Al Forno Pizzeria (Moved) New Location

週五晚上的中環特別熱鬧下班後小牛牛跟小小馬一路從中環站往上爬到了SOHO區選了一家小小的店AL FORNO餐廳內部不算大但整體環境仍算舒適似乎都要先訂座呢 我們運氣不錯剛好有位晚10分鐘後進來的都沒位置了接著來看看食物北京烤鴨薄餅看到OpenRice 的大力推薦便點這個試試這個很酷把中式北京烤鴨跟西式的披薩結合吃起來相當好食松露蘑菇意粉起司跟松露味道很好把整個麵的層次提升很多吃完還想再吃 而份量也確實少了點總體而言餐廳環境舒適餐點味道都算好味份量的不算大食量大的要多點幾樣是間值得來試試的店家如果是平日晚上最好先訂位

話說嗰日放工之後好得閒走咗去中環嗰邊同屋企人食一間意大利嘅餐廳，一開始其實冇諗住食呢間， 但係見到環境幾靚同埋幾舒服所以就走左入去。入去坐低嘅時候，感覺幾舒服， 一啲都唔迫， 有部大電視播着啲近期電影， 真心幾正， 好少香港餐廳有咁嘅設計。坐咗一陣之後就叫咗一個Pizza同兩個意粉， 一個係卡邦尼意粉，另一個係意式肉丸意粉，兩個意粉嘅賣相都幾好，可惜就係份量相對來講比較少， 但係味道突出，卡邦尼意粉嘅味道夠濃郁，而且係一個正宗嘅做法， 食之後唔會話太過濟。而另一個肉丸意粉嘅醬汁就比較一半， 但係肉丸嘅肉質幾正， 食落去嗰陣時會滲出一啲肉汁，而且每粒肉丸嘅形狀都相比其他餐廳較為大粒啲。最令我驚起嘅就係個pizza，估唔到個Pizza又真係幾好食， 好食過薩莉亞同埋Pizza Hut好多， 起碼去過餅底夠脆夠薄，唔會話咬落去太多面粉， 而且Pizza個醬汁夠多， 味道有夠濃郁，芝士又多， 好啱一啲鍾意食Pizza嘅人，所以果次食完之後都好想再去多一次食。

舊同事在兩年前轉行成功，加入HR行列，所以我便約她在節日前見面，順道聽她分享在新公司的所見所聞。揀了一間在蘇豪區鴨巴甸街的小店，星期六的晚上也不是太多人，可以靜靜的談天說地。她喜歡吃炸物，所以點了炸魷魚圈。炸魷魚圈的炸漿金黃略脆，卻不太厚，而內裡的魷魚仍保持質地軟腍，十分難得。由於我們喜歡韓食，所以當然不會錯過這款泡菜薄餅。薄餅是卜卜脆的薄批底，而泡菜是平均地鋪在薄餅之上，讓每一件薄餅也充滿泡菜的香辣和惹味。最後來的意粉，也是辣的。辣蕃茄醬海鮮意粉是出乎意料的好吃。意粉煮得剛熟，煙韌有咬口。辣蕃茄醬集甜酸辣於一身，十分討好，令人胃口大開。不得不讚這客意粉內有數隻中蝦，扎實又爽彈，超讚啊。

話說女朋友今日過嚟接我收工之後去咗上環嗰邊搵嘢食然後發現附近有間食Pizza嘅好似唔錯，旺中帶靜入到去立即見到個大電視播緊一啲美國劇集，啱晒我口味！然後店員推介我飲佢哋嘅三種香港手工啤happy hour 價錢都只係$58抵到爛！以我女朋友就飲啲特色野飲，飲落好似益力多味道但係又唔會太甜，十分開胃。從透明玻璃睇到廚房入邊嘅焗爐係磚爐，而唔係電子爐，睇得出廚師對整Pizza係十分專業。到最後我哋叫咗肉醬意粉同埋北京填鴨pizza再加四件嘅雞翼。個肉醬意粉嘅面嘅硬度好適中同啲肉醬好夾而肉醬又唔會太咸，好味！北京田鴨pizza嘅張係用返傳統嘅甜醬，食落去竟然同個Pizza底係十分之夾，而Pizza底亦都好鬆軟同好脆。同出面嘅餐廳食係完全唔同，之後店員同我地解釋話啲Pizza底係自家製由上一日發酵至今天所以先咁鬆軟，真係好有心機。至於個四件雞翼面頭嘅醬料可能有少少咸，對我來講就啱啱好，但由於隻雞翼係生炸嘅，所以食落去勁多汁同埋啲肉唔會乾，喜出望外。所以今餐我同女朋友都食得好滿足！

留意左呢間餐廳好耐，係呢頭有咁抵既pizza&pasta 想試好耐，但位置有d 遠所以一直未黎，今日終於搵到朋友陪我行上山食好野😋😋個餐包左湯/沙律，一個主菜同飲品，我同朋友一個叫湯一個沙律，個周打蜆湯好creamy, 每一匙羹都有蜆肉，好足料。個沙律菜幾脆幾新鮮👍🏻👍🏻到主菜我地叫左北京烤鴨pizza 呢個fusion 菜，再加黑松露磨菇意粉share 食，兩個都勁好味，pizza 熱辣辣，個醬同配料比例岩岩好。個意粉一黎就勁香，有好香黑松露味，係我好鐘意食既白汁意粉😋😋😋我地仲另加左個番薯條，有驚喜，熱辣辣，又甜甜地，好好食，加埋個蜜糖芥末醬好夾，仲要好大桶，抵食👍🏻

星期五咁岩啲同事唔得閒 終於約到家姐一齊食個lunch😂😂雖然大家一路都係附近做野 但係好似係第一次約食lunch🤔上openrice見到依間好多好評 一於試一試佢😋由於我地臨時先話食所以冇book枱 12點3就到左好彩walkin有位😌 間鋪唔算大 12點半慢慢就多人塞滿左 有啲walk-in既人都被迫離開冇得食🙈🙈佢地既set lunch 唔算貴 有跟沙律/湯 有野飲 仲要唔使加一 服務都仲幾好添☺️我叫左個Caesar salad 有啲煙肉碎同芝士粉 整體都幾好😋同家姐食可以share試多幾樣😂我地嗌左個「蘑菇黑松露白汁意粉」 啲truffles夠哂香又夠creamy 意粉偏硬身岩哂我😂 依個係「北京烤鴨胸pizza」 啲蔥啲青瓜啲醬汁同鴨胸 整體感覺隻味就完全係食緊片皮鴨咁 岩哂我口味🥰🥰小食加左個蕃薯條 雖然係add on佢仲寫明細份 不過其實2個人share食完全夠哂 好好食唔會炸得太多粉 仲有佢隻醬似係honey mustard（唔太肯定 不過好食就得🤣） 強烈推薦要試下佢🤩🤩兩個人食岩岩好$200 以中環黎講性價比都幾高 值得下次再黎食 不過記得要book枱😆

Al Forno Pizzeria 啱啱去完旅行，一落機就收到朋友message問幾時食飯。擇日不如撞日，第二日就一齊去蘇豪區嘅Al Forno整個即興晚餐。Al Forno雖然位於中環蘇豪區，但距離最近嘅半山扶手電梯出口都要行大約5分鐘。但好彩佢就係位於好出名嘅IG打卡壁畫斜對面，所以都好易搵到。呢間薄餅店主打手工薄餅，再加西式小食、意粉、意大利飯。見我地被選擇困難症纏繞好耐都諗唔到食咩，店員好主動咁同我地介紹返餐牌上邊啲嘢食多人叫，同埋講埋佢哋當日嘅入貨，推介幾款"Today's Special"。所以我哋就聽咗佢嘅推介叫咗兩個前菜、一個意粉同兩個手工薄餅。係食西餐冇蒜蓉包始終唔夠完整，Al Forno嘅Rosemary Garlic Flatbread蒜蓉味非常之出，同埋焗得香脆。可惜得幾件，唔夠喉！跟住我哋聽服務員推介叫咗Clams w/ Chorizo。店員話佢地每朝早都會去附近嘅市場入新鮮嘅花甲整呢個starter。所以食落去除咗有鮮茄嘅鮮甜味之外，仲帶一啲屬於新鮮花甲獨有嘅海水甜味。跟住嚟到嘅就係呢個Garlic Shrimp Linguine w/ Prosciutto

蘇豪除了出名多美食美酒，同樣出名消費不低，但如果不介意多走兩步到鴨巴甸街，你會發現Al Forno這間意大利菜卻出奇地經濟實惠，人均二百多元已經吃到飽，重點是食物亦不俗，所以都吸引了不少酒客在這裡先飽餐一頓再轉埋飲過。＊＊＊＊＊＊＊＊＊＊＊＊＊＊＊＊Al Forno店面不大，只可容納約三十位食客，因此周五六日晚基本上都要預先訂座。小店主打意粉和pizza，所以這兩個類別選擇都非常豐富，另外都有前菜、沙律、飯和多款酒精飲料。Sweet Potato Fries ($50)番薯條奉上時熱辣辣，炸得香脆又不會太油，配上蜜糖芥末醬食下一條食下一條，很快就吃光光了。Wings Al Forno - BBQ ($68/6pcs)雞翼可點四隻或六隻，我們點了BBQ味，雞翼是珍寶雞翼非常大隻，雞翼上有厚厚的BBQ醬，味道很濃郁，但如果本身食開清淡飲食的，可能會覺得味道偏鹹。Carnivoro - S ($95)每款pizza都有small和large兩個size，因為想多試幾款，所以我們就點了Small。這款Carnivoro Pizza有辣肉腸、火腿、煙肉和芝士，食肉獸最啱。芝士拉絲效果明顯，餅邊都

去開中上環，朋友介紹下，找尋一間cozy 小店，餐廳門面不算起眼，從上環地鐵站沿鴨巴甸街上，要爬一段又一段樓梯才可到達，但用膳後，發覺不枉此行。店內有幾款手工啤酒可以選擇，香港本地薑有Lion Rock 製釀的‘追求’‘夢想’及獅子山下，仲有比利是出的手工啤酒。我同男朋友揀左追求夢想各一支，既可打卡，‘追求’酒精含量有5.6%的IPA, 麥味較重苦澀，‘夢想’易入口一點，有陣陣果香。講返野食先，頭盤來一份蘋果合桃沙律，小清新的味道，有小小法國陳醋，蔬菜又夠新鮮。即叫即焗的Pizza 是不能抵擋，選了Beijing 口味，即鴨胸加北京填鴨醬汁，餅皮鬆軟，配合芝士味來焗，香味濃郁。煎肉眼扒是當晚的是日精選，外皮不是煎得乾食的哪一種，緊緊鎖著肉汁，肉還程現嫩紅色，牛扒上面灑了黑椒，還有煎香的蒜頭，這樣的調味恰到很好。總結，小店的水準不錯，服務員態度親切，價錢也屬大眾化，是次二人消費571，下次會再來。

半開放式廚房 見全廚師好認真係煮意粉 😆老闆話個磚爐特地從意大利訂購 焗pizza特別好食 而pizza底都係個道既廚師自己人手搓成既❤️手工啤酒都係餐廳主打既 -🦐 Shrimp Bacon Avocado Caesar Salad $98 沙律菜好新鮮 蝦肉都好新鮮彈牙。本身好鐘意食牛油果，加埋落沙律道口感豐富 又fresh 👍 份量都幾多 ！🐔 Chicken Spinach Linguine $118 意粉咬口好好 好多自家製茄蓉 蕃茄味道甜甜的 雞肉煎得岩岩好 唔會硬/鞋口。🍕 Sweet BBQ Chicken Pizza $95 歐陸式 Pizza 個底比較硬 似crackers 😆 BBQ 雞肉係甜甜地既燒汁味 雞肉份量多 咬落去滿滿的餡料 面頭鋪的芝士焗起好香😙🍺 Craft Beer $58 餐廳既craft beer 好有心設計 叫chase & dream 😍🕺🏻CHASE 追求呈淡橘色 混合左幾種生果的味道 包括 鮮甜橙 檸檬 水蜜桃等水果香味。☁️DREAM 夢想 加入桂花釀造 再加入 柑橘和葡萄柚的甜味 口感清爽而帶花香。

蘇豪區除咗酒吧多，仲有好多好野食！今次行吓就搵到間主打pizza嘅，環境算闊落，燈光氣氛都好舒服。我地2個女仔決定要試佢嘅pizza，呢度有好多款，幾經辛苦先揀到一款，要咗sweet BBQ chicken pizza Pizza個size啱啱好，嚟到已經cut好晒，好方便 Pizza好足料~ 除咗雞粒仲有菠蘿同洋蔥，bbq醤加蜜糖醤甜甜地好香！芝士仲可以拉絲另外仲叫咗porcini mushroom truffle cream with seared scallop risotto~ 松露加埋牛肝菌超香！2粒大帶子煎到金黃色啱啱好 飯creamy得嚟唔算好多芝士，完全唔會滯嚟蘇豪食飯當然要飲杯野啦~ 呢度嘅drink menu都好多選擇，雖然係食意大利菜，但估唔到連本地手工啤都有 但今次我地試咗Cinderella, 係mocktail無酒精，主要係橙同菠蘿味，幾清新唔錯

去 PMQ 睇 Denim 展覽之後覓食呢間就喺 PMQ 附近，行過去非常方便啱哂呀～呢度有 Homemade Pizza 食，飲酒又平CP 值好高 💯喺中環，House Wine $55/glass 真係好貼地我揀咗來自智利 Torreon de Paredes 嘅 Merlot 紅酒都係 $65/glass呢隻酒比較有果香，單寧無咁勁，好易入口 🍷Caesar Salad 有齊我鍾意食嘅 Shrimp 同 Avocado仲有啲 Bacon 增添口感同風味 🥓 Salad 好新鮮，全部都切成一口嘅大細廚師好細心～Pizza 有好多唔同口味，好似樣樣都好吸引 🍕 最後揀咗 Spiced Lamb，因為另一半話想食羊原來用羊肉整 Pizza 好好食呀～羊肉粒放到密麻麻，足料到爆個 Pizza 仲有少少辣辣地，更加惹味最最最正係啲 Mozzarella Cheese 🧀拎每一塊嚟食都係拉哂絲～Carbonara 個 Cream Sauce 濃郁有好多 bacon 之餘，啲細細嘅洋蔥粒好爽Poached egg 嘅蛋汁勁豐富 🥚條條 Spaghetti 都好有蛋香，而且好滑

難得今日係中環附近收工，即刻call朋友出來食個便飯。朋友介紹去一間食Pizza嘅餐廳，位置就在PMQ附近，由中環地鐵站行過去差不多15分鐘，旺中帶靜，夜走中環卻有另一番味道。我們今天不想飲酒，但其實呢度嘅HH係冇分時段，全日供應！真心抵！雖然唔飲酒，但見到松露薯條真係忍唔住都要叫番個，果然冇令我地失望，薯條炸得好乾身，夠香脆，配埋個松露將簡直係食到停唔到口！食咗啲咁邪惡嘅嘢當然都要叫返個沙律中和一下，牛油果凱撒沙律🥗，牛油果同沙律菜都好新鮮，好爽口。到正餐啦！鍾意呢度嘅Pizza可以揀size，唔使怕食完個Pizza食唔到其他嘢。我至愛辣肉腸pizza，呢度嘅Pizza係長方形有5塊，食完都唔會覺得太滯，仲有空間食其他嘢。再叫咗個香草🌿意粉，Pesto醬夠多，味道十足，好香濃！意粉煮得剛剛好，都好有口感！

話說早兩日同朋友行PMQ行完見餓餓地於是就係附近搵間餐廳食dinner然後見到呢間餐廳有happy hour同埋食物嘅價錢都幾抵以soho區黎講於是就入去試下。。。。。。。。。。。。。。。。。飲品方面，試了本地嘅手工啤名為 “夢想”酒精濃度只有3.5%，入口清爽，帶桂花香同少少甜，適合喜歡花香味嘅朋友。。。。。。。。。。。。。。。。。我們點了兩款Starter，分別是蟹餅同蕃薯條▸蟹餅，一碟有三粒，圓碌碌賣相精緻，炸漿很薄，不油膩，裡面是滿滿的蟹肉，好鮮味，點上蒜泥蛋黃醬更惹味，很好吃😋▸炸蕃薯條，份量很多，切得比較幼身，所以蕃薯味就不算特別重，同時亦都比較快淋，配上加了肉桂嘅蜜糖芥末醬，呢個醬比平時嘅更香更重口味，很喜歡🤤。。。。。。。。。。。。。。。。。北京烤鴨胸pizza (細)▸雖說是細size，但其實份量都不少，總共有五塊，每塊上面都有一塊煙鴨胸，煙鴨胸都幾香，食落不算太肥膩，可能因為加了青瓜同京蔥嘅關係，減低油膩感，而個醬味道就好似平時食開嘅北京填鴨咁，好香好惹味，亦都比較重口味，吃多會有少許膩，pizza是自家製薄身那種，如果再鬆脆啲就更正啦💕

這天拿了假與媽媽來中環閒逛，帶她來這裡先吃個午餐，再到處走走。中午時段有午市套餐提供，包是日餐湯或沙律；食物有沙律，主菜，薄餅選擇，如不夠，也可追加小食，另包餐飲，算是一應俱全。我們要了兩個套餐，選了蘑菇黑松露白汁意粉 ($88)和北京烤鴨胸薄餅($82)，另外還追加了雞翼($24)和蕃薯薯條($30)。是日餐湯是蘑菇湯，蘑菇味道挺濃，質感是偏稠的；前菜沙律也新鮮爽脆。蘑菇黑松露白汁意粉份量很足，一端上桌已芳香撲鼻。白汁不會太少而令意粉過於乾身，亦不會太多令意粉浸於其中而變得軟身，黑松露白汁都能掛於意粉上，味道香濃；巃粉口感剛剛好，帶有韌性咬口，很不錯呢!北京烤鴨胸薄餅被切成五片，薄餅即叫即烤，故亦需要等一段時間。鴨胸肉不算多，每一片薄餅只有一塊肉；幸而鴨胸很香口，加上芝士配菜味道挺合襯，薄餅皮邊香脆，雖然是薄身的，但亦同樣有咬口，故澱粉控也不會失望啊!小吃方面點來雞翼，雞翼炸得香脆，多汁嫰滑，味道不錯，但這個定價是偏高呢。蕃薯著條雖然是小的，但份量比我們想像中多呢! 幼身的蕃薯條，蕃薯味香甜，脆口中帶點柔軟，如可切得粗身一點令蕃薯味更突出更好呢!最後要了杯咖啡和凍檸檬茶作結，媽媽表示