阿利水韓國料理 (Closed)

連續多年都比米芝蓮推介既正宗韓式餐廳，初頭想叫韓燒既2/3人餐，但店長建議我地食返小菜因為怕食唔哂到上碟先發現，其實小菜都大碟到我地似食緊4人餐前菜都有近10碟，種類比出面多好多例如小南瓜，洋蔥，薯蓉等，好有真係置身韓國餐館既感覺呢隻酒叫初飲初樂，成17.5度，其實我就唔太飲到，朋友就覺得好純唔同一般燒酒會有"拿喉"既感覺海鮮豆腐腦辣湯，仲要配埋飯，小小既鍋入面有唔少蜆，令成個煲更加清甜呢個辣度激起咗我味覺，之後果d都無難度烤扇貝係我地叫左既唯一烤肉，就如圖所見咁大粒，燒完都唔會縮水得去邊，本身已經厚肉又鮮，所以都唔使再調味泡茶炒五花肉紅卜卜好似好辣，但其實又好易入口，但份量真係誇張咗，3個人以上先好叫呢碟五花肉切到細細粒一口過宮廷炒年糕要連埋d汁一齊食！因為好甜，菇類同粉絲都好吸收，相當入味店內好幾位侍應都係韓國人，但都識基本中英文環境好悠靜，台與台之間有一定距離，係聚會既好地方

甫坐下，餐廳勁有誠意Side dishes 都1️⃣1️⃣碟估下我最鐘意邊碟有辣味魷魚、柚子南瓜、蒜味蒜心、泡菜、大豆芽、薯仔、波菜等等。 碟碟都好好味，食完仲可以refill3碟！烤上湯腌牛肉（$280） 原鍋奉上的上湯腌牛肉夠曬睇頭，份量勁多。 除了腌牛肉，還有洋蔥、粉絲。上湯甜而開胃，配合牛肉可減低肥膩之感，，一邊在爐子滾著，一邊吸收牛上湯肉汁，不知不覺就吃完了。全州石鍋伴飯🌶（$120） 石鍋上桌時非常熱辣，獲氣十足，香噴噴！內有波菜、蘿蔔絲、芽菜、冬菇、牛肉和雞蛋。飯粒軟熟有嚼口夠香之餘又有有飯焦效果撈埋辣醬食極美味海鮮大醬湯（$120） 大醬湯內的海鮮非常足料，有魷魚、青口、蝦，還有多款蔬菜菇類和豆腐，加上濃郁美味，香辣辛口，又夠熱辣，超美味！店名：阿利水韓國料理地址：尖沙咀厚福街8號H8 3樓

趁着突然有一天假期，當然要悠閒的吃一頓豐富的午餐。這間米芝蓮餐廳坐落於厚福街，座位都幾闊落。一坐下，先來一些韓式前菜。這兒的泡菜做得相當好，辣度適中。先來一個石鍋拌飯，這個拌飯配料十足，有牛肉、冬菇、芽菜、紅蘿葡、蔬菜、紫菜、雞蛋……配菜很多。趁着石鍋內仍然熱乎乎，馬上將飯及配菜拌勻，並且加入韓式辣醬，又甜又辣的醬料、熱乎乎的石鍋將配菜的鮮味、飯的芳香提升了不少。既然已經用了少少飯填一填肚，可以order一些食物慢慢烤來吃，這樣才不會浪費了這裏的爐具。牛脷切得很薄，所以一放在爐上烤，很快便變色了，不一會便熟了。帶有微焦的牛脷很香口，我忍不住一塊又一塊的送進口中。扇貝很肥厚，因為新鮮，所以不用烤得太久，剛剛熟的恰到好處，鮮甜的扇貝，令我十分滿足。去韓國總會吃的人蔘雞湯，這兒也有，很想試試，但又不想吃太多，所以選擇了定食套餐，只有半只雞，剛好滿足只想淺嚐的我。雞很腍，雖然沒有太多人蔘味，但亦保留了雞本身的鮮味，再配合浸滿雞湯的糯米飯，好，好。另外，我們還要了一客牛尾湯定食，平時在家很少會煮牛尾，因工序太繁複了，所以上館子吃東西時總愛嚐牛尾，但眼闊肚窄，總吃不了那麼多東西，今天朋友也想試試牛

約左好耐無見的朋友食飯，我懶得諗食乜，就交左俾佢發辦，佢就揀左呢間連續5年拎左米芝蓮推介的韓國餐廳Menu仲未update，其實佢2017年都拎到架餐廳係厚福街H8，成棟野都係餐廳，可以突圍而出一定有佢可取之處韓國菜必備的特別餐具，我特別喜歡扁平的筷子，夾食物容易好多食韓國菜每次最期待的就係前菜，今次的前菜特別豐富，有好多韓國餐廳只會簡單提供3-4碟，一次過奉上10碟實在一點都唔吝嗇炆牛肋骨 ($250)牛肋骨炆到好淋，入面仲有金菇同韓式年糕，湯充滿住牛肋骨的精華，味道甜甜地，叫個白飯撈汁食就最適合不過，連平時唔係好食白飯的我都食左半碗水冷麵 ($120)正式踏入夏天，天氣每日熱到人都溶，食個冷麵消消暑就岩晒，韓式辣醬係另上的，可以隨個人口味加入冷麵，冷麵配料有青瓜絲、雪梨絲、醃蘿蔔、熟蛋，食完成個人透心涼

今日去到尖沙咀厚福街食韓國菜，尖沙咀雖然多韓國菜，但阿梨水我之前係另一區食過。店鋪坐位舒適，有距離寛闊。食物正宗值得去食，服務員係韓國人，廚房都是韓國大媽。當晚都有韓國客戶晚餐， 我點了大眾化海鮮石頭鍋飯，和韓式豬腩肉片估不到豬腩片勁大碟，2個人食不完，很豐盛的豬腩肉片，有點黑椒香味，不覺得肥膩，配上韓國空運醃制的泡菜，夾上生菜同吃，超有口感，層次味道。醃泡菜內食到有梨子，蘿蔔，九菜，洋蔥，蜆肉，尤魚，蝦肉，海鮮類同醃的，不是家家有的泡菜！味道除了酸辣還有海鮮咸香，泡菜一點都不簡單，入口爽中軟腍熟成，味道讚!生菜包著吃，減辣又感覺健康!至於前菜有10碟，當客人坐好就會上前菜，本人叫左一次加波菜，見埋單無收錢。比較特別前菜係薯仔，炆得甜甜地，南瓜就落左柚子蜜，同港式沙律菜，洋蔥就酸酸甜甜幾開胃！海鮮石頭鍋飯，正宗超熱味道正常！好彩我要只叫2樣東西，最後都食了9成，很滿意一次韓菜。

帶老婆出去食韓國菜，今次唔再食韓燒，想試下地道的韓國風味。睇返Open Rice先知原來阿利水是米芝蓮推介，唔知味道係咪真係米芝蓮級數呢落單後，侍應立即送上十二小碟的小食，嘩，係十二碟，食咁多次韓國菜都未試過有咁多款餐前小食，真係有點驚訝。燜牛肋骨牛肋骨燜得夠鬆軟，入口有濃郁的牛肉味，連帶著牛脂妨的甘香，牛肉入口即溶，估唔到牛肋骨都可以燜到咁好食；其他配料包括紅蘿蔔，白蘿蔔及韓國年糕，全都吸收了牛肉湯的精華，蘿蔔腍而不爛，入口香甜；年糕本身是無味的，只是煙煙韌韌，但配上牛肉湯汁一起食，令年糕增添不少風味。全州石鍋拌飯 上枱時石鍋還發出"吱吱"聲，果真係熱辣辣，加上韓式辣醬(其實唔辣)一起攪拌，飯粒分明，還有少許飯焦，味道不錯。其實除了韓燒外，很多傳統的韓國菜都很有特色，比韓燒更值一試。

通常被米之蓮推介過的食店，多數越做越多分店，食物質素亦會每況愈下，今次試一試這間曾獲米芝蓮多次推介的阿利水。原來由2013年開始已經是米芝蓮推介的食店內裏裝修簡約，裝飾不多，燈光鮮明，坐位寬敞，坐得舒服。多達十二款的餐前小食，包括泡菜，生八爪魚，薯蓉，醃魚片，南瓜，魷魚絲，莧菜，茄子，豆角，芽菜，沙律菜，西蘭花。個人比較喜歡南瓜配橙皮果醬，芋頭南瓜帶有淡淡的甜味配上果醬的酸甜味，兩者非常合拍。另外泡菜不會過酸或過辣，醃得爽脆。菜單內有多款套餐及韓式燒肉，但我們都想試試燒肉以外的韓食，所以沒有選擇。燜牛肋骨 $250牛肉肉質炆得鬆軟，肉味濃郁，配料紅白蘿蔔更吸收了湯中精華，除了有蘿蔔本身的甜味，還充滿著牛肉汁的鮮味。另外下面還附有韓式年糕，牛肉湯汁配以年糕一起吃，味道一流。牛肉湯比較杰身，忍唔住當湯飲海鮮豆腐腦辣湯 $120有差不多一磚豆腐在湯內，豆腐夠滑，但豆香不足，海鮮只有蜆，蜆肉給湯的辣味蓋著，鮮味不足，整體來說味道一般。全州石鍋拌飯 $120有紅蘿蔔絲，紫菜絲，芽菜，莧菜，生牛肉及生蛋舖在飯面，拌以韓式辣醬，石頭鍋散發著飯的焦香。搞拌後的生牛肉幾乎已全熟，初時吃的時候略嫌飯粒較濕

尋晚朋友話想食韓燒，我就話不如去有米芝連推介既阿利水，一試佢地既韓國菜。一來到就會提供十碟餐前小菜：泡菜，尤魚，西蘭花，柚子南瓜，醃青瓜，薯容，蘿蔔，炸菜。最好味當然就係正宗泡，辣味夠非常醒胃。牛肉拼盤燒烤（$488）：分別有牛排，牛肩，牛舌，牛脊，牛扒。牛排不但大份，而且肉質鮮明，食落牛味十足，入口唔會太肥，有即溶之口感。牛舌爽脆，燒落有陣陣金香味，再加上嫩滑爽口，十分有咬口。牛肩：由於十分貴，所以數量唔會多，因為一隻牛射好少，但亦都係十分之口味，嫩滑不在講，而且唔洗用牙咬都食到，係必食之選。總括來說，這裡價錢十分公道，牛又好味，韓燒必到之地。

下了兩星前大雨，雨過天青，卻熱得誇張，室外尤如火爐。從地鐵站來到H8，短短幾分鐘的路程，感覺漫長。坐在窗邊，窗外猛烈的陽光射進來，只到窗邊，不會射在桌上，涼著冷氣，其實幾寫意。午餐比散叫抵食得多。揭下散叫餐牌想加個小吃，友人說很久沒吃過銀鱈魚，燉銀鱈魚＄300一份，索價頗高。有燒的選擇，＄200，便宜一點。反正都吃，就吃個貴的。看餐牌的同時，店員送上前菜。兩個人有五款。最喜歡簡單美味的薯仔沙律和煙韌惹味的魷魚。海鮮石鍋飯友人的石鍋飯先來。菠菜、翠玉瓜、菇、芽菜、蘿蔔、生蛋和一堆海鮮，色彩豐富。石鍋八爪魚拌飯沒想到兩個幾乎一模一樣，或者說沒料到海鮮是一堆白灼的海鮮，還以為八爪魚是燒至火紅的辣醬八爪魚，想太多了。拌勻後，變成蛋炒飯。熱辣辣的石鍋不斷嗞嗞響，隨著白煙傳來香噴噴的蛋香。再加辣醬，把飯染成橙紅，就可以開動了。菠菜爽，但切成幼絲的翠玉瓜太腍，毫無口感可言。飯太腍，黏成一糰，完全吃不到一粒一粒的。味道則不錯，蛋香混辣醬。見到八爪魚已放棄期望，不出所料，雪藏貨色，淡而無味。猜肉類會較入味，起碼醃過。吃到底，石鍋上的飯焦，金黃色，不會太燶，微硬幾脆。份量都幾大，吃得飽飽的，不點小吃都夠了

來到尖沙咀的永樂街，餐廳林良滿目，時尚格局的大廈想不到會有如此一間傳統裝修佈局的韓國菜餐館。坐低之後，與朋友二人點了一個韓式包豬肉，店員會問我們喜好辣的程度，因為朋友不太好辣，所以我們選的辣度是最低的。紅噹噹的泡菜和烤好的豬肉，排列整齊，將豬肉和泡菜放在山菜中捲起一齊食，泡菜雖然看上去紅當當的，但食進口又不太辣，反而是酸的味道多一點。還有什菜炒粉絲，這個粉絲用了很多蔬菜去炒，材料的份量比例剛剛好，口感不會很肥膩，夾雜菜一齊食，口感清脆而爽甜。我和朋友都一致讚賞這個炒粉絲。除此之外想不到韓國餐廳會有一個魚缸，客人可以食到新鮮的海鮮刺身。這裏傳統的裝修而菜式亦做得相當傳統，坐在這裏有置身於韓國的感覺，但這裏的菜式份量也頗大的，三五知己一齊來食就最適合啦！

韓風咁盛, 連帶都習慣左又愛上左食韓國野, 今晚朋友帶我黎呢間韓國料理, 佢話幾年都得到米芝蓮推介, 值得黎試下.黎到有韓國人侍應, 亦有香港人侍應, 所以溝通唔成問題.係傳統既韓式店, 坐位有椅背, 唔洗下下坐油桶咁辛苦, 而且好寬敞, 唔會好迫. 抽風亦非常好.餐牌里有著唔同既韓式料理, 烤肉啦, 炒類, 鍋類選擇好多, 選菜其間侍應已經奉上前菜, 普通既餐廳多數3碟左右, 呢度多到係11碟, 雖然碟碟都細細碟, 但種類咁多非常有誠意.最喜歡白色果碟薯蓉, 好香薯仔味. 另南瓜果碟都好好味, 友人最欣賞碟魚仔, 唔硬又唔腥.友人係飯桶, 所以都要左個全州石鍋拌飯, 材料有牛肉, 菜, 冬菇等. 個鍋好夠熱, 所以牛肉帶生, 撈勻之後已經熟晒.雖然個鍋熱, 但D飯無變飯焦, 好軟熟, 就算唔加辣醬就咁食都好夠味.海鮮炒年糕, 份量之多有點嚇親, 年糕好多, 海鮮有蝦, 青口, 蜆, 八爪魚等等. 食落年糕好煙韌, 有嚼頭夠入味, 口感唔會一舊粉. 海鮮新鮮, 撈埋D汁都唔覺有半點腥味. 個汁算辣帶甜, 好易入口同開胃.韓國野又好鍾意食燒肉, 所以要個五花肉, 切好晒細細片. 脂肪跟肉

✿╮❤╭✿ ✿雜感女生 好味日記✿ ˚*•✰。阿利水．前菜驚人。✰•*˚ ✿✿舌尖上的尖沙咀✿✿ ❤餓底飯聚．食勻全世界❤ ❤ 韓國菜一向是韓迷的聚腳點 今天約會阿利水，由於人數不多，就單點一回 選擇此餐廳，也是慕名而來 聽說入選了2106年米芝蓮，一心就是要吃地道的韓菜 前菜份量很多，有10碟 聽說已經比從前少了2款 如果不夠，也可免費追加3碟 喜歡這裡的甜薯仔、八爪魚，夠入味 推介一般連鎖店少見的茄子，很香濃 水冷麵 上台準備好甜辣醬、芥末汁等 麵質是地道的韓國風味，為夏天帶來清爽 燜牛肋骨 份量頗大，牛肋骨香軟，易於分肉 牛肉是甜味重而勁香稔，好好吃 蘿蔔也是香甜入味，底層有韓式年糕 最好，是建議加配白飯，連湯汁也好撈 小評： 味道：★★★★☆ 環境：★★★☆☆ 服務：★★★☆☆ 衛生：★★★☆☆ 抵食：★★★☆☆ ❤阿利水❤ 尖沙咀厚福街8號H8 3樓 ❀

這一間韓國餐我是第一次去食因為上網看到佢哋水冷麵評語不錯所以想去試試。對新客人來說，第一印象係最重要， 這一間韓國餐館不像其他韓國餐廳都是要落咗order 先會有韓國前菜。 我坐下不倒五分鐘已經給我很多前菜了｡ 他們這樣做令我覺得親切同不像其他韓國餐這麼縮骨同市儈。佢哋有一個二至三人套餐680蚊包一個特級牛肋骨同三個主菜。 如果是一對情侶叫這個套餐，我覺得會多了一點。 三個主菜我點了生牛肉飯，水冷麵同海鮮豆腐湯。 生牛肉飯賣相好靚但係我忘記了拍照有點可惜。 總括來說食物同服務唔錯但係環境一般。

到尖沙咀逛街，晚飯就想吃韓國料理。知道近年在厚福街開設了全棟都是食肆的H8，見這家阿利水是米芝蓮推介的，就去試試。餐廳餐桌夠大，坐得十分舒適自在。//10款前菜小食//泡菜、柚子南瓜、麵筋、菜、小魚、西蘭花、沙律菜、洋蔥片、燒辣魷魚、生魷魚。韓國的前菜種類多樣，口感味道豐富多樣，各有特色，個人最喜愛是生魷魚，滑溜而且有咬口，味道濃帶點辣。//燜牛肋骨 $250//燜牛肋骨相信是韓式食店最穩陣不過的菜式，作為得獎食店應該有更高水準，肉很腍，夠入味好嫩，吸收甜湯汁味道，年糕口感都很Q。//海鮮炒粉絲 $150//韓式粉絲是我的最愛，口感更好，比我們的粉絲要更粗些，帶點煙韌。炒得爽而不乾，而且海鮮份量都不少，足夠4人份量。//蒸餃子 $120//餃子一點都不小，餡料好多，而且皮很薄，味道也比較清淡，剛好能中和一下其他味道較濃的菜。食物質量很不錯，比一般韓國料理要高一些，但服務就差一點，店員也沒有好主動，改進一下服務質量的話，才符合米芝蓮的標準吧。

朋友說想去吃位於尖沙咀H8的阿利水，因為是米芝蓮推介，而且價錢絕對是像我們這些平民能負擔的。餐廳的裝修以木系為主，有傳統地道風味。韓國餐廳怎會少得多款韓式前菜？足足有10款，派頭十足：泡菜、柚子南瓜、泡菜麵筋、菜、帶甜味的小銀魚、西蘭花、沙律菜、洋蔥片、燒辣、魷魚和生魷魚。當中筆者最喜歡的就是生魷魚，除了少有特別，亦富口感和味道微辣中帶鮮甜，很醒胃。 《人參雞湯 $180》十分足料，有大蔥、紅棗、人參、雞及其他材料，雞肚還釀了燸米。人參味濃，喝一小碗已經覺得好補，雞肉還很嫩滑。《烤黃花魚 $200》魚面上放有煎香了的魚春，份量多，而且外層香脆，入口甘香，坊間一般很少機會能吃到。魚肉嫩滑鮮甜還很水潤，火喉控制剛好。《八爪魚石鍋拌飯 $150》石鍋飯熱騰騰，拌勻醬料及配菜後味道平均，沒有過咸或過濃的情況。飯焦香口加上八爪魚令很有嚼感。餐廳食物質素不錯，但店員主動性不夠，可能是人手不足的關係吧。下次會回來試試韓燒。