味道樂居酒屋 (元州街) (Closed)

今晚去長沙灣食日本菜，味道樂居酒屋。我自己都幾鍾意食居酒屋，因為選擇多，無論串燒，刺身，壽司等等，大部份嘅菜式都有得揀。-螢光迷你魷魚👍🏻，螢光魷魚食得多，有金箔擺喺魷魚上面都係第一次，即刻升級哂，螢光魷魚非常肥美，爆膏，配埋少少青瓜絲，中和一下非常好食。-明太子玉子燒👍🏻，玉子甜甜地，配上燒左嘅明太子醬一齊食，好夾。-牛肉壽喜燒👍🏻，牛肉同埋蔬菜份量都好多，壽喜燒湯底唔會話太甜，暖暖地幾好食。-帆立貝蟹膏卷👍🏻，芝士吉列虎蝦卷👍🏻，卷物賣相幾好，帆立貝配上蟹膏出奇地配合，虎蝦夠大隻。-燒三文魚頭👍🏻，魚頭夠大，燒得好香口，啖啖肉，正呀。******************************👍🏻好食 | 👌🏻可以 | 😔 難食評分 : 7/10簡評 : 選擇多，食物好食既居酒屋

朋友話掛住日本，約我去居酒屋食番餐窗口式門口，加上裏面的木枱，木椅，木牆同日文海報，濃濃的日系格局🎏網池刺身(半條） $98魚身晶瑩通透，鮮甜美味甜蝦壽司 $48每件壽司有兩隻甜蝦，清甜可口油甘魚壽司 $48油甘魚厚實滑嫩，入口融化辣三文魚碎卷 $88三文魚碎放在面，加上沙律醬。 裏面卷住青瓜，有不同口感又好吃海膽手卷 $88海膽好鮮甜，奶滑濃郁，入口即溶。紫菜也夠脆身香蔥吞拿魚腩手卷 $68吞拿魚軟綿綿加上香葱，好夾。 紫菜一樣夠脆在這間富日本風味的居酒屋，朋友很是滿意 

今日同朋友黎長沙灣食晚飯，聽朋友講呢間都唔錯，所以就想試下。間店有少少遠，但店鋪裝修都唔錯，味道都冇令人失望。1. 黑松露溏心蛋黑松露味好濃郁😌，鍾意食黑松露絕對唔可以錯過！！2. 三文魚刺身、甜蝦刺身三文魚刺身每塊都好厚，口感綿密醇厚。而甜蝦刺身都散發獨特的甜味，非常新鮮。3. 香蔥吞拿魚腩碎手卷手卷非常足料，食嘅每一啖都可以食到吞拿魚腩碎，一粒粒嘅魚腩口感綿密。4. 鐵板蒜片香煎厚切煎牛舌牛舌令我感到好驚喜，肉質柔軟多汁，配合蒜嘅香味，更突出牛舌嘅口感同埋味道。5. 味噌蟹甲羅燒配蒜多土蟹膏香味濃郁、鹹味適中。多士香脆可口。將滿滿嘅蟹膏配合埋多士一齊食，超級滿足😋😋，回味無窮。6. 火炙北海道帆立貝蟹膏卷帆立貝同樣令人滿意，好大粒好鮮甜，同埋蟹膏一齊食成個口感都好豐富。總括而言，都覺得滿意，值得再黎😊😊

香港人一向都很喜愛吃日本菜，這次我們二人收工來到位於長沙灣的味道樂居酒屋試一試他們的晚餐。餐廳用手機自助下單非常方便。我們二人點了炸魚片，明太子免治雞肉棒，醬油燒年糕，明太子雞翼，蟹籽壽司，油甘魚壽司，火炙北海道帆立貝蟹膏卷和煙肉櫻花蝦炒飯。炸魚片剛剛炸起，口感煙煙靭靭，外脆內軟，調味適中，份量也很足夠，適合一邊談天一邊進食～明太子麵治雞肉棒，香噴噴的明太子醬，配上熱辣辣的免治雞肉棒，非常好食，而且還有很多雞軟骨，口感一流！值得推介！醬油燒年糕，即叫即燒，醬油味很香濃，年糕燒得外脆內軟，煙煙靭靭的非常好食。明太子雞翼也是燒得外皮脆卜卜的，內裏雞肉味濃烈而且多肉汁，加上明太子的香味，非常之配搭非常的好食！壽司方面我們點了蟹籽壽司和油甘魚壽司，蟹子壽司的紫菜非常之香脆，散發岀紫菜香味，而且新鮮的蟹籽脆卜卜，口感非常之好。油甘魚壽司的魚生非常之厚，而且油脂很豐富也很新鮮，總括而言這間餐廳提供的壽司都很不錯～另外還點了一道火炙北海道帆立貝蟹膏卷，火炙的帆立貝配上新鮮的蟹膏，香味非常之足夠，而且整體配搭上也十分之好，份量也很足夠，性價比很高！最後是煙肉櫻花蝦炒飯，炒飯也是新鮮即叫即炒起的，一上菜

鐘情小店既我又搵到間好既日本居酒屋🏮店舖位於元州街(味道樂)!今晚又可以體驗下去日本既回憶🙆‍♀️因為裝修好有特色,而且會播放日本音樂好有feel👍原隻脆炸軟殼蟹蟹籽沙律🌟軟殼蟹炸到好出色,炸粉好簿,食落而且不油膩!份量好足, 蟹籽鮮甜加埋一齊食口感更為豐富推介!軟殼蟹手卷🌟 因為前菜叫左軟殼蟹蟹籽沙律太好食叫多左個手卷試吓🙈 一樣噤正👍海膽手卷🌟原本我自己口味鍾意食加拿大海膽!今次係馬糞海膽原來味道都唔錯!火炙北海道帆立貝蟹膏卷🌟係我最期待嘅一道壽司😍蟹膏鹹香十足而且帆立貝鮮甜爽口真係超好味🤩鐵板蒜片香煎厚切煎牛舌🌟牛味濃郁而且唔會靭調味啱啱好唔會過鹹!加埋碗白飯就係絕配😋

今個週末聽見日本就嚟通關，很是興奮，想食日本大餐預先慶祝，就嚟到長沙灣食日本料理。叫咗一個滿滿幸福海膽丼套餐。個名改得真係啱，真係滿滿嘅幸福。先來一個前菜沙律，沙律有日本甜薯，絕不馬虎。再有一個燉蛋，下雨天食暖暖嘅燉蛋份外窩心。然後主角出場，係海膽丼。海膽同白飯之間係一層厚厚嘅吞拿魚蓉，再加以大量嘅蔥花點綴，旁邊再加一碗三文魚子，外觀已經近乎完美。海膽同吞拿魚鮮味十足，本身食壽司都會點豉油，但係由於三文魚子表面粘稠和脆弱，輕易戳破就會有卵汁流出，味道又鹹又甜，可以取代豉油嘅鹹味。每一口都有海膽，吞拿魚，三文魚子同日本飯，係滿滿嘅幸福感覺。

今日同朋友去長沙灣睇電影，睇電影前去食飯，由於時間尚早，不需要等位就可以入座。我們叫了一件白色粟米，油甘魚刺身，香炸一口芝士，三文魚火炙壽司，脆炸軟殼蟹反卷，鹽燒雞脾菇和鹽燒厚切特上牛舌。首先上的係白色粟米，它是生食，口感爽脆清甜，有粟米味。之後是油甘魚刺身，一共有三件厚切，味道鮮甜。再來的是三文魚火炙壽司，火燒完三文魚的表面令到三文魚的油香更加突出。接住是香炸一口芝士，芝士味道濃烈，外面香脆可口。之後鹽燒厚切牛舌，這個比一般薄切口感來得更好，有肉汁而且不會硬。再來的是鹽燒雞脾菇，雞脾菇燒得不會太乾，咸度適中。最後是軟殼蟹反卷，軟殼蟹香脆再加上有蟹子，入口感覺有層次。總括來說，味道很好值得再來。

今晚同朋友在荔枝角睇完戲後想食日本嘢，在戲院附近找到間日本舖！餐廳唔算大，但服務員就好nice。我哋見到有二人套餐，咁就order咗。先來炸魚片，好香脆食落有啲似薯片！芝麻雞翅肉質鮮嫩香滑有少少辣，但是非常惹味。珍寶蟹膏帶子及三文魚壽司就十分新鮮好味。另一道菜是廚師將黑豚肉卷煎得好香脆，感覺唔到食緊肥肉，味道唔差。燒虎蝦肉質新鮮，另外櫻花蝦生蠔係我第一次食，生蠔裡有煙肉加上放上很多櫻花蝦，增加生蠔的鮮味超好味，燒青魚再配上碗日本飯真滿足，再跟燒秋葵就令這餐更完美！整體這日本餐吃到十分滿足！

🐈✨✨✨✨✨✨之前喺呢頭做gym都會留意到呢間小店，舖面唔大，木系裝修再加暖黃燈光好似好溫馨。有次喺附近玩完醒起可以試就嚟咗walk in 😛👨🏻‍🍳📸 原條成田醬炭火燒鰻魚飯 $138 💛條鰻魚應該有20cm up 好厚肉o(≧v≦)o，個汁甜咸適中🤤絕對夠2個人食🥰👨🏻‍🍳📸 鹽燒特上厚切燒牛脷 $98真係幾厚切，而且有2串每塊都係正常size😆 啲牛舌幾好咬口，不過記得最好趁熱食會再好味啲~👨🏻‍🍳📸 蟹膏蟹肉炸豆腐 $88好特別嘅配搭😳，其實幾夾，蟹膏好足料!可以一試😛味道樂有2間分店，元州街呢間喺荔枝角/長沙灣站出發都係行8至10分鐘左右。整體係間水準唔錯、價錢幾親民嘅小型居酒屋，以後有機會都想再試下其他菜式😋

Sushi was cold from fridge, needed to wait for few minutes to have it back on to room temperature. Lamb racks cooked well but the meat itself was inferior. Disappointed at this price level.

朋友介紹呢度有間好正嘅居酒屋， 今日特登同朋友嚟幫襯下，好彩有訂枱， 唔使等就可以直接入去有位喇雖然舖頭唔算好大， 不過餐具用品都乾淨企理睇餐牌都有好多選擇， 而且價錢都幾抵食叫咗個黑松露溏心蛋， 隻蛋煮到啱啱好溏心而且餐廳一啲都唔孤寒， 畀咗一大羹黑松露食落除咗有蛋香味之外，仲有濃沃嘅黑松露味跟住係醬油燒年糕， 佢燒到個皮脆脆地， 因為係醬油燒嘅關係， 所以就算唔點任何汁醬，都好夠味， 外面脆， 裏面嘅年糕軟糯，好好食跟住係明太子醬燒玉子串， 兩串蛋好大件， 勁抵食，同埋佈滿咗明太子醬， 燒完之後又有蛋嘅甜香， 明太子醬又惹味香蒜牛油炒野菌， 好足料， 同埋啲香蒜同牛油炒到好香， 食落去每一啖都食到炒過嘅牛油香味，啲野菌一啲苦澀味，或者一啲草青味都冇脆炸軟殼蟹反卷， 佈滿咗脆卜卜嘅蟹籽，每一啖口感都好正，個軟殼蟹炸得脆而不膩， 每一件反卷都啖啖肉最後就係呢個香煎鵝肝雜菌石鍋飯，塊鵝肝好大塊， 煎到啱啱好， 個皮煎到又脆又香， 一啖咬落去， 真係回味無窮， 配埋啲雜菌， 又唔使太過擔心好油膩，必食兩個人食到飽一飽都只係五百蚊左右，以居酒屋嘅價錢，真係抵到爛

呢間居酒屋係長沙灣都幾出名今日咁岩經過一於去試試佢🤣味道樂主打各式壽司刺身亦又唔同種類嘅燒物提供餐廳座位唔多晚市時都要排隊想食嘅朋友最好book定位🔸芝士吉列海虎蝦卷 $98味道樂有好多好有特色嘅卷物，今次我哋叫咗兩樣。其中一樣就係芝士吉列海虎蝦卷物，一碟卷物有六舊，d飯壓得好實正，唔會一夾就散。虎蝦好大隻，好鮮甜，即叫即炸十分香脆，燒過嘅芝士同吉列虎蝦好夾，整體嚟講好好味😋🔸火炙北海道帆立貝蟹膏卷 $98呢款係我哋叫嘅另一款卷物，帆立貝好大舊好新鮮，食落既滑溜又鮮甜，配埋蟹膏更鮮甜。卷物餡料有幼絲青瓜及蟹柳，帆立貝同蟹膏就鋪左係卷物上面，卷物大舊到一啖食哂都有難度🤣🔸軟殼蟹手卷 $58軟殼蟹炸得好香脆，唔會話好厚炸粉，再鋪咗大量蟹子同少量青瓜絲，口厚十分豐富👍🔸香蔥吞拿魚腩碎手卷 $68吞拿魚腩碎打得夠碎，唔會食到筋，但同時亦保留到吞拿魚腩嘅油香味，吞拿魚腩碎塞滿左成個手卷，食到落底都仲食到🤣🔸三文魚腩壽司 $48三文魚腩色澤好靚，切得好厚身，三文魚好新鮮，完全無雪藏味，口感好細膩，非常出色👍🔸明太子免治雞肉棒 $68除左左免治雞肉外，亦食得出混入左少量雞軟骨，口感更豐富更有層次。雞

雖然元州街附近都有d偏僻，唔太近地鐵站，但呢兩條街都好多餐廳。今次見到呢間日式店幾有feel，裝修有特色👍🏻迷你三文魚籽甜蝦蓉丼💰88真係迷你版😂 不過都係真材實料，有好多蝦蓉同三文魚籽，鮮味十足。細細碗，好似食緊甜品咁～三文魚手卷💰48厚厚既三文魚，應該有一半都係三文魚，另一半先係飯👏🏻 正！大蔥特上吞拿魚腩卷 💰98幾推薦幾個卷，好大份，吞拿魚腩幾香，呢度既卷物都抵食😋日本燒蠔 💰100一套三款口味，最好食係芝士個款，最夾個口感，其他兩款口味較濃，蠔係新鮮的，值得一試！野菜牛肉湯烏冬 💰98都幾大碗，牛肉分量好多，有牛味同唔韌的，又有幾款菜做配料，幾好食🤓梅子燒酌梳打 💰58喜歡酸既朋友可以一試，酒味不太濃，適合食串燒時飲檸檬威士忌梳打 💰58呢杯係威士忌🥃 酒味好出，可能岩男士多啲-總括然而，呢間居酒屋細細地，幾適合情侶談心去，裝修都幾值得欣賞下，好日本vintage-餐廳：味道樂居酒屋 地址：長沙灣元州街498號青華閣地下C舖

網上看到這間日本餐廳，就去吃個晚餐😁😁🥰鹽燒澳洲羊架x2 $138 羊架份量不太大，但燒得剛好，調味適中，伴有些少脂肪，吃起來非常滋味，不會乾🤗🤗 😋香炸一口芝士 $48 一口芝士炸得金黄香脆，內層軟心芝士十分香濃💓💓 😗鐵板野菌炒牛柳粒 $128 野菌份量比較多，牛柳粒相對比較少一點，牛柳粒有部分可能有點過熟，但調味也不錯🙂 😎原條成田醬炭火燒鰻魚飯$138 鰻魚真的很大很長，性價比相對高🥰有少量骨，一開始吃覺得很好吃，但份量太多，吃到後期有點飽，覺得有點咸🤣如果可以自行加醬可能會更好😎 人均$249,個人認為羊架最好吃，鰻魚飯則性價比最高，可以一試😗 

長沙灣真係有好多好正嘅小店，呢度就係人氣幾高既一間，平日，晚上8:00/9:00 依然滿座👍🏻👍🏻🎉🎉今晚家姐約食飯，佢話想試呢度。okay, 無問題，老細話事🤣🤣🤣去到仲有最後一張枱，唔使排隊，lucky~✌🏻✌🏻🤣🤣QR code 點菜，先來個帶子黑松露沙律，啲帶子同黑松露份量都唔少，黑松露勁香，而晴帶子好新鮮，唔錯👍🏻👍🏻👍🏻軟殻蟹卷，呢個真心好食，炸到啲軟殼蟹脆脆地，一啲都唔會油，上面舖嘅蟹籽唔辜寒。好食👍🏻👍🏻炸雞，呢個我覺得鹹左啲，但炸到唔油而且啖啖肉😝 串燒個雞肉大䓤好好食，勁出色，呢個係我覺得日後都要返兜嘅item~~🤣🤣👍🏻👍🏻至於個豬軟骨拉麵，啲豬軟骨肉大大件，仲有3件，而且好入味，唔錯，拉麵就無乜特別，但返而牛肉烏冬個烏冬就好好食，好滑👍🏻👍🏻3個人食左差唔多$700 ，其實都唔係平㗎，但食物真係有質素嘅。👍🏻👍🏻👍🏻而且係家姐俾錢，所以我仲有乜好講呀🤣🤣🤣