一君士多 (Closed)

今日唔知點解好想食車仔麵，行過見到間"一君士多"，開頭以為真係士多，睇真d原來係食車仔麵，入到去，雖然唔係好大，但感覺好乾淨，職員d態度感覺唔錯，今日唔知點解超級肚餓，所以叫左個7個餸既車仔麵，仲有幾款小食，真係食完都覺得自己好crazy,竟然食得晒，可係肚餓+太好食關係佢地有d好豪既款，但我都係偏愛傳統味道，叫左豬紅，陳皮魚蛋，豬皮，豬腸，雞翼，麻辣魷魚，全部都好入味，佢地仲係用豬骨湯底仲叫左幾個小食，磨菇芝士雞翼，去晒骨，啖啖肉，啖啖芝士，正！炸蝦餅，好香口，好彈牙南乳豬手，入晒味，又淋最後加埋杯雪糕紅豆冰，完美

早排成日都係雜誌講一君係尖沙咀開左間車仔麵，講真平時都好少話因為明星開而特登去食，但今次唔同，一君真係成個兒時回憶，所以去試下，順便支持下，唔難揾，尖沙咀A2出口出行2分鐘就揾到。佢好多選擇，仲有d出面車仔麵唔會食到，就係豪華麵，有花膠鮑魚既車仔麵，最重要價錢親民，不過我通常食車仔麵，會先試佢最基本既料，所以叫左碗"大鑊麵"，有好多料，有(豬皮，雞翼，豬腸，魷魚，蘿蔔，魚蛋，香腸，木耳),咩都有d另外叫多個小食，麻辣牛扒頁，好香麻油味另外，再黎一杯黑牛做個完美終結

早幾日行過尖沙嘴，見到之前幾多網媒介紹過，由鄧一君開嘅一君士多，就同友人入左去試下了。我同友人嗌左招牌嘅霸王麵，炸蝦咖哩飯，菠蘿冰同椰子冰。同友人傾左5分鐘計左右，食物就開始送上黎了。講講個招牌霸王麵-$98個霸王麵入面有平時車仔麵唔會食到嘅野，包括鮑魚、花膠、花菇、廣島蠔，幾新奇🤩🤩花膠吸晒湯嘅味道🥰好入味😋估唔到咁夾。鮑魚亦夠彈牙🤩🤩但係廣島蠔稍微同車仔麵真係冇咁夾，但整體成個麵都好好食！💯💯💯炸蝦咖哩飯-$68炸蝦亦都係即炸🤩好脆😋😋😋炸粉亦唔會過厚椰汁冰-$25菠蘿冰-$25總括而言，喺尖沙咀賣呢個價格算係合理，值得再戰！！🤩🤩🤩🤩

今日去尖沙咀買野嘅時候經過呢間一君士多，記得之前睇報導見過係鄧一君開，所以都想試下。閒日夜晚都算唔少人，排10分鐘到先有得坐低。呢到要自己喺紙上面落單：廣島蠔日式咖哩飯$68日式咖哩好香口👍🏻芝士蘑菇雞翼$32大推！佢將隻雞翼去左骨，再釀左d芝士蘑菇入面，咬落去啖啖芝士蘑菇，味道同口感都一流車仔麵 $55牛腩果然好夠味，唔會太硬/太淋，好入味。湯底飲得出牛腩味，加埋秘製辣汁令成個湯更惹味總括而言，呢度食物質素唔差，環境好有港式風格，d staff態度都好好，價錢都唔貴，會再黎食👍🏻

可能平日去，所以兩個人7點幾都唔係好洗等位，一黎就入得。鋪頭主打木嘅設計不論係牆身定枱都是木紋，感覺好自然，特別一提嘅事佢嘅吊燈有啲似以前街市見到嘅紅罩燈，好有回憶😂今次冇叫主打嘅車仔麵，反而自選左車仔麵同埋一個椰湯泡飯，之後追加左一個雪糕同埋麻辣牛柏葉，嘢飲方面帶咗一杯椰汁冰同埋龍眼冰。車仔麵：湯底飲落幾順口唔似味精湯，餸方面叫咗魷魚，好入味而且都爽口一啲都唔硬。亦都叫咗豬腸，睇到好完整好厚肉，好好咬口。牛肉椰湯泡飯：同樣湯底好順口唔會好鹹，飲落有少少似魚湯，有啲牛奶咁嘅口感，淡淡嘅椰香味。牛肉都好足料，一碗泡飯大概有6-7塊厚嘅肥牛，肥牛又唔會好肥，但入口仲有少少油香，唔錯！麻辣牛柏葉：唔會好硬，有啲麻油味食落有啲似海蜇😂椰汁冰：唔會死甜龍眼冰：龍眼蜜嘅味，有六七粒龍眼乾，抵飲👍🏻

一諗起香港風味，我第一時間就諗起車仔麵，可能真係由細食到大，好有親切感😃今晚行街，見到呢一間車仔麵，叫做一君士多，即刻入去試下😂入面都算多客人，不過等左一陣店員就安排到位置比我地坐。睇一睇個menu先，好多野食喎，除左有車仔麵，重有湯飯，小食等等，選擇算多👍🏻我地叫左招牌既霸王麵 同埋 三餸車仔麵，再加一個小食炸蝦餅。好快食物就上枱，個車仔麵我覺得好有風味，記得果啲腩汁味，油麵😍😍 諗起都流口水。豬腸係車仔麵必食，好香，但一啲都吾難咬，煮得好好👍🏻牛腩好濃，加埋清湯，其實岩岩好，而且咬落去啲牛腩到，非常有咬口。魷魚都係必食，佢地將我細個食過既車仔麵風味，煮多次出黎，正呀👍🏻👍🏻個霸皇麵都好正，入面有好多海鮮，例如鮑魚仔，蠔，同埋花膠。配合埋佢地既上湯，真係好鮮味，攪到我想再黎多一碗霸皇麵😂個小食炸蝦餅都好出色，入面吾係只有粉真係食到蝦肉，配埋個泰式辣醬，無得頂👍🏻👍🏻食左咁多野，緊係要飲返杯野，佢地有好多特飲，我地叫左紅豆冰同椰汁冰，吾錯吾錯如果大家都想食到呢種懷舊風味，可以去呢一間一君士多試下👍🏻

上網search尖沙咀有咩食，發現尼間車仔麵好似吾錯，就過黎試下啦。霸王麵🍲個名好霸氣，配料更霸氣，竟然有鮑魚、花膠、廣島蠔同花菇。平時食車仔麵都有可能有花膠，但都係d花膠碎。尼到就比足三、四片大大片嘅真花膠，十分足料。鮑魚同蠔都幾鮮，花菇吸滿蠔油汁，入味。我揀左幼麵底，麵嘅分量都算多。火山之牛飯🍛餐廳好細心，上菜嘅時候個碟係暖嘅，而且有碗牛肉汁分開上，可以自己控制分量。牛肉有五大片，煮得好唸。中間有個生蛋黃，蛋汁撈飯一流。菠蘿冰、龍眼冰🥃🥃菠蘿冰加左好多菠蘿粒🍍，菠蘿味都幾重，所以會偏酸。龍眼冰有淡淡嘅龍眼味，微甜，我幾鐘意。

睇show前係tst行街，隨心搵間餐廳食埋晚餐，行經呢間麵店以為係食拉麵，因為外面睇裝修非常日式，停低細心睇先知係食係車仔麵，咁就引咗我地入去～除咗三餸車仔之外，仲有啲配好嘅特色麵。一飯一麵一餸一飲 二人前富貴麵 $88顧名思義就係富貴版車仔麵，見到價錢有猶豫一下，但望真啲其實有鮑魚、花膠同花菇，呢個價位其實差不多。全部餸嘅份量都好足，我地兩人share都啱啱好可以試到。鮑魚鮮甜厚肉，花膠都花茹都好入味！湯底有別於一般車仔麵嘅重口味，餐牌寫係特濃豬骨湯，但飲落反而覺得鮮甜，冇好重嘅味精味。麵底嗌咗幼麵，煮得剛好唔太過硬。辣辣油好正！落咗少少已經好香～芝士蘑菇雞翼 $32推介要嗌呢款小食，無骨雞翼已經正，仲有咬落去有芝士！！裡面肉汁超多，個雞皮又燒到金黃香脆，好想瘋狂食！！廣島蠔湯泡飯 $80非常特別嘅一個蠔仔飯，唔係平時食到個種味黎架～又多蠔大大因為加咗椰汁所以個湯超級奶白色，又滑又甜，食頭一兩啖真係覺得好特別，不過椰汁嘅甜味太突出啦，食到一半就開始有點膩建議叫店員落少啲椰汁，或者唔鍾意可以走椰汁～～今次反而冇食車仔麵餸，但整體啲款都好特別，鍾意試新野嘅可以一試～

以前行開尖沙咀會偶然路過見到一君士多，今天突然想到這店，先去看看餐牌，看過後，被某幾種食物吸引到，便決定晚上來試試吧！走進店內，也有幾店客人在吃東西，坐著看看餐牌，很快決定了試一客飯、一客麵、一客小食。先來香酥南乳雞翼，吃著也有點點的南乳味，外脆內軟，如果可以再重一點的南乳味則更好！然後來了火山之牛飯，賣相也可以的，估計是蛋和芝士鋪上面後再用火槍燒過，又或是叮過，因為蛋有快要熟的質感，而且膠碟是有點熱，另有一碗有牛肉味的汁，撈勻後吃，味道不算太濃，原以為是牛肉片，但原來是肥牛，感覺有點吉X家那樣！最後豬扒撈麵也來了，有三片小豬扒，麵算是比較多，但撈麵的醬不夠，整份麵不夠撈，令麵條感覺不夠味！凍檸蜜，內有5片檸檬，但師父刀功好，5片大概時平常餐廳的2片左右吧，一片檸檬比杯邊還要薄幾乎都嚐不到檸檬味，後來冰塊溶化，連蜜味也沒了😆好像喝凍水一樣！

對某部份人黎講，車仔麵係回憶，高峰時間有長長嘅人龍，企係一格格載滿唔同餸料嘅車仔前面，可以排隊個陣先決定麵同餸（要食菜就要點麵個陣講埋，店員煮麵就順便淥埋菜），又可以等店員煮好煮好碗麵先決定醬汁，你由頭到尾睇住自己碗麵‘誕生’，而係點菜過程當中，你係會同幫你煮麵嘅人有交流，我諗食物唔係一個回憶重點，過程先係令人懷念，依家有好多車仔麵店，但係大家只可以對住冷冰冰柯打紙落單。因為啞x有團購，之前又睇過雜誌報導店主嘅訪問，所以大手買入左現金券（可以食三次），打算試晒所有‘名菜’。我叫左廣島蠔椰汁泡飯，椰汁湯好香，無添加味精，怎至連蠔都無添加，我覺得似係就咁將蠔放入水淥熟，總之味道好raw，就知道係廣島蠔；周一腹當然抗拒唔到咖哩誘惑，叫左廣島蠔咖哩飯，佢嘅炸蠔同我嘅湯蠔同出一徹，應該無添加就上炸漿，咖哩味道超淡，質地好奇怪，只可以叫咖哩色玻璃芡；周一腹話南乳雞翼嘅味唔夠出，我就話剛剛好，因為我怕南乳味太出就變左好咸；炸豬手，無論賣相同口感都食唔出係炸，其實我都唔肯定炸豬手應該係爽口定軟身，呢個我放棄評論；一君炸蛋係鵪𪂹蛋，表面上左啲調味粉先炸，有啲味咁囉；我地叫左杯椰汁冰，我覺得比起某間專賣椰

今日黎到一君士多潮聖 之前睇新聞知道老闆係明星 錦我就黎睇下會唔會見到明星啦 但可惜今次見到既只有員工 錦就一場黎到試下啦店舖裝修黎講出面好日式 但入面就用上港式街市膠燈 想保留香港情懷 能夠選擇既食物都多 有飯有車仔面 仲有一d特色既小食同埋野飲 選擇都叫豐富 我叫左一個日式牛腩咖哩飯（$68）：佢用上既咖哩汁係港式車仔面個隻味 咖喱魚蛋個隻味 份量都算大碟 一定足足有一碗飯 牛腩偏腍同埋一粒粒 不過個汁做得好出色 一點甜一點辣辣地 男朋友叫左個5餸車仔面（$55+$16=$71）一黎當然飲啖湯先 嘩好濃既豬骨味 原全無味精味既感覺  牛腩帶有薄薄既脂肪 口感實在 花椒八角味十分入味 陳皮魚蛋一口一粒 陳皮味加魚肉又無諗過 陳皮味出之餘 都無遮蓋坐魚肉既彈性 肥牛就比足三大塊 脂肪唔會話太多 食洛唔會有雪氣 唔錯炸蝦餅（$28）：爽口彈牙既蝦肉同埋炸粉唔厚 加上泰式辣醬十分惹味最後 雪糕紅豆冰（$20/跟餐加$8）：雲尼拿雪糕好實在 放左五分鐘都味溶 好週合我呢啲食野慢既人飲 另外紅豆粒唔係好夠腍 但我就鐘意食硬正既 成杯飲品唔會太甜 味道剛剛好總結：-上菜速度快-小食好好食😋-價錢

今晚有個小型gathering, 個friend 話一君士多喺尖沙咀開左分店，呢個朋友又係車仔麵愛好者，就揀呢間啦！呢間好易搵到，地鐵站一出行到去5分鐘左右。位於寶勒巷對出。門口有𦾟寫住「一君士多」既大燈，遠遠已經見到。同平時車仔麵店一樣，都仲係用剔剔紙來落單。我地鐘意食車仔麵，都係因為一碗麵可以叫好多餸咋。今次我地叫幾樣嘢四個人開心share 廣島蠔湯泡飯：湯好鮮甜，蠔仔脹卜卜，好新鮮，米飯軟硬適中，加埋紫菜又幾夾喎。咖哩尤魚，魚蛋，大腸，牛筋，蘿蔔粗麵：湯頭清甜，加左小小咖哩汁令到個湯底更香。咖哩魚蛋尤魚夠爽，而且個汁整得好香，好入味。牛筋好軟好林，炆到啱啱好，咬完仲有小小「漿」咀，感覺食左好多骨膠原粗麵係我鐘意嘅口感，爽爽地，冇乜鹼水味蘿蔔冇乜渣，夠林夠入味。大腸吾係好肥，可以放心食，味道吾太咸，啱哂鐘意淡口味嘅我。呢個車仔麵係食得過嘅。富貴銀針粉（鮑魚，花膠，花菇）：湯底有啲似頭先車仔麵嗰個，不過就冇咗啲咖喱汁，但係有鮑魚汁花菇炆得幾夠味。花膠喺爽口嗰種，都有四五塊咖。鮑魚仔原隻上，吾算好大粒，但食到好過癮。銀針粉口感煙韌，好夾溝左小小鮑魚汁嘅湯頭。炸蝦餅：爽口彈牙，表皮炸到好

其實之前成日行過都想試，不過一直都無機會今日路過見有位就同寶寶黎左試~裡面既環境都有懷舊設計既紅色燈罩雖然睇落舖頭唔算大 但其實都有10張枱meun 野食選擇唔算好多但就各式各樣都有咁麵類就一定要試下 但另外我就想試多d小食 因為唔鐘意食正餐😂所以寶寶share一個麵 再叫d小食我仲留意到有外國遊客黎到 佢地有提供英文menu都幾貼心 其實我地係好奇英文店名係咩🤣我地叫左個牛腩撈麵， 牛腩既數量好多 而我地揀左粗麵 麵質口感好d~食落唔會林 仲配埋個湯 可以一齊食~牛腩幾好食 又夠林另外仲叫左三款小食因為見到個名已經好想試嘅 芝士蘑菇雞翼食落個餡好多蘑菇 而且芝士味都幾重 呢個我最推薦其他兩個 就係炸蝦餅 同 章魚丸因為佢嘅小食碟底都有一塊吸油紙 所以食落唔會太油蝦餅個皮炸得岩岩好 而章魚丸個感覺就有d似魚蛋咁 如果有配埋沙津醬應該會更好食~仲有個油菜 因為食太多肉都要平衡下唔油 而且蠔油多好夠味~另外就叫左一杯雪糕紅豆冰寶寶特登問一問係用花奶定椰奶 因為我唔係好鐘意椰汁味 好彩 佢呢個都係花奶黎~雪糕溶左其實好重雲呢那味😂偏甜 但好飲 d紅豆可以再林d就更好~最後個香蕪船本身幾期待但

今晚去了探香蕉🍌子舖頭打咭.....「一君士多！」地點位於尖沙咀一個人流非常之多地方！是一個精明選擇👍。而且尋找舗頭絕對冇難度，在尖沙咀地鐵站A2 出口, 直行大約一分鍾，系左手面頭頂就會見到一個好像日本紙燈箱，白底黑字，每邊寫一個字，鋪頭名字，所以對不會走漏眼，好特別的設計。鋪頭感覺好像好細小，但用麻雀細小五臟俱全來形容。絕對適合。簡潔明亮。座位並沒有想像那擠迫的感覺。牆上掛上今天推介。今天一定要一嘗富貴滋味，🤪⋯⋯當然要試下個富貴面。不過我地面底選擇銀針粉！當碗面放上枱面，連自己都富貴在，😁知不知我怎解選擇銀針粉，做面底？因為它可以吸收在所有配料日月精華😉😋😋⋯⋯配料絕不馬虎！鮑魚，花膠，一些名貴材料。另外叫了車仔面套餐，廣島蠔湯泡飯，一君炸蛋，蝦餅等等。車仔面的靈魂，在乎湯底，濃濃的豬骨味，粗面口感適中、魚蛋有彈性，蘿白鮮甜。蠔湯飯，肥美，肉質腍香帶點咬口！一君炸蛋，蛋表面鋪上少少准盬。蝦餅味道亦不俗。整體來講亦是一個不錯選擇！價錢亦大眾化！

一君士多是一間以港式小食和飯麵為主打的小店，餐點價格相宜，主食份量大，讓食客吃到飽。車仔麵有多種配料和麵類供客人自由配搭，當然炸物亦不容錯過，老少咸宜。我們點了四款炸物，分別是香蒜南乳雞翼，炸蝦餅，章魚丸和炸燒賣，炸物放在一起，我們看得心花怒放，不知道先吃那樣好，款款炸物均很吸引。另外我們追加郊外油菜一份，光吃肉有點不健康，還是吃些蔬菜保持營養均衡。翠綠的生菜爽甜無比，然後些許蠔油簡單提味生菜已好吃。朋友超愛吃炸燒賣，如有炸燒賣販賣，她定必點一份來解解饞。一碗五顆炸燒賣完美呈現友人眼前，毫不油膩，炸燒賣外脆內彈，朋友強烈推薦。炸蝦餅色澤金黃，先色奪人，每件炸蝦餅份量十足，甚具彈性，蝦味濃厚，驚為天人，我們一口接一口吃過不停，當然吃蝦餅時不少得沾點泰式甜酸醬。香酥南乳雞翼絕對是道地的風味，真是要吃一下。香蒜南乳雞翼無論口感味道都是一絕，趁熱吃更為味美。雞皮香脆不用多說，每口都嚐到濃濃的南乳滋味，雞肉鮮嫩多汁，口齒留香。圓滾滾的章魚丸炸過後嚼感果然截然不同，章魚丸表層炸至微脆，裡頭的章魚塊蠻有嚼勁，蔥花香噴噴的，章魚丸迷人的彈性輕易迷倒我們的嘴巴。我超久沒吃過飯，所以超想吃廣島蠔椰湯泡飯，