阿利水韓國料理 (Closed)

之前黎h8食過西班牙菜，發現呢到有間米芝連推介既韓國餐廳，今日同朋友行開尖沙咀，想食韓國菜，諗起阿利水，決定入黎一試。餐廳座位寬闊，而且係沙發櫈，所以坐得勁舒服，檯大大張，可以叫滿全檯食物，過癮！食物種類太多選擇，2個人又想食燒烤但又想食下石鍋飯，所以點左個二至三人套餐，有烤牛排骨、烤雞肉、牛肋骨湯、石鍋飯。岩哂我地👍🏻點菜前店員會先上9碟配菜，全部都係免費😍😍正前菜份量細細，口味繁多，夠哂開胃。大豆牙泡菜調味恰好，夠哂新鮮南瓜配上酸酸甜柚子蜜，口感清新特別，大愛👍🏻菠菜夠乾身，咪道小小淡泡菜，魷魚條，韓式魚片非常美味，辣度適中，同係韓國食既一樣禁好食。蜜糖蕃薯，口感軟錦香甜，係我喜歡既味道燒牛排骨，肉味濃厚，肉質鮮嫩，醃得好入味，燒完後用鉸剪剪成小份，再包住贈送既韓式醬汁，生菜加埋前菜（泡菜），去膩得黎又滋味。烤雞肉2人份量都算大碟，雞肉燒完都嫩滑，唔洗沾任何調味都已經好食。牛肋骨湯，牛排骨入口軟淋，配上大量韓國粉絲，燉湯味道清甜香，口感清爽，不油膩，食完烤肉後飲用可以解膩。石鍋入面有生蛋, 芽菜, 紅蘿蔔絲, 最重要店方用上生牛肉，一邊拌飯一邊加進辣醬，飯吸收到牛香，牛肉半生熟，香

食韓國菜通常會附上前菜，除了平時食開既泡菜之外，這間餐廳的前菜款式也相當多！分別有：菠菜，辣魷魚絲，辣墨魚，柚子南瓜，大豆芽菜，西蘭花，泡菜，薯仔，沙律菜。食韓國菜當然唔少得食韓燒啦！我自己比較喜歡食燒牛肉多過燒豬肉或者燒海鮮。所以今次叫個碟「烤特大牛排骨」。可以叫職員把牛肉卷剪開一片片，放上鑊燒。燒到差不多8成熟的時後，可以把牛肉剪成細細件，咁就唔會有唔熟既情況出現喇！燒牛排骨會跟埋一籃生菜，可以包著牛肉食或者可以點旁邊的韓國辣醬。我比較喜歡點豉油（亦有提供的）海鮮蔥餅大大塊，又足料既海鮮煎餅😋😋味道相當不錯！蛋皮也不會煎到濃晒，剛剛好外脆內軟。配合海鮮蔥餅既醬汁（千萬不要食到青椒！超級辣🌶）部隊火鍋有好多材料：腸仔，午餐肉，韓式年糕，水餃，芝士片，黃豆，冬菇，肉，蔥段，韓式公仔麵。職員會幫忙加湯。等所有材料差不多滾起之後，可放埋個韓式公仔麵落去一齊煲！

踏入餐廳看見牆上的奬狀、知道阿利水榮獲連續五年的米芝連推介、很利害。。今天再來吃它的牛肋骨。先來十小碟，喜歡當中的蜜餞南瓜、甜甜的帶點柚子味。燉牛肋骨鍋 $250上次跟一班同學來大家都爭住吃的、牛肋骨雖然切得幾大件、但肉質軟淋、相信用梨汁醃製、有淡淡的果香甜味、伴著的蘿白、金菇也很入味。全州石鍋拌飯 $150滾燙的石鍋送上來、馬上拌勻生牛肉和雜菜絲、蘸上辣醬比較好吃。烤特級雪花牛肉 $280雪花牛肉肥瘦分佈尚算均勻、燒起來肉質還可以、但沒甚牛味烤五花肉 $150燒五花肉比較難控制火喉、燒起來容易變乾。整體來說、食物質不錯、熟食做得較出色。不過店子裡有幾枱吃燒烤已經煙霧瀰漫、如可改善抽風系統就好了。

一如典型韓國餐廳，點餐後，侍應送來餐前小吃共10碟。蜜糖薯仔、芝蔴菠菜、柚子南瓜猶其美味。烤特級雪花牛肉 $280烤五花肉 $150兩款烤肉都無落過調味，所以燒完會變得好乾。幸好隨燒肉送上的醬汁甜甜地，烤肉點呢個就好正。燘牛肋骨 $250看食評見好多人點呢個，果然無介紹錯。牛肋骨炆得好腍，味道似以柚子汁調味過的。切得咁大舊都可以令肉質平均入味，做得非常出色。配菜的蘿蔔帶甜，腍得以匙羹輕易一𠝹便𠝹開全州石鍋拌飯 $150牛肉粒、冬菇絲、芝蔴菜、蛋黃、翠玉瓜和紅蘿蔔絲鋪滿石鍋飯上，建議加埋另上的一枝韓式辣椒醬。雖然已經攪拌過好多次，但因為個鍋太熱，始終係有一堆飯焦。

一直想試呢間餐廳好耐，睇網上面都有好多人對佢有讚無彈，咁樣都唔試嘅話真係對唔住自己，加上佢嘅地點好方便，去嚟放lunch或者放工食都好就腳唔計前菜，佢有好多火鍋類同小菜比大家試下，每碟餸個樣都好吸引，搞到我想樣樣都叫嚟試下，但係今次得我同另一位同事，所以要自製啲唔好叫咁多。前菜有好多碟又酸又辣嘅菜式，份量啱啱又唔會飽得制，好開胃炒年糕好煙韌，而且仲沾咗啲湯汁响上面。入面仲有少少海鮮，好似魷魚同蜆，好鮮味呀~碟泡菜炒五花肉嘅顏色好鮮艷，幾吸引，辣辣地好開胃，五花肉薄薄地，好容易食，上面有少少芝麻，令碟餸更香生牛肉相信無咪人夠膽食但係我今次就好大膽咁叫咗個啲食，估唔又幾好食喎，口感豐富，蛋黃令碗飯嘅顏色更靚，更吸引，雖然有好多樣餸响入面，但係大家都好夾係米芝蓮推介㗎，一出嚟就會見到，絕對無呃人，食得好滿足！！

韓燒、炸雞食得多，最近想食比較傳統的韓國料理。友人推介曾獲得米芝蓮的阿利水韓國料理 ，剛好路過尖沙咀厚福街，於是二話不說就進了餐廳。先來餐前小食款式非常多樣化，包括南瓜、蘿蔔、青瓜、泡菜、沙律、芽菜等等。當中以左上角的柚子南瓜最好味，柚子味清新，是相當開胃的餐前小食。牛肋骨($250)牛肋骨相當有驚喜，醬汁濃郁鮮甜，牛肋骨肉質軟熟入味。還有韓式年糕在牛肋骨下面，完美吸收香濃的醬汁，非常出色。泡菜煎餅 ($150)外表有點兒像潮式的糖醋麵。泡菜煎餅煎得香脆，呈現金黃色，泡菜的味道突出，不會太辣。水冷麵($120)水冷麵上放了醃酸蘿蔔、青瓜和牛肉，湯底冰冷，味道酸酸甜甜，非常適合炎熱的夏天食。

Arisu has been attracting attention thanks to the inclusion in 2013 Hong Kong & Macau Michelin Guide. The dining experience was remarkable because of the very high authenticity. Despite being innocent and unaccustomed to the cuisine, the place is worth a visit because of being truly authentic. The 9 dishes of Banchan i.e. small dishes of food served along with cooked rice in Korean cuisine. The banchan are set in the middle of the table for sharing, enclosing the ordered secondary main courses.

自從三月去完韓國旅行後，一直都未再食過韓國料理，難得今晚朋友主動提起要來阿利水食晚餐，當然奉陪啦！呢間餐廳係米之蓮推介，食物有一定水準，加上餐廳座位寬闊，裝修簡約，而且全部都係沙發櫈，食嘢嘅時候亦都可以坐得舒舒服服。至於食物，選擇種類非常多，但如果單點嘅話，食物價錢唔算特別平，所以最後我哋都係揀咗一個$680二至三人套餐，套餐內包左烤特大牛排骨、烤雞肉、海鮮豆腐腦辣湯、全州石鍋拌飯及兩罐汽水。我計過，單點原價要＄900 ,叫套餐就抵咗＄220 ，所以一於食佢啦，唔使煩！點完餐後，侍應好快就呈上多款韓式前菜，個人鍾意食韓國料理嘅原因之一亦都係因為佢有唔同嘅前菜，份量細細，但口味多多，令我食指大動。當中，我比較喜歡南瓜，南瓜配上甜甜地嘅柚子蜜，食起嚟口感清新又開胃。另外，亦要一讚呢度嘅牛排骨，因為醃得好入味。燒之前用鉸剪剪成小份，燒到七成熟，再配埋韓式甜辣醬及生菜包著食，真係好好味。呢度有別於其他韓燒店，係要自己動手燒先有得食。不過對我黎講，仲好d，因為自己可以慢慢燒，慢慢食。全州石鍋飯亦係我最愛嘅韓國美食之一，一黎夠飽肚，二黎配菜多，有生牛肉、芽菜、蘿蔔絲、冬菇絲及蛋。呢度食到嘅味道同我

韓國菜個個都鍾意食，但係坊間有咁多間韓國餐廳真係會令人唔知點揀，有一次行過尖沙咀，見到有一間韓國餐廳，就諗住入去試下啦~我都係上到去先知原來間店係米芝蓮推介，仲要有好多人食，睇嚟今次終於無搵錯餐廳啦~前菜好貫徹韓國風味，除咗有泡菜，仲有其他辣辣地，酸酸地嘅菜式，非常開胃人參雞湯佢幾乎放哂成隻雞入去，而且佢嘅肉好滑溜。雞湯清甜，飲完唔會覺得好油膩烤銀雪魚外面脆，入面滑，响上面加少少檸檬汁一齊食更加可以食到魚香，上面仲有少少芝麻，令碟餸聞落更加香蜆同青口係海鮮炒粉絲入面必不可少嘅菜，而且佢仲加咗魷魚嘅入面，所以食粉絲個陣嘅口感會更加豐富，粉絲好入味，唔會太咸，而且夠彈牙

最近又忽然愛上食燒肉，搞到我呢個星期上哂火，今次嚟到厚福街H8食韓國料理，此店已都係米芝蓮推介過環境都算整潔舒適，侍應都有韓國人，服務都算正常坐下先上大堆頭韓式前菜，每款都可追加，最愛韓式八爪魚爽彈同泡菜合我心的酸度烤特級雪花牛肉$280跟隨上檯就係牛肉，雪花分佈都幾平均，開爐後放上去一出血水就反轉再燒肉都算嫩，牛味幾重，不錯人參雞湯$180呢個湯入雞份量都幾多，不過雞肉有點過老，食落有點嚡口，而湯都幾濃郁，參味都重

韓國菜係香港真係越黎越多而且成行成市但要揾一間正宗的韓國餐廰都唔係咁容易架所以我今次聽朋友講話韓國街果度有一間拎左米之蓮award 既餐廰價錢中等仲好好食所以我就好想去試下啦而且都好近TST地鐵站阿水利既MEAU 有中文英文同埋韓文字可以比唔同國藉既人都食到自己中意既韓國美食一黎到就有好多唔同款既配菜而且分量都好多架泡菜真係好好食韓國海特啤酒 $40我再叫左韓國啤酒我之前去韓國都好中意飲呢款啤酒真係好好飲又唔係好濃味初初飲啤酒既都可以試下呢一款既我朋友就叫左呢個水冷麵$120我係第一次食既個湯就係酸酸甜甜既個麵既份量好多麵都會吸左個湯既味道而且食落都會覺得幾清個麵仲好彈牙同埋凍凍覺得個感覺好新鮮同埋特別我就叫左個烤銀鱈魚 $180真係超級好食雖然外表睇落唔係太吸引但真個鱈魚係食到有魚油係入面仲要係又香又滑既而且有好多肉又無咩骨仲要食入口既每一片肉都包含左好魚油真係入口即溶仲無雪藏味添架

尖沙咀真係有好多韓國嘢食㗎， 一諗起想食韓國嘢就會諗起去尖沙咀， 朋友介紹咗我上嚟阿利水呢一間韓國餐廳， 佢之前食過食物質素幾好，都坐得幾舒服。天氣咁鬼熱首先一坐低就要求咗要壺冰水 降下溫先啦例牌韓國嘢 就一定會有呢啲餐前小食一大堆， 阿利水嘅餐前小食都幾特別 而且款式夠曬多， 除咗 辣泡菜 我最欣賞佢個辣味 醃八爪魚， 又鮮又彈牙。海鮮石鍋湯 辛辣香口夠曬惹味，仲要餸多個湯， 豐富到不得了， 大量蔬菜冬菇 豆腐 八爪魚片肉同蝦， 飲佢都夠曬飽曬， 呢個一定要趁熱飲先至夠滋味。又係八爪魚 今日食餐都係八爪魚 石鍋八爪魚拌飯， 個石鍋仲係溫度非常之熱 將啲生蛋撈埋啲配料同埋八爪魚轉個頭就變咗飯焦啦， 效果就好似我哋平時食嘅煲仔飯咁，正正！最後就係個海鮮炒飯 每一粒米飯都飽滿晶瑩， 蝦，蜆肉，八爪魚都係主打嘅配料， 撈埋啲蛋同埋芝麻一齊炒 食落又有另一番滋味。

今晚本來打算單叫一些飯或麵的韓式食物，但在阿利水的餐牌看一看，便被它的特級雪花牛肉吸引到，所以點了一碟來烤烤，再加一個人參雞湯。先來的當然是餐前小食，共九款，不一一著墨。當中的重中之重，非八爪魚莫屬，九碟中唯一一碟被清盤沽空，微辣得過癮，十分開胃。沙律看似平平無奇卻大有驚喜，醬汁有點蘋果和奇異果味，讓整碟沙律感覺很清新。先來的是［特級雪花牛肉］，其實看上去還是可以的，但無論雪花和數量。畢竟與MENU上的圖片差太遠，難免有點失望，只能怪我太年輕，漠視了底下的一句「圖片僅供參考」...... 牛肉沒有醃過，不沾醬料的話，可以吃到一點牛肉香，肉質也不錯，但對於「特級雪花牛肉」一名，則似乎還有一點距離。［人參雞湯］以滾熱辣的形式登場，一大隻雞浸在湯裡，最適合我這肆雞之人，雞肉縱然煲過湯，但不會變得太韌，就連我最愛的雞胸都仍然夠滑。至於人參湯，喝下第一口，不得不再次打開MENU，確認一下自己是否點了人參雞湯，因為實在找不到一點人參味，實在奇怪。份量方面，這雞連湯，兩人吃都還足夠的，裡面還有韓式人參雞湯的指定糯米飯，除此之外，還跟了一個白飯，但因為今晚挺飽的，我們把飯退回，免得浪費。惜食為環保！惜

尖沙咀本身都有好多野食.. 但係朋友今次帶我試試傳統嘅韓國菜.. 一到步見到店舖裝修都有點舊式.. 成間舖都用傳統的色調.. 等齊人一坐低就會上好多碟韓式小食.. 薯蓉, 沙律菜及辣芽菜都幾好味.. 薯蓉粉得又加少少瓜中和一下.. 幾新穎.. 而我個人最喜歡就係沙律菜因爲汁料竟然係奇異果汁.. 好新鮮嘅配搭.. 唔止有酸還有少少甜味.. 辣芽菜都係韓式辣醬溝出黎嘅.. 果然夠傳統.. 海鮮炒年糕: 海鮮種類都算多.. 有鮮蝦, 青口, 魷魚, 八爪魚仲有蜆肉.. 醬汁都充分滲入晒海鮮度.. 辣辣地好滋味呢.. 而年糕一食落口都'in in un un' 好好口感.. 正完韓國年糕味道咁.. 而且仲有配菜洋蔥同大白菜中和一下.. 恰到好處.. 部隊鍋: 一上枱賣相不太討好.. 好清淡似的.. 但原來內有乾坤.. 搞搞下就變返平時食個樣.. 原來醬料藏底.. 材料當然唔少得韓式餃子, 午餐肉, 香腸, 茄汁頭, 年糕, 拉麵另上的.. 這些材料相對較普通.. 午餐肉同拉麵係最好味架.. 因為已經入晒湯底味.. 夠惹味.. 雖然價錢不便宜.. 但每一樣份量的確好多.. 呢兩個菜已經係三人份量

晏晝飯想食得好啲但係又諗唔到食咩....之後A同事突然醒起有間尖咀韓菜幾好食，於是我地一行幾人就坐的去食去到先發現原來餐廳係米芝蓮級黎，好期待呀餐廳有好多午膳套裝，而且價錢都係幾合理，種類選擇繁多，樣樣都好吸引，全部都好想食，跟住我地都叫左好幾款牛骨湯個樣都幾正！有成舊牛骨放咗响入面，唔會飲到有騷味，加上無味精，飲落好滑好順口上菜個陣我差啲就當咗佢係刺身咁生食，但係原來放上去燒到微燶咁仲好食，香好多倍，口感彈牙啖啖肉，正呀~烤黃花魚無咩魚腥味，仲好香口㖭，榨少少檸檬汁上去食更加香，食落味道好清新