幸福班戟 (K11 Musea) (Closed)

食完拉麵食飽飽都要有下場！甜品係為完美嘅一日畫上句號。幸福往往係最簡單，所以點咗原味嘅幸福班戟。仲有其他原因係因為飽唔想食太膩，有機會都要試Tiramisu 同抹茶味。每份熱辣辣又動L嘅疏乎厘班戟都係即叫即整。一份有三件班戟，中間有一啲忌廉同埋蜜糖，可以自己加。每件班戟都好飽滿，一切落去就感受鬆軟。食落去一大嘅滿足，中間好滑，極之creamy。同時印證到簡單就是美，因為冇其他味搶咗蛋香味，唔加忌廉同埋蜜糖都已經一流。食物同人，相信呢一個就係最接近幸福嘅味道。

日本東京人氣梳乎厘班戟店！雖然班戟熱潮過左一排，人潮卻沒有減退。周末晚餐輪候時間為10-15mins。先落單後上菜，餐具、開水等均採用自助形式。K11分店分了店內及店外座位，開放式設計。後者私穩度較低。疫情下脫口罩進食，與路人距離太近，只有少量膠板相隔。相信店內環境會比較舒適。食物方面主要為班戟類，配以少量飲品作選擇。甜班戟選擇較鹹班戟多，價錢由$80-$108不等。不肯定是否受地方限制，食物用上即棄紙碟及餐具。一來感覺像快餐店，二來不太環保。包裝未夠完善，未夠吸引做到打卡able。撇除所有因素，食物味道唔錯。🔸奶茶班戟配自家製穀麥 $98奶茶班戟茶味醇厚，醬汁中可見茶葉碎，甜度適中。配上穀麥，增加纖維量，香脆可口。🔸提拉米蘇班戟 $108包括奶油、芝士、大量熱朱古力醬同插住一枝咖啡仔。味道有層次，較奶茶味甜。一份三件，一個人食哂會有少少漏，建議同朋友一齊分享食。班戟十分鬆軟，充滿空氣感，蛋味好香。加上蜂蜜和發泡牛油融合起來，入口即溶。一口班戟加上奶油，口感同日本食既差唔多，邪惡又幸福！

班戟入口即溶，軟綿綿嘅口感好新鮮，本身仲以為會好甜，點知啱啱好，唔放糖漿都可以用雪糕帶出甜味，最重要係雲尼拿雪糕伴隨住班戟，班戟本身刺激住口腔同味蕾，當雪糕入口時，好似食緊班戟咁大嘅雪糕，有一種口感與質感放大化嘅感覺，非常獨特有趣。

係日本就成日食幸福班戟，今年完全冇去過旅行，食完呢餐當自己去左旅行架啦另外想特別講下幸福班戟啲服務員由我坐低到食完佢哋依然都係掛住一齊傾計唔理客😅我電話冇咩電想問有冇得叉電，舉手會當睇唔到，要親自行去收銀個到問佢哋有冇得租借叉電器。收銀話$5 一個鐘，我就俾5蚊佢，點知佢話唔係佢哋收架，要自己DL apps租借。我再問佢dl要打咩字，然後佢哋一堆侍應企埋一齊傾計完全冇理過我😅最後我掃完QR Code下載完，又發現佢個apps要綁定信用卡扣起按金，我見咁麻煩就無租借了。提拉米蘇班戟 6/10朋友仔話好想試呢個味，試左一啖班戟加朱古力醬覺得味道唔係好夾，跟住我再試班戟加朱古力醬再加上面白色個啲忌廉一齊食，三樣溝埋一齊食就變得合情合理。不過下次再食就唔會叫呢個啦，都係食返原味最穩陣，而且都係當地日本食最好味

可能係太多人都話好食，所以充滿期望咁嚟試， 排咗半個鐘至有得食 😅不過我試咗之後又覺得冇想像中咁好食😂 雖然係咁 ，但個忌廉好軟好滑又唔係太甜， 又難怪真係咁多人話好食嘅😜 至於飲品方面，同我預期中嘅一樣，一般過一般 整體嚟講， 試一次就可以喇 🤪

見咁多人嚟朝聖，今次終於到我哋喇！果然名不虛傳！位於K11 Musea嘅happy pancake，雖然冇辦法同日本嘅價錢相比，但味道確實係差唔多。係呢個冇得去日本旅遊嘅時候，喺香港食下happy pancake都唔錯呀！我哋今日叫咗兩個pancake。第一個係原味嘅pancake。Pancake無論係味道定質感方面都做得相當唔錯，配上蜜糖同牛奶cream令到成個口感昇華，好值得推介。第二款為抹茶pancake，店員話係尖沙咀店限定㗎！澀澀的抹茶味與甜甜的疏乎厘鬆餅簡直就係絕配！加上嗰支點綴嘅黑糖醬賣相好吸引呀！環境雖然稱不上好好，但個open kitchen設計特別，都好值得去拜訪一下㗎！

一直以來都好鍾意食疏乎厘pancake，所以見到香港有新開嘅店舖都會去試吓🤩尖沙咀K11呢一間係比較新開嘅商場，知道佢係度開左間幸福Pancake🙊前排就專登嚟咗試吓🥰幸福pancake喺銅鑼灣都有去之前亦都有食過，嗰間要排好耐先可以入座。所以呢一間我哋就喺佢開門之前已經嚟到，等緊大約5分鐘就夠鐘開門可以入去食啦！所有嘅疏乎厘pancake都係即刻整嘅，所以都要大概15到30分鐘嘅等候時間。我哋叫咗一個抹茶味一個原味。呢度嘅pancake係用紙兜同埋塑膠餐具上既，食完就即棄有啲唔環保😅😅不過味道真係好好食，夠空氣得來唔會太軟，亦都唔會太甜😋 上邊有一Pat cream味道好Rich，配埋佢本身比嘅醬，就即刻襯晒本身pancake嘅味道，唔會喧賓奪主😌😌 一人食三舊份量啱啱好，食完甜點可以再食主食🥰 不過環境始終都係冇銅鑼灣嗰間咁靚😓如果係想同朋友一齊慢慢坐低靚靚咁食嘅話，都係建議去返銅鑼灣。

去完歷史博物館 想去附近商場食個tea 順便shopping ～就黎到最近新開既k11 musea行下發現周圍食肆都人頭湧湧，排哂長龍咁行行下就發現依間，佢d pancake 都好香～見都仲有位，就入去試下啦～叫咗個雜果甜pancake 都正常，不過又唔係話特別好食然後朋友叫左個咸pancake ，有d似all day breakfast 🥞 既感覺我就覺得甜pancake 好食d，可能食唔慣d新野中間個舊bacon 好咸其他就普通啦，個咸pancake 食落有d似面包🥯咁另外，佢個擺盤真係同老麥有得比，唔環保之餘仲好求其呢個價錢真係唔會再食下次

終於食到次次經過k11 musea都會大排長龍嘅幸福Pancake啦！今次等位都等咗40分鐘左右，要嚟食嘅人實在太多了。係疫情下，呢間舖嘅座位都分得比較闊落，同其他枱嘅食客冇咁易接觸到，十分安心！佢嘅形式係先揀想食嘅pancake，俾錢，再入座等食物。根據佢嘅指示牌所寫，每個pancake大約等15分鐘，屬即叫即整，唔會出現食物嚟到就會凍嘅壯舉。Pancake分為鹹食同甜食，想試吓鹹嘢，於是同朋友嗌咗一鹹一甜。我哋嗌咗煙肉炒蛋pancake同埋Tiramisu pancake。先講鹹食(煙肉pancake)，佢個pancake同甜食嘅都唔同，只係普普通通一舊pancake，冇soufflé 嘅感覺，而煙肉望落同食落都好厚身，有平時食燒肉嘅五花腩味道，比想像中以為係all-day breakfast個隻煙肉有出入，同埋偏鹹，而且佢啲配菜非常多。反而甜食比較好味啲(可能本身主打甜食)，tiramisu味唔算重，但mix埋朱古力醬同cream食幾夾，佢個pancake真係有soufflé 嘅口感。建議大家去食都係嗌甜食比較穩陣

今日終於有機會試下呢間人龍永遠長長嘅pancake。估唔到疫情下都仲有咁多人，坦白講我唔係太鍾意等咁耐(都等左半個鐘)，不過都係為左同朋友傾下計，等下傾下計都ok嘅。唔係係咪疫情關係，呢度就算堂食都係用外賣杯同盒，即刻無左個美感。服務上其實都係半自助，所以都無咩服務可言。而最重要嘅食物質素，pancake味道都好好，蛋味濃，乾濕度適中，略嫌空氣感唔夠。其實比起其他pancake餐廳，坦白講我唔覺得呢間特別出色，價錢亦都唔平，所以要排咁耐隊嘅情況下，其實我覺得唔太值。朱古力香蕉班戟 $89Tiramisu 班戟 $108Vanilla Latter (+$28)可能佢無諗住我打開蓋，入面完全一團糟

我係9月25既8點11分到餐廳 佢有啲似快餐店既模式 🥞一去到啦會比你有個位排隊 岩岩疫情放寬都怕要排好耐 但等左十分鐘左右啦就到我地啦 佢係比你落左單先 再帶位 我地2個人坐都比左張4人枱我地坐既 位置都做得幾好 商場外邊都有做到少量位置以供堂食🤩🥳———————————————————-環境💚佢個廚房係半開放式 會好清楚望到師傅係入面打緊啲cream 然後放上隻碟到 好治癒講返重點先我地嗌左一份鹹既 三文魚🍣牛油果🥑芝士慕絲班戟Pancake with salmon avocado& cheese mousse 等候美食時間：5分鐘就有啦🤣1️⃣佢本身既皮都會比甜食既硬身少少既 入面加左類似燕麥既餡料落去 另外將🍣🥑🧀加埋一齊成個感覺都變得好輕盈✨ Ps 我覺得佢隻醬好似我細細過拎黎揸麵包既x夫牌 天使醬🐷🐽2️⃣另外啦 一份甜嘅 幸福班戟 happy pancake 等侯美食時間 10分鐘 黎到既時間幾鬆軟 佢插住左枝糖漿 依個位幾細心既 你中意小小甜 小甜 正常 無甜都得🤪完全自己揀 但我地就落左正常甜既🙈 咬落口第一啖岩岩好 蛋味夠濃 🥚 加埋佢既cream 絕對唔會死甜👍如果中意

迎月的晚上係尖沙咀行下之前已經好想去K11 Musea 試試個 梳乎厘pancake但一直都太多人排隊，沒有機會可以試下今日就想碰碰運氣太好了，沒有人排隊喔🤭我地兩個就二話不說就等職員安排入座先係坐位慢慢睇下想食咩諗好先再出去點餐喔我地決定叫一個甜班戟一個 咸班戟提拉米蘇班人在$108加杯$28的熱朱古力牛奶咖啡再點了一份厚切煙肉配炒蛋班戟$98配$28 的凍朱古力牛奶咖啡職員好貼心提醒出面掛黑色暴雨警告

開番晚市堂食之後，K11 Musea既人流都多左好多，抽時間約朋友食下午茶，都排左段時間先有位，要比完錢落order之後先入座，再等大約二十分鐘終於有得食。幸福班戟做唔到預期之中既空氣感，本身期待好鬆軟既口感，點知咬落去個感覺好實在😂，蛋香略嫌唔夠濃，反而鍾意個cream，好似雪糕嘅質感。最好試咗一件pancake，先再淋上糖漿。熱朱古力班戟配自家製穀麥熱朱古力都幾唔錯，黑朱古力味道好濃郁但又唔會太甜。Granola為pancake 增添唔少口感，個cream 就略為普通。整體來說，呢個質素既pancake有啲配唔上佢既價錢。一間專賣班戟既過江龍人氣甜品店，至少最基本既pancake要整得夠香夠鬆軟，先配得上佢既名氣。

小心呢間嘢啲服務！個奶茶杯裂開爆到我全身都係我冇練過鐵沙掌，我飲咁多年奶茶都未試過咁，呢間野用啲劣質膠杯都算，有個staff行埋黎乜都冇講過就開始清潔，淨係掉堆紙巾過黎好似我問題咁，我話個杯裂左，佢冇講sorry、冇講過咩換過杯、退返錢、打個折，佢講：「可唔可以唔好再禁個杯」真係好嘢👏🏻根住我行去個counter到同第二個講退錢，佢退緊錢仲問，個pancake整好左啦，會唔會食埋先走。我由件衫到腳都濕曬，成身奶茶味，我仲要坐係到慢慢食埋先走？要去呢到叫奶茶嘅話，祝大家好運！

平日的下午已經不算多人，加上疫情影響，已經不用等位訂座，十分便利。下午茶時段，我們一人點了一份 -- 熱朱古力班戟配自家製穀麥($88) 及 宇治抹茶濃厚慕絲班戟($108)。 與大部分日式厚班戟一樣，都是即叫即整，等了十多分鐘兩份班戟都到了。熱朱古力班戟上的朱古力醬十分流質，卻沒有因而較淡味，反而更顯可可香滑濃厚的香氣; 配上自定製的granola帶點蜜糖焦香而且口感有點脆脆，更多層次，奶油清香更提昇朱古力甘香。兩份班戟的基底是一樣的，班戟軟滑嘗得出蛋香，空氣感十足，一口食下很滿足，也許是店名的來源。抹茶慕絲班戟上的慕絲順滑帶出抹茶甘味，比起一般的雪糕少了冰感但亦令口感更順，我更喜歡凍慕絲的質地。這款亦有一些碎合桃，雖然不是我最愛的果仁種類但味道較淡，不太影響抹茶的甘香搭配綿滑的班戟的享受。總之，兩款都很推介，相較之下熱朱古力更有驚喜。