麵屋一鳴

Open Now

Now Closed

【大角咀•麵屋一鳴】@_ramen.11ππππππππππππππππππππππππππππππ大角咀隱世平民拉麵店湯底自家親手淆製 冇令你失望🌻｜黑胡麻野菜沙律｜HKD 23沙律裡的蔬菜非常新鮮，種類也很豐富，有葉菜類的生菜和菠菜，還有根菜類的紅蘿蔔和蓮藕，吃起來口感豐富。而黑胡麻醬則是這個沙律的亮點，它的味道濃厚而香氣四溢，完美地平衡了蔬菜的清爽口感。🌼｜美國牛肉薄切蕃茄湯烏冬｜HKD 65美國牛肉薄切蕃茄湯烏冬的牛肉非常嫩滑，肉質鮮嫩，口感極佳。蕃茄湯則是濃郁而濃郁，帶有微微的酸味，與牛肉的鮮甜味道形成了完美的搭配。烏冬麵條煮得剛剛好，口感彈牙，增添了整道菜的質感。🏵️｜豚肉叉燒拉麵（雞白湯底）｜HKD 58豚肉叉燒是這道菜的亮點之一。它以豬肉腌製而成，肉質鮮嫩多汁，口感豐富。叉燒的表面經過烤制，形成一層香脆的焦糖，增添了口感的層次感。湯底是由骨髓、雞肉、豬骨等熬煮多個小時而成，以提取出最大限度的味道和風味。湯底呈現豐富的口感和濃郁的味道。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 146✨✨✨✨✨✨✨✨✨✨✨✨✨#大角咀美食 #

大角咀嘅餐廳真係好多元化！呢個舖位之前係開業多年嘅街坊米線舖，一轉眼就開左呢間主打雞白湯的特色小店。濃厚雞白湯拉麵係主打招牌，我先叫左豚肉叉燒醬油口味。另外，朋友想食烏冬，所以就叫咗特製蕃茄湯烏冬配黑豚片。午市套餐都會有一你日式蕃茄沙律，新鮮蕃茄清甜多汁。因為小舖嘅關係，主食需要一點點的等待時間。濃厚雞白湯拉麵一定要先飲個湯，creamy又夠熱，有濃厚雞湯味。略嫌比豬骨湯少了一點黏口膠質的感覺，但整體碗拉麵都滿意的。拉麵質感剛剛好，叉燒頗香。而另一碗蕃茄烏冬就主打健康風味，湯底鮮甜好refresh! 枱頭仲有個秘製辣醬，都推介的，可帶出湯頭另一番風味。最後，食埋燒雞中翼，不過不失。下次會想試加麻辣的湯底，應該會惹味一點。

新開平民拉麵小店🍜 餐廳主打雞白湯拉麵及蕃茄湯烏冬 平民價錢 有啲午市優惠套餐或者學生餐咁 而新開張期間更送每人一客沙律🥗 ====᪥ 汁煮廣島蠔拉麵 $68拉麵配料豐富 除咗三隻廣島蠔 亦有溏心蛋、味付笋、蔥花、洋蔥、木耳及紫菜 湯底味道濃厚 ᪥ 低温鷄肉蕃茄湯島冬 $55呢到嘅烏冬唔係日式烏冬 比較似上海麵 或棒丁麵 低温鷄肉幾鮮美入味 蕃茄湯底則比較清淡 ᪥ 薯仔沙律 $20᪥ 蜜豆南瓜 $25除咗拉麵烏冬都有啲小食 南瓜又甜又綿 唔錯！

經過發現呢間拉麵店好抵食！環境乾淨企理 店員間唔中過黎傾兩句有人情味麵條掛汁彈牙 定價好良心 性價比高！啱曬lunch過黎食 學生仲有學生價整體食得好滿足🤤.ᴛᴀsᴛᴇ: ★★★★☆ ᴠᴀʟᴜᴇ ᴡᴏʀᴛʜ: ★★★★★ .▪️薯仔沙律 $20▪️豚肉叉燒拉麵 醬油味 $58▪️低溫雞肉拉麵 $55.拉麵會有胡麻野菜沙律作為前菜，麵包含溏心蛋 味付笋 蔥花 洋蔥 木耳 紫菜等配料非常豐富～ 而且聽老闆講佢地麵底增加到140g比出面多20g，咁就唔驚食唔飽啦😋

大角咀嘅美食，唔應該只有街坊享受，就算唔係附近返工搵食，夜晚都值得嚟探索搵食有間日式麵店開咗冇耐，午市都有啲人氣，但夜晚就比較拍烏蠅其實呢間餐廳嘅食物好用心製作，而且價錢好平民。雞白湯唔會白到嘩眾取寵，而係好平實嘅湯底，啖啖實而不華夠晒香叉燒都幾大塊，彈性好好，豚香出眾麵底硬度恰到好處，唔會好易腍蕃茄湯底紅噹噹得嚟好自然，認真熬製好好有蕃茄香烏冬彈牙又唔會變糊，食得好舒服熟成牛肉經歷一段時間，磨鍊成一點鹹香，質感都好特別就連小食佢地都好講究，前菜沙律非常新鮮，冇諗過蕃茄粒可以爽口如此，從未食過另加一份薯仔沙律，薯蓉打得好綿，卻不失口感，香綿得嚟又具鮮感

見到有新拉麵店，就過嚟試吓好唔好味喇，皆因有我最鍾意嘅雞白湯拉麵。除咗雞白湯拉麵，仲有蕃茄湯烏冬。雞白湯可以揀醬油味、鹽味、辣味、麻辣味。配料除咗豬叉燒、雞叉燒，仲有有廣島蠔同美國牛肉片。都有啲fusion feel。最後都係揀咗醬油味配牛肉，再加咗一客薯仔沙律試吓。點知原來新張期間送黑胡麻沙律，不過佢個汁真係好重芝麻味。薯仔沙律就好香蛋味。講返碗麵，聞得到雞湯香，湯頭有淡淡嘅醬油味，佢唔似白色起泡嗰類湯，相反似中國雞湯味。店主話每日煲足6小時先俾客飲，啲確夠曬濃。麵量都幾多，食極都有，另外配配有雲耳、荀、半隻蛋、辣芽菜、水菜、紫菜，一片好淋嘅牛肉，仲有啲洋蔥粒同蔥粒。味道經過都值得一試。

今次為大家介紹吓呢間大角咀拉麵小店，細細間喺街尾，今次的菜式包括US牛肉薄切蕃茄湯烏冬、汁煮廣島蠔拉麺、燒雞中翼(3隻)和煎餃子。跟著我一起來品嚐這些美食吧！首先是US牛肉薄切蕃茄湯烏冬 $65烏冬彈牙，薄切牛肉大大塊，外賣加分，蕃茄湯都足料。蕃茄湯的酸甜味道都幾開胃。都真材實料。接下來是汁煮廣島蠔拉麺，這道菜以新鮮的廣島蠔為主角，配上濃郁的雞白湯汁和彈牙的拉麺。廣島蠔鮮甜，另外應該用咗柚子汁有少少甜味。拉麵彈牙，$68日本拉麵係而家算平啦，性價比唔錯。燒雞中翼(3隻)，燒雞中翼大大隻，呈現出香脆的外皮和多汁的內裡。燒雞翼的調味恰到好處吃起來。最後是煎餃子，這道菜以金黃酥脆的外皮和鮮美的餡料為特色。煎餃子的皮薄餡多，每一口都充滿了鮮肉的香氣和鮮味。煎至金黃的外皮增添了口感的層次感，讓這道菜更加美味，30蚊，唔算貴。總括而言，性價比幾高，可以一試。無論是US牛肉薄切蕃茄湯烏冬、汁煮廣島蠔拉麺、燒雞中翼還是煎餃子。而且價格合理，讓人可以品嚐到美味的同時不會對荷包造成太大的負擔。美中不足係位置少少難搵。麵屋一鳴大角咀中匯街51號地舖

餐廳喺車房對面，係住附近嘅朋友帶我去，幾隱蔽。估唔到有間拉麵店！❤️一坐底老闆就給我和朋友一人一碟沙律🥗。慢慢食住等食拉麵～😙爽脆沙律菜和酸甜蕃茄，配上芝麻醬，清新又開胃。拉麵有三種口味可供選擇：醬油味，鹽味和麻辣味。朋友嗌左「醬油味US牛肉薄切拉麵🍜」；我就嗌左「鹽味豚肉叉燒拉麵🍜」。❤️醬油味US牛肉薄切拉麵🍜夾左朋友嘅一塊牛肉食，雖然係薄切但好有口感，牛味香濃。❤️鹽味豚肉叉燒拉麵🍜叉燒好大塊，半肥瘦，不錯👍🏻。內有爽脆木耳、荀片、蔥、紫菜、微辛辣的生洋蔥粒等豐富配料。拉麵軟硬適中又彈牙而且份量好多！我食到一半已經好飽🙈。❤️關東煮🍢有冬菇、白蘿蔔和魚腐。冬菇有菇嘅鮮甜和香味。白蘿蔔十分清甜無渣👍🏻魚腐口感軟滑～❤️蜜豆南瓜是凍食的，好甜重有我鍾意食嘅火箭菜～👍🏻😋

今日返返大角咀同哥哥食飯，發現左中匯街新開咗一間《麵屋一嗚》🍜 推薦 💁🏻‍♂️無芝士但有芝士香の熟成肉牛肉蕃茄湯烏冬🍅🐮(🧀?)店主介紹，芝士香味源自熟成了一個月的牛肉薄片～ 為本來清新開胃的番茄雞湯加添風味。有種和洋 fusion 的感覺。番茄湯入口都清甜、無味精、番茄應該都煲都融入雞湯之中、所以湯底飲到「番茄沙」、而非茄膏開水🥫🙅🏻‍♂️ 拉麵加上其他蕃茄切粒，真姫菇等配料、跟餐又有個胡麻沙律菜——都覺得健康。$60 咋～ 價錢非常親民，有盛價比，真做街坊生意的小店雖然裝潢都幾樸素，門面不吸晴⋯⋯但欣賞餐廳用料都幾足料。1️⃣雞中翼雖然$30 三隻，但闊綽的哥哥都叫咗。雞翼都算大 size ~ 肉地厚實。而且外層微甜、應該是加咗燒汁。2️⃣豚肉叉燒拉麵的豚肉有啲咬口、唔會薄衣衣。

講呢間隱密麵屋呢，因為舖頭都好難搵下！朋友仔真係要有啲耐心！！！門面日本風格標榜“濃厚雞白湯”，店內雖小眼見大喲十幾個位置，都乾淨㖉理嘅，價位又親民性價比極高！呵呵，試下味先……點咗🥣低溫鷄濃厚鷄白湯拉麵🍜！等咗大約5分鈡侍應就捧上伲碗賣相唔錯，碗邊仲帶熱，而且鷄湯香氣飄逸嘅🍜，湯夠濃，麵又挂汁，好味道

最近面書群組經常討論一間新開張小店，根據支持小店精神，就衝去試吓啦。.我們入到去，如果長期喺高溫環境下工作嘅話唔會覺得熱，但對於矯生慣養嘅人嚟講就熱喇。跟住我哋就點指兵兵點咗嘢食。首先到達嘅係沙律，呢個時候，奇異嘅事發生喇。.一打開個筷子櫃桶，將筷子拎出嚟之後。成手都係油（自行想像係乜），對筷子有油嘅，再望真啲，每支筷子都缺乏滋養，辣椒油啱啱好補充筷子嘅需要。.跟住拉麵同烏冬上枱，循例手機食先之後就起動筷子（呢個時間筷子已經換咗）。.食咗一啖，拉麵可以接受；至於個烏冬唔知係咪讀書少，硬係覺得唔係烏冬。結果搵谷歌大神求救，嗯，好似、應該係烏冬掛（其實到呢刻都唔肯定)，但食落去真係似上海湯麵，很普通！.至於湯底，拉麵點了醬油湯底，不過不失，總係感覺非常普通，可以再好啲；而蕃茄湯底係全晚唯一推介，真材實料。兩塊叉燒不平均地厚切，食落有一種粗獷。豚肉，都係豚肉，除非唔係。.全晚高潮嚟喇。店長聲稱是溝通上的問題。大家評下理，首先我們第一次到餐廳，事前不知道原來入到餐廳每位點餐的客人都會有是日沙律送，然後店員稱凱撒沙律冇貨嘅關係，凱撒沙律變成兩盒綠茶。我們有點凱撒雞肉沙律，唔講清楚真以為係講緊我哋

麻甩專員又出動搵下d新餐廳食野，呢間隱世拉麵店座立係大角咀奧運站附近，位置上唔特別顯眼，所以先稱得上隱世之處。新店開張近兩個月，格局簡單以簡約為主。食物以拉麵為主打，所有食物以每日新鮮即制，特別在湯底用上雞湯，老闆表示每日即熬煮出黎特別香濃。胡麻野菜沙律沙律新鮮爽身既，胡麻醬幾特別比較少地方食過。US牛肉薄切拉麵 $68 拉麵望上去豐富既，小配菜仲有青蔥,洋蔥,味付笋,芽菜同木耳，當然仲有幾大片既薄切牛肉。湯底濃郁厚身，雞湯鮮味，味道上偏淡適合所有人食。拉麵麵身有彈性，唔會一夾就散，而且曲身麵身掛到湯汁，亦都係唔錯既口感。牛肉本身無經過任何調味，但牛肉本身夠香食落有牛甜味，隨住湯汁一齊食味道都幾出。燒雞中翼(3隻) $30即叫即燒雞翼，好香口燒到個皮身焦焦地有脆身口感，雞翼少鹹好夠味，焦香得黎同拉麵一齊食夠晒正。蜜豆南瓜 $25自家制既特色甜品，蜜豆甜甜地好香豆味，南瓜夠淋身有蜜餞既香味。

大角咀中匯街開了一間乾淨企理的拉麵小店，價錢親民，應是全港最平的拉麵店之一，而且質素很高，湯底都是自家用六小時熬製的，沒有味精，十分清甜入味，午市到來附送前菜沙律和紙包飲品，真的十分划算。🥂US牛肉薄切蕃茄湯烏冬 $65湯底有著濃濃的蕃茄味，配上火箭菜中和味道，牛肉經火槍燒過肉質剛好，烏冬煙韌好吃，令人吃不停口。🥂汁煮廣島蠔拉麵$68 另加豚肉叉燒$20拉麵本已配上溏心蛋和旬十分足料，而雞白湯經六小時自家熬製，份外鮮甜，蠔的口感新鮮，雖然價錢便宜，但質素很高，麵質亦很彈牙，最後連湯飲盡，十分滿足。🥂薯仔沙律$20貌似雪糕，但其實是薯仔沙律，入面有蘿蔔絲，口感涼涼的，消暑一流。🥂關東煮$28這個關東煮的湯亦是自家熬製，有魚腐、冬菇和白蘿蔔，味道恍如回到日本一樣，令人十分開胃。每款午餐均送野菜沙律和飲品，沙律加入很香的芝麻醬，十分惹味。.這家店位置較不起眼，馬路長期停泊很多車阻擋，但門口十分亮眼，是整條街最乾淨的店鋪，沒想過以這麼便宜又不加一的價錢可以吃到這麼高質的日本拉麵，希望經過大角嘴的你會來一試！.Overall rating: 8/10

係大角咀呢條唔顯眼既小巷裏面 人流唔算多 但樹立左好多高質數既街坊小店！！呢間拉麵店開左唔係好耐 今次係第一次黎食🤍💛好有驚喜年輕既老闆好用心服務我地 仲會一齊傾偈 感覺佢好用心經營呢間小店街坊既意見佢都好願意去聽 努力改良食譜！呢份熱情我好欣賞！！難得有後生仔咁比心機服務街坊 一定撐！❤️‍🔥🤩🤩慢煮雞胸雞白湯烏冬🍜 83.77/100Lunch set只係$60-70 有麵有野飲有沙律 好足料！雞胸唔會好柴 但滑啲會再好食啲🤣🤣雞白湯飲左唔會渴喉嚨👍🏻👍🏻高質烏冬唔係平時既粗烏冬 比較幼既 但食落幾新奇😋會經常黎食！！推爆比附近街坊！

一到店就俾咗我哋兩個人兩客沙律雖然冇好大份但好有誠意　其次佢嘅水係加咗冰同青檸檬倒出嚟就係凍檸水但唔會有冰粒喺夏天嚟講真係好體貼　嗌咗一個US牛肉拉麵加雞肉沙律　牛肉拉麵湯底醬油味（$68）湯底有層次食落係雞湯濃郁嘅肉味而冇味精👍🏻食完唔會口渴配料比較中式：成塊黑木耳、竹筍但都有好食嘅糖心蛋至於個簿切牛肉雖然係有啲簿但食落都有三四啖　雞肉沙律（$28）鋪滿一層慢煮嘅雞肉條嫩而唔柴　所有味道未必特別驚艷但食得出全部都係心機