麵屋常勝

Open Now

Now Closed

好耐冇返觀塘，朋友話觀塘東廣新開咗間拉麵，終於都有時間去食！呢間堅係好食，可以係加入去我嘅觀塘飯堂list 😜 Menu上蝦湯同雞白湯都係👍🏻👍🏻👍🏻推薦，所以就嗌咗呢2款拉麵，果然冇失望！個蝦湯好濃蝦味，飲得出係用真材實料整出嚟；雞白湯好淳滑，少少油脂令個湯好香，同埋冇味精嘅味，食完唔口渴，食得好滿足，食得出師傅落足材料落足心機🤤🤤🤤 每塊叉燒都有連住啲肥肉，就係佢哋嘅油脂令個湯好香！另外，麵嘅份量好多，拉麵滿滿的，麵質有得揀軟硬度，麵身都唔會太粗，掛湯掛汁啱啱好，連湯一齊食，唔會搶咗湯嘅香味！另外仲嗌咗啲炸物，分別係蠔、手羽(雞翼)、雞軟骨、魷魚鬚。蠔炸完之後仲保持到本身嘅海水鮮味，點或者唔點特備嘅醬汁都可以，蠔本身味道都已經好足夠。手羽炸得啱啱好，雖然佢係連埋雞翼尖，但係師傅冇炸燶個尖之餘，仲炸得好脆，雞中翼嘅水份都保存咗，雞皮上嘅芝麻都昇華咗味道，甜甜地又帶有芝麻香，而且每啖都有肉汁😍 雞軟骨同魷魚鬚都炸得好脆，唔會有油溢味，雞軟骨咬得好爽，魷魚鬚份量都好多。呢餐食得好飽好滿足！裝修都好特別，好似去咗日本東京咁😆因為店內都播好多動漫歌🤤鬼滅一拳超人one piece🤤🤤🤤牆都貼

天氣逐漸轉涼，呢個時候食返碗熱辣辣嘅拉麵就最合適啦今晚去觀塘行完街之後想食日本嘢，就嚟咗麵屋常勝食食店裝飾幾有特色，感覺充滿回憶，彷彿帶我哋進入咗一條通往過去嘅時光隧道叫咗兩碗嘢食，第一碗係黑蒜油豚骨湯叉燒拉麵，另一碗係野菜味噌拉麵，除此之外仲嗌咗四樣小食，包括炸雞軟骨，吉列炸蠔，炸餃子同埋炸魷魚鬚呢間舖頭最特別嘅地方係佢所有湯底都不含味精，不過兩碗拉麵嘅黑蒜油豚骨湯同埋味噌湯底都非常之濃郁，可以感覺到師傅用心製作，而且送嘅份量都幾慷慨，又有得選擇面嘅軟硬程度，性價比好高幾樣小食之中，我覺得炸餃子同埋吉列號最好食，所有炸物都好香脆，又唔會過分油膩，為呢餐晚飯作出完美嘅點綴呢間食店座位唔多，不過乾淨衛生，而且地點方便，食物價錢公道，份量慷慨，拉麵不含味精，既健康又好食，值得推薦#麵屋常勝

环境：在觀塘廣場小食店裏面。琳瑯滿目不到1900星期五已經人滿為患。服务：還可以。在點單時候，拉麵可以選擇不同的軟度。也有不同的小食選擇。在添加拉麵的配菜，例如蔥之類。可以添加的只能炸蒜，還沒有生蒜比較重口味的選擇。拉麵沒有芽菜之類的感覺缺少了什麼。🤣黑蒜油豚骨拉麵 主打是為了黑蒜去的，但是整碗拉麵是黑蒜油，有點像墨魚汁拉麵的程度，豚肉方面是薄片的，口感不會油膩肥膩。整碗湯確實會容易感覺比較油。店員推銷的時候也是主打無落味精的湯底，暫時吃完一半也是覺得還沒有想喝水，這的確加分了。用餐環境：餐具筷子之類的還是比較安全整潔。符合日式風格。另外就是提供紙巾，現在觀塘廣場小食餐廳很多，主動提供紙巾卻好少了。本來想額外點其他飲品，但是在這附近有檸檬茶等奶茶，吸引陣間直接掃街食。這才是在觀塘廣場食飯的樂趣。

今日跟同事去觀塘東廣場食lunch .. 看看有什麼好吃….在觀塘東廣場地下見到有間日式拉麵小店，門口還有部彈珠機和Street fighter街機…..食拉麵可以免費打機🤪 「麵屋常勝」有多款拉麵選擇或小食等.. 麵底有三種不同硬度揀！赤骨豬湯骨叉燒拉麵另加$8有糖心蛋，湯底唔覺得有味精，味道好香濃👍吉列牡蠣黑蒜油湯拉麵，湯底好濃郁好好味，拉麵都有咬口不錯👍小食芝麻手羽，雞翼皮脆肉嫩多汁， 熱辣辣👍

今日同個同事加班之後諗住食埋晚飯先返屋企喺呢個東廣場就搵到呢間拉麵店凍凍地食碗裏面都好呢度嘅拉麵湯底都好多選擇，我就揀咗個極上濃蝦湯（再加明太子），同事就揀咗個明太子豚骨湯，兩款都係叉燒拉麵。另外仲有追加價錢點咗以下幾款小食：蟹肉忌廉餅，雞軟骨同炸章魚球湯麵都唔使等太耐就準備好賣上非常吸引，令人好有食慾。首先試一試我個濃蝦湯底，飲落非常之鮮甜，濃郁，加上佢嘅配料都好多例如木耳絲，海苔，京蔥等，食落除咗有咬口又香而且配埋明太子，口感同味道都非常豐富，特別惹味。佢嘅叉燒亦都好出色唔會太瘦亦都唔會太肥。同事嘅明太子豚骨湯底佢都話比好多拉麵店濃郁，加上明太子確實係一個好好味嘅配搭。佢特別鍾意呢度嘅麵佢覺得好彈牙有咬口。至於佢呢度嘅炸物我哋都好欣賞，炸嘢本身都鍾意食，夠曬香口之餘，個蟹肉忌廉餅特別好食，外脆裏面就軟軟又香。雞軟骨就永遠都冇得輸，香酥一小口，又有咬口；章魚丸加埋醬汁永遠都係咁令人滿意！飲埋個日式汽水同埋冷泡茶，非常完美亦都一掃加班後嘅疲累！值得encore!

今日去觀塘開會，之後和同事去麵屋常勝吃拉麵。朋友話這間拉麵店真材實料好味道，價錢實惠。去到店好有日本小店feel，頗有情調氣氛。一坐低店員很熱情推介，我們分別選了兩款招牌拉麵，小食和飲品。店員推介的極上濃蝦湯叉燒拉麵果然好味道。蝦湯顏色吸引，飲落味道香甜濃郁，睇得出是用心淆製的湯，無味精，飲完唔口渴。叉燒肥瘦適中，肉質和味道都好，拉麵軟硬適中有咬口，配料新鮮，添加的糖心蛋也有水準。朋友皮膚敏感不吃蝦。她好欣賞濃郁雞白湯叉燒拉麵，話雞白湯有風味又夠濃香，令拉麵生色不少。幾款小食都啱我地口味。日式炸餃子一份四隻，香脆爆汁。蟹肉忌廉薯餅一份兩件，外皮香脆，內面軟滑。炸魷魚鬚香口，有魷魚味，好食。食完拉麵小食，最好飲番枝玄米茶清清味蕾。這小店製作用心，性價比高，期望再訪。

麵屋常勝觀塘成業街7號東廣場地下G52-53號鋪#maphk2021 #觀塘美食地圖 #觀塘美食 #觀塘好去處 #拉麵控 觀塘返工嘅人都知道呢區好多人，而餐廳嘅選擇都好多，尤其是東廣場出名經濟實惠餐廳。近來開間拉麵店，好有日本小店嘅感覺！有出面好少見嘅波子汽水!牆壁貼滿懷舊嘅品牌海報，食拉麵仲可以免費打機，系我中學時代會去機鋪玩嘅遊戲。但當然最吸引都系拉麵，尼度標榜湯底無味精，招牌極上濃蝦湯橙黃色，有少少蝦油，拉麵幼身冇鹼水味，木耳同叉燒都吸曬蝦湯超好味😋另外一個推介湯底系明太子豚骨湯，真系有一大條明太子，就咁食又得，撈埋個湯食又得。套餐仲可以用優惠價追加小食同配料，吉列牡蠣，新鮮炸起鮮嫩多汁，同秘制南蠻雞一樣外脆內軟！

宣稱無味精，實際有無味精我唔識分，總之個湯底勁鹹。個麵勁重鹼水味又硬，舊肉一陣雪味。平時出面啲高質既拉麵舖都有糖心蛋，呢間係要另外加錢先有。咁既質素收88蚊我覺得唔合格🥵

觀塘呢個廣場有間小舖係專門食拉麵嘅，既然都有一段時間冇食過，今日就過嚟 嘆吓。主打嘅吉列蝦叉燒濃蝦湯拉麵，當然不容錯過。濃蝦湯 嘅蝦味極為濃郁，味道突出，相信用咗好多蝦去熬製，滋味無窮，所以捧場客特別多。吉列蝦炸漿薄身，然後炸得通透，鬆化美味。日式叉燒則肥瘦相宜，肉質甘香，入口融化，令人回味 。拉麵煮得軟硬適中，浸喺濃濃蝦湯之中，好入味，性價比相當高。可以加$20變套餐，相當抵食！揀咗碟炸牡蠣，蠔本身有鮮味，炸好之後更提升味道，好食。樽裝玄米茶，口味清新，配炸物一流。仲追加咗一個小食，係芝麻手羽，一份有兩隻。一見到個顏色就好吸引，一來雞翼醃得入味，二來炸得夠脆身，冇油膩，而且表層灑上芝麻，雞皮更酥脆，令美味指數提升幾級，值得推薦！坐低歎緊拉麵嘅時候，容易令人想起日本旅行嘅時光，因為日本拉麵店一般都係面積細細，人客之間都比較擠迫，但正正就係呢種感覺，令回憶變得特別有意義呀！餐點多選擇

朋友話有間食日本拉麵嘅舖頭，令人感覺似喺日本街頭食嘢嘅風味，咁就一定要親身感受吓。由於店舖細細間，只有十個八個座位，大家排排坐，變得密質質，零舍有特色。而且佈置又似日本街頭，各種標誌更滲出東瀛風格。當然嘆我鍾意嘅吉列豚肉豚骨湯拉麵，薄身嘅豚肉，香氣撲鼻，一食就停不了。拉麵可選擇軟硬度，各適其適，豚骨湯非常豐盈，味道濃厚，麵質滑溜，互相配合 。我特別加咗玉米及溏心蛋，蛋確實做到溏心效果，滑滑嘅蛋白，夠幼嫩，蛋香滿分。再升級為套餐，配咗可口可樂及炸章魚球，章魚球炸香後，爽滑可口，甜甜醬汁有和風味道。朋友揀咗吉列牡蠣黑蒜油豚骨湯拉麵，香濃豚骨湯底加埋黑蒜嘅獨有香味，極之惹味，配大量蔬菜及爽脆日本木耳，令整碗拉麵口感更加豐富，滿足感大增。仲有套餐嘅滋味雞軟骨及雪碧汽水，雞軟骨炸得香脆可口，好好食。好容易食得出廚師用心炮製食物嘅堅持，更值得一讚嘅係佢地唔會落味精，令人食完唔會口渴，真係冇得彈。

小店位於觀塘東廣場，平時都比較少過黎呢邊，今次接女友係啲工廠大廈玩完路過就搵下有咩食，坦白講係比佢個門面吸引左既，充滿回憶既拳皇舊版街機就咁放左係舖頭外面，仲要寫明任玩，後面仲有部波子機，而舖仔佈置呈現出舊年代既感覺，吧台單排果行櫈如果你一個人食拉麵仲會見到一排One piece陪住你食，我呢個海賊迷會好鍾意!!!雖然座位比較窄，但氣氛搭救了濃郁雞白湯叉燒拉麵$88(我額外加多左明太子同海草)的確濃郁既雞湯，配合軟硬度岩岩好既麵底，每一啖都停唔到咁繼續食下一啖，而無論主菜叉燒定係配菜都一樣咁出色極上濃蝦湯叉燒拉麵$88湯底又係另一個味道，比雞湯更重口味，蝦湯底帶有鹹香，叉燒同另一碗同樣美味滋味雞軟骨$38炸物最緊要夠熱夠脆夠邪惡，呢個雞軟骨就做到哂了，食到停唔到口，當然個沙律醬減輕邪惡感都重要芝麻手羽$28本來對雞翼冇乜期望，點知入口又認真唔錯喎，醃製將成隻雞翼既味道出左黎，配合芝麻既香，我嫌同女友分一人一隻太少tim........

上星期日我去左觀塘嘅一間非常出色嘅拉麵店「麵屋常勝」，餐廳以家庭式作業，店舖唔算大，但係每一樣嘢都好好食，特別係佢哋嘅濃蝦湯底，超級好味道！蝦味重而唔太咸，絕對係必食之選！我哋點咗好多款食物，首先係極上濃蝦湯叉燒拉麵。叉燒肉嫩滑多汁，拉麵彈牙，湯底濃郁鮮美，充滿蝦味，每一口都令人滿足！🍜🍤🐖😋野菜味噌烏冬係另一個推介！烏冬煮得剛剛好，配上豐富嘅野菜同味噌湯底，味道豐富又開胃！真係好滋味！🍲🌿🍜😍蟹肉忌廉薯餅係一個特色小食！薯餅炸得金黃酥脆，內裡有濃郁嘅蟹肉忌廉，每一口都好香滑，令人回味無窮！🦀🥔🍤🥮🤤芝麻手羽同炸章魚球都係非常美味嘅小吃！芝麻手羽炸得香脆，每一口都有濃郁嘅芝麻味道，燒章魚球外皮酥脆，內裡嘅章魚鮮嫩多汁，兩者都令人愛不釋手！🍗🦑🔥🌰🍢😊最後，我哋試咗滋味雞軟骨。雞軟骨炸得酥脆，味道香濃，每一口都好多汁，真係好好味！🍗🍖🔥🥢🤤總括而言，「麵屋常勝」係一間非常出色嘅拉麵店！極上濃蝦湯叉燒拉麵同埋蟹肉忌廉薯餅都係非常推介！如果你想要一個正宗又美味嘅拉麵體驗，記得去「麵屋常勝」試下啦！🍽️🍜🍤🦀🥔🔥

係觀塘東廣場有一間咁樣既拉麵店。開放式既店面，舊式日本風，精緻既拉麵、小食佢就係係位於觀塘東廣場既麵屋常勝係度食拉麵，絕對會比佢既收藏品同埋拍青哥機吸引到極上濃蝦湯叉燒拉麵 $88極濃既蝦湯拉麵，我都差d懷疑自己食飲緊西餐湯既龍蝦湯叉燒好香好好食, 正!加埋隻糖心蛋($8), 就完美啦!小食 - 吉列蝦 3隻 $30, 日式炸餃子 4隻 $28食拉麵黎講小食都好重要, 肉汁飽滿既炸餃子就當然唔少得啦再加埋同蝦湯好夾既吉列蝦，都唔錯罐裝-日本波子汽水$12罐裝-日本提子汽水$12樽裝-玄米茶 $5

東廣場嘅餐廳成日轉手，以前附近返工，兩年之後返來，餐廳都已經面目全非。招牌見就覺得係傳統嘅日本，係動漫嘅感覺，仲有話幫襯，就可以打街機，呢種童年回憶，好吸引入去幫襯。入去見到餐牌，有好多款拉麵嘅湯底，都話無味精，真係覺得無揀錯。睇下餐牌有咩食睇完就畫餐牌啦！我地揀左兩個拉麵，基本嘅配料都一樣，同埋都係配黃色曲麵。極上濃蝦湯叉燒拉麵 $88+溏心蛋$8=96出面食蝦湯拉麵嘅地方比較少，所以聽講呢款係最多人叫嘅款式。呢個主要係朋友食嘅，偷左啖湯，蝦味真係超濃，感覺落坐好多蝦殼落去煲湯。濃郁雞白湯叉燒拉麵 $88店內嘅另外一款推介，雞湯望落有啲水，但食落湯底真係特別濃，配合爽嘅黃色曲麵，特別掛湯。食完麵都忍唔住繼續飲，不過飲完兩個鐘之後，都無狂飲水，證明真係無味精。拉麵有三塊叉燒，每塊叉燒係五花腩卷成一個圓形，外面再用火槍燒過，肥而不膩，非常用心。出面食碗味精拉麵，配料少啲，有時都要呢個價錢，所以呢碗就真係超抵啦！炸章魚球🐙 $30配沙律醬唔錯芝麻手羽 2隻 $28雞翼炸得香口，配雞翼尖，有酒會更好套餐D 餃子2隻＋日本提子汽水 ＋冰底 $20＋4＋2餃子炸得香脆，菜肉都有，中規中矩，但點沙

第一：拉麵鋪冇冰水 雖然唔收+1 但係連水/茶都冇杯 仲要係收錢先落order第二：糖心蛋冇半熟 隻蛋冇咩味 咬開完全冇流心 第三：+$20套餐汽水竟然冇飲管 小食章魚燒得兩粒😂第四：拉麵麵質極差 同食開嗰啲拉麵舖完全唔同 麵質掛唔到湯 湯同麵係完全分離第五：湯底稀釋 話就話冇味精 懷疑係唔識煮拉麵湯底 廚房嗰啲都唔係拉麵師傅嚟 叫咗鮮蝦拉麵試唔到有任何鮮味第六：舊叉燒正正常常 不過啲嘢菜真係唔知想點 勁唔夾呢間嘢根本唔識做拉麵 講緊其他拉麵舖 平過佢嘅都好食過佢 …………….百幾蚊食嗰咁嘅嘢 完全冇性價比可言