去滾

Open Now

Now Closed

這間位於銅鑼灣的樓上火鍋店，裝修好有特色，以霓虹燈💡打造充滿港式懷舊風情。餐廳還有露台座位選擇，環境開揚，打卡一流📸.🔸醬料 $22/位自助形式，而且有十多款選擇。.🔸芫荽皮蛋滑豆腐湯 $138最近有d熱氣，揀返個清清的芫荽皮蛋豆腐湯就最合適，入面有好多芫荽、皮蛋、豆腐、菇菌等，真係好足料👍🏻.🔸頂級靚肥牛(M) $198牛肉🐮肉質鮮嫩，肉味香濃，牛控必點。.🔸金甲脆魚皮 $98金黃色的炸魚皮🐟新鮮即炸好香脆，每塊都沾滿惹味香濃咸蛋黃，微辣惹味，而且份量不少。.🔸魚皮餃 $48餃皮魚味濃郁，口感爽滑，配上入面新鮮豬肉餡料，味道不錯。.🔸繽紛鮮果涼粉鍋 $108食完火鍋食這個做甜品就最合適，不單可以清熱解毒，還很健康，入面有涼粉之外，還有🥭芒果、🍉西瓜、🍈哈密瓜、椰絲、紅豆等，十分豐富。加上用乾冰製造煙霧效果，打卡一流📸.🔸竹筍馬蹄水 $88/樽味道清甜，消暑又清熱。

今日天氣得返9度，就同朋友搵火鍋食。就去左最近銅鑼灣既人氣打卡火鍋店。 入到去見到好多香港人成日講嘅名言「女人唔狠、男人去滾」「唔滾唔知身體好」非常有創意兼食字，同用「去滾」去切合返店名作為主題。店舖有兩塊落地大玻璃同圓型卡座，係霓虹燈下又紫又綠，好似落左disco feel ，非常摩登feel。餐廳仲要超有創意用中國古代嘅肚兜比你當成口水堅，等你打邊爐時唔好比d湯或者汁濺到上衫上。椰子雞湯（半隻）一拎落來超大鍋，店員會主動幫你落雞肉入湯底內。 煲到滾起，店員會再幫你斟湯，等你飲完食完d 雞，先再幫你加雞湯比你打邊爐。 湯飲落去超重椰子同雞味，清清甜甜，好好飲。入面椰子，係用🥥新鮮椰子刮落去，唔會硬到爆。紐西蘭羊肉片羊肉既顏色非常鮮艷、片到好靚。滾熟後，好有羊味，好新鮮。 金甲脆魚片超脆炸魚片，浸魚片落雞湯幾秒，炸魚皮外脆內軟，超爽脆夠魚味。黑松露餃 （6隻)黑松露餃非常新鮮爽口，好重黑松露味。

芫荽皮蛋滑豆腐湯 $138芫荽皮蛋豆腐湯個精髓就係芫荽💚佢除咗有皮蛋豆腐之外，仲有超級爆多芫荽🌿岩哂荽人一族😂湯底入邊仲有竹笙同菇類好豐富架🍲-頂級靚肥牛(M) $198一上嘅時候就見到啲脂肪分布得好靚，明顯地餐廳係揀高品質嘅靚牛肉🐮食落好濃牛肉味，肥瘦適中👍🏻-黑松露餃(4隻) $68黑松露皮薄餡靚🥟好香黑松露味🖤最鍾意佢有大份同細份揀，一大班朋友可以揀大份開心share，少人又可以揀細分試多啲其他嘢😌-潮州魚蛋(4隻) $48正宗潮州魚蛋，白魚蛋爽滑彈牙，無腥味🍢-金甲脆魚皮 $98外貌協會打卡必點菜式📸有個醒獅頭做裝飾，仲識噴啲煙出黎💨魚片炸得脆口，仲有咸蛋黃碎包住，重口味之選☄️-稻庭烏冬 $38打邊爐點都一定要點稻庭烏冬，因為完全可以吸收湯底嘅精華🤣-竹蔗馬蹄水(每樽) $88飲返啲下火飲品，最緊要夠清甜夠凍🥤-記得一定要出去參觀吓佢哋個露台，無敵開陽靚景，唔食飯都可以同朋友上黎飲野，環境氣氛一流🌃

📍去滾 (銅鑼灣)銅鑼灣登龍街1-29號金朝陽中心二期 - Midtown 27樓「唔滾唔知身體好」一派充滿懷舊老香港情懷裝潢，結合唔少霓虹燈，主打火鍋，由步入門口到，墊枱紙設計，貼心嘅圍裙都貫徹主題設計，幾得意，而有個秘景露台望出係銅鑼灣五光十色市景x海景，好chill下打卡一流 🤳🏼 食物的款式幾有特色，仲有不同大細嘅VIP 房，啱哂一大班朋友gathering 醬料 $22/位多款火鍋醬料提供，自己混醬喇麻辣鮮淮山鴨血鍋 $198麻辣味好香同鴨血係絕配 💯手切本地封門柳 $228軟嫩多汁肉且牛味濃郁，份量唔算細，夠兩個人食👫金甲脆魚皮 $98魚皮剛炸起，色澤金黃，咸蛋黃碎溶哂落魚皮度，聞到陣陣鹹香咸蛋黃味道，食落非常酥脆頂級黑白墨魚丸（4隻）$78牛B子 手打牛丸（4粒）$68哈波子 手打蝦丸（4粒）$68新鮮手打丸好食啲，口感彈牙

去滾呀講緊咩? 就係去銅鑼灣去滾佢既裝潢好靚 勁多打卡位仲有個打卡甜品好正芫茜皮蛋清湯叫左我最愛既芫茜皮蛋清淡中帶有芫茜的清香搭配著滑嫩的皮蛋大量既豆腐一黎就飲番碗舒適的開胃湯手切雪花肥牛肥牛以刀工巧妙地切成了薄如雪花的片狀入口即化 散發出肉汁的美味桂花蚌放落清湯到更完美地突顯了蚌肉的鮮甜風味每一口都充滿左鮮味呀鮮蝦雲吞雲吞皮鮮嫩 內餡豐富新鮮的蝦肉兩大隻咁多 呢個必叫呀紅薯粉打邊爐點少得佢呀 素哂香甜既湯汁紅薯粉又彈牙 又好食繽紛鮮果涼粉繽紛的鮮果 有西瓜, 哈蜜瓜及芒果五顏六色咁好靚呀清爽的涼粉搭配多種水果，味道清甜又健康唔駛出去食甜品啦 直接係呢到可以食埋luuuu~去滾銅鑼灣登龍街1-29號金朝陽中心二期 - Midtown 27樓

放假同好友去左位於銅鑼灣嘅「去滾」食精緻高質火鍋🥰，呢度樓底好高，環境佈置都好有古典特色，卡位寬敞，仲有不同大細嘅VIP 房，我就特別喜歡12 人枱那間房，有好搶眼、大大幅型格美女圖，古典中又帶點時尚感😍😍😍而最令我讚嘆嘅係，露天座位，飽灠270 度維港夜景，加上帶點涼意，唔駛開冷氣打邊爐都感覺好舒服🥰🥰🥰醬料（每位$22）多款火鍋醬料提供，連泰式辣汁都有!🌺芫荽皮蛋滑蛋豆腐湯（$138）未淥食材前，飲番碗芫荽皮蛋滑蛋豆腐湯先，湯底濃郁鮮甜，清熱下火，正!🌺頂級靚肥牛M($198）靚肥牛夠淋，牛香撲鼻，M size 份量唔算小，夠兩個人食😋🌺金甲脆魚皮($98)擺盤已好吸晴，魚皮剛炸起，咸蛋黃碎溶入魚皮面，皮香薄脆,好惹味食唔停口。🌺哈波子手打蝦丸四粒($68)手打新鮮蝦丸，非常彈牙，而且仲可以見到有隻蝦🦐係入面，好好味。🌺黑松露餃四隻($68)一入口，黑松露味隨即而來，松露控必選item。🌺沙嗲牛肉洋蔥餃四隻($68)這個沙嗲牛嫓美茶記沙嗲牛，加埋洋葱仲美味，推介。🌺皇帝菜($55)蔬菜新鮮，如果份量多D就好啦。🪷青檸梳打($38)大大杯，清新解渴。🪷冰鎮紅棗雪梨茶($34)成樽上，

收工同同事諗住去打邊邊, 於是決定去<去滾> 開心下, 呢度裝修好特別好有懷舊嘅feel煱底揀左鴛鴦戲水 (蕃茄豬骨薯仔湯 , 麻辣鮮淮山鴨血鍋) ， 蕃茄薯仔湯真係用蕃茄煲用到變蓉做出來，所以好濃烈， 冇味精， 超好味， 未食過咁真材實料嘅湯底。麻辣鮮淮山鴨血鍋 我最LIKE, D鴨血勁好食. 好想叫多，兩份不過怕食唔曬 ，其實兩個湯底都好正. 之後先叫個 小食椒鹽豆腐 好香脆 豆腐好滑溜食唔停口肉類 就叫左 手切本地封門柳 同 黑毛豬豚肉 豬牛都好新鮮. 呢度嘅黑毛豬好新鮮，有新鮮豬肉味，而且好嫩口，真係飽住肚都忍唔住繼續食。再黎個珠江白鱔片 好爽嫩 ，我最愛鱔，又彈又爽又少骨。 鮮嫩正菜蔬菜拼盤 可自選 3種菜. 揀左豆苗, 芥蘭苗, 冰菜. 呢個抵食. 甜品繽紛鮮果涼粉鍋 ，滾打完再食呢個真係太快人心，涼透心.仲可以過一過油膩感。下次同多啲朋友來食先。

放工同老公拍拖食好嘢 冬天梗係要打邊爐啦 今晚同老公去到呢一間非常有特色嘅火鍋店 主打靚裝修環境 充滿香港情懷嘅霓虹燈 加上非常之靚料嘅火鍋食材 🍖呢度所有嘅火鍋料都非常之靚 材料上乘 仲有卡拉ok房 可以包場開party 🍸今晚清清地點咗個芫茜皮蛋或豆腐湯 🍲湯料好豐富呀 有大量豆腐 芫茜 淮山等等 好清甜 黑松露餃 🥟裏面有大大隻蝦 好彈牙而且黑松露味道好濃非常好食頂級靚肥牛🍖油脂分佈好靚 好似雪花咁樣 30秒就食得 非常之滑 牛味好濃鬱 日本豬豚肉 🐖好青甜 薄切得嚟 非常彈牙 豬肉味好濃 順德脆肉鯇魚片🐟真係好爽脆 食得出好新鮮 最尾加個 稻庭烏冬🍜 作為總結烏冬非常彈牙 甜品點咗個呢度非常特別有特色嘅繽紛鮮果涼粉鍋 裏面有好多生果例如西瓜 芒果 哈密瓜等等加上煉奶同涼粉 非常好食 而且加上個乾冰 出嚟效果好靚 真係好吸精 呢度坐得好舒服 服務有好好 嘢食非常好食 唔怪得 佢咁受歡迎 咁出名囉 試過真係覺得唔錯

天氣涼左D 最啱去打邊爐. 今日黎左銅鑼灣金朝陽中心嘅「去滾」.呢個店個裝修都幾有本地特式.  懷舊的霓虹燈裝飾 同一D 攪鬼嘅字句.  好盞鬼. 枱距都好好唔會迫. 又有D卡位.  仲有個out door 可以食住睇靚景. 我地叫左  椒鹽豆腐 $68  - 先黎個開胃前菜, 非常惹味. 鴛鴦戲水 $258  -  麻辣鮮淮山鴨血鍋、蕃茄豬骨薯仔湯裏面有准山同D 鴨血都非常好好食, 麻辣味亦都好足夠蕃茄湯底亦都好濃,  裏面仲有好多肉  兩個湯底都冇嘢好挑剔. 我仲飲左兩碗蕃茄湯.  手切本地封門柳 $228  - 牛味非常香,  而且份量都非常多. 珠江白鱔片 $148  - 肉質爽嫩, 口感一流黑毛豬豚肉 $ 198 - 有驚喜, 肉質勁軟淋, 好重肉味. 鮮嫩正菜蔬菜拼盤 $98   -  可自選 3種菜. 我地揀左豆苗, 芥蘭苗, 冰菜. 全部都好新鮮. 洗得好乾淨. 特別係個冰菜, 個人力推. 繽紛鮮果涼粉鍋 $108   -  打完邊爐, 食番個冰涼甜品正呀 ! 無咁熱氣. !青檸梳打 $48 加多寶 $38醬料  $22@1位環境食物都好好, 一定番食!地址: 銅鑼灣登

今次我約姊妹來到銅鑼灣，霓虹燈設計，充滿懷舊香港風格的「去滾」，主打火煱，食物的款式有特色，非常美味，佳餚讓一眾嘴饞的食客品嚐。露台個景好優美，出面chill下，打卡一流。原隻椰子雞湯椰子雞湯用上新鮮椰子水同椰子肉做湯底，最後加入半隻雞，仲有馬蹄、竹笙熬製而成，湯底清甜滋潤，帶有椰香。手打墨魚滑新鮮墨魚打成滑，十分爽口，食下來肉質嫩滑，細膩美味。金甲脆魚皮炸起來金黃色，非常脆口，放入湯一陣來食仲正，滋味無比。安格斯牛柳粒牛柳粒牛味濃，肉質鮮味有彈性，香滑豐盈，讓人一試難忘。繽紛鮮果涼粉鍋乾冰煙霧的涼粉鍋，涼粉加入芒果、西瓜、哈蜜瓜同花奶，仲有椰絲同紅豆等配料，口感層次豐富，味道不俗。去滾 A Smoking Affair（銅鑼灣）地址：銅鑼灣登龍街1號金朝陽中心2期Midtown27樓

今日天氣凍凍地，最好就梗係揀間火鍋店打邊爐啦，今次揀左銅鑼灣登龍街金朝陽既去滾試下。入到去環境唔錯，地方都幾闊落，咁就開始睇餐牌，發覺選擇唔多，火鍋店黎講真係算小。普遍上都算比出面貴，咁點左幾款試下係咪真係咁高質。另外醬料錢每位要$22。好多食物個名就好特別，但其實食落一般，同出面差唔多，不過價錢就貴好多，同個價錢唔成正比，完全唔抵食。其中有兩樣食材十分差，就係牛肉同桂花蚌。牛肉肉質鞋口, 入口又無肉味。另外桂花蚌亦唔新鮮， 食落有小小腥味。只係個環境比其他火鍋店好，所以如果有得揀既話，應該都唔會再去呢間到食。

胡椒豬肚雞鍋湯底：胡椒香氣濃郁，豬肚軟腍無腥味，雞肉嫩滑，非常美味。胡椒香氣非常濃郁，豬肚軟腍無腥味，雞肉嫩滑，非常入味。美國手切牛頸脊：牛頸脊肉質鮮嫩，帶有豐富的油花，入口即化。牛頸脊肉質非常鮮嫩，油花分佈均勻，入口即化，非常美味。金甲脆魚皮：魚皮外表沾滿鹹蛋黃，魚皮炸得香口酥脆，可以浸一浸胡椒湯底再吃，令口感味道更豐富。金甲脆魚皮外表金黃酥脆，魚皮內層軟嫩，鹹蛋黃味道濃郁，非常美味。頂級靚肥牛：頂級靚肥牛切得薄而均勻，質地鮮嫩，帶有豐富的油花，入口即化。頂級靚肥牛肉質非常鮮嫩，油花分佈均勻，入口即化，非常美味。手打墨魚滑：手打墨魚滑質地彈牙，口感滑嫩，帶有淡淡的海鮮味道。手打墨魚滑質地非常彈牙，口感非常滑嫩，海鮮味道非常鮮甜。冰菜：清爽無渣的蔬菜，食落爽口。冰菜清爽可口，無渣，非常適合搭配火鍋。繽紛鮮果涼粉：以豐富的水果和涼粉為基礎，再加入香甜花奶，口感爽滑，色彩繽紛，讓人一口接一口。繽紛鮮果涼粉口感非常爽滑，水果味道非常濃郁，花奶味道非常香甜，非常適合火鍋後享用。胡椒豬肚雞鍋湯底的胡椒味道可以再濃郁一點

去滾 銅鑼灣登龍街1-29號金朝陽中心二期 - Midtown 27樓開始入冬，好適合火鍋🍲今次先介紹香港旺區地膽銅鑼灣！☺️‼️以下是當晚我們2人挑選我火鍋配料加主食！還有意來不到的甜品🍨 😄醬料$44.0原個椰子雞湯（半隻）$268.00繽紛鮮果涼粉鍋$108.00珊瑚蚌$138.0C黑毛豬豚肉$198.00黑松羀餃（4隻）$68.00手打墨魚滑$88.00竹蔗馬蹄水(每柳$88.00金甲脆魚皮$98.00平時去小店吃火鍋， 通常湯底不是濃湯底，如沙嗲湯底/豬骨， 簡單有些紅蘿蔔/粟米/豆腐，但今次這家專門食火鍋的店舖，湯底令人非常滿意，椰子🥥雞有超級多椰肉、竹笙及雞肉， 貨真價實，未真正放菜前，我已經嗜了2碗湯🤣🤣 完全沒有味清！好清甜！ 以前放下材料後會影響湯的味道，但完全沒有！ 特別推薦黑毛豬豚肉， 肉質好，不需額外點醬料都很好吃😍😋 黑松露餃，貴精不貴多， 厚實又重黑松露味的豬肉連蝦，皮薄餡靚😄 不會令人失望！至於珊瑚蚌很新鮮，跟墨魚🦑滑一樣好彈牙！另外，我們特意點了金甲脆魚皮， 外層佈滿咸蛋黃醬，十分脆香，每一塊吃到最後有少少辣椒味，先咸後辣，層次分明，喜歡吃辣的朋友一定要試

銅鑼灣有間玩味十足又高質的火鍋🍲餐廳： 「去滾」😆打卡又得，食物新鮮又有水準👍👍而且去滾都有古法炆羊腩煲食🐑屬冬日限定！這款羊腩煲使我特別鍾意❤️，因食之前還有靚湯飲，飲完又補又有益，之後再慢慢品嚐羊腩煲！羊肉用料上乘味道唔羶，羊肉味濃，經長時間炆煮後同時有香滑膠質，入口煙韌彈牙，香腍極致！除了羊腩煲，我還品嚐了炸魚皮及各款新鮮菜，啖啖惹味呀！去滾 銅鑼灣登龍街1號金朝陽中心2期Midtown27樓 ⠀

#銅鑼灣美食 打邊爐真心推介 @asmokingaffair.hk 🥘女朋友：星期日去邊🥱男朋友：去滾😼女朋友：吓？🤨就係要介紹呢間大家都可以一齊 #去滾 😉呢間 #打卡 #邊爐 之前都聽過 今次就嚟試下我哋嗌咗秘製 #沙嗲 湯底🏜️好濃郁呀 而且佢哋有伊府麵（即係伊麵）索晒啲汁好掛汁🤩🤩🤩大愛頂級靚 #肥牛🥩 佢啲肥牛質素好好 唔係好多肥膏 而且入口軟熟有牛味😚爽脆黄喉🟡睇完 @fhproductionhk @fatho同 @mung.yu 介紹 好少餐廳有得食 估唔到呢到有🤩即刻試下 科普返 呢個唔係牛嘅喉嚨 係牛嘅主動脈👩‍🏫食落幾爽脆 不過本身冇咩味 靠湯底同醬料吊味金甲脆魚皮🐠鹹蛋黃魚皮好好食🥹有啲辣味昇華 而且好打卡 重有啲乾冰出晒煙🤣份量都唔少呀😋手打墨魚滑🦑口感紮實 切到6粒大大粒 不錯😌除咗嘢食質素好之外 佢哋重有戶外座位 27樓可以望到海景樓景 好正呀