阿明印尼餐廳 (Closed)

當日到黃金商場睇電腦, 之後約下午六點幾, 阿媽下令點明要去呢間, 咁就去呢間... 我還有得選擇嗎?由門口望入舖見到檯檯坐住一個人, 咁我地一行五人原本都諗住分開坐, 點知入到舖頭竟然有兩位印尼小姐自願從兩張檯走去另一張檯拼坐, 唔該晒~之前不是6點就關門嗎?  原來延長咗營業時間至晚上8點, 但係星期五會收早1小時, 收7點 (唔怪得我地成班人入舖時, 我感覺到眼望望~)客家沙律首先送來, 新鮮菠蘿塊、青瓜塊、沙葛塊再撈入杰身醬汁及鋪滿花生碎, 醬汁味道酸酸甜甜帶微辣, 有多種東南亞香料味~ 黃薑飯 (巴東牛肉、青瓜、花生、魚乾仔、茄子) 通通裝入膠籃內, 籃面當然放咗一張油紙才放食物~  黃薑飯的飯質較為碎而且起晒一嚿嚿, 即係話炒得唔均勻~ 巴東牛肉只有3件, 有濃濃嘅醬汁不過牛腱未炆腍, 且有啲韌... 真失敗~其中一個囡想食下正宗嘅印尼拉麵究竟似唔似Indo mie, 咁就叫碗手打撈麵 (叉燒、雲吞、豬皮、炆豬肉、蝦餅)加啲白醋...酸味好sharp, 手拉麵幼幼身卻有煙韌口感, 叉燒同我地平時食嘅燒臘好唔同, 無蜜味之餘又柴皮, 炸豬皮好韌口而唔係鬆化~海鮮豬肉炒河係重口

我已在此吃了幾次,今次是首次寫此店食評。環境略為狹窄，約七時三十分前為last order，星期日休息。當晚沒有巴東牛肉飯，所以選了巴東豬肉($40)，配料有紅蘿蔔絲和美味醃青瓜片，有3大件豬肉(分別是一件是九成肥肉，一件六成肥肉和一件2成肥肉的豬肉，可吃的瘦肉太少!)，今次質素差了，豬肉不熱己放涼，但味道不錯，肉腍入味，中辣，辣椒油不少，醬汁剛夠拌飯。四川沙律($36) : 有約十片細蝦片(3色)蓋面，我沒有吃。材料有罐頭菠蘿片、青瓜、葛，大量花生碎粒，選了不辣，但深啡色醬汁仍有少許辣味，醬汁份量多。由於罐頭菠蘿偏甜，與醬汁同吃，會覺得頗甜；吃青瓜和沙葛，鹹甜酸加上花生香，味道可說是一般。(此終青瓜水份多味淡，本身又沒有用鹽醃過，減低醬汁的味道，若選小辣會好些。)

上次來吃"Burgerman"的時候，喵到隔鄰的那間小小的印尼餐廳裡頭是擠塞得水洩不通。同時亦留意到大部份來光顧的都屬印尼鄉里及華僑，本地人只漸非常的少數。對於這一類超地道又夠地痞的店子，小弟自然十分有興趣去光顧一下了....為避開人龍已預早一點抵達，但最終還是乖乖的站在門外等了差不多二十分鐘才能走入去....這裡主要做的都是些簡單又快便弄好的即炒粉麵及沙律如加多加多等。當然若果您想點個碟頭飯如巴東牛肉或咖喱雞的話，這兒也可以叫得到的....平時印尼式炒或撈麵就吃得多，但撈河就較少嚐。看到這裡有得叫，當然亦不會錯過.....河粉用一個紙兜盛著，感覺非常的地道。河粉上舖滿了細細片的叉燒、炆豬肉、炸小雲吞、蝦餅及炸豬皮，配料陣容算是豐富....河粉本身是用熱水淥過後再添上魚露撈勻便上桌。鹹而鮮的味道是蠻突出；叉燒當然不屬於我們平常吃慣的廣東式軟熟而富肉味及香的蜜汁貨色。"柴皮"偏硬而很有染色feel一向是這類"東南亞式"叉燒的特點，相信去過星馬的大排檔吃麵的朋友都會知道；炆豬肉亦是偏嚡的；炸雲吞稍為油膩些沒有很多肉餡但勝在外皮夠晒脆；蝦餅普普通通沒很濃蝦的鮮甜亦未覺彈牙；最好吃的還是脆卜卜

午飯時間，路經高登對面一幢舊樓食肆，難得出現門外有人等位情況，原來是新開張印尼食肆。眼見人多，所以都係打退堂鼓。下午四點tea time時間，居然大把位，以為打样／落場，同待應示意，就立即開餐。餐牌以印尼文先行, 附中文註釋, 百分百正宗印尼茶黃薑飯 - HKD45老實講, 鋪面無乜裝修, 牆身油漆有點掉落, 枱亦不平, 仲以為賣相都係 "碟頭飯" presentation。點知嚟到, 好似响地盤見到港姐咁, "唔係掛, 靚到咁"?!以 "膠製竹籃" 放飯, 又別有一番風味, 未食已加分。最感恩的是 "有內涵", 包括黃薑飯, 巴東牛肉, 青瓜, 花生, 魚乾仔, 茄子, 蛋, 蝦片。見到大雜燴, 七彩繽紛, 真係indo style!- 黃薑飯, 炒得乾身, 香料味濃, 非只要色水之背。- 巴東牛肉軟身, 一大片, 非小粒。- 蝦片, 一點油都沒有, 爽口。食完一碟, 底紙一點油也沒有, 可見師傅水準之高。海鮮豬肉炒麵 - HKD38都係以以 "膠製竹籃" 放麵, 但對比黃薑飯, 炒麵明顯失色。可能用家用爐頭, 鑊氣不足。可取是蝦甚大隻及新鮮甜茶 - 餐額外加HKD4以為甜茶是乜東東

一向都愛吃巴東牛肉、撈麵等印尼食品，前陣子看到網友推介這間印尼餐廳，馬上飛巴士到深水埗一試，確實不錯。店內裝潢較簡陋，座位不多餐牌有中文及印尼語外賣了【手打撈麵 - Bakmi Singkawang】，配料有：叉燒、炆豬肉、雲吞及豬皮，麵質麻麻，味道普通，份量亦少，惡人兩、三下已扒光 (HK$30) 【黃薑飯 - Nasi Kuning】確實不錯，配料有：巴東牛肉、雞蛋、青瓜、花生、茄子及我愛吃的魚乾仔，另有幾片炸蝦片。青瓜酸酸甜甜份外開胃，巴東牛肉用的是牛展，雖然入味，但卻有點過韌。黃薑飯煮得乾身惹味，其他配料味道正宗(HK$42) 兩盒外賣共HK$72環境氣氛： ★★☆☆☆裝潢簡陋，餐牌滿佈油漬，需改善食物質素： ★★★☆☆黃薑飯真的不錯，相信堂食一定更美味，但要注意嘴嚼那牛展時或會韌得假牙也脫落服務態度： ★★★☆☆服務態度不過不失

呢個鋪位唔係咁「老黎」, 以熊媽所見自從澳門翠苑執咗之後, 已經換了4個東家, 還要全部都是食肆今次呢間阿明, 係暫時時刻都坐滿人, 看樣貌都似是印尼華僑居多, 星期六及日都有些印尼人添~ 經過了幾次都不是一定有位坐, 因為很多時客人吃完都會留低和其他客人傾講, 對上一次熊媽聽到右邊的華僑打電話告訴別人:「我見到有兩個位, 你快d啦, 出面有人排緊隊。」跟住她對全店唯一的女侍應生講:「阿妹, 嗰兩個位我要留坐呀！」那女侍應生竟然點點頭第一次來的那天是星期三黄昏, 可能各位印尼媽媽已經留家煮晚餐, 所以餐廳有較多座位而且食客外貌都似是香港人。 厨房只有一名男子煮食, 熊媽估計他就是阿明。巴東牛肉$36用牛展煮成, 香料未完全煮溶至滑狀, 辣度算1隻辣椒。 牛展較爽, 根位似啫喱部份有點韌, 不過嚼多幾下都ok。海鮮豬肉炒麵$33...麵條是自家製, 有彈性兼爽口, 餸就切得較細片, 菜心有幾條竟是苦的, 不過論炒麵, 豉油炒得清爽唔油膩 有豬肉賣就証明阿明不是回教徒或者他是華僑或者是峇里人。五天後即剛過去的星期一想再去試新食物, 就選擇中午時段, 誰知道多人到爆 幸好在門口企

31-Mar-2012 (SAT)香港既印尼菜館都係第一次光顧，這裡座位不多，眼所見店員就只有3幾個，要等位的食客都要到店外排隊，天熱時我想都會等得幾辛苦。在等位時也發現不少來外賣的街坊。我們點了炒飯、炒麵同一杯珍多冰。炒麵的配餸少了一點，而且體積比起平時食開的都較細小，有點不夠喉。炒飯炒得夠乾身有口感。珍多冰偏甜，入面的綠色啫喱物好淋冇質感。價格適中，以嚐試價錢是可以接受。