秋意 (成業工業大廈)

Open Now

Now Closed

很久沒有做facial扮靚靚，隔了成個幾月，今日終於扚起心肝，落觀塘做facial之餘，仲一次過做好多嘢，包括去銀行入票、去烘焙店入貨，當然唔少得周圍覓食。去得觀塘好自然就打算入工廈找隱世小店，事前搜尋一下，找到這間名命「秋意」的小店，因為這個店名而選擇了它。非常欣賞門面的設計，不論顏色的配搭、店名的字體、每件的小擺設都帶着一份秋意，感覺寫意。走進內裏，就被牆上一幅四張的中式畫吸引了。上面寫着「碧玉黃滿金樹高，銀杏富貴樂消遙」，雖然畫上只有一隻雀仔，但牠消遙自在，跟我一樣，雖然今日獨個兒，但也可自在地享受這頓午餐。而另一邊牆身就掛了多幅滿有秋意的畫作，完全配合這間小店。店子不算大，設有五張四人枱和兩三張二人枱，可能是週末，加上只是12:00幾，暫未見有食客，正好讓我安心安靜地進餐。細閱餐紙，除了有四款便當選擇，還有二人餐、涼菜、甜品、燉湯和飲品，仲可斬料加餸。******************店員極力推介豉油雞和口水雞，最終我要了後者。流晒口水雞便當（$59）配一款涼菜，每日二選一，今日有麻辣蓮藕片和油燜白荀，我同樣揀了後者。以一個三格的便當盒盛載，份量好足！大格放了飯和口水雞、中格

而家嘅外賣選擇越來越多因為政府開始徵收垃圾稅所以很多外賣店也開始改變外賣嘅包裝由以前用發泡膠或者膠盒變成而家用嘅紙盒包裝而且包裝越來越精美今日去完觀塘買電子產品之後又唔想買餸煮飯又唔想一個人去餐廳食飯所以選擇咗買外賣返屋企食今次去到成業工業大廈買燒味外賣呢度嘅燒味外賣同一般嘅燒味好唔同因為佢用咗中西合璧嘅元素除咗燒味之外仲加入涼菜同埋日式沙律今次我嗌左佢哋嘅主打菜秋意豉油雞便當涼菜就揀咗麻辣蓮藕片店員仲好細心解釋佢哋包裝嘅小心意外賣盒就是係用紙盒包裝為咗令到包裝更加精美佢哋加咗自家設計嘅貼紙所以中式便當都可以變得文青佢哋嘅飯唔係一般嘅白米飯上面仲加咗飯素豉油雞色澤好均勻食落去一啲都唔會太死行而且外皮脆口雞肉就好鮮嫩配以佢哋嘅薑蔥蓉就更加入味佢哋嘅蓮藕片醃得亦都好出色麻中帶辣而且蓮藕片切得好薄所以每一啖都好爽脆側邊嘅日式沙律用咗芝麻醬所以會特別清新上面仲有半隻日式雞蛋所以成盒飯都會夠食總結：冇諗過燒味飯都可以咁新穎而且加咗好多日式西式嘅元素落去下次想試吓佢哋另外一款主打菜📍 秋意 (觀塘)觀塘成業街19-21號成業工業大廈6樓29室

雞飯- 我經常食 因為做完gym 而無準備飯盒最好就係食雞飯 補充蛋白質同埋碳水化合物平時喺觀塘食你食去都係海南雞 白切雞 鹽水雞 今日終於搵到新嘅雞🤣🤣發現呢個工廈入邊開咗間新嘅餐廳 餐廳係有主題 - 秋天 門口裝飾好有心機等緊外賣嘅時候 聞到好香嘅豉油 見到呢度好多人都揀豉油雞不過我鍾意食辣野 所以我揀口水雞便當 $59仲可以揀一款涼菜 好多選擇我揀左 蔥油雙耳呢個好好食呀 好香😌係木耳 + 雪耳好少可涼菜有雪耳主菜 口水雞🤤 雞肉好滑呀 好有彈性唔會霉 都唔會好「鞋」口仲要去埋骨👍🏻 個口水汁係分開pack 很不錯有麻/辣 /花椒味 算係小辣 唔會蓋過雞既味 個汁好好送飯外賣既溫度係微䁔而且好想讚下呢個便當仲配埋半隻糖心蛋🥚 同沙律菜 外賣都算營養均衡☺️

觀塘工廠有好多好嘢食我諗大家都知，而呢間我之前嗌外賣app試過！今日經過附近，突然想買上去個外賣回家自己食！呢間叫秋意，係成業工業大廈6樓，一出𨋢轉左就會見到，堂食地方都足夠，地方整齊又乾淨！老闆好好人，會細心介紹同招呼，我係嗌外賣，都即刻快快幫我整，我點了流晒口水雞便當，去骨嘅！ 食落啖啖肉好好味，而且好細心地將辣汁分開裝，咁就唔怕太辣了，不過佢辣得嚟好香，令到d雞更惹味， 雞嘅份量好多，好嫩滑好正！便當仲可以自選一款涼菜，我揀了麻辣蓮藕片，好爽口，麻辣得嚟吾算太辣，仲食到蓮藕片嘅汁， 爽甜嘅，都好食！整體不錯，價錢合理！可以叫便宜啊！！下次可以再去食！嗌外賣都好方便！

秋意是一間新開的餐廳，我哋今日特登嚟食試一試秋意位於工業區，一出門口便看到！看得出店主有用一點心機在佈置上，門牌使用木材制成！餐牌的款式集中，容易選擇！新張期間like fb仲可以有甜品! 今次係送咗桂花燉雪梨🍐叫咗個豉油雞便當濃濃的豉油香，皮很好味😋雞肉都很滑呢種濃味嘅豉油雞應該屋企都難以整到，相信要花很多個小時才能夠整得出咁入味！另外叫咗款手撕鴨，鴨肉都係鞋，不太推薦整體來說，小店是用心經營，大家可以一試

原來觀塘最近開咗間新嘅餐廳，喺附近返工決定買個外賣嚟試吓🤣門面裝修有個打卡位，充滿人文氣息，感覺有點似傳統文學與新派特色融合的感覺，作為文青的我當然要打個卡🥰舖頭內部感覺則比較有中國傳統特色，不論擺設和裝修都有懷舊的感覺🙈不過趕住返工，都係買咗份外賣，作為手撕雞愛好者嘅我今次就試吓比較少見嘅手撕鴨🤤手撕鴨便當~鴨肉十分嫩滑，富油香，啖啖肉不是太肥，配合白飯與飯素一齊食味道更為豐富，沾上少少鴨肉醬，微微甜的感覺令味道更是昇華，涼拌小菜選擇了青瓜，帶來一點清新的田園氣息，食完飯有差足電的感覺🥰下次決定要試吓佢嘅手撕雞係咪同手撕鴨一樣不錯先😝

秋意係位於工廈入面既一間小店，主打便當。今日我咁岩喺同一工廈學泰拳，於是去之前喺秋意醫一醫肚。我食左份豉油雞便當，自選涼菜要左茄子，另配冷泡洋甘菊。豉油雞比想像中深色，但咸度剛好，雞肉無雪藏味，無骨岩哂懶人🤣，雞肉好冧，易咬，配飯食好滿足☺️白飯配飯素同薑蓉都好味😀涼菜有自選既茄子、菜、醃蛋😀冷泡洋甘菊係無糖健康之選，自家製的，有天然既洋甘菊香甜味😀下次可以再試下其他製法既雞同限量既湯！😀

觀塘工廠區又一新餐廳開張，於是去開餐。餐廳名字叫做秋意，門口佈置很有日式感覺。然而餐廳供應的不是日式食物，但也是我喜歡的選擇。這天選擇了一盒秘製手撕鴨便當。手撕雞就食得多了，手撕鴨還是第一次。鴨肉香嫩可口，肥瘦均勻，配合芝麻和蔥粒等調味， 十分搭配，若想味道更加香濃，可以點些醬汁。便當可自選一款涼菜，我選擇了青瓜，爽口感覺，很適合在夏日享用。搭配了半隻雞蛋，令營養更加豐富。飯的份量略少，食量少的話相信還可，否則可能覺得未夠飽。飲品是冷泡洋甘菊，味道清甜，室溫，符合個人喜好。另外還點了甜品，是四川紅糖糍粑，口感煙韌，外脆內軟，黑糖不是那種死甜，味道一試難忘。

秋意👻觀塘啲工廈愈黎愈多新開店成業工業大廈依間都幾方便去開個邊上去食個lunch門面裝修得幾靚一出lift就見到佢個門口都幾有驚喜😆佢最主要係四款招牌菜豉油雞 口水雞 手撕鴨 梅子元蹄仲有個花膠燉湯靚得黎又吸引😛😛.🔅秋意豉油雞便當 HKD 59佢個豉油雞有埋佢個招牌去骨夠哂誠意啲豉油雞夠入味仲可以揀多一款涼菜咁啱今日係青瓜同茄子揀咗個麻醬蒜青瓜啲飯仲有啲飯素係面作為一個lunch幾唔錯☺️.整體黎講：抵食好味 誠意十足😚.🎈 秋意 (觀塘)觀塘成業街19-21號成業工業大廈6樓29室

放工趕時間去返學，聽同事說下面開左間新餐廳，菜式味道很好，所以，就買了個便當試一下。電梯門口一打開，向左一望，就見到鋪頭。餐廳門口裝飾精緻，布簾寫上餐廳的名字～“秋意”，充滿日本風。一進去，服務員就向我介紹餐廳主打菜式，最受歡迎的鼓油雞（去骨）。所以，我就叫左個鼓油雞便當。豉油雞便當～飯十分煙韌，而且飯面上了芝麻紫菜碎，連飯一起入口，非常好味。因為沒有骨👍，啖啖雞肉，鼓油非常入味，超級正呀！麻辣蓮藕片，帶些微辣，蓮藕切得簿簿一片片，令淹料容易入味。而且蓮藕非常爽脆💗💗💗💗💗。雞蛋完全有溫泉蛋feel,中間蛋黃部份剛剛好。👍👍👍👍👍整體來說，雖然只是一個簡簡單單的便當，但就可以看到廚師花了不少心思。便當上的每一個菜都處理得好好，非常美味。

好少去工業大廈食野，今次仲要外賣，今日收工去左位於觀塘工廈既秋意餐廳 take-away 番屋企食，餐廳在工廈既6/F。因為近，我傍晚6點就到左，估計餐廳仲未開始晚市。應該係老闆就在我點餐之前好好咁介紹左一下佢地主打係咩、今日配菜係點咁，我就跟據佢講既推薦點左秋意鼓油雞便當，配左個花膠燉湯。以下係餐廳環境，我在餐廳等左6、7分鐘就拎得了。番到屋企便當仲係温既，入面有半隻流心蛋、涼菜係蔥油雙耳、一些沙津菜，重點係鼓油雞，的確係去骨，當然仲有隻豉油雞雞翼啦，味道唔錯，大家可以去睇到飯呢係有心思㗎，上面灑咗啲芝麻紫菜絲。至於個湯，湯料上面有豬肺、豬肉、雞腳、菜乾，飲落係幾好飲，岩哂啲無辦法煲湯既打工仔，感覺健康啲。

試吓新店，一去去咗兩日。連續食咗兩日都係口水雞，我平時鐘意食辣，都誠意覺得佢口水雞隻辣幾好味，就肯定係辣得幾好味了餐牌上，只有四種飯選擇，不過口水雞係幾正。涼菜方面，佢話一日只有其中兩款揀。我一日揀了薯絲，一日雙耳。我覺得薯絲ok。個飯畫龍點睛都係個口水雞醬，驚為天人。雞肉就幾滑，正常發揮。飲品只係有兩款選擇，我一日飲了洋甘菊茶，一日飲了水果茶。如果鐘意淡啲，洋甘菊就啱口味啲，如果想甜啲，水果茶就好飲啲，兩款都不差，係睇個人要求。加埋六十幾蚊，都ok 嘅。

walk in 都有花膠豬肺燉湯飲，啲嘢好好食睇得出用心製作，一間有心思的小店。初次去到見到門口起碼有20個花籃祝賀新開張，睇得出有好多人的支持，叫了一個口水雞好好食，麻辣程度非常合適，有驚喜的是他用日式便當的風格去呈現中式料理，十分有驚喜及創意。便當本身有數款涼菜给食客選擇。分量及款式十分滿意，性價比高。叫了一支果茶，入邊有新鮮生果呢方面有驚喜，雪得夠凍夏天飲一流，甜度適中下次會同朋友再次光臨。😊😊😊