粵藝館 (時代廣場)

Open Now

Now Closed

今日朋友請食食飯，帶我到銅鑼灣時代廣場10樓粵藝館食一D精緻而有特色既中菜。聽到餐廳坐落於時代廣場就知一定番咁上下高級，個場地相當闊落，佈置上亦有種中國風既典雅及氣派，作為請客既場地便顯得十分大方得體。我同朋友都好鍾意食中菜，皆因中菜變化多端，煎炒煮炸燜燉焗，仲配有唔同派系，真係經常都係新鮮感，而呢間餐廳仲用上外國食材，又有新既衝擊，口味更豐富。我地就試左三個菜，味道濃郁，配搭創新，令人欲罷不能。即燒無花菓天下第一豬 例牌$348西班牙栗子豬焦香叉燒 $198京都文思海蝦花膠羹 $188

跟長輩去食高級粵菜，確是精緻又好味。一蟹兩藝，包括了皇室焗釀蟹蓋及炸軟殼蟹伴陳醋野菜沙律，價錢只需$238，便可嚐到兩種蟹的美食，啱曬我這個中意食蟹的人。蟹蓋釀滿蟹肉，非常滋味；炸軟殼蟹外脆內較，啖啖鮮甜，加上淋上陳醋的沙律，解膩又提升蟹味。例牌$348的即燒無花菓天下第一豬果然名不虛傳，外皮酥脆，皮下脂肪均勻，肉質嫩滑。無花果醬甜甜地幾好味，而師傅就在餐廳門口即席燒豬呢。西班牙栗子豬焦香叉燒 （$198），這個叉燒不得了，厚肉嫩滑無渣，非常好食。

我喜歡食豬多過牛。廣東燒豬和叉燒，絕對不會比高級和牛遜色。今日跟朋友在銅鑼灣食飯，餐廳的燒乳豬和叉燒就讓我一試難忘，加上環境高尚而舒服，非常滿意。即燒無花菓天下第一豬。豬皮超脆，真係脆過薯片；豬肉脂肪少，多肉嫩滑。那個無花果醬更是一流，比平日的海鮮醬更好味。叉燒又係一流，西班牙栗子豬焦香叉燒。外觀非常吸引，色澤光亮，帶少許焦糖色，肉質鮮嫩。此外我們還叫了一道京都文思海蝦花膠羹 。真材實料，鮮甜美味。

.♡ —————— 𝗗𝗲𝘁𝗮𝗶𝗹𝘀 —————— ♥【餐廳】粵藝館【地區】#Dr_eat_銅鑼灣【類型】#Dr_eat_中式【價位】中價位【用餐時段】晚市【餐廳主打】中菜日化，花膠專門口店────────────────────【環境/服務/衛生】。裝潢優雅大氣。設獨立房間，有私隱度.【即燒無花菓天下第一豬 例牌$348】。淨係聽個名就知夠哂霸氣。外皮燒至如紙般薄脆。底下嘅肉質Keep住嫩滑富肉汁。口感鬆化輕薄。同時乳豬香好濃厚。真係不愧為天下第一豬.【西班牙栗子豬焦香叉燒 $198】。叉燒色澤鮮美，邊邊嘅焦位可見外層焦香脆口。肥瘦相間嘅口感。既食到叉燒紮實又不失肥美感。香而不膩，又帶陣陣嘅粟子甜香.【十八頭花膠蝦籽柚皮 $388】。蒸熟後嘅有柚皮，口感綿密又帶柚子香。十八頭花膠個感腍滑，膠質豐富。而蝦籽嘅加持令整道菜式添加不少鮮味────────────────────•• ┈┈┈┈┈ 𝗦𝗘𝗘 𝗠𝗢𝗥𝗘 ┈┈┈┈┈ ••【地址】銅鑼灣勿地臣街1號時代廣場10樓1001A號舖【分店】銅鑼灣|尖沙咀【℡】28853390【營業時間】星期一至五 11:30-15:00；18:00-22:3

朋友曾到訪這間餐廳，說食物質素不錯，所以就把飯局約在這裏。餐廳的地方不大，裝修走簡約中國風，侍應的服務算殷勤有禮，但每枱之間的距離頗近，出入時可能會有些不便。蒜片牛柳粒 （$108）這個前菜有8-10粒牛柳粒，算是餐廳內抵吃之選。牛柳煮得不會過韌，蒜香味濃。西班牙栗子豬焦香叉燒 （$198）這個菜式的賣相賞心悅目，就好像藝術品擺設一樣。叉燒肥瘦適中，每件都塗滿醬汁，亦燒得很焦香。濃湯花膠鮮腐竹浸時蔬 （$188）花膠的份量不少，配合腐竹一起吃，很有咬口。上湯味道也不錯，不會過鹹，為蔬菜添上鮮味。黑松露薏米燒釀乳豬 （$1688）這頓飯的重頭戲，雖要早一天預訂。乳豬燒得很香脆，內裏包裹着的薏米和飯，吸收了乳豬的油香，令人忍不住一口接一口。

訂晚上六點，帶顧客去枱，見到枱上有用過牙籤！店員才慢慢清理！叫咗醉鮑魚，鹽水鴨，海鮮泡飯，乳豬，黃金鳳尾蝦，夠膽死上完鮑魚即刻上泡飯，中菜是如何安排的嗎？？一次過上曬所有嘢，有冇諗過顧客食唔切啲嘢凍咗會唔好食？咁嘅價錢，呢個服務，簡直垃圾！！永遠不會再光顧！！

來這裏晚飯是不想浪費手上的美食消費券，消費200元就可用一張一百元的消費券 ，不計加一。 因此， 我想用三張消費券 就要點六百元的送菜。 這裏的環境裝修不錯 ，樓底高， 菜色選擇多。 我們點了三個菜， 無花果蜜絲咕嚕肉， 醉雞， 牛肚菌豆腐， 三個菜很快就送到， 味道也不錯， 咕嚕肉炸得剛剛好， 酸酸甜甜， 有無花果及彩椒， 不算太漏。 牛肚菌豆腐， 也是很好的組合， 清新鮮嫩， 仲有幾條好靚嘅菜心。 紅花醉雞也做得不錯， 醉雞浸得很入味。 另外我們點了一碗白飯， 完全是另一個層次， 碗飯又凍又乾又硬 ，完全不符合 這間餐廳的級數， 仲差過快餐店。😶 食到最後， 好似爭少少， 我們又點了一個壽桃， 結果這壽桃是等了二十分鐘， 催了四次， 才姍姍來遲， 真是超出我們期待的服務。👎 這裏的菜式不便宜， 又收取超高的雜費， 茶25蚊一位 ，小食又係25蚊， 即是話兩個人食飯雜費都要80幾蚊， 最後埋單是六百八十幾元， 可以用三張美食消費券， 如果600 幾蚊在這裡食一餐 ，我覺得是太貴了， 用咗消費券， 只需要畀380 都算勉強合格。

新春晚飯食好d，環境乾淨闊落，唯獨燈光較弱；雖然大廳座位闊落，但仍然像酒樓飲茶很應聲。服務員態度尚可，6點正才開始排隊入座；幸好門外隔住玻璃可觀賞燒豬過程，感覺新鮮。上菜速度正常，食物味道好而且有溫度，只是分量較少。（P.S.最後想講服務員沒有給我們小食，但有收錢……不過我就打算不理會因為他們只是打工，我打工做漏野都唔想俾人知；當俾左封利是，大家利利是是，是也）

今年聖誕節因為多咗小朋友🐷，所以老公揀咗食中菜！冇諗過都會咁有驚喜❤️，今次揀咗銅鑼灣時代廣場食通天嘅其中一間中菜餐廳，當然我哋都怕無位🥲因為我哋係聖誕節正日去食，所以老公一早已經book咗檯🤭抵讚最驚喜嘅係，職員態度10分好，知道我哋有小朋友仲幫我哋小朋友準備餐具餐具，一直都好想試佢哋招牌叉燒，同埋花膠撈飯，終於試到，真係冇令我失望，花膠撈飯真係搵到花膠，唔係得少少嗰啲，叉燒好淋好，又入味👍👍肥瘦分明！其他餸菜味道都好好，碟頭一啲都唔細碟，唔好諗住貴價餐廳啲碟頭好細碟食唔飽，但係呢度真係唔會😂😂我哋仲可以食完再打包

A little hard to rate. Taste a bit hit & miss, my fav were the char siu, dumpling platter and the stir-fried rice roll with XO sauce. But the deep fried stuffed crab shell and crispy fish maw seaweed rolls taste quite terrible, too oily and not “crispy” at all. The advantages are it located in Times Square and on a weekend it won't be hard to find a space. Yet if someone said to come here for yum cha with using Times Square coupons I wouldn't say no.有點難評價…食物有好有壞，我最喜歡的是叉燒、點心拼盤和 XO 醬炒腸粉。但是炸釀蟹蓋兩食和

上次來因為有時代廣場coupon, 今次來有佢的集團coupon又來，名都改咗， 價錢都冇變。 比較海港城分店，寧靜啲，座位寬敞些，我們的座位在餐廳梳化角位， 橢圓形4人枱，2人坐挺舒適，枱布雖然膠質，但軟身，抌上去都滑。 先送頭盤，花膠凍，有魚翅味，爽而彈，好有膠質，配啫喱醋，解腻，賣相靚，用典雅器具也增添顏值。 竹炭脆豆腐$78，8件，件件都有排九咁大件，高级餐廳好少咁多份量，外面香脆及薄粉，微辣，灑少許7味粉？內裏豆香一流，嚴選優質黃豆，滑度及口感似燉奶。 爆米鯪魚球$88，咬落脆卜卜，口中爆發，似玩卜卜膠，卜吓卜吓，有冶愈效果，鲮魚有陳皮，微香，肉彈，口感正。 蜆蚧汁夠濃夠香可以不用蘸食，我喜歡分開食，單食蜆肉。 欖菜叉燒炒飯，此處叉燒出名，欖菜我喜，賣$138，當然要點， 欖菜不會過多，叉燒有肥廋，叉香自然有，粒粒絲苗米，體型像少女纖幼有肉地，晶瑩有光澤，軟硬適中，乾爽不油腻，味道可口，可喜可愛。埋單約$380，用1張$100 coupon, 想食甜品可用多一張coupon，但已很飽。

這間位於銅鑼灣時代廣場中菜館其實也不時來吃～乳豬相當有名～最緊要坐得舒服，枱與枱之間的空檔充足，不會覺得太狹窄侷促，在這疫症時期出外吃飯，吃得安心。不時不燉湯$138一碗湯裏面的花膠已經很大塊，用料相當豐富，湯也相當清甜，喝得出沒有加任何味精，養生有健康～鰹魚醉鮑魚$148相信這種煮法在外邊很難吃到，鮑魚雖然是凍盤，可是咬起來相當有煙韌彈牙，而且入口酒香相當香濃又不會掩蓋飽魚原來的鮮味。好吃～瓦罉啫啫唐生菜$138鑊氣夠菜也相當鮮脆，葉身很嫩。吃起來既惹味，味覺又原會太濃烈。金沙鳳尾蝦鍋巴$288蝦身個頭不少，咬起來啖啖肉且肉身彈牙，口感爽身。而且咸蛋黃做的金沙咸香十足，配起鍋巴口感一流。花膠天白菇菜膽$198花膠真的很大一塊，料也用的足，不會腥，咬起來相當滑而韌。即燒無花果天下第一豬$348燒得皮很香脆，肉仍很嫩滑，由於用無花果所以有點不膩的香甜口感。不愧是皇牌菜真心好吃。

成個餐得一個味「鹹」個咩花膠凍又細粒，又鹹，好似飲咗嗒海水咁嘢食（包括花膠）凍的，春卷同叉燒油到嘔茶加咗水都係凍的，要叫佢加熱水先會熱炒飯得菜同味精，飯又硬糖水桃膠得兩粒，有木瓜同雪耳，但好似冇煲過咁，唔出味的好難食Staff 態度差，上菜時竟然唔係放上枱，而係遞俾個食客，笑咗碟叉燒上時話用咗大碟叫我哋自己傳，每人兩舊，好痴線我以為自己去咗冰室不知所謂唔會再幫襯三百幾四百一個人，你俾我都唔會再去！！

中午有時候會突然很想吃中菜，這次我就找到時代廣場這間中菜館，午市的組合也不錯，有點心和菜還有餐廳最馳名的乳豬🥰怎能不試！🔹水晶菜苗餃我最喜歡吃菜苗餃，因為咬下去可以感受到肉汁和菜苗嫩嫩的口感，這裡的菜苗餃都做到了這個效果，而且每一隻都很飽滿，皮不算厚，吃完一隻已經大滿足。🔹灌湯豚肉小籠包小籠包裡面的湯汁濃郁，咬開已經立刻爆汁，豬肉味道很強烈，屬於濃味版小籠包，點了醋味道更豐富～🔹原味蘿蔔糕大大件的蘿蔔糕每日新鮮製作，外層煎到焦香，咬開會發現裡面有滿滿的清心蘿蔔絲，讓蘿蔔糕非常清甜，中間還有足料臘腸和蝦米，豐富了鮮味和鹹味，附帶的辣醬把鮮味突顯，性價比高。🔹通心脆脆卷這是我覺得最有驚喜的一道菜，因為它雖然是炸的，但完全不會有油膩感，外層真的非常脆口，聽到咬開的聲音會刺激胃口😂裡面是多款的蔬菜絲，沒想到咬起來會綿密多汁，有點魚腐的口感，推薦！🔹即燒無花果天下第一豬擺盤簡潔的乳豬味道也是濃郁的，乳豬皮脆得像薯片，相對其他乳豬它算多肉，沒有多餘油脂，這個無花果醬絕對是加分之作，甜甜的果香讓組合比較柔和，記得一定要儘快吃！🔹瓦𦉘啫啫唐生菜超大砂煲上桌的時候已經超級香，職員會在你面前炒香唐生菜，即

Art of cantonCame for dinner tonight and was truly impressed by the delicacy of the food offered in an restaurant in a mall! Environment 9/10Classy and comfortable Chinese setting with spacious seats and serving table. Great form family dinner or business lucheon. Food 1.Roasted Suckling Pig – Fig Paste (Regular) $348Seeing it roasted just right next to the entrance of the restaurant, you know right away the suckling pig are freshly roasted before serving to you. Extremely crispy skin with not-a