正牌沙田雞粥 (Closed)

黃昏時間同朋友一齊喺西環，肚仔餓，要覓食，嚴格嚟講我哋身處嘅地方應該叫 石塘咀，但係我哋對呢頭唔係好熟悉，咁就一路行吓睇吓，見到呢間餐廳，喺石塘咀但係叫「正牌沙田雞粥」，幾特別，睇吓食物亦都似乎幾啱呢日嘅胃口，咁就決定入去開餐😆- $35 嘅「沙田雞粥一碗」：粥底好「綿」，有鷄鮮味😋；食嚿雞先，雞肉🐓非常滑😋，眨吓眼就比我哋食晒幾件雞😋，好彩我另外叫咗「沙薑雞半隻🐓」😆- $45 嘅「豉油王炒麵」：炒得乾身、香口，簡單好味😋，呢個炒麵顯出廚師功力😊- $105嘅「蝦乾🍤瑤柱雜菜🥦🥬🍀煲」：蝦乾🍤有幾隻，非常惹味😋；雜菜有 菜心、西蘭花、白菜，加埋 瑤柱、粉絲、芫荽🍀，幾豐富😆- $120嘅「沙薑雞半隻」：落咗大量沙薑醬汁😆，雞肉都係好軟滑，仲幾好雞味😋呢度嘅餸菜份量都幾多，叫咗四樣嘢，食得朋友同我非常之飽😆，真係街坊價錢，抵食又幾好味😊

唔駛去沙田，都可以食到沙田雞粥。呢度出名雞粥，梗係叫一鍋嚟試吓啦。大大窩，足夠4人享用，每人可以享用兩碗。粥底好綿，雞的份量亦不少，而且粥亦有十分濃雞味。讚！炸乳鴿，熱辣辣香口，皮脆。花雕浸乳鴿，夠酒香味。太和骨，酸酸甜甜， 十分惹味，個頭不少，送啤酒一流。 黑椒牛仔骨，配以洋蔥，又係夠份量，而且亦是十分惹味。蒜蓉白菜仔，夠爽口。豉油王炒麵，唔錯，亦夠碟，味道亦出乎我意料之外好。總括來講，每一個餸或小菜都夠份量。

大圍出名嘅沙田雞粥搬咗去西環除咗雞粥之外仲有好多少菜選擇主要有肉類、小炒和煲類幾個人食可以要一鍋沙田雞粥($140)有好多件雞 落足料足夠五、六個人食粥底比較傑身招牌菜脆皮紅燒乳鴿($80)用了頂鴿 比一般的大 肉地好除了紅燒 還有另外一款乳鴿 ($90)花雕醉乳鴿 酒味香濃乳鴿肉吸進了花雕酒味太和骨($95)一碟有好多件骨味道似甜酸排骨 不過就冇咁酸微微炸過 夠香口黑椒牛仔骨又係好大碟($95)惹味多汁 少少肥豉油王炒麵($45)一大碟 用幼麵炒 條條分明不過食到底有點油 蒜蓉白菜仔($65)

🐔沙田雞粥好出名， 細細個就聽過呢個名😋，但係住港島嘅我就未試過。原本喺大圍做咗四十年嘅沙田雞粥，因為敵不過業主加租，最近搬舖去咗西環，終於同屋企人食到正宗雞粥嘅好滋味 。💗呢度除咗有雞粥，仲有好多小菜。🥢🐔雞粥超正，粥底綿滑💗，雞肉好有鮮味，食材新鮮。😋另外仲叫咗魚腩粥同瑤柱肉碎粥，試多幾款，一樣正。❤️小菜叫咗豉汁蒸魚雲🐟，魚雲又滑又香，🥰仲有沙拉蝦球🍤同咕嚕雞球🐔，酸咪咪好開胃，食得超級飽。

我至愛既鴛鴦炒飯呀！以前去酒樓飲茶一定叫返碟，食完先叫滿足！兩邊既味道真系perfect match!!!!白汁同茄汁我都好鍾意.好小見到茶餐廳有, 仲要午市就可以叫, 梗係試下啦. 一上桌….真係嘩左一聲, 乜大碟到咁架…我唸兩個人都未必食得晒…何況我一個人………最終打包左一半.講番個味道, 濃厚茄汁同白汁，大大隻蝦 ，有成六七隻添，茄汁酸甜剛好, 最重要個飯底, 真係炒過, 粒粒分明, 唔會比個汁整到個飯淋晒.下次試埋個乾燒伊麵先!不過d翠肉瓜有小小硬…淋番小小會更好. Lunch 無飲品, $95 茶餐廳食碟飯, 有少貴.

我細個嘅時候係住喺沙田。爸爸媽媽成日同我去大排檔食燒乳鴿同雞粥。以前大排檔嘅位置已經改建為商業大廈，童年回憶只可以留喺心入面。同老公去西環探完朋友，經過門面光猛嘅「正牌沙田雞粥」，突然間好想入去試吓，可能係見到「沙田」兩個字，好有親切感。入到餐廳，已經被一份熱鬧氣氛感染。店員熱情地招呼我哋，當我哋係街坊一樣。餐廳有三款招牌菜：紅燒乳鴿 、馳名沙田雞粥同招牌豉油王炒麵。店員特別再推薦小炒王，我哋要試，就當然全部都叫晒啦！🐦紅燒乳鴿 - （$80）乳鴿肥美，一開二，燒得皮脆肉嫩。食乳鴿要用手撕開先夠風味。外面有啲餐廳一開六，切到細細嚿，又乾又嚡，完全唔係嗰回事。🐔馳名沙田雞粥 - （$35/碗 $140/鍋 ）一碗已經非常大碗。用上新鮮雞肉，粥底綿，有米香，冇加味精，依然鮮甜。🥢招牌豉油王炒麵 - （$45 ）份量相當充足，夠兩人食。炒得乾身，麵條分明，有鑊氣，盡顯大廚實力！價錢只係$45，認真超值！🦐小炒王 - （$90）鮮蝦仁大大隻而且肉質彈牙，魷魚同樣新鮮有咬口。蝦乾屬於「狀元級」我老公自創嘅形容詞😂佢話好難得見到咁多咁大隻嘅蝦乾喺小炒王到出現，餐廳落足本，好有誠意。我哋兩個人，食到

之前一直有幫襯開大圍嘅總店，啱啱去開西環，入到去先發現原來係由大圍搬過嚟嘅，真係正宗嘅大圍乳鴿同雞粥！餐廳入邊嘅侍應們，家庭式作業，態度非常好，好細心介紹每樣彩色俾我哋，小菜選擇都好多！食出人情味！😊

疫情期間好耐無同朋友聚一聚啦, 香港大學站附近,一出就係. 所以就揀依間啦, 方便大家食完塔車.  黑椒牛仔骨非常惹味, 份量也不少. 肉質不軟不硬剛好. 椒絲腐乳生菜, 不辣, 好香, d菜吸晒d汁, 非常好味.菠蘿咕嚕肉, 無得輸, 層皮好脆, 唔會比個汁影響到. 都係果句, 份量好足.依兜味道同個樣就一般...豆腐卜好似未熟咁XD 蝦干好硬....非常有咬口. 哈哈.好似煲得未夠時間, 本應以為有蝦干個味道會好鮮甜, 小小失望啦. 不過叫4樣, 有3樣正, 都OK啦. 

幾個女仔都鍾意食酸甜野, 所以叫左兩個酸甜菜, 兩個都無叫錯!------------------------------中式牛柳95牛肉軟腍嫩, 做到酸甜醬汁黃金比例, 平時唔食白飯既我,都叫左一碗黎送飯, 一流!!!------------------------------咕嚕雞球85咕嚕雞球香脆可口，甜甜酸酸好開胃！加上自製糖醋汁，又係超好送飯！------------------------------醉乳鴿90推薦醉乳鴿, 酒香味夠濃, 乳鴿份量十足, 好正.其實我無食過醉乳鴿XD.... 炸乳鴿就食得多. 原來咁鬼好味. --------------------------叫左咁多肉, 食番個菜啦. 勁多蝦干, 所以個菜好甜好入味. 

兩個人, 眼闊肚窄叫左三個送, 最終食淨打包. 太和骨, 椒鹽豆腐, 同埋忽然好想食既咸魚蒸肉餅.椒鹽豆腐果然好得👍，外皮炸得勁香脆，入面就非常滑溜，仲有濃濃嘅豆味，配埋灑上嘅椒鹽，非常惹味， 太和骨其實未食過, 都好小地方有, 所以試下, 問伙記時, 他說是酸酸甜甜，咁岩晒我喇, 上菜時時勁香呀….炸過的肉排加上酸酸甜甜又帶有少許微辣的醬汁，不會太肥膩肉餅唔太大份，但蒸得啱啱好，肉質彈牙鹹魚放上面蒸，吸埋啲汁，鹹鹹地襯飯食一流

對上一次食應該都有5年左右 如果唔係疫情 真係唔知食外賣囉！外賣感覺差好遠無晒小菜風味！今次都叫咗好多送，不過好似都係炸嘢多 食落去已經淋晒 所以感覺更差 咁多樣嘢真係炒麵 乳鴿 同埋雞粥比較正常啲！不過唔講炸嘢 其實啲韮菜豬紅都係比較失色 因為啲豬紅食落去口感就真係一啲都唔滑呢樣都好失望 好似煮咗好耐咗煎釀三寶 尚算👌炒麵都可以 豉油王炒麵呢樣嘢看似容易 但要炒得好 都係同炒飯一樣有難道不過雖然係咁 如果要去強記都係比較鐘意去呢間老店食！ 回想起十幾年前 我都係呢度常客嚟㗎

今日同兩位朋友去屈地街42號嘅正牌沙田雞粥食晚飯，叫咗兩隻乳鴿，一個賽螃蟹西蘭花，一碟豉油王炒麵，一碟咕嚕肉，一碟椒鹽賴尿蝦，豉油王炒麵，乳鴿，咕嚕肉，合乎預期好味，賽螃蟹西蘭花有驚喜，加醋撈勻更加好味，椒鹽賴尿蝦最尾先叫，辣度剛剛好，賴尿蝦嘅肉冇炸到乾晒，好新鮮好甜美，用嚟送啤酒，真係多多都唔夠，真心好食👍🏼👍🏼👍🏼

今日下午又去咗正牌沙田鷄粥，剛巧係下午茶時間，食個下午茶餐先，有多款揀，最後都係揀咗我的最愛，綿滑的鷄粥及爽滑的炒麵，都係45元，極之抵食。就算食下午茶餐，很快美味嘅下茶餐已放在我面前，望一望、聞一聞、嚐一嚐，食物的質素及味道也没有變，不會將貨就價，份量也足夠，有180磅的我，午餐没有食到，剩係食一個鷄粥及炒麵的下午茶餐也很飽肚。但鷄粥真的很熱，所以要食完個炒麵先食鷄粥，食完之後望一望四周，原來店内有坐近7至8成的入座率。

由細到大都好鍾意食沙拉骨, 去親邊間鋪頭有都會叫黎試,  經過見到開張一排,帶埋阿爸阿媽黎試下先啦.沙拉骨一黎到.......….好香呀….......…外脆內軟.....…….醬料多味道濃,送飯一流……...........…依間沙拉骨係我人生排名頭三甲........無誇張!!琵琶豆腐有驚喜！豆腐好滑，就算有汁，皮都依然鬆脆，完全無淋!干扁四季豆, 完全唔油膩，仲好乾爽，加上四季豆幼嫩爽脆，微辣惹味3樣送都好好送飯,我食左兩碗白飯XD

3個人叫左2隻紅燒乳鴿, 腐乳炒通菜, 藍乳雞翼, 韮菜豬紅, 非常飽.往往看似普通嘅菜式，單係碟紅燒乳鴿同藍乳雞翼,就知冇得輸紅燒乳鴿 - 熱辣辣,炸到皮脆肉嫩, 肉汁豐富肉厚, 不過$80貴左DD藍乳雞翼 - 極度熱辣辣, 剛炸起超香南乳味, 食落一D都唔油膩!之後我想再講下碟韭菜豬紅，大大碟，醬汁本身底下有輕微辣椒味，我唔食得辣覺得剛剛好, 豬紅又滑又入味。濃濃的醬汁滲入一磚磚的軟腍豬紅中必點小食之一!