食遇上海料理

Open Now

Now Closed

新北江商場裡面有好多間唔同類型嘅小店，最近係呢度行下逛下，發現有間隱世店舖 "食遇上海料理"，見到出餐嘅上海菜都唔錯，一於入去食個午餐 ~餐牌裡除咗午市套餐之外，亦有其他包括鑊氣炒麵、菜飯、炒年糕、水餃/雲吞、上海點心、涼菜、甜點、飲品等等，款式都唔少。蒜泥白肉雲吞擔擔麵      $52白肉切成每片都咁薄，軟腍肉片肥瘦適中，薄身爽口又唔乾，蒜泥用作提升香味，甜辣並重，配搭唔辣嘅擔擔麵湯底，有花生、肉碎、蒜蓉、蔥花及麻醬，先飲啖湯，味濃而稠，好惹味嘅湯麵。菜肉雲吞擔擔麵        $42大大隻嘅上海菜肉雲吞，相比廣東雲吞size較為大，裡面餡料好多，蔬菜翠綠鮮爽，肉味鮮嫩有肉汁。湯底嘅擔擔麵湯及麻辣湯可選擇辣度，亦有豬骨清湯或酸辣湯，呢碗揀左擔擔麵湯底，香濃嘅花生味、肉碎、蒜蓉、蔥花，食起嚟好creamy，味道層次豐富會再encore。上海小籠包        $32/4隻依款係食上海菜必點嘅上海小籠包，即叫即蒸，上枱時熱辣辣，內肉餡飽滿，新鮮嫩滑，一口咬落去鮮甜嘅湯汁滿瀉，充滿肉味，味道香濃，好滋味嘅享受！上海鮮肉鍋貼      $29/4隻鍋貼餃皮唔會太厚，口感煙韌，底部煎得焦

今晚同朋友去咗天水圍食上海料理，小店形式經營嘅食遇，餐廳座位寬敞。主理上海菜式，有各款小食，酸辣湯，擔擔麵，菜飯，鑊氣炒麵等。紅油抄手食落無咁油膩嘅紅油抄手，感覺幾好。水餃皮薄，餡料豐富，可以包到脹卜卜，好食！上海鮮肉鍋貼鍋貼適當地保留返少少厚度，令到鍋貼皮可以半煎炸到外脆，而裡面軟，餡料菜肉比例好好，味道豐富。椒鹽排骨擔擔麵椒鹽排骨炸得香口又惹味，仲保留到肉準，椒鹽比例調教得剛剛好，唔會太咸。擔擔麵湯底極濃花生味，十分香濃，但辣度較輕手，鐘意辣少少嘅朋友建議叫中辣。花雕醉雞菜飯醉雞份量是例牌份量，花雕淡淡清香由雞肉同骨慢慢滲出嚟，唔會太強太突兀。配埋菜飯好好餸飯黑白豆漿比較鐘意黑豆漿，豆味更濃更香。

剛叫外賣，叫了粗炒，醉雞擔擔面，酸辣湯，蒜泥白肉，勁難食，粗炒冇味，醉雞勁苦，蒜泥白肉應該叫黑肉，是但加啲蒜泥喺面，又有醬油浸住，變了黑肉，酸辣湯勁難飲，好搶喉既味

喺天水圍要搵上海嘢食真係買少見少，今日行開新北江見到地下有間上海嘢食好多人食，得返最後一張枱，咁多人棒場，我同朋友就即刻入去試下😂📌上海小籠包🐷🥢用傳統蒸籠送上，到枱之後店員先打開蓋，保證熱辣辣♨️咬開一啖即刻流出滿滿嘅肉汁點上附送嘅醋，更能提升豬肉嘅鮮味↗️📌上海鮮肉鍋貼🐷🥟外皮煎到金黃香脆，仲要都幾大隻㗎咬一啖，啲肉汁即刻噴射式標出嚟😂😂😂好過癮入面係大大舊豬肉餡，真材實料📌上海排骨麵 🐷🍜分碟上，排骨會切好分件上，食得好方便肉質緊緻同瘦岩曬我唔鐘意食肥肉嘅我麵質適中，大大碗，同朋友share食先食得曬加埋D豆瓣醬酸酸辣辣仲開胃🌶️📌上海粗炒🐷🍜炒得岩岩好，唔會好油膩，大碟抵食麵質地彈牙且有嚼勁，仲搭配咗啲鮮嫩嘅肉絲、爽脆嘅椰菜同入味嘅冬菇，味道更加豐富之餘，仲增加口感📌擂沙湯圓🍡外皮好感煙韌軟糯，同香濃芝麻嘅流沙內餡，簡直係完美搭檔可以一次過食埋上海經典甜品真係大滿足😋

這已經是我第二次中午來這家餐廳用餐了，仍然是人山人海🤣。因為價格實在太划算了，$200以內就能吃得非常飽滿👍👍😎，而且食物的質量也非常出色👍👍。**上海排骨擔擔麵** 這道菜真心推薦，口感清爽不油膩，搭配酥脆的炸排骨，味道絕對一流。**上海粗炒** 這是烏冬版的乾炒牛河，炒得恰到好處👍😎，味道濃郁，值得一試。**上海小籠包** 這些小籠包的湯汁晶瑩剔透，皮薄餡多，能完美鎖住鮮美的湯汁👍👍👍。**鍋貼** 鍋貼裡也意外地鎖住了香濃的湯汁，咬下去的瞬間，口感超級美味🤤，讓人回味無窮。食遇上海料理 (天水圍)天水圍天湖路1號嘉湖新北江商場地下A93號舖

又嚟到天水圍搵朋友，當然要一齊食嘢啦！就帶佢去新北江商場食上海料理，好喜歡食佢嘅擔擔麵和炸饅頭。星期一至五，惠顧各午市套餐，送豆漿或汽水。價錢都幾合理，經濟又抵食。上海排骨菜飯$48排骨炸到金黃色，好大塊而且夠脆，配上店家嘅糖醋汁，非常好食。菜飯無油感覺都幾健康。韭菜水餃擔擔麵$45韭菜水餃每粒都好飽滿，肉質鮮甜。湯底有濃郁嘅花生粒和肉碎，上海麵爽口又掛汁，口感絕佳。炸饅頭$26必叫嘅小食，香脆軟綿綿饅頭加煉奶，正呀！小籠包$32即叫即蒸，皮薄餡靚，汁多味美，咬一口爆汁，而且肉味都出晒黎。擂沙湯圓$30擂沙湯圓裡面係花生醬餡，加左黃豆粉，又香又滑又好食。黑豆漿低糖黑豆漿，豆味濃郁，微甜。

天水圍新北江商場一向雲集多間餐廳，今次就趁放假去咗新北江覓食！喺地下發現有一間專門食上海嘢嘅小店，價錢非常相宜，於是就決定入去試吓！花雕醉雞（例）$46花雕醉雞充滿花雕香味，雞肉嫩滑，未食已經聞到陣陣既花雕酒香氣。花雕酒嘅味道完全滲入咗雞肉入邊，每食完一啖酒香味都係口腔迴盪！嫩滑雞肉擔擔面 $45擔擔面湯底充滿花生香味，擔擔麵份量非常多，質感略帶煙靭，雞肉亦都非常嫩滑，性價比真係好高！上海排骨粗炒 $59上海排骨超大塊，外皮非常香脆，肉質鬆軟唔會韌👍🏻粗炒份量都好多，食落唔會太油膩，味道亦都啱啱好唔會過於濃味！粗炒仲有椰菜同冬菇等配料，增加咗唔少口感！

食遇上海料理呢間鋪頭真係幾有特色，今次試咗幾款佢哋招牌嘢食，整體感覺唔錯。醉雞面係其中一個亮點，雞肉嫩滑得嚟仲有淡淡嘅酒香，完全唔會覺得過腥，呢個湯底同雞嘅配搭幾特別，口感爽滑。再嚟講講韭菜餃面，餃子餡料夠實，韭菜味香但唔會太勁，面就啱啱好，唔會過硬或過腍。最後嘅上海津白係其中一個較為清淡嘅菜，感覺健康啲，可以同之前兩個較重口味嘅嘢食平衡返。呢度整體氣氛幾舒服，簡單樸實。價錢合理，但唔算平，食材質素算係對得住價錢。會推介俾鐘意上海料理嘅朋友，但如果你追求緊一啲超高級精緻嘅話，呢度可能未必適合。

見到有好多foodie呢間先黎食，事實係好普通。叫左韮菜餃子擔擔麵啲肉碎好少，好似冇調過味咁既肉碎，味道一般，擔擔湯底冇花生碎唔夠香。韮菜餃子味道還可，唔會太咸，不過啲韮菜好少，包得唔靚所以穿左。不過成碗麵$45就係咁既質素，只係冇IG foodie 講到咁好食。

入咗新北江上場行下，見到有上海小食店就去試下，一向喜歡小籠包的我首選一定係小籠包，但係因為下午食得太飽又唔想食飯，最後就點咗個酸辣湯雲吞，朋友就揀咗排骨擔擔面。小籠包多湯汁皮都唔算厚，都幾唔錯；酸辣湯味道適中配上韭菜雲吞算係幾好味，朋友嘅排骨擔擔麵都好食，不過我略嫌面質未夠彈牙醬汁唔夠香，不過以低水價錢CP值算係幾高。另外就係店面太細坐嘅位置唔係幾舒服！

今日打算去濕地公園，去之前搵左間附近既上海野，餐廳位於新北江商場，現存少有非大部份連鎖餐廳既商場，老闆的熱情招待有舊時食小店既人情味。椒鹽排骨擔擔麵（$50）椒鹽排骨外皮炸得有少許香脆，有灑上少許炸蒜和蔥花，椒鹽味唔算太重，食落感覺無咩味精，有家常料理既感覺。排骨酸辣湯麵（$45）酸辣湯底酸度和辣度比例適中，有豆腐粒、木耳、冬菇片等配料，麵條質地有咬口，唔會太淋。花雕醉雞（$46）雞件食落都有雞味，有淡淡既酒香味，表面有少許杞子。上海小籠包（$32）有四隻，用傳統竹籠裝住熱辣辣上菜，小籠包外形飽滿，湯汁有一定熱度，配搭豬肉既鮮味，整體都幾好食。黑豆漿（+$8）加$8就一支容量唔少既黑豆漿，算幾實惠。

📍食遇上海料理 ⭐️高CP值上海菜見證住呢個舖位執咗又開，以前一間食川菜我都幾鍾意🤣最近開咗呢間上海菜，價錢親民，一試仲要出乎意料地都幾唔錯，好抵食！40、50幾蚊個餐～絕對係街坊之選～✨ 上海小籠包 $32/4隻 👍🏻👍🏻👍🏻👍🏻小籠包皮幾薄，仲要都幾多汁！😋不過記得一定要趁熱食！凍咗就冇咁好食～✨ 排骨酸辣湯麵 $45 👍🏻👍🏻呢個酸辣湯麵都好睇個人口味！我自己就麻麻地～不過好多人都好鍾意😙佢係類似碗仔翅加酸，都幾有誠意✨ 口水雞擔擔麵 $56 👍🏻👍🏻👍🏻口水雞幾唔錯！跟餐都分量充足，而且夠滑！擔擔面嘅湯喺偏稀嘅～都幾適合送麵！✨ 椒鹽雞翼 $36/4隻👍🏻👍🏻✨ 麻辣海蜇 $28 👍🏻👍🏻👍🏻👍🏻👍🏻👍🏻👍🏻（最推薦）- 👎🏻（可以唔使試）

二次回訪，今日又嚟到天水圍新北江做嘢！經過呢間小店又想入去食午餐。今次叫咗🥢韭菜水餃擔擔麵 $45湯底濃郁，花生味香濃。一碗有四隻韭菜水餃，皮薄餡料多，每隻都飽滿。麵條口感爽滑，份量都好多。🥢口水雞 $46雞肉嫩滑，唔會鞋，辣油麻香味道調較得啱啱好，唔會好辣。🥢上海排骨粗炒 $62有冬菇絲、娃娃菜一齊炒，麵條口感煙韌，唔會太乾，非常惹味。排骨係即炸的，外皮酥脆，內裏仍保持到肉汁。🥢炸饅頭 $26即叫即炸，咬落去仲有聲，每次嚟到都係必點的。🥤黑豆漿 (跟餐+$8)低糖黑豆漿，豆味濃郁，又唔會好甜。總結:價錢合理，味道唔錯，服務員有笑容，值得推薦📍食遇上海料理天水圍天湖路1號嘉湖新北江商場地下A93號舖

餐廳有唔少選擇 小籠包、餃子、炸饅頭⋯一律即叫即整 新鮮熱辣辣🙆🏻‍♀️ 同埋係短短一個鐘嘅食飯時間 見到有好多熟客嚟食午餐 睇嚟係信心保證 可以回頭嘅😆！午市套餐確實掋食 今時今日已經好少地方可以$60樓下 份量多又包嘢飲 可以食飽一個lunch lol 口水雞 (例牌) 💰$46雞肉嫩滑 無雪藏味，配上特製嘅醬汁 唔辣又惹味 令人即刻想嗌碗白飯🤭 例牌嚟講 份量都唔少呀 兩個人平均每人都食左5-6舊 確係唔錯👍🏼上海排骨擔擔面 💰$45先講花生擔擔麵底，湯底睇落好清 但食落實質好濃郁！好香嘅花生味 再配上肉碎 蒜蓉 香蔥，真係一啖湯一啖麵咁食😆 而個麵好彈牙 小店來講煮得相對有水準👍🏼 排骨原塊即叫即炸起 聽到利落嘅刀切聲 食落有陣陣五香粉嘅味道 唔錯✨上海粗炒 💰$53麵條煙靭有口感 忍唔住問老闆娘係咪佢自己搓麵條🤣 原來來貨嘅都係新鮮生麵 朝朝準時運到👍🏼 加埋啲旺菜、冬菇片、肉片⋯一齊炒 食落有鑊氣 亦都好夠味，隔籬枱客人加埋辣椒醬一齊食都嗌正😝🌟午市套餐均送 黑/白豆漿一支，或可樂/雪碧/忌廉/ 無糖可樂一罐❤️💯(食完就明點解咁多回頭客🤭下次要再嚟 試試佢個小籠包😎)

呢間主打上海料理的小店，對佢整嘅酸辣湯底念念不忘，再次回訪位於商場嘅小小角落，雖然唔顯眼，卻坐滿左客人午市過黎食，佢嘅麵套餐非常優惠，$46-$52 已經包飲品，黑/白豆漿都唔少加錢😊，麵又夠大碗，簡直係窮人恩物🥹🍜 花雕雞麵配雲吞2隻 酸辣湯底 $52 花雕雞酒味道濃，食落雞肉都爽滑，係有一點點偏苦雲吞好大隻，咬落口啖啖肉酸辣湯底有冬菇絲，肉絲，豆腐，筍絲，木耳絲，蛋絲，好足料，食完好開胃🍜雪花肥牛麵配雲吞2 隻 豬骨清湯 $52 肥牛份量多，冇雪味又唔韌，淡淡清湯味上海小籠包🤩🤩 $32/4隻好抵熱辣辣上枱，皮都幾薄，咬開一口爆汁，豬肉鮮味，肉汁豐富，點埋醋食更好紅糖棗皇糕 $30/4件自己本身好鐘意食紅棗糕，一於試下望落去係千層嘅感覺，咬落煙韌，但紅棗味唔夠濃，食到微微甜🥟上海鮮肉鍋貼 $29/4 隻良心價❣️外皮煎到香脆，唔會太油膩裡面係鮮味飽滿嘅豬肉餡手拍小黃瓜 $ 20/細 食到蒜茸味，麻油香味，青瓜爽脆