Aldou Cafe (Changed Hand) New Restaurant

元朗劇院一帶十分多餐廳, 不同菜式不同選擇。最近開左一間新cafe, 門面裝飾別具一格，門口兩旁放了一些植物做擺計, 再放了一組木裝的餐桌椅, 令人感覺到在繁囂的元朗裏有一種特別的悠閒感, 店主應該在計設上花了不少心思。店內雖然不大, 但設計亦不馬虎, 有warm的感覺。.食物方面, 晚市不設set , menu 有分前菜及主菜兩部份, 加$28可轉套餐(餐湯 + 餐飲或甜品)。.前菜點了是日餐湯及巴馬火腿露筍卷配黑醋沙津。.是日餐湯---蘑菇忌廉湯($18)濃郁的蘑菇香味而且有蘑菇碎, 感覺好實在, 每一啖好似食緊蘑菇一樣。另外配上餐包, 用餐包沾餐湯十分match。.巴馬火腿露筍卷配黑醋沙津($88)所有蔬菜都好新鮮, 露筍清甜爽脆, 配上巴馬火腿再加黑醋, 集酸甜咸於一身, 吾錯~.主菜點了鵝肝黑松露野菌忌廉意大利飯 和 秘制燒春雞配薄荷乳酪薄餅.鴨肝黑松露野菌忌廉意大利飯($138)一上菜已傳黎陣陣的鴨肝香味 , 鴨肝size吾細, 兩面煎得黃金, 食落外脆內軟。而黑松露亦均衡地分佈在每粒飯上,鴨肝與黑松露味道強烈但又吾會蓋過對方的味道。至於意大利飯較有咬口。.秘制燒春雞配薄荷

Great food as usual💕Weekdays dinner set includes entree & a drink (+ $28 for a soup)The soup on that day was pumpkin cream soup👏🏻That was so creamy with rich flavour of pumpkin☺️For the entree, I've ordered cheese & chicken burger and it was so juicy.Besides, the portion is quite large👏🏻(hoping there's more fries haha)My friend & I were both satisfied👍🏻It's highly recommended👍🏻👍🏻👍🏻(I'm not the first time to dine here in fact😝I'm so in love with the environment & food there😚)The owner is so nice (

元朗真係一個深藏不露既地方B仔好簡單既嘢都可以好出名今次就係元朗搵到間好正既cafe佢內裡既環境好令，點睇都估吾到係元朗兩個人嚟傾下計hea下一絕佢包係外國麥味幾重既包，熱熱地再搽下牛油好正，個湯係即打，味濃得嚟食吾到有加味精，好有進步佢個度有吾同既特飲，可以問下店員，呢杯果茶加左菠蘿碎，個感覺會好清新吾會太甜，但如果冇我最怕既薄荷就不得了軟殼蟹漢堡應該係我近期較為特別既包，佢既軟殼蟹好大隻，即炸好脆，包包入面都有落沙律醬，一啖咬既只有一次，事關好大個都吾知點食。薯條係外國常見既粗長薯條，雖然份量吾會好多，但佢甘大條加埋個包都塞滿個肚雞肉意粉都吾差，吾會好似我想像中甘多油，落左洋蔥令個感覺冇甘油膩，雞肉都吾會好乾身，份量足夠價錢都吾算貴，不過位置會偏左dd有點難搵

經過五日大陸山區工作，無啖好食嘅結果，就喺一返嚟香港就食餐好嘅，今趟經深圳灣口岸過關返港，所以，過關後就坐返專營巴士落元朗，Aldou Cafe喺元朗其中一間想試嘅小店之一 ，認識佢喺從食友口中推介佢啲咖啡，不過，因為地點問題一直都未有去試。小店環境，座位唔太多，但黑白格仔地磚，白磚牆，環境都幾舒服，而且，餐廳內有好多少擺設，加上出面喺啲大空地行人路，唔多會見到行人匆匆，所以，多一份悠閒感 。晚市餐牌好簡單，一紙晚餐分前菜及主菜，後面仲有個飲品及甜品餐牌。雖然無正式晚市套餐供選擇，但可以加$28多配一客餐湯及甜品或餐飲，而甜品唔喺任揀，是日嘅喺意大利芝士餅，小弟本着試佢啲咖啡而嚟，當然，揀飲咖啡啦。餐飲可揀汽水、有機茶、凍果茶，若然選咖啡類，需另加$10，凍咖啡類則加$12。此外，店大家好有性格，唔提供檸檬類或奶茶類飲品 。 精選餐湯 $18 是晚嘅餐湯喺粟米忌廉湯，當然唔喺你平常晌屋企飲開嗰啲罐頭粟米湯啦！個忌廉湯嘅粟米味幾濃，頗突出，粟米打得幼細，所以質感挺柔滑 。餐包喺小圓法包，烘熱過，暖暖哋嘅包身軟綿帶點煙韌，包面又脆脆哋 。 蟹肉南瓜汁意大利飯 $108

有時，我用電腦上網，會留意一下 Openrice 右手面的最新食評！  在 9月尾，我發現元朗有間餐廳叫 Aldou Cafe！  供應西餐，從食評中及相片可看得出，廚師花上心機烹調，食物也見水準！ 好的，一於記住這間餐廳，日後有機會才幫襯吧！ 恰巧！當晚媽咪有飯局，所以我自己出街食飯！ 好啦！就去元朗 Aldou Cafe！沿臭坑渠向前行，怡豐花園 Block B，便找到店子！當晚天氣急降，帶點寒意！  我獨個兒走到這裡，女店員安排我坐到靠玻璃窗的二人高桌子！才發現元朗區很多人養狗！店員們殷勤有禮！有位女店員見我把皮手袋放在大腿，主動問我是否需要幫忙把皮袋放到另一張椅子？真是細心！值得一讚！ 反而，我個人不太喜歡去廁所時，有人致電給我！以及在我進食時騷擾我！  所以進食時，我通常把電話放在手袋！食完才回覆對方吧！ 這裡的環境有綠色植物，充滿朝氣！晚餐蘑菇湯清新幽香的蘑菇湯，質感適中！ 晚餐~鴨肝黑松露意大利飯 $138鴨肝脂肪豐腴，黑松露及芝士帶出獨特香氣及味道！滋味誘人！ 略嫌意大利飯煮得腍一點而比較黏口！ 整體味道幾合胃口！Black berries tea熱辣辣

個餐包，熱辣辣，溶咗啲牛油特別香既。帶子香草醬扁意粉$118個香草醬扁意粉岩曬我口味，有幾粒帶子伴下碟，香口洋蔥有啲啲生，可以炒香啲既，香草醬都幾稠下，每條意粉都痴滿醬汁，都算幾足料既，男人老狗吃個西餐都幾浪漫啊，鬼叫自己鐘意一條友啊！男人既浪漫係，西餐加碟飯，唔飽咪去茶記。西餐就係要八分飽，我就好飽啦今餐。你呢？食咗飯未！餐飲平平凡凡，都係杯凍飲。呃你的，是女友拖住我要吃西餐。港女至愛西餐，日本野，同韓仔囉。小弟成日要同佢癲，都肥咗十幾磅啦。

是日又練車完畢，有同學仔就約左我去吃午餐，都是在元朗的餐廳，門口好有綠色植物，不過人仲多，少有地元朗下午2-3點的時間都排哂隊，我們都等左30分鐘，傾下傾下電單車的野，就到我們了。LUNCH SET都幾多野選擇，仲有ALL DAY BREAKFAST，但練完車胃口不大，都是是但點左個意粉就算。我就點左香蒜忌廉煙三文魚意粉，蒜香味好重，比較乾身，碟好大，眼看份量像很小，但原來份量幾多下，材料算充足，好多菇菇，三文魚不太咸，口感中和。餐包是自家做、偏硬一點，而飲品選特別的自家水果茶也不用加錢。唯一美中不足的地方是，只有紅湯選擇，沒有我喜歡的白湯(忌廉湯)

同朋友在元朗逛完街，想吃個晚飯，在open rice搜尋到這餐廳，看似還不錯。餐廳不是很大，但佈置很有田園感覺，我們坐在店外，很舒適。我點了個晚餐set，虎蝦黑松露野菌忌廉意大利飯$138，加了$25有餐湯和甜品。本人大愛虎蝦和黑松露，虎蝦是燒的，蝦汁還緊緊扣在蝦肉裹，很入味！無可否認，黑松露配上忌廉意大利飯簡直是絕配!意大利飯不軟不硬剛剛好。餐湯是忌廉湯，入口除了很有忌廉味之外，還有淡淡的香草味，很開胃。當天的甜品是雜莓奶凍，啖啖果肉，又不易散，個人很喜歡此甜品！

想悠然自得的'自私hea'，度過這4-5點的尷尬時間, 經過這店，被這日韓風外型吸引了，門外玻璃小木窗，窗下有架日系白色單車，欠伸懶腰小貓一隻。我就入去伸個懶腰，偷個懶吧！下午茶餐牌簡單，款式選擇都幾多，實不相瞞，我早餐只得清水，就點個All day breakfast 平衡返。開心！份量比預期中多，茄汁豆諗住得一匙份量，結果有一兜，正！水果，菇，更是喜出望外！印象分加晒！牛角包，熱熱的，雖然不是脆口，但感覺新鮮！炒蛋,滑，配上松露，天生一對！煙肉不乾身，唔太咸和油，好彩有兩塊，如果得一塊我實食到"唔夠喉"！牛仔腸，本身我很怕食腸仔，怕佢太咸，太化學，但這牛仔腸味較清淡，食後不口乾，邊食邊諗，為什麼牛肉可以咁清？臨走時忍不住問問店員，噢，想多了，原來是豬肉腸，牛仔只係佢個藝名.......薯餅，炸得剛剛好，沒有多餘油份，也不太硬！我很喜歡，而且有很長日子無食過了，見到佢真係好開心，老朋友一樣，哈哈沙律和哈密瓜，佢哋兩個簡直平衡返我食炸薯餅和煙肉的罪惡感呀！哈密瓜夠凍，甜; 沙律菜也夠新鮮，爽口！另一驚喜是香菇，無諗過會有架！口角邊食邊在向上笑呢，菇軟身，好刀剪開食好爽口，無諗過All

今晚放工飛快咁返到元朗, 路過見到ALDOU CAFE, 望見間CAFE 唔算好大, 但好"骨紙", 就入咗去食我o既晚餐, 入到去, 餐廳環境舒服, 雖然係open kitchen, 但都冇油煙味, 燈光適中, 睇見有前菜, 而主菜轉set只需加$28, 首先嚟o既餐湯係鮮茄蓉忌廉湯, 真係有茄粒的. 而餐包就微暖但好脆口, 之後就嚟咗我叫o既前菜, 白酒煮蜆, 好抵$68咋...一上枱, 嘩...好香好香, 仲有好多隻, 每隻都好飽滿 , 煮到啱啱好, 好滑, 味仲有點甜...主菜叫咗個蟹肉龍蝦汁意大利飯. 好多蟹肉, 睇得出係人手撕開的, 飯煮得剛剛好, 好creamy, 蟹肉好甜, 好香, 飯裡面仲有d 野菌一齊煮, 食落有好多種層次 & 味道, 因為野菌味都好濃郁..套餐我選擇咗果茶, 今日之選係柚子蘋果茶, 真係有果肉在的, 而且唔會好甜, 小小酸, 剛好..以食物質素計算, 價錢真的很抵,  

因應工作需要，今日去咗元朗返工，午飯時發現一家裝修好有格調既小店，牆上仲有隻肥貓招呼人呢！於是，放工就去食。一入內店舖比想像中細，不過係柔和既燈光下配上萬聖節燈飾，別有一番風味。今日想食得清淡啲，所以點左個沙律。蘋果羊奶芝士合桃沙律個沙律好大碟，作為前菜可供三人享用。選用羊奶芝士比其他醬汁健康清新。沙律內仲有焗合桃，香脆既合桃為沙律帶來多層次既口感，亦令沙律生色不少。主菜點左蟹肉龍蝦汁意大利飯，唔知點解蟹肉係配龍蝦汁，但又幾match更加唔知個幾條好似蝦鬚係咩黎，總之拌飯又唔會難食。意大利飯相信係配合返香港人既口感而偏軟，硬飯始終都比較難接受。且蟹肉鮮甜，絕唔係普通既蟹柳，龍蝦汁亦唔會太濃味。配上一杯有機玄米茶，清淡得來，散發著一股炸米香，洗滌一下煩憂既生活。

約了好友到元朗行街，行到餓一餓時，發現小店一家，見門面有點文青氣息，就打算入去裝模作樣。套餐包埋餐包，外脆、入裡非常鬆軟，而且帶有麥香，相當之飽肚。黑松露忌廉餐湯味道濃郁，散發陣陣黑松露香味，加上忌廉令湯入口好creamy。前菜叫左白酒羅勒煮鮮大蜆。蜆肉厚實飽滿，而且份量唔少，足夠3人分享。但無咩酒香，味道偏淡，不過可以帶出蜆肉清甜。主菜黎左手撕雞香蒜羅勒意粉，望落有啲似芝麻中式手撕雞，不過唔係咸味，返而係甜味，一個甜甜地嘅意粉，頗為特別。雞肉白滑，絕不會太老。汁並唔係食到厭嘅白汁，所以唔會有濟既感覺，仲有食白肉比紅肉更健康。最後，甜品係廚師推介既雜莓奶凍。草莓醬酸甜度適中，唔會太甜，配合返個奶凍。奶凍冰涼清新，比人輕盈既感覺，整體配合唔錯，為今餐劃上甜美既句號。

it' a small cozy cafe though the tables and chairs were a bit too small and crowded. the waiters  are good in attitude. we ordered 1dinner set + 2 appetitizers.mushroom soup: not sure if it's truffle soup. ok , not too heavy.bread: warm and softclam in white wine sauce: the portion was a bit small. clams was fresh and sweet with strong white wine flavour. but i found it a bit too salty and the clams were a bit over-cooked. steamed fish with sea salt and lemon: i thought it was grilled but it tur

又到週末四圍搵食既時候，沿著元朗劇院寬闊既放狗大路行過去，見到一間令人眼前一亮既悠閒cafe。門外有綠油油既植物作裝飾，有幾個室外位!正門及側門均以玻璃為主，相信係想透過自然光射入室內，營造自然清新既環境!一開門，見到白牆上有隻大大可愛既狗仔嚮度歡迎我咁 全店廿幾個位，其中4個高腳櫈靠正門邊!店內裝修簡潔型格，撞岩今日halloween，掛左decoration，幾有心思 套餐有溫熱既餐包同野菌湯，味道不算太濃主菜上場，色彩鮮艷，賣相好靚，令食慾大開!豬扒超厚切，一定超過1cm厚，肉質有咬口且不韌，略嫌燒汁既味道不夠濃郁。配菜薯蓉好滑好味，但要小心熱。Mocha既拉花幾靚，味道比較苦澀但還可接受，岩曬唔鐘意太甜既我!可能美食真係要耐心等待啦! 呢款馬來喇沙配紅蝦湯金邊粉超好味，湯底有香濃既大蝦味， 2隻大蝦既肉質結實，用料充足，果2舊吸收左濃湯既豆腐乾更加唔使講 提起就想再食多次呀!Cafe既菜式多變，食物美味，可惜今日太多人滿曬座，希望下次可以坐耐dd，真係悠閒咁享受下咁舒適既環境la!

Arrived at 12:30pm for a lunch without queue, nice appearance on the restaurant design. Lunch set include a home-made signature drink in peach juice, fresh pumpkin soupl and chicken burger with french fries. Fresh pumpkin soup - How nice that it was full of fresh pumpkin taste, texture was like a pumpkin smoothies. Orange pumpkin color with some creamy white sauce and black mushroom on top of it, prefect presentation on the starter soup portion! Great start and great stuff !!Pan-fried chicken bu