Amour Garden Grill & Bar (Closed)

與友人聚會，找了間旺角樓上西餐。餐廳價錢算是合理，環境就如一間bar一樣，有飛標玩、有大電視、有大型足球賽事的話，可以來！今天點了有2人餐，有1個沙律，2個前菜、1款扒，1個主菜，甜品及飲品。芝麻蕃茄沙律, 感覺十分fresh!蕃茄及菜很新鲜！令人十分期待的青蘋果鵝肝多士！第一層為香煎鵝肝，中心是甜酸的青蘋果，最底層是脆口多士。咬一口，由柔軟到爽口，再由爽口到脆身，口感特殊！蒜香牛油雞翼炸得非常香，蒜味飄逸。 主菜來了，蜆肉意粉充滿蒜香，大量蜆肉很足料，亦有淡淡酒味！羊架十分厚肉，但有點肥，且偏鹹。木槺布丁充滿奶味，細細個剛好！

旺角鬧市中的鬧市，同一大廈的單位都是五花八門，而4樓因為有露台位置，就造就了amour garden這旺中帶靜的小天地。室外的座位可以享受BBQ之樂，又有自然風，在不冷不熱的時節非常受歡迎。室內座位都比較少人選擇，但我們幾個聚聚就是想要一個較寧靜舒服的環境，所以就選了室內的座位。Amour Garden的食物選擇頗多，除了BBQ MENU，晚餐也有二人set，還有一些al carte menu。我們一行四人，首先選了一個二人餐(set dinner $338 for two)，打算看看份量再散叫一點小食或主菜share~~青蘋果鵝肝多士之前去過amour另一間餐廳，看名字，應該是跟這一間amour garden是同一集團吧(?)看到這個青蘋果鵝肝多士就更肯定了，因為上一次也有在amour吃過同一道菜~!鵝肝甘香，油份被青蘋果與多士吸收，3種食材相輔相成~惹味amour肉丸雙重奏肉丸是西式料理常見菜式，看似簡單，但不論肉丸餡料(可混入不同香草)或肉丸醬汁都可做出變化萬千的料理~這裡的肉丸也是混合了同時刺激味覺嗅覺的香草，醬汁是簡單的茄汁base再配黃色芥茉，最後加上小豆苗絲作襯托~一口吃

朋友聚會，其中一位朋友想食西餐，但正巧新年時間，很多西餐都full booking, 終於找到一間樓上西餐廳還有位，當晚叫了兩個兩人套餐，五個人分享，餐前小食：鵝肝多士和蜜糖雞翼，好好味，卡邦尼意粉，有水準，進餐時，戶外空中花園，傳來陣陣香味，看見有人正在燒烤，見到大大隻虎蝦，好似好美味啊！難得在鬧市中，也有燒烤地方，下次即興想燒烤，也可以有地方BBQ了，下次一定要試試。總括來說，食物不錯，價錢合理，地方舒適寬敞，最緊要沒有人趕埋單，適合三，五知己朋友聊天。

要喺旺角鬧市揾個地方有遠離塵囂既感覺，其實唔難。今次揀左係Amour Garden Grill & Bar度食飯 一入去，店員就好有禮貌咁問我地想坐室外定室內。雖然天氣係有d凍，不過好似室外先有種風味係度 店員都知道天氣有d凍，所以主動問我地需唔需要暖水 雖然set dinner for two都好吸引，但我唔想食太多澱粉質既關係，都係決定喺下面既a-la-carte menu度揀野食 原本想試下ham，但係可能節日過後無哂貨，而店員知道我地想食青蘋果鵝肝多士，even menu入面無列出黎，但係佢都幫我地arrange到，好欣賞呢間舖頭既待客之道 青蘋果鵝肝多士好大塊鵝肝 鵝肝雖然係好香口，但如果整件食其實會有點膩。不過呢道菜用左青蘋果中和鵝肝既膩，再用上薄薄既多士增加口感，令整件多士易入口又香口 炸水牛芝士條 ($62)芝士係我既最愛之一！香脆既外層滿足口感不在話下，芝士仲可以拉到咁長，證明係足料又香濃 油醋比目魚朳 ($158)主菜方面，點左一份平時比較少食既比目魚朳。當初有諗過今餐唔食澱粉質，會唔會唔夠飽。但係當我地見到呢度足足有3塊大魚朳...我地開始擔心

今晚同朋友一齊dinner~~~餐廳空間比一般樓上cafe大，座位比較寬敞！先點左一個三文魚他他，味道較一般他他濃郁，口感同味道比較重。 蜜糖雞翼值得推介，蜜糖味濃，外皮鬆脆。主菜係比目魚扒，魚嘅肉質好鬆，比較鍾意佢嘅魚皮因為好香而且好脆。飲品方面係芒果沙冰，味道適中， 作為餐飲係唔錯嘅選擇。

旺角之夜，好似去邊度dinner都成為一個選擇困難！朋友話樓上舖揾食唔洗迫又舒舒服服，上嚟睇睇成評，最後揀咗Amour！餐廳有啲似酒吧格局，有得擲飛鏢、outdoor BBQ、睇波等，可惜今次同朋友二人行，唔係一大班朋友上嚟用餐應該幾fit！｜三文魚蜜桃他他｜想食得light 同時開胃啲？呢個三文魚蜜桃他他幾啱您！首先賣想精緻，最底層喺拌入沙律醬嘅蜜桃同其他雜果，甜甜哋又唔會太滯，而且會愈食愈開胃！頂層個三文魚一樣好新鮮，平衝返整體口感，好refreshing！ ｜蜜汁雞中翼｜雞中翼好入味，醃得好出色，煎得外脆內軟！外面嘅蜜汁好惹味，雞皮煎得微脆，十分香口，難怪咁多人推介啦！

樓上酒吧餐廳一向給人感覺都是環境一流食物麻麻,今天又一例證友人相約到旺角飲酒吃小食聊天,週末當然奉陪,來到旺角amour corner餐廳內大都是年輕人,我這個接近中年的漢子看似不太受歡迎先來一杯long island,味道淡而且酒味不太濃,外表賣相不吸引,實在無法令人滿意樓上酒吧應該要更加用心花在酒水上呢相反雞翼味道則不錯,雞肉多汁,而且不太肥,肉比較多份量也是十分充足,值得一讚而侍應的服務也是不錯，經幣替你加水，挽回不小分數

Amour - 意思是 Love。Amour Garden 即是愛的花園。跟朋友享用晚餐，亦被寧靜友愛薰圍。Amour Garden Grill & Bar 位於旺角油麻地交街的一幢大廈裡，是一間樓上 cafe。甫踏出升降機，視線就被大大的畫吸引。 踏入餐廳，播著柔和的英於文歌。裝潢簡單，以冷色系為主調。餐桌面積頗大，座椅沙發亦非常寬敞，客人之間有很多的空間。氣氛良好，給人浪漫舒適的感覺，十分適合慢慢長聊。 餐廳的一角放了兩台飛鏢機，聊天之餘亦可玩玩飛鏢，增添樂趣。 食物方面，有兩款二人套餐，包括餐湯、沙律、頭盤、主菜、甜品、飲品，價錢相宜，主要分別是頭盤可多選一款，任君選擇。因為鵝肝多士的關係，我們點了premium dinner set。 朋友驚喜地重遇比利時手工啤酒，即時鈎起當日的旅行回憶，當然要暢飲一番懷緬懷緬。啤酒會配對相應的酒杯；Brugse易於入口，不太苦澀；Wittekerke是rasberry味道，非常fruity，適合女生。 餐湯 蘑菇忌廉湯 - 有別於平常的忌廉湯，質感並非香滑類型，亦較稀身，忌廉味偏淡，加入了很多幼細的蘑菇粒，口感特別。

朋友結婚前想相聚一下, 於是便找一家可以悠閒一點的餐廳, 於是找到這一家。這餐廳有點像酒吧,卻不嘈雜。可以睇球賽亦可以玩標。露台還有位置可供燒烤。蘑菇忌廉湯熱度剛剛好,很香蘑味, 而且蘑菇 沒有完全打爛, 有口感。青蘋果鵝肝多士一般鵝肝多士會使用黑醋, 但這個卻使用青蘋果來代替黑醋, 味道非常清新,不感肥膩, 而鵝肝表面煎香而甘脆,口感非常好!芝麻蕃茄沙律難得使用溫室大蕃茄, 香氣濃郁JUICY，甜甜的炸水牛芝士條外脆內軟, 完全滿足芝士控的慾望。送酒不二之選醬烤原味豬肋骨烤醬味很濃, 豬肋骨肉嫩。黑松露海蝦意大利飯這個意大利飯充斥著黑松露特殊氣味, 飯上有兩隻大海蝦而意大利飯熟得剛剛好,每一粒也肥大豐滿, 咀嚼尾段甜味輕滲!朱古力曲奇奶昔朱古力味不會太甜, 曲奇味重而奶打得香滑伯爵百藍花花茶Blue Earl Grey很少地方有提供, 這花茶有一種非常特別的花香,飲起來感覺很順, 有一種蜂蜜氣味木糠布丁小小的木糠布丁, 忌廉打得就像芝士一般軟滑, 不會太甜剛剛好這一家餐廳真不錯, 環境舒適, 很適合三五知己聚餐, 晚餐後還可以飲酒精飲料詳談~

今晚去了旺角的Amour Garden Grill & Bar，位於朗豪坊附近的一幢商業大廈三樓，位置也蠻方便好找的。餐廳嘗試走向格調路線，用冷色作主調，並用常見的木紋餐桌，還設有兩部鏢機(擲飛鏢的那種)；可惜餐廳的牆壁有點舊，而且窗還用百葉簾，加以改善的話，其實也蠻不錯。今日選擇了二人Premium Set Dinner，只需$338元包括: 是日餐湯*2、頭盤*2、沙律*1、主菜*2、是日甜品*2、餐飲*2，性價比極高。頭盤選了青蘋果鵝肝多士和蒜香牛油雞翼。鵝肝非常滑嫩，味道香濃而層次豐富，與青蘋果和香脆的多士一起吃能減低油膩感，絕對是好配搭。蒜香牛油雞翼香脆之餘，有頗香的牛油和蒜香味道，進食時只需在雞翼兩邊的軟骨切下去便能一分為二，方便以刀叉用餐。但建議牛油的味道可增強一點。沙律為吞拿魚菠菜沙律，雖然沒有精美的賣相，可是簡單的吞拿魚沙律在肚子餓的時候已經非常美味，而且吞拿魚啖啖肉，用料沒有手軟。主菜選了香煎羊架，總共有三件，還配兩個薯蓉及少許沙律菜。羊架煎得非常香嫩，切下去還溢出肉汁，十分JUICY，輕輕的羊羶味令羊架變得香口惹味。薯蓉質感CREAMY，很有奶香，滑而不膩。另一主

同朋友約食飯好多時約下約下都會揀左旺角，貪佢方便同多選擇。但另一方面，想搵間坐得舒服啲同環境好啲嘅餐廳就有啲難，一係就價錢貴到嚇死你。今次同朋友就試左豉油街尼間樓上西餐廳，朗豪坊個出口向戲院方向行唔駛三分鐘就到。餐廳的環境非常寬敞，除室內座位外更設有室外雅座，最岩一班朋友談天說地。菜式方面，亦好多樣化，分別有冷盤、熱盤、大盤及素菜，另外亦提供$268及$338的二人餐，計起上黎幾化算嫁，所以我哋就揀左$338的二人餐。基本上咁嘅價錢我預左會係多料少少嘅紅湯或者白湯，所以當雜菌黑松露忌廉湯出現，已經令我加左分。個湯味道同質感都好濃郁，用料足，食到啖啖菇，而且黑松露味都幾重下，為我哋尼餐開左個好頭。這道沙律作為醒胃菜非常合適，而且令我驚喜的是吞拿魚醬竟然佔了全碟的三分之二，十分惹味。至於蔬菜方面，用料亦見新鮮，顏色青綠，是一不錯之選。煎香嘅鵝肝，外面香脆、入面軟軟地，一擺上枱就香味四溢；多士亦烘得香脆。鵝肝一般重脂肪，但夾上一片酸酸甜甜嘅青蘋果之後，減去左油膩感，下面再墊上多士，味道非常配合。這道頭盤擺碟有心思，肉丸上面鋪左薯蓉及蕃茄醬，驟眼看真睇唔出係肉丸。肉丸質感特別軟綿，薯蓉軟滑，蕃

旺角出名多CAFE, 見好耐冇食過外國菜就幫親左呢間CAFE。上網見到唔少人都讚呢到環境唔錯,D 野食又唔差,就上左黎LU。戶外BBQ,可惜落雨就坐左室內。環境唔錯,幾有格調。都有唔少食物可選。叫左個SET DINNER, $338@ 2 ,都幾多野食@_@野飲LIST都幾多,而且夠特色。餐湯係香草忌廉湯，味道濃郁，但唔夠熱。芝麻蕃茄沙律食落唔會太淡，番茄新鮮，伴芝麻醬更加好食。肉醬肉丸同ikea 既差唔多，但底下有薯容，唔會太單調。西冷牛扒肉汁鮮嫩，好juicy, 煎得8成熟，食落唔會太硬或生。焦糖朱古力飲落好幼滑，表面既Cream 同朱古力好夾，雖然比較甜但細細杯所以唔怕多糖唔健康。甜品係木康布甸，略嫌太多Cream係中間,有點Heavy。總結黎講呢間CAFE 食物質素都OKAY, 價錢就屬中上, 今次晚飯都幾盡興。

上星期去了Amour Garden吃晚飯，很久沒吃西餐了，又想揀個靜靜地的地方跟舊朋友見面。看到Amour Garden在網上的環境照片不錯，決定這間吧~~是一間樓上餐廳，去到入門口那刻可以感受到裡面的溫暖氣氛，播著英文歌，真是酒吧餐廳，因為燈光都較暗的^.^店員帶著我和朋友坐下了，然後介紹了一個尊貴的二人套餐，我看套餐食物也很豐富的，價錢還不貴喔！就點了這個套餐了~頭盤四選二，我選了豬頸肉配秘製醬汁和蒜香牛油雞翼。豬頸肉的脂肪和肉都適宜，我很愛吃肥肉喔^.^ 配上他們的醬汁，像泰式辣醬，酸酸甜甜的 很開胃。蒜香牛油雞翼煎得很香，蒜香汁都完全流入雞翼裡！只是兩款頭盤也令到我們很期待其他食物了沙律二選一，我們點了芝麻蕃茄沙律。賣相一般，味道也不是很特出的，不過沙律都是清清淡淡的，所以不太高要求了~~第一個主菜到了，點了美國雪花西冷牛扒，牛扒都幾大份的，配上兩個薯球。這是六成熟的牛扒，牛扒的肉汁都在口裡緩緩流出，很juicy!!薯蓉的味道很濃，有香口的牛油味！第二碟主菜是蛋香卡邦尼意粉，中間的蛋很快就被我弄破了 哈哈 味道沒有令我失望，很濃郁的卡邦尼汁，份量也很多。最後上的甜品就是朱古力幕

油尖旺區越來越多樓上cafe/西餐廳，據聞amour地方大之餘又有飛鏢玩，仲可以揀室內燒烤或者室內用餐，加埋大電視可以睇波，今天就拜會一下看個究竟 一入門口已經見到兩部鏢機，仲幾新淨添 室內環境寬敞，檯至檯之間唔會太逼，椅子舒適，最正係有大電視供客人睇波！燈光亦很柔和 不得不提餐廳設有室外燒烤場！用的是石油氣bbq爐，一樣提供超大電視，開party或者相約朋友睇波吹水很有氣氛 餐廳有dinner set, BBQ set提供，但我們今晚不想食粉面飯，所以一於散叫 先上一客芝士焗釀牛肝菌，一上菜已經聞到煙肉芝士的香氣 想不到焗過的菇一點也不乾，兼且一切開便有濃濃的菇汁流出，濃味煙肉芝士跟菇很配不油膩！正 牛油蒜香雞翼，蒜香味好濃，而且外皮香脆，雞翼有肉汁，牛油香噴噴，三個人分六隻似乎不夠喉 輕食橙香元貝- 上菜聞到淡淡橙味，賣相尚算精緻，元貝以牛油煎香再加橙汁，底下以薯蓉墊底固定。橙汁味不算突出，反而牛油味好香，群邊帶脆， 薯容吸收帶子鮮味令層次更豐富 主菜來了！香草煎封羊-我們點了七成熟，外表沒有想像討好，仲以為煮得老了！但一切落去發覺肉質鬆軟兼且真係煎封了肉汁。羊架不氈，肉質鮮

與友人相約到旺角逛街，就在肚子打鼓之際火速上openrice搜尋一下附近的餐廳第一眼看見這家Amour，便上來一採究竟。餐廳座落在大廈4樓，一出電梯門便看到奪目的海報。即時映入眼簾的就是這兩座電子飛標令人聯想到是與三五知己暢飲談歡的酒吧餐廳。餐廳原來別有洞天，室外有個大平台設有BBQ的裝置，並有大屏幕正播著足球下回必定叫上一班fd子，邊吹著涼風邊睇波又能邊BBQ邊飲酒，非常寫意～室內採用梳化卡座，感覺特別寬敞舒適。在水樽內放著一棵薄荷葉雖喝起上來沒兩樣，卻帶來一股清新感。這裡提供Party Set可供5人以上或是團體book場使用，另有2人餐可點上。最後我們選擇散叫餐紙上的單點項目。冷盤方面，我對蜜桃他他最感興趣而友人則決意點上她最愛的藍青口 三文魚蜜桃他他 $68方塊狀的三文魚與清甜蜜桃蠻合拍的賣相工整別緻，然而沙律醬略為落手太重，有點蓋過了整體的味道香草鮮茄藍青口 $88汁料用上了煮Pasta的那種香草蕃茄醬藍青口煮得腍身不韌，殼大而肉細，醬汁濃郁燙熱，味道不錯，唯有點搶掉青口的鮮味這個巨菇值得一讚！菇味非常香濃，一口咬下去拉出長長的芝士絲，豐富的湯汁一湧而出，完全是色香味俱全！再