順興茶餐廳

Open Now

Now Closed

📍大坑馳名大排檔‼️ · 肥仔炒蛋菠蘿油🍍🍞 -- 順興茶餐廳😆💖·===========================Bookmark咗順興好耐，一直都好想試佢哋嘅招牌叉蛋飯同埋炒蛋菠蘿油😍上星期終於約到朋友嚟試😝平日中午嚟到都幾多人食咖，不過翻檯好快，等咗10分鐘到就入得😛------------------------------⭐️滑蛋菠蘿油（$26）我同朋友都係衝住呢個菠蘿油嚟！🤩聽聞晏啲嚟都會賣曬，而且menu仲係無寫出嚟🤫菠蘿包外皮微脆香甜，包體鬆軟😆炒蛋嫩滑濕潤，加埋牛油嘅油香真係好正，如果牛油再厚身啲就更正！💖------------------------------賣相：8/10味道：8/10性價比：7.5/10回頭度：6.8/10------------------------------店舖資料名稱：順興茶餐廳地址：大坑安庶庇街5號地舖前往方法：天后站A2出口

招牌滑蛋三寶飯 🍚 $66三寶包括叉燒 蝦 牛肉 對於我呢啲選擇困難症嘅人就啱晒啦 份量超級大 目測隻碟有兩隻手掌咁闊 一個女仔完全食唔晒蛋炒的超滑 鋪滿晒成個飯 配埋自家製嘅甜豉油 色香味俱全 蝦冇雪藏味 咬落好彈牙 啲牛肉亦好嫩滑 反而叉燒比較失色 切得偏薄 而且有啲鞋OVERALL: 大推薦🤩 (9/10)午餐來講性價比超高真係大分夾抵食 午飯時間通常都要排隊 但係上菜速度好快 所以唔會等好耐 我平日12點嚟就完全唔使排隊另外之前試過佢個滑蛋菠蘿包 隻蛋成寸厚而且菠蘿包外脆內軟 同樣好出色 建議大家都可以試吓

以前喺銅鑼灣讀書經常入黎大坑搵食，順興就係其中一間常到嘅餐廳，因為佢嘅滑蛋叉燒飯真係令人回味無窮，外面有d鋪頭滑蛋做得好好，但叉燒可能始終係攞貨，質料難以控制。惟獨順興嘅滑蛋叉燒飯，無論係滑蛋定叉燒都一樣有水準，再加上自家調製嘅鼓油醬，真係色香味俱全！我記得以前淨係得叉燒同蝦揀，但而家加咗豬扒、魚柳，好多選擇，我朋友點咗滑蛋豬扒飯，一樣咁靚，豬扒表面油光十足，睇見都流口味餐飲一樣夠晒大杯，好抵飲。惟一可以改善係阿姐隻手揸住支飲管，仲要放喺枱面，如果可以有獨立包裝飲管會比較衛生。

係網上睇到就心心念念想來大坑食一次菠蘿包，今次終於試到啦😜👉 滑蛋菠蘿油隱藏菜式，超級超級推薦俾大家必食💁🏻‍♀️十年唔食一次菠蘿包(驚肥)的我都忍唔住食左半個🤤新鮮出爐黃金色菠蘿包🌕配埋成寸厚的滑溜炒蛋🍳，外脆裡軟滑，一定要試下食😆👉 招牌滑蛋叉燒飯另一個必食之選就係佢的滑蛋叉燒飯🍛，半熟叉燒滑蛋🍳配搭秘製甜豉油簡直就係香港版的「白飯小偷🦸🏻」，不知不覺就食曬🙈P.S: 菠蘿包🌕同滑蛋叉燒飯🍛都係限量供應，中午好快就賣曬，記得要早D來😉

我同男朋友專登請咗日假去放鬆下，就research咗一間港島出名嘅地道茶餐廳試試佢。叫咗好出色嘅滑蛋菠蘿油同滑蛋豬扒飯，加杯凍奶茶～上菜幾快，啲野全部新鮮滾熱辣，最驚喜嘅一定係滑蛋菠蘿油。菠蘿包外皮雖然冇話特別脆，但面包鬆軟，夾埋厚厚嘅嫩滑牛油炒蛋，我地食完第一啖係驚豔到大家隻眼都撐大咗😂另外滑蛋豬扒飯都係招牌之一，一樣，滑蛋綿滑，豬扒鬆軟，份量好足，加埋杯好甜嘅凍奶茶(個人好鐘意個甜度同口感)，我地就嚟飽到行唔到haha順帶一提，大坑呢區真係每次嚟心情都好好，希望大家好好珍惜

嚟到大坑緊係要食呢間做咗半世嘅老字號茶餐廳，佢嘅滑蛋飯同車仔麵深受食客歡迎。秘製豬扒飯$54豬扒外皮酥脆，肉質嫩滑鬆軟，香氣撲鼻，已經切成一條條，方便食用。另上嘅蔥花甜醬汁淋落飯及炒蛋上撈埋一齊食，😋超級惹味呀！自選車仔麵$48揀咗辣汁撈幼麵及3個餸：魚蛋、蘿蔔、墨魚丸。幼麵爽口彈牙，辣汁果然非同凡響，混入麵中不但提升配料嘅味道，令人食上癮，而且威力之勁非常驚人，不吃辣的人要小心。配多一份即烘嘅厚身、外脆內軟油占多，大排檔風味餐到此為止。

📍#大坑 生意令人改變 🍝：原本諗住食叉燒蛋飯 不過太飽選擇咗食撈公仔麵！ 用佢哋個豉油汁撈！正！ 🔥味道依然唔錯！ 服務態度好咗好多！ 值得一讚！仲記得以前（3-4年前）長期排隊，服務態度極差） 成日好似趕客咁！依家生意冇以前咁好，一切都唔同晒. ：）依加可以食返。

叉蛋反，在電影"食神" 內叫黯然銷魂反，這店名氣大，去試試，叉燒是薄切夠瘦，叉燒本身不能叫好吃，但下的蛋漿份量很大，令滑蛋和普通叉燒構成了一道更好味的風景線，反而甜醬油應是這店的獨門功夫，令整個叉蛋反又推高半個層次，但始終和內心的黯然銷魂反有一定距離，考慮到只收 55元連熱飲，贏！！！！！

嚟到大坑 順興茶餐廳絕對其中一間必食嘅餐廳通常都有人排隊等位, 但等嘅時間唔需要好耐可能因為佢有室內同室外嘅選擇同埋通常都食完就走，所以唔使等好耐順興茶餐廳必食嘅絕對係佢嘅滑蛋飯！(11點之後先供應）佢有好多唔同嘅選擇！例如叉燒,牛肉,豬扒,蝦仁...個人嚟講, 我最鍾意佢哋嘅豬扒同埋魚柳首先份量足另外豬扒同魚柳都好入味,同個滑蛋配合得好好 真係好好味, 可以好快就食個飯再飲埋杯凍奶茶,次次食完都非常滿足！滑蛋豬扒飯$55滑蛋魚柳飯 $55

1. 滑蛋豬扒飯🍱 ($55)// 滑蛋食落有啲似炒蛋🍳基本上已經熟咗九成不過小編幾鐘意😚而且都幾厚💛豬扒稍稍煎過🐽肉質鬆軟不過唔算有肉汁~但好入味同埋鬆軟得嚟保留咗啲咬口🤏🏼而且飯粒分明🍚 //.2. 招牌滑蛋三寶飯 ($66)// 三寶即係有蝦🦐牛肉🐮同埋叉燒🐷~一次過滿足曬三個願望🙉啱曬啲選擇困難症嘅人😂叉燒薄切但又幾好食喎衰鬼😻牛肉係用咗鮮牛肉整，按埋自己喜好加埋豉油係茶記不死組合🇭🇰// .3. 凍奶茶 (+$3)// 小編去親茶餐廳都一定會飲奶茶🙈因為覺得茶記嘅奶茶特別唔同🌸而順興嘅奶茶茶底好濃好順滑☕️不過奶味相對唔出~同埋茶記嘅奶茶預咗會好甜，不過為咗試到原汁原味所以就無嗌少甜個啲🙈甜度都接受到☺️//Food : 🌕🌕🌕🌕🌕🌗

大坑一向多美食👅呢次嚟到好出名嘅順興🏅食佢嘅招牌滑蛋叉燒飯，果然無失望，滑蛋出色，值得一試！————————————————⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣🥚滑蛋叉燒飯 $55蛋炒得超滑溜，火候控制得啱啱好，仲好有蛋香😋叉燒半肥瘦，幾軟稔唔痴牙。🐷滑蛋豬扒飯 $55豬扒醃得入味，配埋個甜豉油撈飯認真一流👍🏻🍍滑蛋菠蘿油 $26菠蘿油相比之下就略略失色🙊滑蛋份量十足，但菠蘿包偏淋。菠蘿油推介西貢咖啡餅店，外脆內軟，去親都大排長龍，入西貢必食👅💡味道：🌕🌕🌕🌗🌑⠀⠀💡環境：🌕🌕🌕🌑🌑💡服務：🌕🌕🌕🌑🌑⁣⁣⁣⁣⁣⁣⁣💡性價比：🌕🌕🌕🌑🌑⁣

暴走大坑就係為左呢間半世紀老字號 順興茶檔港式地道茶餐廳 除左招牌車仔麵 滑蛋飯亦深受歡迎 不過最想食既都係滑蛋菠蘿包 點知平日12點去到已經賣晒 大家想食 記住早啲起身去！▪️招牌滑蛋叉燒飯 $55滑蛋份量十足 完全蓋過成碟飯 生熟程度岩岩好 非常滑嫩富蛋汁蛋香飯粒分明唔會過乾 加上滑蛋、蔥花同微甜既豉油 就係一個不敗組合唯獨叉燒中規中矩 薄切唔乾柴 但偏瘦唔算特別軟腍 食到最後真係有啲漏 可能抱有太大期望 覺得無啲人講到咁神級▪️滑蛋豬扒飯 $55係閃令令嘅吉列豬扒滑蛋同樣超滑嫩 但係吉列豬扒經過滑蛋既洗禮後 外皮變得不太脆 唯獨炸皮夠薄 肉質不柴份量真係好慷慨 完全可以每一啖飯都食到蛋同吉列豬扒 好易清晒成碟飯⁣⁣⁣⁣⁣⁣⁣⁣⁣⁣⁣⁣⁣⁣⁣⠀⠀⠀整體而言 滑蛋滑嫩富蛋汁 味道唔錯 但係冇啲人講到咁神級

特別推薦大家✅滑蛋菠蘿油✅招牌滑蛋叉燒飯《滑蛋菠蘿油》熱辣辣🔥，菠蘿皮焗到金黃色，帶點微脆，包身軟熟，夾住好厚嘅滑蛋同半溶狀態嘅牛油，冇得輸🤤🤤💰$26《招牌滑蛋叉燒飯》蛋好滑，帶少少蛋漿🍳，叉燒份量都唔少，唔會un，不過肥d就仲好🐷，落埋佢嘅豉油，豉油有點甜，撈飯一流💰$55

 今日午餐終於可以黎到順興食啦，等左一陣先有位。我叫左魚蛋+鮮牛肉撈腸粉配凍奶茶少甜同滑蛋菠蘿油，同事叫左滑蛋叉燒飯配可樂。魚蛋+鮮牛肉撈腸粉($38)冇乜特別，普普通通，都係混醬腸粉好食啲，而且份量好少，女仔食都唔會飽。凍奶茶少甜(+$3)飲落都幾順滑，可以一試。滑蛋菠蘿油($26)唔錯，不過都幾油膩，拎起手食食到成手都係油。但係味道唔錯，甜甜地，滑蛋好厚好滿足。我試左少少同事既滑蛋叉燒飯($55)，蛋都滑既，如果蛋同飯既份量多啲會好啲，男仔食會唔夠飽。

午飯時間路經大坑，有好多食肆，疫情下大部份都無需等位，但見順興有一條小人龍，咁我咪上網睇吓順興有咩好食，原來係主打滑蛋飯，食評幾好，所以我哋又去排隊，我哋等咗10分鐘就可以入座。我哋叫咗順興嘅特別推介：招牌滑蛋三寳飯（蝦、牛肉、叉燒）$66，滑蛋豬扒飯$55。兩碟滑蛋飯賣相都幾靚，滑蛋有少許蛋汁，但我食落口覺得唔夠滑溜，亦無流心效果，無蛋汁流出來撈飯，但每碟飯都跟咗一小杯豉油，豉油不會過鹹，帶少許甜味，撈飯食一流。豬扒煎得唔夠香脆，醃得唔夠入味。蝦、牛肉同叉燒真係好普通，無乜味道。如果缺少咗滑蛋同豉油，佢哋只不過係一碟普通碟頭飯。間中食吓都無所謂，但如果要排長龍等位，我就唔會排。