喱魷魚 齋 香腸 煎蛋同魚皮餃 配油麵 （小辣+腩汁）女小編覺得最好食嘅係咖喱魷魚😍咖喱味幾出同埋魷魚唔靭 其他就正常 油麵就淋咗少少 同埋如果湯底再濃郁啲就更好😚👅凍奶茶 （跟餐加$3）呢個好推介大家飲‼️佢嘅奶茶味道幾濃 飲落好滑 奶味偏重 甜度啱啱好 真係幾好飲🥰總括嚟講呢間茶餐廳嘅食物水準幾高😋大家嚟到大坑不妨一試😚😋 好味：8.32/10🤑 價錢：7.34/10🤗 服務：7.21/10😝 環境：7.15/10😚 衞生：7.03/10🤩 整體：8.00/10

入面就坐得比較迫，背貼背咁。幫我地落單既呀姐服務態度都ok，不過當日2點幾去到，有d野都賣哂啦。想試既叉燒都賣哂，所以就叫左滑蛋蝦仁飯。🔴滑蛋蝦仁飯個賣相都好吸引，鮮黃色既炒蛋加d䓤花配上一粒粒既蝦仁。🔴牛肉牛腩咖哩魷魚撈腸粉簡左腩汁。落單時，雞翼賣哂，而咖哩魷魚同腸粉都係最後一份啦。咖哩魷魚食落好有口感，牛腩牛筋就一般。平時都係食配醬既腸粉，配熟食都係第一次，感覺幾新鮮。不過d腩汁味道就普通。🔴鮮油多士熱辣辣脆口多士配埋牛油。好邪惡！下次有機會試埋佢個滑蛋菠蘿油同滑蛋叉燒飯。

順興的炒滑蛋一向都好出名可惜地點有點隔涉，一直都未有機會去試。比起滑蛋叉燒飯，我對餐牌上沒有寫出來的滑蛋菠蘿油更有興趣聽講滑蛋菠蘿油的數量有限，一般在中午前都會售完。今次我在平日的中午12點來到，慶幸還吃得到。店員會主動問需不需要切，切開見到滑蛋很厚滑蛋果然出色但菠蘿包不算太脆，牛油也比想像中細塊，整體來說味道不錯，但未至於值得特意來吃，如果下次再有機會路過也會再試。奶茶正常發揮，用紙杯上方便拎走飲。另外這裡request水要另加$1 ，要留意一下。

今日天氣涼涼地，就坐左出面，唔洗等位🤣🤣叫左個叉燒滑蛋飯同埋午餐肉雙蛋飯，好味道😋😋啲蛋好滑，叉燒都好多， 冚住所有飯😂😂😂個鼓油汁仲比自己落，幾好！

順興茶餐廳,𝙏𝙖𝙞 𝙃𝙖𝙣𝙜🍳Another classic Cha Chaan Tang and their food is BOMB🔥 My favorite definitely goes to their scrambled eggs with BBQ Pork aka char siu on rice❤️‍🔥It is very filling as you can tell from the pictures. If you're starving, craving some carbs (or loads of carbs lol) and some local food, you have to check this out if you're in the area. The place is quite clean surprisingly as a Cha Chaan Tang to be frank, staff were so friendly too!👍🏽.📍G/F, 5 Ormsby Street, Tai Hang #HappiMuffinHongKong

大坑以前係本土地踎茶檔食店聚腳地，近年開始行文青風。喺歐陸all day breakfast cafe同grill bar之間，仍然有一間茶記大排長龍。順興地方唔大，但係唔需要排好耐。伙記緊守香港茶記特色，一坐低就等你落單，轉頭就上菜。黎到順興，梗係食招牌滑蛋叉燒飯。蛋非常嫩滑，每一啖都有蛋汁，少少甜味加上蔥粒蓋過咗我討厭嘅蛋腥味。滑蛋份量十足，每一啖飯都可以配蛋（但係份量太大，一個女仔一定食唔晒）。叉燒反而冇咩特別，偏乾又比較瘦。我鍾意佢豉油另上，對我呢種口味比較淡嘅人好體貼。

懶洋洋既星期日最啱食個靚早餐今朝做完gym同朋友去大坑既順興茶檔食早餐招牌車仔麵餐 ($40; 凍飲+$3)朋友推介美味齋配煎蛋幼麵加腩汁本身我就麻麻地食齋既但佢呢個美味齋真係好好食滑蛋菠蘿油 ($29)坐低無耐未諗食咩已經要留定一份先上次入黎食lunch已經賣哂鮮牛油溶左係滑蛋入面配埋菠蘿包夠邪惡好彩同朋友share先少D罪惡感奶醬厚多士 排隊等入座既時候見到有客人叫奶醬多已經心心眼一件多士切開四小格上面加左煉奶同埋粗粒花生醬粒粒花生好有口感凍奶茶順興既名物除左滑蛋菠蘿油之外仲有佢地既凍奶茶都好好飲今次叫左走冰都夠凍朝早食個豐富既早餐好滿足

既然茶餐廳係香港特色評語我就用返中文啦！🥰 嚟呢度其實最想試嘅係滑蛋叉燒飯但係好可惜我去到嗰陣冇晒叉燒😫 ✌︎︎ 滑 蛋 菠 蘿 油($26)滑蛋份量好多 不過我就覺得唔夠滑 整體還是不錯的8/10✌︎︎ 滑 蛋 豬 扒 飯 ($54)✌︎︎ 滑 蛋 蝦 仁 飯($50)滑蛋咬落去嘅時候 蛋漿就會流出黎 富有層次感 果然名不虛傳至於豬扒同埋蝦仁就冇咩特別之處 冇諗過令到我對呢間餐廳最失望嘅係佢哋嘅。。。白飯🤧 竟然未熟! 所以都冇機會徹底咁體會滑蛋豬扒同蝦仁配白飯嘅完美相容性🤧 希望下次返嚟試到滑蛋叉燒飯而啲飯係熟嘅😣🥰7.5/10✌︎︎ 凍 阿 華 田+$3 好濃郁 絕對冇吝嗇阿華田粉🤣👏💖愛了愛了10/10

_____好味指數：🌟🌟🌟抵食指數：🤑🤑🤑大坑係一個我好鍾意嘅地方，首先佢位於天后附近地理位置方便，而同時多一份清幽，最緊要係入邊好多好嘢食！有平民嘅茶檔茶餐廳，亦有情調西餐廳。今次就嚟咗一間平民餐廳，真係好感受到香港特色✅滑蛋豬扒飯滑蛋叉燒飯就食得多啦，滑蛋豬扒飯你又試過未呢？滑蛋份量好多幾乎冚晒成個飯，而帶有蛋漿嘅滑蛋口感亦好滑溜。豬扒輕輕煎過香口入味，切件較細方便進食，淋埋豉油惹味又開胃

當日的週末下午，跟兩位好姊妹一起走去遊大坑，其中一位建議去位於安庶庇街的 <順興茶餐廳>，不過，另一位稍後 join；我們一行2人，排隊約半小時！這裡地方細，坐得迫狹！怪不得要如此久候啦！ 疫情下，桌上加上隔板以保持距離！大家要留意營業時間：星期二至日 7:00am ~ 4:00pm起初，我都想上個月在銅鑼灣 Birthday Staycation 再幫襯，可惜時間就不到，又好早收舖！未有機會幫襯第二次！供應港式美食，滑蛋飯系列是招牌菜！ 除此之外，還有車仔麵可供選擇！我第一次幫襯，我點了滑蛋豬扒飯，她點了車仔麵！滑蛋飯系列包括：滑蛋豬扒飯、滑蛋魚柳飯、滑蛋叉燒飯、滑蛋蝦仁飯、滑蛋牛肉飯...滑蛋豬扒飯 $55蛋份量頗多，白飯基乎完全被掩蓋！ 帶有蛋漿的滑蛋的確口感滑溜！ 豬扒也落足料，切件上方便進食！經輕輕煎過，香口入味！ 白飯軟硬適中，淋上豉油，惹味又開胃！配熱飲：熱檸檬水食完 Heavy 的午餐，飲杯熱檸檬水消滯就最好不過嘞！

人怕出名豬怕肥，出名茶餐廳就…..午市擺低筷子，杯嘢仲未飲完，姐姐即刻黑口黑面、拍檯拍凳、大聲呼喝叫你交檯……感覺下一秒鐘再唔交檯就要上埋武力啦😥一定無下次啦

大坑呢間順興茶餐廳啲滑蛋飯不嬲都出名架啦，而我就由細細個小學雞到依加出黎做野都keep住有食，我每逢星期六，日中午時分行過都好多人排隊，所以我就通常食會晏少少去食。講到食物，我自己就最鐘意滑蛋叉燒飯，不過咁岩今日晏左去食，啲叉燒賣晒啦，我就轉食左滑蛋豬扒飯，碟飯一黎到，我就即刻食了一啖，啲蛋都仲係好滑，正😄，豬扒我都好少係呢間食，啲豬扒似係少少炸過下咁，整體來說都幾好食，不過呢間下午三點就收工啦，想食就早啲去啦。