去滾

Open Now

Now Closed

經朋友介紹嚟咗呢間火鍋店，環境裝修都放咗唔少心思，有好多打卡位，感覺好modern，而且啲slogan仲好有趣～🍽️原個椰子雞湯（半隻） $268店員會係面前即場將新鮮椰子水倒落湯底，再加入椰子肉，飲落個湯真係好鮮甜，雞肉又夠晒嫩滑，一啲都唔鞋，唔經唔覺每人都飲咗2碗湯～🍽️美國手切牛頸脊 $228牛味好香，食落口感好腍，但手切又夠晒厚度！牛頸脊真係打binlo必食嘅牛肉推介～🍽️香煎厚切午餐肉 $88就咁食又得，浸一浸湯底食又得～絕對係邪惡之選！🍽️金甲脆魚皮 $98餐廳推介菜之一就知一定無介紹錯！香脆現炸魚皮均勻地裹上超級邪惡既咸蛋黃醬，真係停唔到口！🍽️牛B子 手打牛丸(4粒) $68咬落入面真係好juicy, 而且食落唔係食緊粉嘅感覺真係好實在，正！🍽️豆苗 $72好新鮮，不過呢個價錢份量略嫌少咗啲🍽️冰糖紅棗雪梨茶 $34透心涼之選，甜度好天然🍽️青檸梳打 $38略嫌太細杯

✨密密翻啅沙嗲湯Signature Satay花生香味濃郁，十分惹味，湯底配上的豬皮蘿蔔都非常入味。 ✨美國手切牛頸脊 American Chuk Flap Tail牛肉的油花分佈均勻，牛味和油脂香十足，口感嫩滑多汁，厚薄恰好入口軟腍。 ✨金甲脆魚皮Deep Fried Salted Egg Yolk Fish Skin香濃起沙的鹹蛋黃醬包裹住酥脆的炸魚皮，入口香脆鬆化，浸泡濃郁的沙嗲湯底後增添花生的香氣，更香口惹味。 ✨牛B子 手打牛丸Beef Ball牛肉軟腍，肉質鮮嫩，食落啖啖牛香。 ✨哈波子 手打蝦丸 Prawn Ball入口彈牙爽滑，伴以原隻鮮蝦份外有咬口。 ✨去滾咪走雞 “A Smoking” Chicken雞肉的肉質鮮香，油脂量適中，入口嫩滑富肉汁。 ✨爽口黑牛百葉 Albert Yip - Beef Tripe輕焯後的牛百葉口感爽脆，感覺新鮮。

今晚在銅鑼灣買完啊食吓火鍋, 這間位於金朝陽中心嘅火鍋店, 店鋪名好特別, 裝修同樣好有特色, 霓虹燈牌加添幾分懷舊感覺。「去滾」顧名思義係一間火鍋店, 裝修別緻有格調, 餐牌設計都好攪笑。選了蕃茄薯仔豬骨湯底, 蕃茄味濃郁, 味道香甜。美國手切牛頸脊大大碟份量十足, 新鮮紅潤, 紋理分明, 按指示在上湯淥12秒左右已經食得, 肉質嫩滑有牛味, 鮮甜可口。潮州魚蛋雪白幼滑, 爽口彈牙, 魚味香濃。素菜餃餃皮薄滑, 素菜饀料鮮甜, 淡香美味。蔬菜藍有冰菜, 唐生菜和豆苗, 幾款蔬菜都好新鮮, 口感清甜。繽紛鮮果涼粉鍋這道甜品以小鍋盛載配以乾冰, 產生雲霧效果, 可謂先聲奪人, 賣相也很吸引, 西瓜, 芒果, 哈蜜瓜, 涼粉等充滿色彩, 配以紅豆和椰絲, 口感更加豐富, 清涼甜滑。

銅鑼灣依間樓上火鍋餐廳「去滾」嘅裝修充滿霓虹燈，如果包廂嚟打邊爐仲有得唱Karaoke。*此餐廳收取加一服務費。中份頂級靚肥牛（單點$198），肉質嫩滑，牛味濃厚。番茄豬骨薯仔湯（單點$168），內有番茄、馬鈴薯、粟米、豬骨，豬骨豬肉肉質軟腍，肉味濃香，湯底味道酸甜。原隻貴妃蚌（兩隻$116），肉質飽滿，口感彈牙，味道鮮甜。娃娃菜（單點$55），食落好新鮮。手打生麵（單點$38），口感幼滑，容易掛湯。醬料（兩人$44），包括有芫荽、香蔥、生蒜、炸蒜、川味麻辣油、指天椒、胡麻醬、沙茶醬、泰式酸辣汁、醬油、黑醋、香油。繽紛鮮果涼粉鍋（單點$108），涼粉口感滑溜，哈密瓜、西瓜味道清甜，芒果味道酸溜，配以椰汁、紅豆、椰絲食用，味道更佳。

呢間餐廳位於銅鑼灣27樓可以望到街景既餐廳,另外介有戶外地方可供客人去坐,呢度好多人會上黎傾生意同打邊爐,而且環境裝潢好特別,有D霓虹燈既字好有趣既句子響上面既地方,而且座位非常闊落,我地叫左一個皮蛋莞茜湯底清清地仲有淮山響入面,之後仲叫左一碟大既手切牛肉,平時食既唔會好多今次叫左碟大碟既份量都真係幾多下,差唔多30片左右,手切肉質好軟淋,而且油花分佈好平均,仲有個好似麻雀牌教客人要淥幾耐先食得,另外仲叫左一碟脆炸咸蛋黃魚皮,好大碟,而且嗦嗦聲好脆嫁,仲有黑松露餃子都係值得一食,入面真係好濃郁黑松露味,醬料就自己出去出面拎。

離晒譜，今次打邊爐，絕無下次，寫返個劣評提醒自己唔好再嚟！！！！！呢間鋪可能係只想做一次生意？首先環境衛生睇落OK嘅貴唔緊要你喺碼啲質素跟返？啲貢丸墨魚丸全部都係街市最cheap嗰隻啲豆苗又好老 份量係超少！！湯底，可以話係完全唔值😑千2蚊 兩個人！完全冇食飽！！！！是日生蠔有啲臭添 又好細 叫桶蠔都冇咁嬲！肥牛288 可能10片？？我絕對唔係嗰啲好難服侍 好高要求嘅人 今次真係伏到癲 。打邊爐啊 唔夠九個字我就走咗啦😅因為真係好難食。完全不知道好評點黎的。

🍴🍽🍴🍽🍴🍽️🦪🦪🦪🦪🦪🍴🍽🍴🍽🍴🍽🥢 湯底 - 秘製沙嗲醬 $168 🆗湯底好濃味，蘿蔔同豬皮都好入味，蘿蔔好甜而且無渣，火鍋配料唔洗沾醬油都得🥢 特級新鮮街市肥牛（M) $288 🆗肥牛好新鮮，有牛味，而且唔會好肥，打邊燒一流🥢 蟶子皇（隻） $78 🆙性價比唔差，蟶子大隻無沙，入面彈牙🥢 金甲脆魚皮 $98 🆙滿滿鹹蛋黃，魚皮凍左都仲好香脆，就咁食同淥落湯底都好味🥢 順德脆肉鯇魚腩 $98 🆗鯇魚脆口，食落淡淡肉，唔會好腥🥸評價 𝗥𝗮𝘁𝗶𝗻𝗴𝘀 🥸
食物 𝗙𝗼𝗼𝗱 7/10
環境 𝗘𝗻𝘃𝗶𝗿𝗼𝗻𝗺𝗲𝗻𝘁 9/10
服務 𝗦𝗲𝗿𝘃𝗶𝗰𝗲 9/10
性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 7/10
整體 𝗢𝘃𝗲𝗿𝗮𝗹𝗹 7.5/10🍴🍽🍴🍽🍴🍽🦪🦪🦪🦪🦪🍴🍽🍴🍽️🍴🍽️🗺️ 去滾 (銅鑼灣）銅鑼灣登龍街1-29號金朝陽中心二期 - Midtown 27樓#bakdiu日式 #bakdiu銅鑼灣 #bakdiu灣仔區

最凍既天氣，當然係要去滾啦🥰環境復古，打咭一流冬天打邊爐真係好正😍最正係 唔洗自己預備食材&洗碗😗介紹番，我嗌左個卜卜蜆湯底湯底好濃清酒味，仲加左啲蒜蓉同辣椒，好夾😍打邊爐當然唔少得牛，揀左我最中意既封門柳😋一啲都唔韌，好淋又無筋，好岩我依啲無牙婆☺️金甲脆魚皮 **必食⚠️成塊痴晒咸蛋黃，炸到好脆（個人覺得就咁食都好好食，淥過就無晒啲蛋黃）貴妃蚌好新鮮，好鮮甜😋有海鮮，有肉，當然唔少得菜😆冰菜唔係周圍都食到，好彩依間有得嗌，未試過既朋友真係要試下😋口感好爽，好似有啲水爆出黎最後唔少得稻亭烏冬索晒啲汁😆想去打邊爐既朋友，記得要卜位丫⚠️個場都幾滿下

呢2晚天氣驟降至10度以下，真係要去滾一滾暖下身。非常有格調、有特色的火鍋店。🔘麻辣鮮淮山鴨血鍋🥘$198超多鴨血，夠麻辣，暖胃😋🔘特級即日新鮮街市肥牛(M) 🥩$288油脂分布平均，入口香滑軟熟🔘特級即日新鮮牛頸脊(M) 🥩288好重牛肉味，肥瘦均勻🔘金甲脆魚皮 👍🏽$98超級邪惡啊，火鍋必點之一🔘爽口黑牛百葉 🐮$78🔘鮮雞子 $82🔘鮮嫩正菜蔬菜拼盤(自選3款) $98豆苗+皇帝菜+西洋菜🔘竹蔗馬蹄水 $88

《懷舊滾出新鮮鍋🤭》———————————————-#去滾 🇭🇰-餐廳好有特色，充滿懷舊老香港情懷，結合唔少霓虹燈，去滾呢個店名已經夠哂搞鬼得意💈-🤎密密翻啅沙嗲湯一如其名密密食，沙嗲醬好有花生香，味道濃郁，基本上所有食材唔洗特別沾豉油，都非常夠入味🤣-🐮 頂級靚肥牛肥牛雪花好平均，食落既又牛味又有油脂香，而且好嫩口，肉味香濃，牛控必點！-🥟 沙嗲牛肉洋蔥餃食沙嗲湯底又點可以唔食呢款餃，沙嗲牛肉超濃郁，好有港式茶記feel， 咬落仲有粒粒洋蔥口感🧅 另外我哋仲嗌咗哈波子手打蝦丸同一口脆爆響鈴，質素都唔錯～-🍉 繽紛鮮果涼粉鍋甜品夠哂誇張，成鍋咁上，仲有煙霧效果，打卡一流📸 入面有涼粉滿滿，仲有各款生果，例如芒果、西瓜、哈密瓜、椰絲、紅豆等，十分豐富😘-⭐ 參考價錢︰密密翻啅沙嗲湯：$168頂級靚肥牛： $198沙嗲牛肉洋蔥餃：$68哈波子手打蝦魚：$48一口脆爆響鈴：$48繽紛鮮果涼粉鍋：$108🍌 抵deal 指數：8/10💰 人均消費：$400

天氣凍冰冰，最啱打邊爐。銅鑼灣附近呢度店舖裝潢以港式懷舊風作主題，充滿香港情懷嘅霓虹燈，加上非常之靚料嘅火鍋食材 ，值得推介俾大家。原隻龍蝦花甲海鮮湯 $468店員先用番茄，洋蔥加牛油炒香，再加上白酒點火一拼炒新鮮游水蝦，花甲，魷魚片同原隻開邊龍蝦，夠晒真材實料，即時有火焰效果，畫面非常震撼，充滿視覺效果！最後倒入濃郁既冬陰功湯底，呢個時候湯底已經吸收了滿滿海鮮鮮甜味道，店員都建議先喝湯再打邊爐。湯底係非常濃郁嘅海鮮冬陰功，酸酸甜甜辣辣哋，好暖胃。開邊龍蝦都大大隻，食落去啖啖肉，肉質夠彈新鮮，絕不吝嗇。最後我哋叫咗個紅薯粉，呢個真係不得了，吸收晒冬陰功湯底嘅精華，煙煙韌韌，超級入味，飽肚感十足。繽紛鮮果涼粉鍋🍧 $108最後點個甜品解一解辣，一出場效果好靚，由於加咗乾冰充滿仙氣，配有唔同生果，例如西瓜、芒果、哈密瓜，灑上椰絲同花奶，味道超正。

🌸《去滾 · 火鍋 · 銅鑼灣》✨銅鑼灣新潮玩味港式懷舊火鍋店✨-🍽️ 湯底 - 秘製沙嗲醬 $168沙嗲醬好重花生香，沙嗲味好濃郁🌟 基本上所有食材唔洗特別沾豉油，都非常夠入味，推薦‼️-🐮 特級新鮮街市肥牛（M) $288肥牛雪花好平均，食落既又牛味又有油脂香，而且好嫩口，值得一試✨-🦪 蟶子皇（隻） $78蟶子皇都算幾大條，食落好鮮甜，爽口彈牙，淥大概30秒已經可以食👍🏻-🐡 金甲脆魚皮 $98鹹蛋黃舖滿炸魚皮表面，除左直接食仲可以放落湯底淥兩秒，仲更加好食✨-🐟 順德脆肉鯇魚腩 $98魚腩唔腥，雖然有少少骨，但係魚肉嫩滑而且少少脆口，新鮮🤩-🦐 鮮蝦雲吞 $58蝦好大隻、新鮮，食落鮮甜👍🏻-📍 去滾銅鑼灣登龍街1-29號金朝陽中心二期 - Midtown 27樓-環境：🌸🌸🌸🌸🌸味道：🌸🌸🌸🌸🌸服務：🌸🌸🌸🌸🌸衛生：🌸🌸🌸🌸🌸性價比：🌸🌸🌸🌸Revisit:🤍-#hkfoodie #foodbitxh #foodbitxh_cwb #hkeat #hkig #hkfood #hkgirl #香港美食 #instafood #hkfoodblogger #打卡美食 #hkrestau

星期日放假同朋友行完時代廣場 就到左金朝陽中心 去滾 🍲 呢間餐廳名顧名思義就係同三五知己 /情侶拍拖打邊爐😂 一入到餐廳 就會見到好大既霓虹燈裝飾 同埋具有香港懷舊佈置. 極有香港8/90年代特色而且播放既歌都係大家熟悉既廣東歌~🌿芫茜皮蛋滑豆腐湯 芫茜份量極多😂 岩哂鐘意食芫茜既朋友點呢款湯底 豆腐好滑. 湯味鮮甜 喜歡清淡口味既朋友就最適合不過🐂頂級靚肥牛(大份）肥牛色澤鮮明 肥瘦分怖均勻. 而且碟上會有一個介紹牌仔 說明所需要（滾）既時間. 咁樣就唔洗驚煮太耐太熟 . 牛肉好好食🤤我同朋友都讚不絕口🌟牛B子 手打牛丸 店舖推介 就同朋友點左～ 果然無令人失望. 好濃郁既牛味 而且爽口彈牙. 用料上乘👍🏻👍🏻🥟黑松露餃餃子皮薄薄地 裡面餡料豐富 有原粒蝦再配以黑松露同豬肉 包製而成. 鐘意食黑松露既朋友 不能錯過🐟金甲脆魚皮呢款小食係將煮好既鹹蛋黃醬 . 淋上剛炸好既魚皮上面.除左口感鬆脆 香味撲鼻 仲好好味道😋🍃竹蔗茅根水打完邊佬 又驚熱氣既朋友記得點返支飲下. 味道鮮甜 健康

而家好多打邊爐既餐廳都好有特色，玩呢樣玩果樣。今次呢間就玩港式懷舊 + 戶外露台。港式懷舊味道的裝潢，霓虹燈唔少得，然後話你知出面有個大露台可以一班人打邊爐，聽落都覺得正。金甲脆魚皮 $98炸魚皮披上鹹蛋黃醬，放到湯中輕輕一灼，口感香脆，鹹蛋黃味出晒嚟。美國手切牛頸脊 $228油花適中，肉質鮮嫩爽滑，肉味都幾出。密密翻啅沙嗲湯 $168沙嗲湯一啲都唔行，因為裡面有海量花生粒，所以湯底濃到一個點。仲有大量豬皮蘿蔔，密密翻啅真係冇呃人。手打墨魚滑 $88墨魚滑厚實，入口非常彈牙，只是跟住指示灼三分鐘，新手都做到。鮮肉韭菜餃 $58韭菜餃雖然用料非豪華，但夠”鮮”。無論豬肉定韭菜，一咬就知有料到。稻庭烏冬 $38唔想浪費咁好既湯底，食稻庭烏冬享受埋個湯。

天氣又轉涼，約朋友收工一齊「去滾」先🤪呢間火鍋店裝修好有香港本地特色，霓虹燈牌搭配廣東話金句，夠晒繽紛😆🔸芫茜皮蛋滑豆腐湯🔸叫左個清清地嘅湯底，大量芫茜、皮蛋、豆腐、菇、鮮淮山，揀個清熱下火湯底減低打邊爐嘅罪惡感~🔸美國手切牛頸脊🔸有幾款牛肉揀，我哋就揀咗肉味比較濃嘅牛頸脊，碟邊仲有塊麻雀牌仔提示煮幾耐時間，好貼心👍🔸哈波子手打蝦丸、沙爹牛肉洋蔥餃🔸手打蝦丸口感超爽彈，入面仲有原隻鮮蝦，質素唔錯😋沙爹牛肉洋蔥餃比較少見，洋蔥粒令餃子口感更有層次，如果沙爹味再突出啲就仲正👍🔸芝士燒魚卷🔸睇名唔知係咩，到上枱發現原來係獅子狗魚蛋🤣幫佢改咗個花名叫「芝士狗」😆因為咬開入面滿滿流心芝士，食個時要小心燙口呢！🔸鮮果涼粉鍋🔸涼粉用噴住乾冰煙霧嘅鍋上枱，打卡💯哈密瓜、西瓜、芒果等滿滿鮮果，份量十足，亦可以按自己口味加入紅豆同椰絲一齊食😋餐廳仲有露台位置，可以一邊欣賞銅鑼灣夜景，一邊去滾番晚✨