18樓雞煲火鍋專門店

Open Now

Now Closed

聽日請了假去玩 所以今晚特意去食雞煲Happy 一下 🙈🙈朋友介紹呢間雞煲好抵食 所以專程嚟到試下🤤今日我地就點了套餐A- 精選美國雪花肥牛餐一入到去 就即時去攞野飲同埋調味料 野飲選擇都蠻多的 而且仲有個雪櫃專放18樓雞煲自制既冬瓜茶及桂花烏龍茶 😚😚 著重健康既朋友仔就不容錯過了🤩我就試了其台式冬瓜茶 清清甜甜的 很解渴🤤大大杯咁 岩哂打邊爐飲🤗至於雞煲方面 因為屋企人唔食得辣所以揀了不辣既雞 雞既份量都唔少 加埋啲蔥真得特別香 😽而且雞隻很入味 不會很重味精 🤟🏻加入上湯後仍然味道十足 不需加入其他調味醬汁都夠味道👍🏻👍🏻我們亦都叫了很多不同丸類 肥牛 同埋 麵 只要掃一掃QR code 就落order 很方便 而且員工很快就會送上食材 超有效率👍🏻👍🏻我會特別會推薦餃子🥟同肥牛 值得再encore!!最後仲可以去自助機攞雪榚 有綠茶同乳酪雪榚揀！今次我就試了個乳酪雪榚～酸酸甜甜的 食完雞煲火鍋搭個雪榚就感覺十分良好🤗今餐雞煲火鍋十分抵食 感覺很滿足呀！

真係好耐無食雞煲☺️今日去荃灣見到食評滿滿既18樓雞煲，忍唔住6點鐘就去左搵食☺️6點唔洗排隊☺️☺️勁抵食😘限時2個鐘。6點鐘暫時無咩人！出走個陣已經要排隊等位了！全部任點任食😆仲要包好多選擇☺️我覺得魚萵荀哩啲都係必備食物😚食完雞煲打邊爐😆我地叫左小辣，第一件食既時候覺得唔夠味，到第二件就覺得岩岩好，好好味，我地2個人食，雞既份量都好多。好多配料。以前任食會成日漏單，唔知係咪轉左qr code落單，完全無漏單情況出現！抵讚！任食黎講雪花牛肉抵讚，唔錯。我地食得好豐富，同埋鐘意佢每份都細細碟，可以試多啲野。是日海鮮我地大讚，係蟶子呀，肥嘟嘟好新鮮，我地最後又叫左2份🥰其他配料都好食😋最後我仲食咗個乳酪雪糕🍦好滿足！坐得又舒服😌價錢又抵食😆位置便利！哩間大推薦！

想食雞煲真係無分日子😋相信18樓雞煲係人都聽過！同朋友揀左套餐A ($188+10%)！閒日6點鐘入左～都唔係好多人～之後7-8點陸陸續續就熱鬧起黎！嗌左小辣雞煲！的確唔係好辣～反而覺得係微辣添！中意食辣嘅朋友不妨嗌中/大辣！而雞嘅份量都好多！亦好好雞髀🍗肉～咬落去好嫩好入味！湯底就自己任加嘅！都係清雞湯黎～食左好多雪花肥牛～都幾香牛味～咬落去唔會覺得好鞋！而白膳片我都嗌左好多碟！因為平時出去食一條膳都好貴架！！個人覺得最特別係啲自家製響鈴！佢包得好特別！有別於其他餐廳咁～另外有個墨魚滑我都encore左3-4次！因為食落去好爽口好彈牙～真係幾新鮮！飲品方面，有好多支裝茶～個人比較中意茉莉綠茶！我都飲4-5支！好香茉莉味！而且解辣一流！總括然而，雞好入味好好食！而啲配菜都好豐富～有好多選擇～環境亦都企理！飽到第二朝連早餐都煲食呀！

秋風起了，開始有啲涼意，於是乎同frd去左食雞煲。openrice一search雞煲既第一間就係18樓雞煲！以前食過果啲都執左了，一於就食下間新既！我地閑日七點去到，都大部份位full左，好彩岩岩去到仲有枱！枱面寬闊，衛生不錯。由於我地只想食雞煲，所以打邊爐個餐只係叫左最平個牛肉餐，但大部份邊爐有既配料都應有盡有！雞煲方面隻雞好滑，個醬汁味道岩岩好，另外都有啲香料加左入去，唔會得個咸字。食到咁上下就可以加湯入去喇，跟住我地就係出面拎左啲菜加入去，啲蔬菜可以拎，亦可以叫，都好新鮮，鍾意食蔬菜既人實會鍾意！肉類方面，啲肥牛同豬肉肉味夠，肉質不錯。飲品方面，有好多種類，例如減肥既coke plus，一啲冷泡茶（冬瓜茶、桂花烏龍），啲冷泡茶都好高水準，值得一試最尾緊係食返個frozen yogurt埋尾啦🥰超級好味。服務方面都好周到，上菜快，收碗碟都快。總結一人$200左右既雞煲放題，做到佢應有既水平有餘，性價比高，冬天可再食。

呢一間地方超大，兩人都有寬鬆卡位坐，油煙味唔會重，感覺幾舒服！因為唔太食得辣，所以選左微辣 ，應該係唔需要飲住野都可以接受嘅程度，有時候唔鍾意食得太辣，因為會蓋過食物嘅鮮味，小辣啱啱好！可以釣出雞嘅香味，又唔會蓋過其他食材嘅鮮味！雞件份量都好多，兩人食真係食曬雞都4-5成飽，大部份雞都好有肉地，值得一讚嘅係雖然係比較重口味嘅烹飪方法，但係唔會煮得個雞肉過老，仍然係肉汁鮮嫩嘅感覺，唔會霉口，惹味又好食！食完比較重口味嘅雞，就即刻去睇吓有咩嘢飲！我好鍾意佢好似牛大人咁樣有自己沖制嘅無糖茶，有桂花烏龍同埋茉莉茶，兩款都非常之清香，解膩啱啱好，同埋獨立包裝好衛生，另外有款帶有甜味嘅冬瓜茶，都係清爽之選，仲有好多韓式同埋日式嘅過火汽水等等選擇都幾多！食咗八成雞之後，就可以去加湯，加完湯之後就用QR code數下睇吓有咩食材可以自助落單選擇。個人最鍾意嘅係佢嘅三款水餃🥟包括白菜豬肉餃、粟米豬肉餃同埋菠菜豬肉餃三款嘅餃皮薄得來又有咬口，入邊嘅餡好多好多汁，又新鮮，味道同出邊餃子專門店嘅差唔多，我覺得係一定要試！另外佢牛肉都有幾款可以選擇，我個人最鍾意佢特級牛肉，覺得牛肉味好重，唔會太肥，唔會有雪味或

之前都食過幾次，依家一講起雞煲就會諗起呢間。平日晚飯時間唔算太多人幫襯，眼見吉枱好多張。拎飛後發現螢幕上同手上既籌號一樣就問下店員，但佢堅持要等嗌號，我哋唯有就再等等。但當佢再嗌號已經係下一張飛，我諗係入座安排呢個部分真係需要改善下。我哋就揀咗套餐B ($218)，星期五至日就要另加收$10。鋪頭都係採用QR code落單，有部分菜類就可以直接去凍櫃拎。餐廳設有自助調料區，調料選擇唔多，但平時用開嘅都會有。而雞煲揀咗最少辣，始終會愈煮愈濃。雞肉係甜辣味，都幾好食，但骨既部分真係偏多。配料上得好快，都無出現漏單情況。牛肉同豚肉片厚度適中，食落都唔柴。滑牛同雞柳都推薦，啲肉都真係幾嫩滑。但魷魚味道比較腥，羊肉都好重膻味，食過一次都無再落單。其他配料都中規中矩，無乜特別。總括嚟講，呢個價錢任食都算抵，食物質素都唔錯。

要平要正雞煲唔難搵，但要有埋高質火鍋就唔係度度有。呢間雞煲可以揀辣度，又有任食火鍋，真係幾岩我呢啲怕辣嘅濃味怪。雞煲夠哂惹味又夠哂份量，其實已經滿足左第一個胃。加入清湯再食第二樣，火鍋，海鮮、肉類、丸類、粉面、小食、炸物，真係應有盡有。鮮蝦、肥牛、豚肉片、鯇魚片、鯇魚脆骨腩、鱔片，牛丸、腐竹、響鈴，全部都好新鮮，爽口，尤其是係鱔片，貴價野，食多幾塊值回票價。要食菜，要飲汽水，要食清熱嘅嘢，或者要食甜品，完全冇難度。菜籃、萵筍、秋葵、蓮藕片、淮山片，新鮮整潔，入口清脆；各式汽水、清熱飲、涼粉、自家製冬瓜茶、甜品仲有軟雪糕，任食任叫任攞，簡直一次過滿足晒幾個胃。

同朋友行街行到又餓又攰，佢話好耐無食過火鍋，佢知道呢幢大廈有間食雞煲火鍋都幾好，佢就帶我上去。呢度全層都係屬於呢間餐廳，環境又大又闊落，我哋仲坐窗口位，對住個靚境食飯添。我哋叫左個小辣雞煲，雞切得大小適中，肉都幾多，雞煲越食越辣，好惹味，我就幾鐘意，好好食。食完雞煲，可以直接加湯食火鍋，但朋友怕油淋淋，所以就換左個清湯先開始食火鍋。飲品：飲品分佈喺唔同嘅角落，飲品種類好多，有甜有唔甜，有汽水有果汁，任君選擇。我哋就攞咗個自家製冬瓜茶，無汽得嚟又唔算太甜，good肉類：有特級肥牛(左上)、雪花肥牛(右下)、滑牛肉(右上)同埋頂級梅頭豬肉(左下)，各款肉類切得薄薄，但淥熟完之後，肉就變得厚左，有口感，亦唔會韌，幾好喎。海鮮類：滋補花膠唔算太薄，食落都咬口。海中蝦同埋是日海鮮蟶子都ok喎，size唔大亦唔算細，入口帶鮮味。丸類：點左黑椒牛丸、炸魚片角、芝士豆腐、墨魚滑同埋魚皮餃，各款丸都好彈牙，魚皮餃外皮煙韌，芝士豆腐嘅芝士味濃，幾特別。炸物及菇類：金菇都可以，味道正常。響鈴卷係自家製，大大舊，炸魚皮都大大塊，兩款浸湯食好好食。蔬菜：蔬菜在外面雪櫃自己攞，我攞左油麥菜(右)同生菜(左)。d菜

食肉獸最鐘意食肉 仲要一食就食曬豬牛雞 滿足呢間餐廳環境幾大 好多卡位 再次重申 坐卡位真係好正 坐得舒服 仲可以同朋友仔面對面傾 打頭陣點少得主角雞煲雞煲一上枱就見到有洋蔥同芫荽 唔好呢兩味嘅朋友仔記得走咗佢地 上左枱最好煮一陣先 雖然都已經熟咗 但即刻放一口係暖暖地 對野食有種堅持就係要趁熱食 每件雞件都啖啖肉 裏滿雞煲醬 好夠味 花椒嘅麻亦都十分出 但辣味相對就較微 每件雞件都啖啖肉 份量嚟講 4個細食女仔嚟share都還可以 但大食嘅就唔夠啦到火鍋配料 今次嗌嘅係Set A 包咗 雪花肥牛同特級肥牛 肥牛肉質一般 但我覺得牛味幾重 都算唔錯海鮮類有蝦聖子等等 蝦嘅肉唔梅 但聖子就有食到沙丸類蔬菜類方面 種類都較為少 質素亦正常雖然火鍋配料比較普通 但個人認為飲品種類算多 可以照顧到唔同客人嘅需要 有自家製嘅茶 可一般汽水 紙包飲品 涼茶 韓國果汁等等甜品方面有乳酪雪糕 自己支自己整自己加料 爽丫丫 原味乳酪雪糕大爆推 一個人隊十杯就最開心整體嚟講 呢間餐廳可以滿足到食肉獸想食肉嘅心 配料就比較普通 大推乳酪雪糕🍦

平時好少食任食，因為怕肥，不過久唔久一次 就盡情食食食食食好鍾意食完雞煲又可以打邊爐， 選擇多可以樣樣食少少因為同行友人唔食得辣,今次揀咗微辣首先嚟雞煲，朋友之前話好驚佢會辣，但係食落覺得有啲微甜，另外雞又唔會嚡口而且夠入味有個搞笑位係…食咗兩隻雞翼後…發現仍然仲有一隻雞翼食完雞煲就打爐配料選擇都幾多見到有花膠嘅時候雙眼發光，不過又好驚係嗰啲煲好耐都係勁硬嘅花膠估佢唔到滾耐少少真係變透明，食落又淋又滑，非常推介， 有圖有真相雖然我哋叫咗平嘅A餐，但係牛肉嘅顏色同埋質素都不差另外店舖又有一個驚喜位係有乳酪雪糕飲品選擇多，我地飲多樣之後，覺得最好飲就係呢個冬瓜茶，會唔會好甜，每人都起碼飲咗兩樽另一個覺得值得推介嘅位係，佢店舖入面嘅位唔會坐得好迫，唔會好嘈另外油煙都算處理得好好，出到嚟個身上嘅雞煲味係可以接受嘅最初以為兩個鐘會食得好趕，但係都唔算，慢慢食食個半鐘，仲可以坐低半個鐘傾下偈飲下嘢食物嚟得都算快，係最初雞煲可能要等一陣但係都時間上都好足夠

今日喺荃灣行街又好想食雞煲，咁就行咗去呢度大鴻輝，好多人都知大鴻輝係一個美食嘅大樓，咁啱見到有18樓有間食雞煲，佢個名真係叫18樓雞煲火鍋專門店，位於大鴻輝中心18樓。入到去呢間專門店真係好旺場，差唔多全場爆滿。呢度落單係有掃q r code，又方便落單，又方便自己睇返落咗啲乜嘢。雞煲好快就上咗啦都唔使五分鐘，其他配料好快亦都送到，飲品係自助嘅，除咗一般出面有嘅汽水呀等飲品仲有一種自家泡茶（茉莉綠茶）,味道清香，而不甜，可以一試。而上左既肉類都不錯，而魚類很新鮮，而且丸類選擇眾多。仲有菜喺雪櫃自由選取,還有一般比較少見喺邊爐嘅通菜。雞煲整體味道幾好，配料選擇多，上菜快，，菜類魚類等都好新鮮，，，最後不可不提，，當然係佢部雪糕機，，有兩種口味，，，不太甜，，正，，，竟然食左兩杯，，，中有一些配料，，自由選擇，最緊要埋單每人都唔駛200大圓，，下次再黎試下另一款牛先，，，，實發樓

今次已經係我第二次食呢間雞煲，同樣覺得性價比好高，每人都只係$178再加一，但已經有雞煲加任食火鍋配料，真係大滿足。🥰雞煲係即叫即製，有得自行選擇辣度，我哋就揀咗小辣，微微嘅辣啱晒想食辣但又唔太食得辣嘅人，好香好惹味！🤤雞肉肉質十分嫩滑，事前已經煮得好入味，一上枱，幾乎好快就食得！雞肉份量唔會話太多，兩個人食完都仲有啲胃口可以繼續試多啲火鍋配料。😚而火鍋配料就係透過QR code 自行落單，好方便，點完後，店員好快就送上枱！👍火鍋配料種類好多，有牛肉類、豬肉類、雞肉類、海鮮類、丸類、蔬菜類及麵食類等。😍食左咁多款，我地就比較推薦以下幾款：🌟雪花肥牛🌟特級肥牛牛肉類來講，比較推薦雪花肥牛及特級肥牛。當然呢度嘅牛肉質素未去到話最高質嘅牛肉味道，但已經對得住呢個任食火鍋既價錢，牛肉味都濃！😋🌟紐西蘭羊肉片羊肉片配上微辣嘅雞煲湯底一齊煮，食落味道唔會話太羶，羊肉味出！🤓🌟海中蝦海中蝦十分鮮甜彈牙，推薦！😍🌟蟹子墨魚滑墨魚滑十分有驚喜，打得十分滑身，墨魚味濃，夠曬彈牙，值得encore!🥳🌟芝士豆腐🌟豆腐脆脆魚蛋🌟醬爆豆卜而丸類就比較推薦以上三款，食落味道比較有層次。😉🌟台灣一口腸台灣腸本身都已

有一日突然心癮起，想食雞煲同埋打邊爐，朋友就搵到呢間二合一嘅餐廳。先講食物味道，雞煲偏鹹但量多，但雞煲個味係好食嘅，惹味！火鍋個湯底偏淡，望落去麻辣嘅色但係可以再濃味啲。牛肉都唔算韌，比起其他鋪已經唔算肥。丸類正常發揮，芝士丸個餡唔會好空心，都實淨。芝士腸唔係雜牌腸，係金妹嗰隻，幾好。水餃淨係食咗粟米同菠菜兩款，粟米餃麻麻，菠菜餃好好多，叫中規中矩。蟹子墨魚滑好正，係真係有墨魚味，爽口彈牙，唔會好似食緊擦膠咁。響鈴好大嚿，個shape都幾得意。醬料方面都係大路野，如果有埋麻醬就更好！打完邊爐去試咗雪糕，有朱古力同乳酪揀。乳酪嗰隻食落去真係乳酪，好啱早餐食之餘，飯後食都可以解膩，開返個胃食其他嘢，不錯不錯。服務方面，一入座就有waiter嚟整熱個雞煲，落order之後好快就送到過嚟，又唔會漏單。值得一讚嘅係落單menu大多數都係以一粒/一份為單位，建議可以先試一兩粒，覺得正嘅可以再瘋狂加單，咁就唔使嘥晒啲食物。座位方面，餐廳大多數都係卡位，幾闊落，坐得好舒服。

好鍾意任食打邊爐，尤其是有埋雞煲嗰種，食完個雞煲先落湯打邊爐，又可以同朋友傾住計，一路烚吓烚吓，好開心～😄😄成日都好想試吓呢間「18樓雞煲火鍋專門店」，不過成日想book都full，今次預咗成個幾星期之前book，終於可以試到啦！🎉今次同朋友叫咗美國雪花肥牛個餐。一上雞煲就已經聞到香噴噴，我哋叫咗小辣，都好香辣好惹味，啲雞都幾滑，份量都多。食雞食到差唔多，就再加湯打邊爐。我哋叫咗兩款牛肉、脆肉鯇、手打丸、少少海鮮&響鈴，食物都幾新鮮。本來再想試多幾樣，但係已經好飽。另外，仲有調味料、雪糕、菜、飲品等，都可以自己出去無限拎。要特別提下佢哋嘅飲品，佢哋放咗好幾個飲品櫃喺場內唔同位置，原來幾個櫃裏面嘅飲品都唔同，所以去到，真係要逐個櫃睇吓自己有咩啱，有啲飲品都幾特別，有驚喜嘅😆今次試唔晒，因為實在太飽，下次要再嚟試多幾樣先～

今日嚟到荃灣大鴻輝中心食雞煲😋 18樓雞煲火鍋專門店 全層18樓都係佢哋嘅 一去到門口服務員已經問我哋雞煲要咩辣度 然後就帶我哋入去坐啦 環境好大又坐得好舒服😌 跟住再揀埋打邊爐要邊個套餐 咁我哋就揀咗套餐A 精選美國雪花肥牛 然後店員就會拎張QR code俾我哋再自己揀打邊爐嘅嘢食👍🏻 睇緊打邊爐有咩嘢食嘅同時 熱辣辣嘅雞煲好快就到啦😍 今次我哋揀咗微辣 個雞煲一上枱嘅時候超香 個汁做得好惹味🤤 有微微既麻同埋辣 唔會做得太咸 鍾意食辣嘅朋友可以叫再辣啲👍🏻 雞肉份量都多 同埋煮得入味又夠滑 連洋蔥都好味😋 食到差唔多就可以開始打邊爐啦😍 佢一早已經放定上湯起枱面 隨時倒啲湯落去就可以開始打邊爐啦👍🏻 雖然打邊爐放題大部份都係食嗰啲嘢 但值得一讚嘅係 佢所有份量都唔會話太多 好多都係一件一件咁樣上🙂 好多時候食放題都會不知不覺叫咗好多然後又食唔晒好浪費 所以佢細份啲寧願叫多幾次都唔會浪費幾好👍🏻 咁我哋都叫咗好多嘢食呀😆紅薯粉、蟹籽墨魚滑、自家製響鈴、魚皮、金菇雞髀菇、萵筍、山藥、炸芋頭、雪花肥牛、紐西蘭羊肉片、蟹爪肉棒、花膠、墨魚仔、是日海鮮：蜆 飲品都係自助形式 自己出去拎