粵藝館 (時代廣場)

Open Now

Now Closed

✅粵藝館今次同媽媽去左食呢間中菜館餐廳行比較高級既style 服務都好好！我哋去咗食午市 每枱都坐滿 都好多人啊 呢到嘅午市除左有得點點心外 仲有午市套餐可以選擇我哋就試咗午市套餐🔆粵藝午市套餐 $288 per one (成為會員)呢個套餐係兩位起的~每位可以揀一款巧手點心 有蝦餃 燒賣 叉燒包等🔹晶瑩鮮蝦餃蝦餃一份有兩大隻 每隻都好飽滿充滿粒粒既蝦肉 味道亦都啱啱好！🔹香煎手作蘿蔔糕蘿蔔糕入面係有粗身既蘿蔔絲 好重蘿蔔味！ 而且味道都唔會過咸！🔹粵藝老火湯 (無味精)呢個老火湯真係要俾100分啊😀呢到主打無味精既燉湯 入面好足料有瘦肉 紅蘿蔔等 成個湯都好清甜滋潤！🔹西班牙栗子豬焦香叉燒淨係聽到個名都已經好期待！ 見到半肥瘦既肉 好有口感！ 🥰外皮燒到香脆 而肉質亦都唔會鞋口 仲好有豬味！油脂感同同肉味crossover個汁仲係甜甜哋 昇華左個叉燒既味道！❤️🔹花膠天白菇菜膽估唔到食午市套餐都有花膠食🤣花膠有成隻手咁大塊！Omg!煮得啱啱好 食落好爽口 唔會煮到腍哂！而且配左天白菇 好有花菇味！娃娃菜索哂鮑魚汁既味道！❤️☺️🔹上湯鮮竹浸翡翠仲有個蔬菜！ 就係上湯浸菜心~菜心做底

老一輩最鍾意就係飲茶，之前食過呢一間嘅晚市覺得質素唔錯，今日帶住媽媽嚟到呢度飲茶，而家仲有點心八五折添！👍🏻午市套餐✨巧手點心龍蝦湯鮮竹卷、香煎手作蘿蔔糕。鮮竹卷入口爽脆，面頭嘅龍蝦汁濃郁得黎唔會太粉；蘿蔔糕長長一條，滿滿嘅蘿蔔條同蝦米乾，餡料爆棚，惹味不凡！✨粵藝老火湯標榜住冇味精嘅老火湯，湯頭濃郁清甜，夠晒火候，而且碗內裝有真材實料嘅湯料，海底椰、節瓜煲落去相當清潤。✨西班牙栗子豬焦香叉燒餐廳選用肥瘦相間嘅豬梅肉，塗上參蜜汁，用上火槍燒香邊角位置逼出油分，食落特別惹味，肉質亦相當爽嫩。✨花膠天白菇茶膽午市都一樣可以食得奢華，花膠厚身亦燉煮得夠爽口，天白菇菇味好香，整體時間火候拿捏得相當唔錯。閑時滋一下。✨上湯鮮竹浸翡翠以清淡嘅一道蔬菜作為間場，味道清新，蔬菜翠綠。✨懷舊揚州炒飯細細個去酒樓必叫的，餐廳炒得粒粒金黃分明，楊州炒飯必備嘅叉燒、蝦仁亦都蘊藏當中。✨粵藝特色甜品木瓜雪耳糖水入口清甜潤喉，一大嚿桃膠咬落Jelly Jelly 。

餐廳位於銅鑼灣時代廣場，環境優雅時尚，係一間以花膠為賣點嘅高級中菜食府，親朋聚會或商務宴客就最適合不過😌💥粵藝午市套餐（$388/位；Foodie會員$288/位）.🥢巧手點心.🔸晶瑩鮮蝦餃（2件）蝦餃大粒，餃皮唔算厚，蝦肉新解彈牙，屬高質蝦餃👍🏻🔸龍蝦湯鮮竹卷鮮竹卷餡料十足，腐皮吸收咗龍蝦湯精華，龍蝦味濃郁😌🥢粵藝老火湯（無味精）是日燉湯係竹蔗茅根馬蹄腰果湯，入口香甜味濃，夠足料👍🏻🥢西班牙栗子豬焦香叉燒叉燒外層焦香且肉質軟腍，食落甜甜地又juicy，好味道😋🥢花膠天白菇菜膽冬菇厚肉且炆得好入味，花膠扒好厚身，有滿滿骨膠原，矜貴又養顏，質素對得住花膠專門店名銜😌🥢上湯鮮竹浸翡翠菜心新鮮翠綠，伴上湯同食，入口清甜爽脆😌🥢懷舊揚州炒飯炒飯加入蝦仁及蔥粒等同炒，飯粒炒至乾身且粒粒分明，整體不錯😌🥢粵藝特色甜品木瓜雪耳燉桃膠夠滋潤，味道唔太甜，飯後食一碗好滿足😌

一向鍾意食中菜！果日同屋企人嚟食🥰環境幾靚、高級感！上菜速度好快！午市套餐cp值高！- 手藝燒賣- 龍蝦湯鮮竹卷好好食！！真係食到有心心眼既感覺😆😍龍蝦湯味突出，腐皮吸晒湯既精華，好入味！👍🏻- 粵藝老火湯幾清甜、有益呀🤍- 西班牙栗子豬焦香叉燒口感幾！幾腍同juicy🤤👍🏻- 花膠天白菇菜膽花膠同花菇都好厚身，味道濃郁，好高質！🤤值得食！- 上湯鮮竹浸翡翠清甜，健康呀！- 懷舊揚州炒飯 味道均勻，油香十足，幾好食！粵藝特色甜品- 木瓜雪耳糖水好滋潤🧡粵藝午市套餐 $388/位, Member $288/位

為食妹👧🏻無時無刻都鍾意嘆茶☕️ 知道粵藝館做緊粵藝午市套餐第二位優惠 首十五名客人訂枱就有半價優惠😍 你無聽錯係半價 千祈迷執輸❣️🫧粵藝午市套餐🫧🥢巧手點心六選一晶瑩鮮蝦餃（2件）手藝燒賣（2件）飲茶當然要食蝦餃燒賣啦🫰🏻兩者餡鮮蝦爽 燒賣比蝦餃更出色😋🥢粵藝老火湯(無味精）竹蔗馬蹄甘筍豬展湯 湯頭鮮甜火喉十足🔥 🥢西班牙栗子豬焦香叉燒外層金黃焦香 肉質軟腍且帶肉汁👍🏿🥢花膠天白菇菜膽有厚度的花膠 黏口滋陰 真係忍唔住食埋媽咪嗰塊花膠😚🥢上湯鮮竹浸翡翠鮮竹豆味香濃 菜心翠綠爽甜🥢懷舊揚州炒飯炒飯粒粒分明 秒清😛 做得非常不錯 🥢粵藝特色甜品桃膠木瓜雪耳糖水 滋陰養顏 你懂的♥️

長話短說，本身唔打算寫食評，但佢個叉燒真係不得了，係我食過最好食嘅，所以點都寫少少，其實叉燒好多地方都做得唔錯，我唔識煮餸，但我估其實舊肉本身夠靚，加叉燒醬去燒就已經好好食，市面上其實唔少有名既中菜館，又或者大型酒樓既叉燒皇，甚至出名嘅燒臘舖，其實唔少都做得好好食！但今次呢間既分別係，除左平時果種好食外，佢再加左d口感落去，我估係加左麥芽糖係面再輕輕一燒（我估下only,因為我真係唔識煮餸），個面有脆嘅感覺，但又唔係平時叉燒燒燶咗果d碳！個口感好正好好味！我比個100分佢！btw, 性價比好高，價錢好平！

之前同大家介紹過以經典粤菜為本的粵藝館，結合矜貴食材為大家呈獻高貴菜式今次黎到食Lunch，見佢地六月仲有優惠星期一至五惠顧粵藝午市套餐 或 嚐藝 · 午市饗宴 可享半價優惠! 另外星期一至五晚市2位起訂座仲送每位鰹魚花醉鮑魚 *優惠須受條款及細則約束，請向店員查詢粵藝午市套餐 原價$388/位 (兩位起)巧手點心 ( 六選一 )今次同朋友揀左手藝燒賣同晶瑩鮮蝦餃，燒賣口感煙韌彈牙好足料，鮮蝦大大粒皮薄餡靚粵藝老火湯 標榜無味精的老火湯好足料，飲落去清甜潤喉西班牙栗子豬焦香叉燒西班牙嘅栗子豬肥肉彈牙爽口，外皮帶焦香不會過鹹花膠天白菇菜膽大大塊花膠好好食! 冬菇同白菜都好入味上湯鮮竹浸翡翠懷舊揚州炒飯炒飯有鑊氣香口惹味，炒至乾身粒粒分明，食落帶鹹香粵藝特色甜品甜品係木瓜雪耳糖水，清甜潤喉很滿足

Looking for a fancy yumcha place to treat your family? Check out Art of Canton! They have two branches in HK, one in CWB and the other in TST. We went to the CWB branch and was impressed how spacious and roomy the whole environment felt. Currently they are doing a pretty good promotion for June for members, only available from Monday to Friday. They are offering two special lunch sets: Signature Lunch Menu and Business Lunch Menu - we got their Signature Lunch menu. .Super worth it - for the pri

我們一行七人到粤藝館飯聚，酒樓面積不大，但環境都適合大夥兒聚餐。是次點了以下菜式：■ 即燒無花果天下第一豬(半隻) $698 乳豬件皮脆嫩滑■ 蟹肉粟米羮 (4碗) $352 羮夠足料，清甜夠味。■ 金沙鳳尾蝦鍋巴 (2碟) $576 鍋巴香脆可口，鳳尾蝦充滿蛋黃鹹香，令人食指大動。■ 無花果密絲咕嚕豚肉 $198 正常水準，但沒有特別驚喜。■ 瓦罉啫啫唐生菜 $158 蝦醬令唐生菜更惹味，唐生菜亦夠爽。■ 薑汁芥蘭 $158 芥蘭鮮嫰夠甜。■ 魚湯金銀海鮮泡飯 $228 泡飯湯底不吸引，比較遜色。整體來說，大部份菜式合格，但如沒有信用卡折扣優惠便略嫌貴了些。

#星星之食評💮 💮 💮今次又來試試新野～ Fine Dining 粵菜加埋釣魚臺白酒有得諗過～ 菜式嘅精緻美味跟白酒嘅香醇互相輝映，真係一個尊貴的享受🥰💮 💮 💮🔅即燒無花果天下第一豬第一道菜就是燒豬😍😍乳豬燒得十分香脆、肉質厚實，味道相當唔錯👍🏻🔅竹絲雞松茸炖花膠一大塊花膠好足料加埋湯底是竹絲雞加松茸令其增加了香甜感～飲完覺得好滋潤好滿足～🔅海鹽蒜片炒和牛粒和牛粒真係炒得剛剛好，濃濃牛肉味好夠鑊氣，保持住半生熟狀態令和牛咬口更好，而牛肉又夠厚，十分惹味～🔅香穌桶蠔陳醋有機菜香穌桶蠔夠哂大隻！香穌做法令桶蠔既有脆脆口感又可以鎖住肉汁，呈現出外脆內爆汁嘅感覺～ 🔅松葉蟹肉帶子茶碗蒸水蛋配上松葉蟹肉跟帶子令菜式變得更高貴～ 水蛋蒸得很滑加上海鮮嘅鮮味～ 正！🔅美味牛肝菌東坡肉牛肝菌配東坡肉這個配搭十分好！而厚厚的東坡肉配上釣魚臺尊品酒真的很夾！一啖咬落肉嘅油香加埋白酒嘅醬香，是一流的享受！🔅金沙海鮮炒飯食埋海鮮炒飯就剛剛好是超級滿足的晚餐～ 三文魚籽跟蝦仁伴上金沙炒飯好好食！特別喜歡金沙，咸蛋提升了整個飯的香口感！令我食完想再食！🔅還有好特別的甜品！就係雲呢拿雪糕！🤣特別之處在於其建議食法

平時中菜就成日食，今次就嘗試左一個新菜單中菜配中式白酒。今次係《粵藝館》x《釣魚臺》聯成品酒之夜，當中包括左九道菜式配搭白酒。成晚認識咗好多新朋友，一齊食飯飲杯，享受左一個美好嘅夜晚。⚜️釣魚臺尊品酒由生產、貯存到出廠歷到需要經過至少五年以上，味道酒香濃郁，有淡淡的果香味，有菠蘿同埋話梅提煉嘅，用嚟配中餐就一流。⚜️燒無花菓天下第一豬呢個係粵藝館嘅招牌菜，佢係嚴選七至八星期嘅乳豬，肥瘦適中，燒到個皮脆卜卜，加埋無花果醬，味道更昇華。⚜️竹絲雞松茸螺頭炖花膠呢個湯真係好足料，大家見到我張相就知佢嘅花膠有幾大，成個湯係完全冇落過任何味精，因為螺頭同埋雞，成個湯都好鮮甜。⚜️香酥桶蠔伴陳醋有機菜揀選左肥美嘅桶蠔，超大隻厚肉，外面炸到好鬆脆，配搭左陳醋同埋有機菜，令到成個鮮味提升。⚜️松葉蟹肉帶子茶碗蒸茶碗蒸最重要就係口感幼滑，裏面材料非常豐富，上面重點綴左帶子同埋蟹肉，口感一流，成個蛋好鮮甜。⚜️雲呢拿雪糕配釣魚台酒呢個新穎嘅配搭我都係第一次試，食落嘅感覺有啲baileys,估唔到會有呢種化學作用，兩種極致嘅配搭，成為左一道高質嘅甜品。

食物質素味道還可以的只是天下第一🐽，未如這級數最失望的是服務質素用餐期間，服務員竟然走來問我們有那道菜未上，那道菜已完成，真奇怪這樣的餐廳可以這樣的沒系統當吃完了一道菜，我和朋友在聊天中，服務員也可以在我倆中間伸手直接收走餐具，一句說話也沒說，也太沒禮貌了，感覺真的是高級點的酒樓般，失望

粵藝館ｘ國酒釣魚臺 佳餚白酒配對之夜平時食 Fine dine 日本菜都會有 wine/sake pairing，今次粵藝館就搞搞gimmick 推出咗一個粵藝館x國酒釣魚臺尊品之夜，中菜pair 中國白酒，即刻又睇下夾唔夾?📍釣魚臺尊品酒釣魚臺尊品酒，一開樽既時候已聞到酒香濃郁，再望一望原來有53度濃度，所以大家都只係小酌一杯，入口口感醇厚有醬香陳香同一啲花香，而佢配搭任何中餐都適合，配紅肉就中和肉膩感，配搭海鮮亦可帶出鮮味，值得一試📍即燒無花菓天下第一豬喺門口就見師傅現場燒乳豬，奉桌之時每件乳豬都香脆可口，肉質比例平均肉味香濃，食既時候加埋招牌秘製無花菓醬令味道程次再提高，不愧係餐廳既招牌菜呀~📍竹絲雞松茸螺頭炖花膠聽個名就知佢用料上盛，以花膠搭配螺頭加埋竹絲雞同松茸，再用慢火燉煮，將所有精華迫出，入口湯汁濃郁醇厚，令人想一口接一口~📍海鹽蒜片煎和牛粒和牛粒油脂分佈均勻入口牛味香濃，再搭配海鹽同蒜片更為惹味📍香酥桶蠔伴陳醋有機菜桶蠔炸至外皮金黃酥脆、蠔肉鮮甜味美，食既時候再配以自家製陳醋汁同沙律菜一齊食可以消除油膩感📍松葉蟹肉帶子茶碗蒸茶碗蒸口感嫩滑幼細，再加埋滿滿既鮮甜蟹肉同一

招牌菜「即燒無花菓天下第一豬」🐷🐷🐷是必點之選。嚴選七至八星期大的肥美乳豬，經傳統爐火技巧燒烤而成，口感香脆可口，肉汁味濃郁，再沾上招牌秘製無花菓醬，讓味道倍增昇華🔥🥣「竹絲雞松茸螺頭炖花膠」是一道滋補珍品，湯汁濃郁醇厚，口感滑嫩，讓您享受極致的口感。🗳️「海鹽蒜片煎和牛粒」則是高溫煎炒過的和牛粒，帶有濃郁的牛肉香味和微妙的甜味，再搭配海鹽和蒜片，口感豐富，讓您完全沉醉在美食的享受中。🦀「松葉蟹肉帶子茶碗蒸」充滿著奢侈滿足感，滿滿的蟹肉再加上甜香濃郁的帶子作點綴，入口嫩滑幼細，鮮味滿滿。🍚「金沙海鮮炒飯」是融合了鹹蛋黃及海鮮的美食，以蝦、蟹肉、魷魚等新鮮食材，伴以滋味鹹蛋黃，完美結合出一道色香味俱佳的炒飯。🍨在飯後，甜品「雲呢拿雪糕配釣魚台酒」絕對不容錯過，雲呢拿的香味與釣魚台酒濃郁的醬油味產生令人意想不到的化學作用，讓您的味蕾感受到前所未有的美妙滋味。🍶至於與粵藝館合作的釣魚臺酒廠的尊品酒，採用傳統正宗12987工藝製造，從生產、貯存到出廠歷經五年以上，勾兌過程中採用黃金三段取酒，使其酒香濃郁，口感醇厚，空杯留香，完美地配合任何中餐，並可中和肉膩、帶出鮮味、刺激感等不同風味。

平時中菜就食得多，但係加埋中式白酒嘅配搭就真係好新穎。適逢《粵藝館》聯乘國酒《釣魚臺》推出中菜品酒之夜，推出九道菜式配搭白酒。釣魚臺尊品酒擁有國酒嘅美譽的釣魚臺尊品酒產自茅台鎮，採用傳統12987工藝製造，歷時五年以上製造。雖然尊品酒有53度，但係相當容易入口。酒香濃郁又香臻，味道在口中久久不散，配搭各式中菜都可以帶出食物嘅鮮味。燒無花菓天下第一豬身為粵藝館嘅招牌菜，有天下第一豬嘅美譽。選用七至八星期大肉質肥瘦比例嘅乳豬，在經過師傅熟練嘅燒烤技術。乳豬皮充滿光澤又皮脆，肉質更加鮮嫩又有肉香。另外配搭秘製無花果醬更加令到味道脂香又不膩。竹絲雞松茸螺頭炖花膠加入多款名貴嘅食材，例如花膠、螺頭、松茸和新鮮竹絲雞長時間熬製而成，每一滴湯都係精華。遠遠地已經聞到香氣四溢嘅松茸，湯身鮮甜又滋補。海鹽蒜片煎和牛粒和牛粒經大火煎到金黃，外層焦香四溢。加入海鹽、蒜片作簡單調味，更加可以帶出和牛本身嘅脂香。香酥桶蠔伴陳醋有機菜嚴選厚身又肥美嘅桶蠔，外層香酥又充滿蠔鮮味。特別配搭自家製陳醋汁和新鮮沙律菜，蠔嘅鮮甜味又提升到另一層次。松葉蟹肉帶子茶碗蒸茶碗蒸上面鋪左滿滿嘅蟹肉和厚身又大隻嘅帶子。蛋漿和秘製上湯