Amitie Kitchen (Moved) New Location

之前聽朋友講呢間餐廳唔錯，終於有時間試一試。本來一心想黎試下佢地既牛扒，因為朋友推介，點知賣哂。最後決定叫左個dinner set，燒大啡茹、焗釀北海道帶子、虎蝦意大利飯伴龍蝦汁同豬鞍扒。🔸前菜Order完後上左一份忌廉湯、沙律和麵包盤。忌廉湯味道濃郁又唔會過鹹，質感軟綿。麵包有2款在加長條餅乾。個人鍾情牛角包，十分鬆化，配上牛油一流。🔸大啡茹帶子意大利飯 $228原本以為係分開3件食物，點知係將3者融合一齊。見到粒帶子已經很驚喜，比想象大粒好多，帶子鮮甜味很重，意大利飯散發出香濃龍蝦汁味道，飯粒硬度適中，大啡菇亦都係很大件，菇味好香，落左蒜，加埋龍蝦汁的確味道變得很不一樣，好滿意呢道混合菜式。🔸豬鞍扒 $218約半小時後，豬鞍扒登場。一上檯，見到豬鞍表面被薄薄煎香，碟上有少量油脂就知無叫錯。切落去唔需要點用力已經切得開，而且肉汁慢慢滲出來，肉質質感好滑，而且超多汁，即燒同煮定真係差好遠，唔洗幾分鐘，2個人已經秒殺左。食飽後點左杯熱情果茶，茶包黎，味道清香但清淡，不過成餐飯2人都十分滿意。

朋友話有間不錯既扒房，餐廳位置亞士厘道，旺中帶靜。餐廳地方不算大，有十數張枱，佈置簡約，2點左右去到，仍然座滿人。是日餐湯，蘑菇忌廉湯，味道淡了紐西蘭肉眼扒（6安士）5成熟火喉唔錯，完全係我想像中既5成熟，肉汁juicy不靭。配菜係薯蓉+蔬菜，薯蓉好creamy，蔬菜爽身不會太淋，唔錯。巴馬火腿南瓜秋葵意大利麵巴馬火腿有鹹香味，但唔會過鹹，有3大塊添南瓜味濃郁。指定甜品，士多啤梨味煙煙靭靭甘咖啡都不錯

放工約左同事食飯傾計，係OpenRice 搵到一間方便大家係尖沙咀嘅樓上餐廳。餐廳氣氛唔錯，燈光偏暗，令人在上班疲勞後有一種放鬆嘅感覺。食物方面，我地叫左一個2人套餐。☝🏻2人套餐前菜有湯有好多好多餐包同大大隻鮑魚沙律，感覺好豐盛，啲包好脆卜卜同附送嘅藍莓醬味道好夾主菜我地揀左意大利甜醋配牛面肉意粉及烤燒8安士美國牛腹膜柳。不得不提牛面肉意粉的牛面肉超級勁鬆軟，入口即融，令我印象非常深刻最後亦有飲品及精美甜品整體而言，Amitie Kitchen 環境十分適合三五知己食飯聊天

今日同朋友試依間係openrice都頗多好評既Amitie Kitchen，上到去裝修簡單，燈光較黯淡，好想Home Kitchen既感覺，至於餐牌既選擇都唔少，而且都幾創新。點左是日Dinner Set x 1 同 一份A la carte既意粉。Dinner Set 有湯、前菜同飲品。每枱都會有麵包先附上係按人頭份量，有2隻小牛角包、竹炭麵包條、法式軟包，有牛油有果醬比你自己選擇，竹炭麵包條幾好食😆唔係間間餐廳都有依種意式麵包條～不過牛角包再脆啲就好，但味道都好好！👍🏻而今晚既餐湯係磨菇湯飲落有磨菇碎粒，湯打得都幾creamy，係足料既湯！之後到前菜喇好有水準呀依個，幾surprise!! 揀左香煎紅鯛魚田園沙律 🥗 係有兩舊煎完再冷盤上既鯛魚，鯛魚質地結實得黎彈牙，入口魚鮮味都幾重，朋友係咁讚，前菜都咁有誠意！主菜黎喇，係烤燒大啡菇、焗釀北海道帶子、虎蝦意大利飯配龍蝦汁個名好長，不過真係幾特色！必點！意大利飯鋪係大啡菇上面，所以就係啡菇加意大利飯兩款口感交集，意大利飯煮得好好，夠唒淋，都好入味！而伴上既帶子質素都好高，本身用料新鮮，而且煎到外微焦內嫩，無浪費到隻帶子🤤依個飯擺碟靚

今日又黎到尖沙咀行街，夜晚去左亞士厘道一間西餐廳食野，入面既野食相對同地區其他餐廳，都算抵食。我地叫左一個dinner set，有牛油麵包、薩拉沙律配巴馬火腿、栗子忌廉湯、大啡菇配帶子蝦意大利飯配龍蝦汁。薩拉沙律同巴馬火腿好好食，醬汁好味，令每一塊菜都沾到沙律醬，加上巴馬火腿，絕對係誠意之作！大啡菇配帶子蝦意大利飯配龍蝦汁，佢既食材好新鮮，龍蝦醬汁特別，令到菇同飯都好入味，好夾，再配上新鮮海鮮，成個意大利飯好特別，帶出濃而不會太重口味的感覺。另外我們點了一份BBQ蜜糖醬豬仔骨配炸蕃薯條。蕃薯條好脆口，裡面帶有甜味，水準之上。豬仔骨味道較得好好，甜酸度剛剛好，份量超大，絕對夠兩個人食！

放假夜晚無嘢做，友人帶路去尖沙咀食西餐。先點咗好少餐廳有嘅栗子餐湯，飲落甜甜地好香濃。前菜點咗田園沙律，沙律菜好新鮮，落咗黑醋汁酸酸地幾開胃。另外再點咗烤大啡菇，雖然得兩粒菇但好大粒好多肉，咬落仲有菇汁好juicy！主菜先點咗份西京燒比目魚柳，表層燒得香脆，中間肉質嫩滑，入口味道鮮甜。友人點咗牛肉漢堡單份，漢堡好多層好大舊，配料有香煎意大利煙肉、大啡菇同埋芝士牛肉，另外仲有一大份炸薯條，十分抵食。

之前聽同事介紹喺尖沙咀有間樓上西餐幾高質，今日途經附近同友人上去一試。今日嘅餐湯係栗子湯，聞落有淡淡嘅清香，入口味道濃郁好好飲。田園沙律菜清新爽口，味道酸酸地好開胃。大啡菇燒得好香，唔乾身之餘仲保留到菇汁，大大粒好厚肉，加咗黑醋汁令味道更加突出。西京燒比目魚柳魚肉好嫩滑，入口唔腥，但味道有點偏甜。最後點咗單份漢堡，配料有煙韌又有口感嘅香煎意大利煙肉、啖啖肉嘅大啡菇同香濃厚身嘅芝士牛肉。漢堡好大個一口都咬唔曬，跟餐嘅炸薯條份量亦好多。

去完遊行就搭船過尖沙咀試下呢個西餐，個日係父親節，所以我就約左爸爸一齊去慶祝。餐廳環境幾舒服，原來都幾full，好彩提早book左位姐。唔係太肚餓，叫左一個set dinner加一個意粉。忌廉栗子湯香滑好味，有淡淡栗子香味，配上餐包不錯。其中覺得餐包好正，熱熱的，是新鮮出爐，口感鬆軟！沙律很新鮮。咸蛋黃醬汁煙肉蘑菇意粉，用料好足，估唔到carbonara配上咸蛋黃的味道係甘夾，好特別，兩人食一碟，份量岩岩好，不會漏，推介！最後上個西冷很不錯，我地叫左5成熟，佢煎到岩岩好，不會太生，牛扒肉質鮮甜，不會硬同多筋，配上佢地芥末汁很搭，暫時最愛的菜式。

是日產檢,見到BB好健康心情滿足晒。上網找找在診所附近美食,見到Amitie Kitchen的評分咁高,食物攞碟又靚,就過黎試一試。真係真係第一次接觸由湯到甜品,飲品都咁高水準的餐廳。連老公都讚口不絕話一定要再黎。首先我揀咗巴西火腿南瓜秋葵意大利麵無論顏色配搭,擺碟,味道都拎滿分。$88蚊有三片大大塊的巴馬火腿,整個意大利麵都沾滿濃濃的南瓜溶,每食一啖都覺得好幸福。午餐可選餐湯或沙津,是日餐湯是栗子忌廉湯。人大了每逢出外晚餐都會特別加錢試一試餐廳的湯品。而呢個栗子忌廉湯,正正是出面餐廳晚市提供的品質!!重點係免費跟午餐!! 我和老公一人分一半,差D比佢飲晒!!香草牛油燒春雞  廚師掌握的時間非常好~燒春雞剛好全熟,而幼嫩!沾滿了牛油非常開胃。全部lunch set都可以+10蚊配餐包,+25配特飲餐包睇相都知非常有誠意, 特飲係見大家的照片非常亮眼跟住叫的。左邊的是抺茶朱古力牛奶鍾意佢唔太甜,朱古力跟抺茶的比例恰好,不會互搶。右邊的是意大利朱古力咖啡,老公話佢作為Mocha達人,呢杯係佢飲過的前三位。所有午餐亦可加錢轉特色甜品,叫咗香蕉朱古力金寶。甜品製作需時,等了20分鐘終於見到佢啦

今日由朋友介紹去了尖沙咀亞士厘道的Amitie Kitchen，我和朋友兩人訂了美國頂級西冷扒(8安士)和一個咸蛋黃醬煙蘑意大利麵。其中西冷扒我們要求7成熟，牛扒的味道十分好味，充滿牛味，不會太熟，而咸蛋黃味道不會太濃，又不會搶走蘑菇的味道，這種中西合壁的配搭，有一種創新的感覺。下一次我會再惠顧這間餐廳，我亦會介紹朋友這間餐廳。

Amitie Kitchen係一間好配合香港人口味嘅餐廳，食物質素好高，事不宜遲，等我講解下我最鐘意嘅兩款食物！松葉蟹味噌蟹鵪鶉蛋龍蝦汁意大利麵：我一見到餐牌就知道要點這道菜式！菜式名字豪華，味道層次分明。廚師用蟹蓋盛裝松葉蟹肉、味噌蟹膏及鵪鶉蛋，食用前將這些珍貴的材料撈勻，之後倒進意大利麵。龍蝦汁味道鮮美，但不會蓋過蟹肉蟹膏的味道，反而更令各種海鮮鮮味迫出來，加上麵條軟硬適中，整個口腔都有滿滿的幸福好滋味！頂級美國西冷牛扒配沙律 ：我常常有種錯覺，認為西冷牛扒總比肉眼扒遜色。但吃過amitie的頂級西冷後，我再沒有這看法！西冷外層乾脆，帶有淡鹽味及炭燒味，我本以為很難才能把這肉切開，原來輕輕一切，就能把肉分成小塊。看到肉汁鎖在淡粉紅的牛肉，令人垂涎欲滴！西冷肉質鮮嫩多汁，油脂適量，肉中的肥脂及筋都被炭火燒透得非常鬆軟，咀嚼時沒有任何難道，能將整塊肉好好品嘗，此西冷扒只應天上有！！！！這兩份美食是我在Amitie用餐後，一直都不能忘懷的！下次必會帶家人到此用餐，點更多好東西好好獎勵自己及他們！

尖沙咀亞士厘道不嬲都好多嘢食而家全部好食嘅都係樓上鋪今次上到依間係食西餐 不過都有好多唔同種類海鮮 由於我有選擇困難所以都係只個Set dinner夠哂簡單方便 首先會跟餐包 牛角包 有好香既牛油味夠哂鬆軟栗米湯夠哂濃郁 好似食左成條栗米咁 前菜係香煎香鯛魚沙律配密糖醋 開胃得黎唔太齋 鯛魚做前菜比較特別小見 拆散配沙律超有口感主食係西班牙黑毛豬黑松露扁意粉 油脂分佈平均 豬肉緊緊熟 做到爽口既感覺仲有個慢煮美國羊架 羊肉一切落去 肉汁多到滿溢岀黎 超級juicy 配個燒蒜頭 好香食埋個蒜頭可以解左部份油膩感 整體來講呢個價錢對得住呢個質素

窮遊香港-尖沙咀樓上cafe.呢篇講下呢間尖沙咀樓上cafe平時西餐 意粉醬汁方面都會偏向淡身今日呢間醬汁偏向 濃味 同重咸唔知有冇人鐘意呢？.開始講野食一入座 佢地先上左前菜係一d包點 牛角包...有配果醬 牛油重點係 佢d包係熱既 外小脆內軟 好食（通常餐廳都凍既）.南瓜湯 幾企身 南瓜味重 同濃.咸蛋黃煙蘑意大利粉$128呢個 個汁做得幾香口有鹹香 望到有煙肉洋蔥粒 忌廉但調味方面就重手左d 好咸意粉軟硬適中.牛肝菌松露意大利餛飩伴芝士忌廉汁$238第一次食 幾特別 用意大利面皮去包入面有小小肉餡呢個芝士忌廉汁 勁濃 味道偏咸睇得出 落左大量芝士 同忌廉去煮食2隻已經會食濟可以3個人分😂.最後食多個⭐️伯爵茶奶凍$30本來食濟左 一食甜品開番胃賣相靚靚 唔會過甜 有茶香.是日整體偏貴 但唔多人 而且服務都唔錯.#Amitie Kitchen (尖沙咀)地址：尖沙咀亞士厘道27號捷利商業大廈8樓.⭐️評分：味道：3.5/5環境：4/5服務：4/5抵食：3.5/5

近日香港氣氛緊張， 搞到情緒down down 地， 很想食餐好 cheer up 自己， 今晚開飯嘅AMITIE KITCHEN位於亞士厘道的樓上鋪。餐廳面積不大， 典型的西餐廳格局 ， 簡約舒服 ，不到七點半客人已經坐得滿滿了。食物選擇多， 前菜、餐湯、主菜及甜品一應俱全， 當然還有紅酒白酒供選擇及還有黑板上的廚師推介，睇完餐牌還是set dinner比較食， 價錢由$228至$348 不等，己包括餐包、前菜、餐湯、主菜及飲品。餐包 有三種餐包；牛角包、餐包及脆條‚ 牛角包酥香，餐包鬆軟富煙韌， 可以配牛油或果醬拌食。是日例湯 ~ 粟米湯超愛的粟米湯， 新鮮粟米粒攪拌即食， 相信連鹽都沒有落保證原汁原味， 夠清甜。粟米湯唔係打得好幼滑， 屬於粗曠型 ，入口還有微微的粟米衣高纖嘅口感 ,  love it。前菜 ~ 香煎紅鲷魚田園沙律配青檸蜜糖汁紅鲷煎香才放上沙律菜上， 食用時還熱的， 紅鯛肉質結實， 連皮吃口感爽彈油香， 青檸蜜糖汁酸酸甜甜伴清脆沙律， 健康美味， 但個青檸汁味道食落咁似柚子蜜既?主菜 ~  西班牙黑毛豬扁意大利麵配黑松露汁無叫錯， 上枱熱辣辣 ，聞到強烈的黑松露香

而家就算weekday出街食晚飯都好多人，所以要搵啲門路，今日我地一行4人黎到呢間樓上西餐廳。雖然都係座無虛席，但係坐得舒服，服務又有保證。四個人想食抵啲，揀左一個套餐，另外都係散叫，可試多啲main dish！套餐有沙律、湯、主菜、飲品。人頭包應該係叫唔叫餐都有，超！好！味！ 好鬆化，好新鮮，放工等到勁餓一坐低食個包勁開心 😆主菜揀左西冷排，都好正！平時麻麻地西冷，覺得好硬，但呢塊真心正，牛肉味重，紋理分明，5成熟100分。另外單叫：法式焗田螺好大粒田螺，同啲青醬好夾，薯蓉好香牛油味。蟹膏鵪鶉蛋意粉 龍蝦汁個蟹膏勁正。。。其實個麵本身都夠惹味，但係蕃茄汁為主，撈左個蟹膏超正，最後食淨左啲齋啪係人生一大享受😂蜜糖醬燒豬仔骨配薯條唔似普通西餐食到醃到林晒既豬仔骨，係真係有肉絲，薯條好味，食到停唔到大家要爭食🤣😍