5% Cafe

Open Now

Now Closed

依家好多cafe開到成行成市，所以要突圍而出真係唔係易事，但朋友講係油麻地近旺角嗰邊開左間新cafe,鍾意試新野既我緊係上去試下la。上到去，環境好舒服，好feel,咁arm見到對面大廈大大幅"葉問"poster係度，超正，好似陪住我咁。佢地會不定時舉辦一d活動，主要想都市人放鬆下，識下朋友，玩下團體遊戲，唔駛下下都打遊戲機。佢地有好多board game玩，少至2個人玩既board game都有。見到依堆數字燈好得意，問左店員係咩黎，原來叫狼人燈 ，等主持人易d記到大家角色同狀態。食物種類正常，價錢合理。野飲方面都好吸晴，打卡一流甜品都有唔少選擇。朱古力沙冰 : 啖啖都係朱古力碎，又唔太甜。Pure Colada: 好特別，由菠蘿汁/椰漿/雲喱拿雪糕/肉桂粉，調製。龍利柳配牛肝菌汁展通粉 : 際柳炸得好香脆5%黑椒手打牛肉芝士漢堡 : 塊漢堡超厚，樂汁，薯條好香脆

今晚約了好友傾心事。想找個清靜一點的咖啡廳。當然去了旺區尋覓。雪梨桂花茶。整體壺杯配套已十分美觀。但茶壺內的花茶香味四溢。在乾燥的冬天給添了無限溫暖。桂花入口清甜順喉。5%手打牛肉芝士漢堡配薯條。手打漢堡必須要技巧之餘。更要各項配料配合先發揮出美食的誘惑。這裡用了不錯的芝士及生洋蔥配上。發揮到手打牛肉的味道。入口不止有濃郁的牛肉味加上芝士味強烈的配合更相當益漳。千島海鮮窩夫薄餅。利用窩夫營造薄餅底真是別出心裁。沒有薄餅底的香脆。但配合了窩夫的軟甜。更可口美味。再配上千島加海鮮更入口豐沛味蕾。口腔內的口腹之慾更為之提升彭賬。

好朋友生日，我要找一個寧靜舒適私隱度高嘅地方爲她慶祝牛一，經朋友介紹下決定去位於彌敦道高氏大廈二樓的「5%Cafe」。店內優雅的裝潢，給人休閒的感覺，接近聖誕節加添了聖誕節氣氛飾物佈置，正如朋友說坐位滿舒適空間夠闊私隱度高，窗邊的位置仲可以一邊歎美食一邊欣賞街外風景。牛肉漢堡+薯條牛肉漢堡扒鬆軟肉汁濃郁，甜甜的洋葱，令口感層次豐富。炸至金黃酥脆的薯條，口感外酥內脆，可口誘人。棉花糖雪糕窩夫色彩繽紛的棉花糖灑在外脆內脆的窩夫上面，再加上雲呢拿雪糕來吃最過癮不過。朱古力奶昔第一口飲落去是薄荷味，過多一陣濃濃的朱古力味，質地濃厚，奶香幼滑。

Fatbrown 除左食食食，仲好鍾意意玩boardgame ，今日約咗一班朋友仔一齊去咗呢間位於旺角的5%Cafe，一齊玩下boardgame食下野呢間Cafe嘅boardgame其實都幾齊，有適合唔同人數嘅人玩嘅boardgame，Cafe嘅面積都幾大，可以容納一大班朋友仔一齊玩都唔驚嘈住人<生炸雞髀配薯角$68>晏晝三點幾去到有下午茶餐叫都幾底下五、六十蚊就有嘢食同埋嘢飲，叫咗個生炸雞髀配薯角，雞比平時茶餐廳食嘅大隻成倍，薯角個好厚肉，份量仲要幾多下<5%自家製蛋榚$58>班蘭味好重，海綿蛋糕軟綿綿，唔太甜，食完之後唔會膩<Homemade Apple Cider>Apple Cider其實係冇酒精含量嘅蘋果汁，味道偏淡左少少<Hot Baby Toddy>玉桂味好重，暖粒粒，係冬天飲嘅時候最暖胃

好耐冇去Cafe食嘢啦，今日試一試！好欣賞呢間Cafe嘅概念，就係每個月花5%嘅時間同朋友相聚，真係好緊要架！令我都有少少反思！呢間鋪頭係新開張，所以有打卡位！我哋叫咗紅酒燴牛肉飯，個飯仲砌成心形，好得意！瑞士雞翼好食，醬汁香甜，而且雞翼都算大隻！龍利柳長通粉，長通粉醬汁係忌廉汁，龍利柳都煎得OK香！跟餐嘅話，嘢飲仲可以減$40 ，所以都幾抵呀！Rainbow色彩非常繽紛，而且每層嘅味道都有少少唔同！朱古力奶昔好飲，而且免頭仲有滿滿嘅忌廉，係幾有心思嘅嘢飲！窩夫都唔錯，賣相值得打卡，而且配料豐富，例如：雪糕、棉花糖……

想搵個地方可以玩卜board gamehea下食個飯 又黎到呢棟有好多樓上cafe嘅大廈呢間好似新開 見環境都幾大 套餐又唔係貴就試下百令蚊 有野食跟野飲cafe嘅價錢 可以玩返幾個鐘 其實都幾抵~不過舖頭睇落得2個人打理 好似好忙呢飲品方面 睇落d圖都幾特別幾唔錯裡面board game選擇都唔少而且有d 唔係成日見到特別嘅game~見佢有個schedule咁 好似平時唔同日子會搞唔同活動 例如狼人殺咁雖然得兩個人 但上野食速度都唔算慢叫左呢個海鮮卡邦尼意粉雖然意粉淋左小小 但係味道適中 隻蝦都炸得好食另外就有呢個burger 牛肉有肉汁又厚芝士夠濃 生菜都新鮮 薯條份量好多 呢個推薦~我地仲叫左兩杯特色調飲rainbow呢杯 每層色可以飲到唔同味 個人鐘意最上層有七喜 黃色層都好飲好似係芒果味 仲有小小果肉咁另一杯係朱古力 驚喜嘅係佢有d薄荷 但唔算好重調得岩岩好 呢個推薦~整體黎講 呢間cafe性價比都幾高~

旺角最近新開左一間Cafe: 5%cafe，因為臨近聖誕所以好多擺設都係聖誕主題😍而且各式各類遊戲都齊全，除咗情侶拍拖都係約埋三五知己聚腳嘅好地方😇😇 今次就同男朋友嚟食，兩人座位大多都係靠窗，而且係沙發櫈，可能因為新開張冇幾耐，所以餐牌選擇唔多我就叫咗個黑椒雞扒腸仔飯，雖然好平民但係雞扒成個手掌咁大🙆🏻‍♀️🙆🏻‍♀️🙆🏻‍♀️而且肉質鮮嫩唔會被黑椒汁掩蓋左雞味🤤🤤🤤男朋友就叫咗個咖喱雞扒飯，用日式咖喱去煮，唔會太辣而且適合呢個天氣食， 同樣地雞扒都係好鮮嫩👍🏻👍🏻仲叫咗個吉列魚柳長通粉，通粉製造過程好似細唔係純粹用水煲滾就算，而且預留係即叫即整🤤所以咬落脆卜卜👍🏻👍🏻肉質仲未變壞🤤飲品方面叫咗一杯熱嘅自家製蘋果肉桂飲，飲落去好清新😍😍完全唔係蘋果糖漿加水👍🏻👍🏻三個小食再加兩杯嘢飲350幾蚊而且仲有角色各類遊戲選擇，旺角拍拖又有一個寧靜地方推介

5% Cafe 喺旺角彌敦道同登打士街交街嘅高氏大樓一樓，Service Charge也只是收5%！場內有不少員工和顧客的合照，樂也融融，感覺溫馨！Cafe內有不少特別的遊戲，其中有一副「壞咗嘅牌」，聽講係店舖自己設計的，內容非常抵死，值得一玩！Rainbow漂亮的彩虹漸層，店員建議不用攪勻，一層一層的慢慢喝，由清爽到濃甜，很不錯的！Pure Colada在Virgin Colada上再加入肉桂粉和雲尼拿雪糕，格外香甜！香煎龍利柳併牛肝菌汁長通粉 $128龍利柳炸得很香脆，內部仍然嫩滑，很不錯的！最正係個汁，有極濃香的牛肝菌味，點魚柳或長通粉都係咁惹味！黑椒汁雞扒拼司華力腸配薯角 $108薯角超大件，而且份量極多，食極都食唔晒！雞扒的外皮香脆可口，雞肉依然Juicy軟腍，廚師手勢一流！

天氣凍凍地，又唔想周圍行街，搵間Cafe同朋友一齊食嘢傾吓計就最啱啦1️⃣5%黑椒手打牛肉芝士漢堡配薯條$128 麵包🥯係烘過左，脆脆地，加上熱熔芝士、生菜蕃茄，仲有主角手打牛肉，配搭一流！食落味道都非常好，牛肉唔會過老，好厚，成個包幾juicy，夠曬滋味😆2️⃣黑椒汁雞扒拼司華力腸配飯$108 雞扒炸得好香脆，肉質幾嫩滑，唔使配黑椒汁都好味道😝司華力腸可以再大件d❤️嘢飲可以揀$40或以下嘅，其他嘢飲多左就補差價。3️⃣我揀咗是日花茶：蜜桃水果茶 +$16 聞落好香，味道清新4️⃣而朋友就揀咗凍嘅latte +$5 奶味香濃，飲落順滑又到聖誕啦，呢度嘅裝飾都好有心思，一班人或者兩三知己黎過節日都好啱🥰

餐廳：5% Cafe (旺角)地址：旺角彌敦道577號高氏大樓2樓BC號舖每個星期一晚去旺角跳舞🕺🏼，都會係附近搵間餐廳/Cafe食個飯享受下🥰，今次就去到登打士街同彌敦道交界嘅高氏大樓搵左間新開無耐嘅5% Cafe一入到cafe就即刻比cafe嘅環境同音樂吸引左🎼，係聖誕嘅佈置、浪漫嘅燈光同舒服嘅sofa座位🛋，每張枱上亦放上可愛嘅積木小擺設添Cafe凝造”We Are Family”嘅感覺👨‍👩‍👧‍👦，時不時都會有唔同gathering係到舉辦，亦都成為青年嘅活動平台👫，每星期都有聚會，每個月都有主題活動，非常有心❤️，仲有唔少broadgame遊戲叫左set dinner黑椒汁雞扒拼司華力腸配意粉 ($108)同雙重芝士焗鮮茄肉醬意粉($98)🍝，另外加多個小食美式洋蔥圈($38)，飲品方面叫左杯新奇少見嘅Hot Matcha Mocha🍵$56 (跟餐+$16)同賣相吸引嘅Chocolate Smoothies $56 (跟餐+$16)🍫，呢杯smoothies仲有淡淡mint chocolate味架係呢到好適合relax談心☺️，環境真係好舒服呢

同朋友出黎食飯，我嘅首選一定係cafe，因為坐得舒服又有好野食。今次想有d新意，所以揀左間新開嘅cafe。一坐低當然係叫左野食先啦。我叫左個海鮮卡邦尼意粉，意粉表面灑左好多芝士粉，所以芝士味比一般嘅卡邦尼意粉濃好多，芝士控會好鐘意。炸蝦脆卜卜，吾會好厚粉。另外叫左份雞扒拼司華力腸意粉，因為黑椒汁太常見，所以我地叫左瑞士汁，估吾到甜甜地又幾夾喎。而且雞扒真係有驚喜，嫩滑多汁。黎cafe又點可以吾食甜品呢，所以我地又叫左份自家製蛋糕。尼個斑蘭蛋糕真係好好味，斑蘭味道重，蛋糕體夠濕潤同鬆軟，推薦。👍尼到仲有好多boardgame 可以一路食，一路玩。☺

大食妹同朋友仔又去左cafe傾心事啦今次就去左5%cafe, 雖然裏面有好多broad game, 但今次得2個人, 唯有等下次再玩啦擰轉頭突然發現窗邊有隻好可愛嘅多啦A夢招財貓, 忍唔住影低同大家開心share<雙層芝士焗鮮茄肉醬意粉>意粉偏淋, 肉醬嘅蕃茄味好出, 而且分量都幾多混合左兩隻芝士, 應該係車打芝士同水牛芝士, 滋味十足, 仲可以做到些少拉絲嘅效果<5% 黑椒手打牛肉芝士漢堡配薯條>手打牛肉漢堡扒肉汁鮮嫩, 配上少少胡椒, 味道唔會太重, 反而食到牛肉嘅鮮味 配上 芝士、蕃茄、生菜同焗到脆卜卜嘅麵包, 食落都幾唔錯加上有炸薯條做side, 都算係飽肚<Chocolate Smooth>Chocolate Smooth 飲落沙冰感都幾重, 裏面 食得出有比較大粒嘅冰, 配上朱古力醬, 其實朱古力嘅味道都幾重<Honey Butterfly>Honey Butterfly 嘅味道就比較淡, 偏重soda感

臨近聖誕，又係時候同班好友出嚟大玩一番！搞手揀咗依間新開嘅5% Cafe，話嘢食好食而且又容納到一大班人（我哋都成10幾20個人咁多！）位置又係旺角彌敦道，交通真係非常方便上到去環境都唔錯，一大班人都坐得幾舒服唔會話太細，迫迫夾夾Cafe本身有好多board game同小遊戲提供，當然大家自己帶上去亦可以啦本身諗住上去都係志在有得成班人玩，食物方面唔會太高要求，所以得壹個Menu亦唔太介意。點知上到去食完先知原來雖然選擇少，但款款都好好味！！＜紅茶＞為應付12月一個又一個嘅party同出去飲飲食食，飲品方面我都係清清地要個無糖嘅紅茶就可以了。好在都沖得好夠濃郁，唔會話淡茂茂＜Hot Matcha Mocha＞老公揀咗依杯熱嘅抹茶摩卡，本來我都唔諗住飲，但見佢咁香都忍唔住飲左一啖。入口先係香滑嘅奶泡同埋淡淡的綠茶清香，之後再有香濃嘅咖啡味滲出，層次好分明，高出一般Cafe嘅水準＜香煎龍脷柳拼牛肝菌汁長通粉＞熱辣辣煮好就即刻奉上，一影完相就已經忍唔住狂食佢嘅牛肝菌汁長通粉。剛好熟透嘅長通粉保持着筆直有咬口的口感，加上濃郁的牛肝菌汁真係好好味龍利魚柳外面煎到脆卜卜，入面既魚肉卻保持着香軟嫩滑

位於油麻地的樓上咖啡室「5% Cafe」，環境好舒適晚市設有Set Menu，漢堡、意粉、飯類樣樣齊，跟餐均配$40或以下飲品，套餐價錢由$98起，六點前離座仲可享有八折，好抵食呀香煎龍利柳拼牛肝菌汁意粉龍利魚柳一大塊，半煎炸至金黃香脆，裡面的魚肉仲好Juicy，味道不錯。旁邊嘅牛肝菌汁意粉味道都幾香濃，口感正常滋味馬來咖喱雞配飯一上枱傳來陣陣咖喱香，咖哩雞有三大件，外皮微脆，雞肉夠哂嫩滑，充分地被咖喱汁包圍着，辣辣地，幾惹味！如果白飯可以硬d/乾身d就更好～自家製蛋糕跟餐加$28可配自家製蛋糕：斑蘭蛋糕🍰，面頭加左少少果仁碎，增添香脆口感。然後係斑蘭味嘅慕絲同海棉蛋糕，層層相隔，味道好清新，成件蛋糕都充滿著斑蘭香檸檬紅茶酸酸的檸檬配上香濃紅茶，清新又開胃蜜桃水果茶帶有清怡的水果香，甜甜地，幾好飲，感覺好滋潤

不嬲高氏大廈都有Cafe，今次就試吓2樓嗰間5% Cafe，其實都幾新！餐牌選擇都算幾多，價錢都適中，食啲嘢飲杯野可以順便玩下 board game ～如果人少少就可以傾計坐幾粒鐘，多人嘅話可以一齊玩Game。香煎龍利柳配牛肝菌汁長通粉$128牛肝菌汁味道都幾香，長通粉方面就小小軟身啦，龍利柳都算係小小結實，整體無論份量定係味道都OK架。黑椒汁雞扒拼司華力腸配薯角$108呢個黑椒汁完全係想像中的味道，雞扒煎得幾香仲有肉汁喺裏面，薯角就唔會話炸得好誇張好熱氣咁，味道已經好滿意。套餐方面飲品係包$40以下，如果超過就補返差價就OK。蜜桃水果茶$56 （加$16 ）水果茶味道清甜，粉紅色好有少女心，而且冇特別加糖，甜味都比較天然好飲，我就唔鍾意飲另外加左白糖嘅茶。Chocolate Smoothie$56 （加$16 ）呢個又係比想像中好飲好多，裏面有啲薄荷香味，而且有啲口感有啲朱古力，個份量仲好大添！