麵屋常勝

Open Now

Now Closed

一入到小店，就感覺到日本拉麵店既特色，牆上貼左好多不同日本食品貼紙，門口仲有部兒童遊戲機同波子機，寫住食拉麵免費打機，客人可以邊食邊玩。全店湯底不加味精，每碗拉麵都有木耳、大蔥、海帶，叉燒肉質柔軟，炙燒後特別香口，拉麵係卷麵，掛湯力高。極上濃蝦湯叉燒拉麵：每日數量限定，湯底有好濃厚既鮮蝦味，入口清甜，每一啖都好似食緊蝦咁。濃郁雞白湯叉燒拉麵：雞白湯呈奶白色，濃郁順滑，味道鮮香。秘製南蠻雞：炸雞金黃色，無骨啖啖肉，口感酥脆，加埋沙律醬，倍添美味。炸魷魚鬚：炸得乾身不油膩，每條都熱辣辣，爽口彈牙。蟹肉忌廉薯餅：外層炸得香脆，咬開流出軟滑細膩既蟹肉忌廉餡料，無得輸。總結，食物用心製作，新鮮好味，店員細心有禮，值得再回訪。

今晚去咗「麵屋常勝」食晚餐！呢間餐廳真係拉麵愛好者嘅天堂！🍜🍖🥟餐廳環境簡單舒適，就好似一間日本拉麵店。餐廳內有日式裝潢同遊戲機，真係令人感覺好溫馨！🍜🍽️😌我哋叫咗幾款招牌拉麵，首先係「極上濃蝦湯叉燒拉麺」。湯底濃郁鮮甜，又帶有濃厚嘅蝦味，真係令人回味無窮。叉燒肉煮得香嫩多汁，配上彈牙嘅拉麵，食落好過癮！🍤🍜🍖另外我哋叫咗「黒蒜油豚骨湯叉燒拉麵」同「野菜味噌拉麵」。黒蒜油豚骨湯濃郁香濃，充滿濃厚的豚骨味，油蒜香氣更加增添了風味。野菜味噌拉麵則將麵條與豐富的野菜和味噌湯結合，味道鮮美，健康又美味！🍜🍖🥬🍲除咗拉麵，我亦叫咗幾款小食。「芝麻手羽」係炸得酥脆嘅雞翼，撒上芝麻增添風味，非常美味！日式炸餃子則外脆內軟，內裡包著豐富的餡料，一口咬落好滿足！蟹肉忌廉薯餅則香脆可口，裡面的蟹肉忌廉餡料鮮美濃郁，絕對是海鮮愛好者的最愛！最後，滋味雞軟骨炸得酥脆，外脆內嫩，味道鮮美多汁！🍗🥟🦀🐔整體而言，「麵屋常勝」嘅拉麵好正！感覺餐廳用心製作，性價比高，而且湯無味精、蝦湯好正👍🏻 湯底濃郁，配料新鮮，麵條彈牙，味道好好。小食都好出色，每一款都好好味！如果你係拉麵迷，呢度絕對係一個值得嚟試嘅地方！我一定會

觀塘嘅東廣場向來係高質小店嘅集中地，前排女朋友話好想食日本拉麵，就一於帶佢黎呢間我bookmark左好耐嘅拉麵小店「麵屋常勝」食！作為一間小店，呢度嘅座位真係唔多，所以都有機會需要等位。不過等候嘅時間可以玩餐廳提供嘅遊戲機！呢度嘅裝修好有東京啲拉麵店嘅感覺，迫得黎好有日本feel，我個人覺得係幾正嘅！餐廳食物選擇雖然唔算好多，但每一樣都好吸引。最後我同女朋友決定每人一碗拉麵再加少少小食。「吉列蝦濃蝦湯叉燒拉麵」：呢度嘅招牌菜，所以我同女朋友一人一碗。湯底標榜無味精，飲落去真係啖啖嘅鮮蝦味，而叉燒好大塊好juicy，吉列蝦熱辣辣好香脆！另外，我地加錢要嘅溏心蛋值得一讚，因為真係好好味，將碗拉麵昇華左！「炸魷魚」：賣相好吸引，同樣係炸得熱辣辣。魷魚本身好爽口，而且調味唔會太鹹，出色！「南蠻炸雞」：好大份好多舊，南蠻醬好濃好邪惡，炸雞肉質唔會太乾，係好唔錯嘅小食！「日本汽水」：兩款汽水都係日本進口，口味絕對係正嘅。飲日本汽水令成餐飯更加有喺日本食嘅感覺，哈哈！

星期日嚟呢間餐廳食，就算2:30都幾多人！呢間新開嘅拉麵店都睇落幾有人氣！啲裝修幾有懷舊特色！明大子豬骨叉燒拉麵超扎實嘅豬骨湯底，充滿濃郁豬骨味，再配上肥瘦適中嘅叉燒，啖啖入口都有驚喜。拉麵麵條彈牙有勁，好入味，加埋上面嘅明太子，味道更加豐富！濃郁白雞肉湯拉麵白雞肉配上清澈濃郁嘅湯底，味道鮮美。湯底入口滑順，帶有濃厚嘅雞肉香氣，令人回味無窮。拉麵麵條彈牙有嚼勁，搭配上雞肉片同埋青菜，食落感覺啲湯係冇味精，食完都唔口渴！糖心蛋金黃外殼，一剖開就見到誘人嘅糖心，蛋黃滑潤，甜中帶點濃郁蛋香芝麻雞翼外脆內嫩嘅雞翼，一口咬下，鮮嫩多汁！酥炸魷魚外皮炸至金黃酥脆，魷魚肉質鮮嫩有彈性，每一口都帶著鹹香味

觀塘本身比較少拉麵店，咁啱觀塘東廣場開咗間新拉麵店，於是就嚟試試佢！的確價錢係幾平，可能因為喺東廣入面開，比較坐得冇咁舒服，同埋碗麵嘅份量比較細😂食咗個明太子豚骨湯拉麵，湯底有少少偏鹹，蛋就唔跟嘅😅雖然知道本身明太子都有啲鹹味，但係即使未撈勻啲明太子，本身嗰豚骨湯就已經有啲太鹹，作為咁鍾意飲湯嘅我，最後都飲唔晒！🥹同行朋友叫咗極上濃蝦湯拉麵，呢碗好食好多！佢所有嘅豬骨湯拉麵都係比較咸😅總括嚟講觀塘區都係食返工廠小店啦😂

今日又去咗觀塘番工，食乜好？見到東廣場有唔少餐廳，仲好多好親民既野食😄😄 我見到呢間麵屋常勝裝修好特別，好用心去設計到好有日本風味，仲有少少兒時回憶既感覺，餐廳內仲有波子機可以玩😆😆😆有好多款拉麵呀！我就揀咗有手指公👍🏻既吉列蝦龍蝦湯叉燒拉麵😻 第一次黎先試下店主推介😄😄除咗拉麵，仲有好多款飲品提供，好似罐裝日本波子汽水🥤、樽裝玄米茶，當然唔少得受香港人歡迎的罐裝可口可樂啦！吉列蝦龍蝦湯叉燒拉麵🍜- 龍蝦湯真係好好味😋仲要無味精，食得兩放心，我仲飲咗好多😃😃😄拉麵係可以選硬度既，我呢方面無乜特別喜好，所以揀咗普通就可以😌都無揀錯😊😊拉麵沾上龍蝦湯既鮮味，好好味😄😄- 吉列蝦有三隻呀！隻隻都好大隻😃😃😃罐裝可口可樂- 除咗可口可樂，仲有其他飲品好似茶同波子汽水🥤揀，選擇夠多😆麵屋常勝 (觀塘)觀塘成業街7號東廣場地下G52-53號舖

觀塘東廣場入面有好多小店☺️今次終於同家人來試下呢間新開的拉麵店🍜 店舖裝潢得好有格調，好有日式風味。牆上擺咗不少懷舊玩具，店內有一部街機可以比大家玩🎮 充滿歡樂的氛圍🎉✪ 明太子豚骨湯叉燒拉麺 配 南蠻炸雞 ⌫💲126拉麵的湯頭非常豐富濃郁，帶有豚骨的香味。將明太子拌勻，湯底變得更鮮味，味道相當獨特。叉燒的肉質鮮嫩多汁，搭配上湯頭更是美味。南蠻炸雞外酥內嫩，酸酸的醬汁好開胃。✪ 極上濃蝦湯叉燒拉麺 配 芝麻手羽 ⌫💲116呢碗拉麵有濃郁蝦味，搭配上炙燒過的叉燒，營造出一種獨特的風味。芝麻手羽外脆內嫩，好出色！【 麵屋常勝 】📌 觀塘成業街7號東廣場地下G52-53號舖

身為一個東九龍人，竟然之前冇嚟過呢度！話說今日我個friend叫我去觀塘食飯，然後話喺東廣場有間好正嘅隱世日本餐廳係東廣場(好近觀塘地鐵站)，今次當然要去試吓啦！🙈而今次去嘅餐廳係麵屋常勝，係一間日式小店，細細地但係裝修都幾特別。而佢水準真係超發揮，竟然意想不到嘅好食，抵俾足一百分佢💯💯今次叫嘅嘢食有: 吉列蝦叉燒濃蝦湯拉麵 🍜 ($108): 食拉麵當然要飲啖湯先，個湯頭真係非常impressive - 完全濃縮左海鮮嘅鮮甜美味，完全睇得出廚師嘅用心製作，不愧為王牌菜。拉麵有彈性和嚼勁，喺吸收咗濃蝦湯嘅精華之後食落去更加啖啖滿足。不得不提嘅係佢豐盛嘅配料，竟然有吉列蝦同叉燒！吉列蝦肉質鮮嫩多汁，炸得卜卜脆，而叉燒質地柔軟，入口即化，簡直充滿了豐富的層次感和口感，真係冇得彈！濃郁雞白湯雞叉燒親子拉麵 🫕($108): 濃郁的雞白湯充滿了鮮香的雞肉味道，一入口就能感受到濃郁的滋味。雞叉燒的肉質鮮嫩多汁，雞肉的風味能夠完美融合在湯中，讓每一口都充滿了濃郁的美味。麵條彈牙有嚼勁，與湯頭的結合更是絕配。整碗拉麵的味道層次豐富，讓人吃得津津有味，回味無窮！秘製南蠻雞 🥘($48): 秘製南蠻雞炸

依間拉麵鋪開左一排，經過過兩次，今晚聽見職員sale話 '無味精' 就試下啦，當然已經預左有伏嘅心態去食。 $88蚊份量細都算，湯底唔濃，仲好勁味精，食完勁口渴，飲左兩支750ml 嘅水差另外加左$20要左個套餐，炸蠔+自制玄米茶就無咩特別。坐底左食食吓，左閃右避，事關將4人枱，分到2人枱，通道勁窄，職員行唔到入去，本人食左幾吓職員的pat pat 橫掃。整體系感差。無味精係呃人同區拉麵丸京$108就食到飽飽，雖然係有味精。分享完畢😂

觀塘東廣場新開左間拉麵🍜店「麵屋常勝」今日lunch 就跟同事去食吓😙 「麵屋常勝」仲可以邊食拉麵邊玩彈珠機…或打吓機🤪赤骨豬湯骨叉燒拉麵 加糖心蛋，湯底冇味精，味豬骨味道濃郁，而且叉燒份量大塊又夠口感！配有蔥、木耳等👍麵底有三種硬度可以自己揀👍吉列蝦叉燒濃蝦湯拉麵加糖心蛋，無味精，蝦湯味道鮮甜，叉燒又係超大2塊 .. 而且不薄有厚度😙炸蝦有3隻追加左4款小食🙈🙈有蟹肉忌廉薯餅炸魷魚鬚，芝麻手羽, 炸章魚球.. 每款也不錯！

原來東廣場新開咗一間拉麵店。都有兩個舖位，一個做廚房，一個俾客坐。點完餐先入去坐，等送餐麵店主打無味精湯底，有豚骨、雞白湯、蝦湯三款。試咗最多人叫嘅蝦湯試吓。配料有木耳、京蔥、海帶，加上少少紫菜粉，令濃厚嘅蝦湯加一份清爽。有三塊火炙叉燒，燒過嘅叉燒好香，而且好淋好好味。麵係曲麵更加掛湯，鍾意濃味拉麵一定鍾意，性價比都高。另外叫一份炸魷魚鬚都好正，條條都酥脆。門口有部遊戲機可以俾你等麵嘅時候玩下幾過癮。

觀塘東廣場有日式拉麵食，於是相約喜歡吃拉麵的朋友在這裏吃晚飯。先填寫點餐牌，再往收銀處付款，然後找個座位，等待侍應叫號送餐就可。吉列牡蠣黑蒜油湯拉麵味道濃厚，黑蒜油覆蓋了湯面，單看外觀只見伴菜。麵質是可以選擇軟硬度，然而第一次品嚐，所以選了正常軟硬度，入口口感當真剛好是不硬不軟，加上掛湯令口感變得順滑，黑蒜油香味充滿口腔。吉列牡蠣可以說份量十足，蠔大小算是中上，亦有新鮮的香甜感。外表炸得鬆脆且不太油膩，一碟四件價性比很高的選擇。極上龍蝦湯叉燒拉麵叉燒厚度適中，肥瘦度亦相當平均，富有燒肉香氣而且口感軟滑。龍蝦湯味道濃厚，名副其實。另外加配了溫泉蛋，溫泉蛋煮得恰到好處，蛋內軟滑流香蛋醬。追加小食日式炸餃子，炸餃子的大小適中，中間餡料是日式常用的菜和豚肉，是正常日式炸餃子的作品。另一小食是芝麻手羽，一客兩隻，外層香脆可口，但又不會太過油膩，十分合我心意。飲品選了罐裝日本蜜瓜汽水，味道是蜜瓜香味的果汁，充滿氣的口感，可以一試。日本波子汽水甜度恰到好處，也是另一可以一試之選。

估唔到喺觀塘嘅東廣場有一間性價比高嘅拉麵舖頭 舖頭裝修好有日本麵檔嘅感覺 餐廳痴咗好多懷舊嘅日式海報 最估佢唔到係連街機都有🤣極上濃蝦湯叉燒拉麵 $88一上到嚟見到橙紅色嘅湯底 就已經覺得好吸引 舖頭標榜無味精 但飲落去味道依然濃郁 健康之餘 仲保持到有好香嘅蝦味🦐面底用咗曲面 都幾掛湯 同出面啲拉麵舖一樣 可以揀軟 正常或者硬 麵質都不錯🍜個人就好欣賞佢嘅叉燒 有三大舊 仲要係偏厚身 叉燒係半肥瘦 燒到好香☺️濃郁雞白湯叉燒拉麵 $88如果唔係話好鍾意食好濃味嘅嘢 就可以選擇依個雞白湯拉麵 比起蝦湯 雞白湯更容易入口 相對清新 湯底唔算油膩😝不得不講 平時喺香港食一碗好食啲嘅拉麵都百幾蚊 依度$90都唔使 真心CP值幾高!炸魷魚鬚 $48唔算油膩 炸粉亦都唔厚 魷魚食落去都保持到少少爽口嘅感覺😋芝麻手羽 $28雞翼好飽滿 燒得好靚 雞肉肉質鮮嫩 一啲都唔鞋 佢嘅小食都係炸物比較多 如果驚熱氣 我個人覺得依個係一個唔錯嘅選擇🤣

在觀塘有一間新開的拉麵小店舖叫麵屋常勝，與十多廿檔其他小店連成一個美食廣場，地点人流極旺，不愁沒有生意。麵屋常勝佔有兩間舖位，鋪位前身是茶檔。座位有十六個，空間較狹小，鋪位裝修很有日本昭和時代風氣之外，亦擺放了美國的翠兒、FeIixTheCat及小魔怪擺設，收銀處旁邊亦擺放了座地式遊戲機及波子機，可以免費任玩，氛圍盡顯是店主個人風格，店舖還播放鬼滅之刃的歌曲。除了店主外，其他職員全是女性。麵屋常勝麵款都有7款，包括了基本豚骨湯白紅黑三款，再加一款有明太子，之後另外有濃蝦湯味噌湯和雞白湯，炸物有八款，飲品有汽水同樽裝冰茶，不想吃拉麵可以加錢換烏冬。我選了明太子豚骨湯拉麵，還有炸雞軟骨及可口可樂。老實锐，常勝的拉麵份量足夠很飽，套餐價錢在一百元之內，食品味道非常大路，豚骨湯湯味道較薄弱，麵條浸湯很久，麵身會發脹及黐在一起，明太子雖然好味吸引份量亦多，放入拉麵內味道增強了，但咸度亦相應大增，叉燒肉味還好，整體是要更加努力，雞軟骨份量多，炸熟的時間拿不準，口感普通。雖然味道我覺得一股，但由於人流真係旺，所以麵屋常勝覆枱率快，一選完吃完就離開，木夠幾分鐘就有客補上，我見很多客人點選蝦湯拉麵同赤辛

觀塘呢邊可以話係一個食肆匯集嘅地方，即係日本拉麵來講已經有好多唔同嘅選擇。今日久違嚟到東廣場呢邊有見到一間新開嘅日本拉麵，望左望餐牌發現相對於其他日本拉麵來講，價錢相對親民，大約港紙七$80已經有大大碗嘅拉麵，加多$20嘅話更加可以追加汽水同埋小食，食完成個套餐之後真係好飽好飽。呢間舖嘅賣點係冇味精嘅蝦湯拉麵，我覺得蝦湯嘅味道都好濃郁，完全可以飲到蝦嘅鮮甜味。今次我叫咗叉燒同埋蝦天婦羅嘅拉麵套餐，叉燒軟爛嫩滑之餘邊緣又有少少煙燻過嘅感覺，口感豐富有層次。蝦天婦羅🍤大大隻脆卜卜，店員有講係廚房新鮮炸出嚟嘅！朋友嗌咗雞湯拉麵，相對蝦湯來講，佢嘅味道會比較清新，但同一時間因為湯冇咁濃郁麵都冇咁入味，所以如果兩者比較嘅話我會更加鍾意蝦湯🦐！小食方面，我哋叫咗炸魷魚鬚同埋牡蠣天婦羅🦪魷魚鬚嘅份量超級大，同樣都係炸到酥脆可口。但最最令我驚喜嘅係牡蠣，一口咬落去脆卜卜之餘都好多汁，啲汁都好鮮甜，感覺有大海嘅味道🤣🤣成間鋪嘅裝飾用咗日本嘅復古風格，仲有一啲波子機同埋遊戲機可以比客人玩，都幾得意㗎，我幾鍾意牆上面黐住好多日式復古海報，好有feel！