麻布茶房 (Closed)

今晚係將軍澳睇華仔新戲<拆彈專家>, 7:25開場，7點先趕到將軍澳，用僅餘的二十五分鐘去麻布茶房食個quick dinner.朋友叫左個茶房風拉麵，而我叫左辛味炸醬肉拉麵。等左十分鐘都未上菜，於是叫侍應幫忙追快D，果然隔不夠半分鐘麵就送到，賣相都唔錯，茶房風拉麵係醬油湯底，有日式叉燒、筍，波菜同紫菜。而辛味炸醬肉拉麵湯底橙色，睇落好似好辣，但實質一D都唔辣，反而好咸，而且配料只有少少肉碎，波菜，芽菜及筍，唔抵食。不過以晚餐來講價錢已不算貴，而且服務也不錯。

25-2-2017 (Sat)同老公離開官塘去將軍澳行,我o地搵到呢間o黎食甜品,我o地坐低後,揀o左$78.00o既巧克力草莓芭菲同$49.00o既安倍川年糕.幾分鐘後,巧克力草莓芭菲o黎到,顏色配搭幾靚,軟雪糕好甜但滑,食完上面o既雪糕後,就有紅豆蓉,唔算好甜.之後就係立方體o既寒天.呢個有軟滑,腍同脆o既口感,一次過滿足晒.然後倍川年糕到o黎,年糕暖暖的而且煙韌得o黎好襟o趙,有啲似食得落肚o既香口膠.服務:一坐低就即刻俾兩杯茶;叫落單,反應都好快;密密斟茶.見我o地兩人一齊食一個甜品,就自己俾多一隻鐵匙.環境:好大好舒服.

好耐無食過，食完我諗都唔會點再來食。嗰日收工，趕返去溫書，求其搵間嘢食，點知中伏。肥牛飯麻麻，鰻魚飯麻麻。前菜唔知點解係蓮藕，奇怪。粟米、紅蘿蔔好似白烚咁，無理味道。

行街行到攰攰地就入左黎差下電我叫左個豬肉泡菜雞蛋飯 ($88)前菜都有四碟 仲有碗麵豉湯個飯普通 味道屬正常豬肉份量可以再多啲係泡菜為成個飯加番唔少分數同行友人點左鐵板牛肋骨定食 ($128)個飯轉梅子飯 酸酸地都幾開胃牛肋骨幾入味 其他沒甚特別最後點左個甜品作結 - 燒蕃薯榴槤冰淇淋 ($33)雲呢拿雪糕下面墊住微暖既燒蕃薯一冷一熱 口感不錯吃再加上旁邊既榴槤蓉為整個甜品生色不少好有驚喜呢信用卡結賬再有9折 呢個係第二個驚喜～

好耐冇黎麻布茶房食飯，有好多新lunch set，試下鹽燒牛舌咖哩蛋包飯，$65加一，個set包前菜和miso soup。前菜有豆mix。主菜薄切牛舌好滑呀，加上鹽燒製作，令到牛舌特別香！咖哩有D齋，只有汁，如多少少蔬菜蓉會更吸引。蛋都幾滑。飯量有D多，可以叫少飯。喝日式檸檬茶也是種享受，淡淡的，配上清雅的柸碟，特別有感覺。唔可以miss嘅甜品，有mini Dreyers triple chocolate，好濃朱古力味。

麻布茶房在港開業多時,直至早前我才是首先光顧,閒日午飯時段Popcorn店不需等位,感覺意外,不過也是選擇此店原因之一.午市套餐有多項選擇,我們點了{日式牛肉溫泉蛋飯}和{羌汁豚肉飯}.牛肉以日式燒汁調味,於個人而言,過濃且太甜,失於平衡..而豚肉則肉質偏乾至口感不甚討好..這就是香港的和風洋食料理問題所在,每每只抄巧到人家的外型賣相而總忽略了內涵和細緻..唯一令人欣慰是餐後贈送的haagen dazs雪糕雪條~~!!原來放諸四海而皆準的定律:"沒有顧客排隊輪候的小店,質素多是一般而已",永遠是對的..!!

麻布茶房@popcorn這家日式餐廳，裝修舒適，燈火通明，侍應服務不差，不時主動過來加茶，今天來晚餐，因喜歡吃「軟飯」，因此點了日式雞扒套餐，有湯、前菜、主食及甜品，餐來了，presentation 不錯，滿心歡喜地吃一口飯，發覺飯只有少許溫，溫吞吞的飯令人吃著難受，雞扒還好，日式生菜絲不合本人胃口，前菜及湯則中等水準，最喜歡反而是甜品，熱番薯蓉上面是凍的軟雪糕，配紅豆，替這個套餐加分不少。若可以挑的話，我寧願吃簡單的日式蒜炒椰菜，加少許紅羅卜絲，那個生菜沙律絲就算了吧，或許這是日式料理的傳統吃法？恕本人不懂欣賞。

芝麻雞肉冷屏屏麵- 麵同醬汁好味，雞肉沒味又乾豚骨湯叉燒拉麵-湯底好甜又濃厚，叉燒爽口、肥瘦平均，拉麵普通辛味炸雞翼- 超微辣、沒乜味、完全唔覺得有炸過，可以唔洗叫抺茶聖代- 超好食

是日與幾個媽媽相聚，平日大家各有各忙，能成功約到出來確係唔容易。 我們相約了在 popcorn 的麻布茶房，因為就返其中一個媽媽送佢仔仔去附近學野。我地一共四個人，下午茶時間，這裡的下午茶有飯有甜品，我同一個媽媽因為未食飯就叫左個「咖哩蛋包飯」(@$68)，其他兩個媽媽就分別叫了雪糕甜品：抹茶聖代($38)和巧克力香蕉聖代($38)。我的蛋包飯是咖哩牛肉蛋包飯，配前菜（黃豆，紅蘿蔔，青豆），面䜴湯。賣相唔錯，半生熟的炒蛋包住白飯，蛋有蛋汁，很滑。咖喱係甜甜的日式咖喱，我的至愛！牛肉糸切碎了的肥牛片，我就覺得挺方便，不用自己咬開，自己要幾多件就筆幾多。牛肉份量雖然唔多，但係咖喱汁夠多，足夠讓我撈灑成個飯！咖喱汁糸傳統日式咖喱汁，我想應該是由日式咖喱專開吧，是standard的味道，也是我喜歡的味道 😋😋。前菜和面䜴湯味道OK正常。餐茶叫了熱咖啡，雖然細細杯，但我覺得幾impressive! 是即磨咖啡，濃濃的咖啡豆香味，淡奶份量剛好，令整杯咖啡又香又濃又滑，值得推介！至於朋友的雪糕甜品，我覺得賣相普通了一點，有點老土的感覺😅😅（因為而家的甜品店的甜品一半都會擺的很精緻很吸引呢！）我見朋

入到去點野食點左宇治金時霜淇淋同宇治新地，點完職員覆實野食。當黎左宇治新地時好開心食住先，之後係咁等，等左25分鐘都未黎另一分時就追問另一份幾時先有時，先發現職員漏單，明明當時覆實我地點左咩但就漏單，開頭以為得我地呢張枱漏，點知其他枱都有漏單情況。

身邊嘅朋友食麻布茶房食得多我就從來未食過所以今次第一次嘗試就叫咗個滑蛋蟹肉烏龍麵 雖然名為烏龍麵但其實係烏冬 面裝配合滑蛋同埋蟹肉棒蟹肉棒味道好鮮甜 肉質有少少咬口但偏林 滑蛋形態有少少似但花間 隨住食烏冬時都可以一同食到滑蛋個後感 湯底可能因為蟹肉關係所以好鮮甜好有海鮮嘅感覺 烏冬有少少似讚岐烏冬同樣因為手打關係所以烏冬質地彈牙 有咬感

星期五晚去將軍澳pop corn麻布茶房食晚飯，我地兩位竟然不用等位喎。叫咗個三文魚牛油果三文魚籽飯，個賣相係好好的，但一食落口覺得個飯係微暖既！攪到d三文魚刺身都暖暖地。之後叫咗個什菜天婦羅，反而最好味，最正常係哩個天婦羅，炸粉唔太多又太厚。最離譜既就係個牛肉梅子飯！有5件牛塊，食咗3，4件都係咬唔開既，咬開咗d肉質又好似未熟咁！仲有成大碗飯未食晒！結果我地叫侍應換過來投訴！他最後免費了3隻芝麻雞翼給我們，仲咁大碗飯都要有野送口㗎！食物質素真係唔得，不過個侍應態度又真係好，咁盡力幫我地。

今日星期日，三大一細去1450去食麻布茶坊，入坐後知道1530後可以用$38 食甜品，但我地當時已經坐低坐，所以問職員，我地坐到1530後可唔可以用$38特價甜品，職員答可以。由於唔太肚餓，所以我們叫左兩個午餐，諗住等1530後叫甜品。到一份午餐到左後，職員便通知我地，話原來係1530後入坐先可以叫,$38 甜品。然後拎左兩本meun 黎，一本係主menu，一本$28 甜品menu，聲稱如果叫呢本主menu 內既食物，可以加$28 叫甜品menu內呢幾款甜品，甘我地就叫左主menu 內既甜品一個，指住個$28menu 揀左一個甜品。食完埋單，自己掛住同人講野，無check 單，準備離開時,發現兩個甜品收正價，無平過，問職員後，職員就話果一位員工可能解釋得唔清楚，佢話佢既意思係叫主menu 內既飯，意粉，定食，先可以用$28叫甜品menu 內既食品，並唔係主menu 內所有食品都可以加$28。又話可以等到1530就可以叫$38甜品，之後又話無。指住$28 menu 內點餐時，職員唔出聲話無優惠呢?餐廳極不老實,本人唔想再嘈落去,所以離開。所以大家唔好去將軍澳麻布茶坊食野，小心比人呃。呢啲

雖然門口好多人等位，大概只是因為區内選擇不多吧！點了鰻魚飯及天婦羅烏冬，飯是太太太多水，超爛而且帶有濕而靭的飯焦，連前陣子菲傭姐姐放錯水份煮出的飯都比它好吃。至於天婦羅蝦，炸漿是硬身的，莫說距離鬆化差太遠，連脆字都完全談不上。再吃秋葵，超老，嚼了兩下牙縫全是根，完全嚥不下。湯内的冬菇片，連乾冬菇蹄都切了放了入去，一邊吃又要把這些東西吐出來。最離譜的，是那碟跟餐黄豆，純是煲熟的黄豆伴醋，不知所謂！

假日午餐到處都是人多，唯有去商場內隱蔽的麻布人流不多，跟附近人龍相比實在有差環境嘈雜而且打通外邊餐廳，但座位寬敞食物方面:燒年糕冷蕎麥麵 - 燒年糕完全沒任何味道，只有熱烘質地及油膩感覺咬一口就將兩件都放棄了。蕎麥麵彈牙有預期質素，其他配菜將濃味冷麵汁都吸入，十分惹味。麵條加上不咸帶清甜的冷麵汁，同時相得益章。煎蛋條很粗條，不過硬又有點老，紅薑絲淹入味酸甜很開胃。附送麵豉湯，由於湯不是方間沖粉製而是用蛋花混淆不會重鹽分卻多份淡甜味。附送煮黃豆，應該用麵豉入味的，最值得一試。燒魚梅子飯套餐 - 梅子太少了，吃不到特別味道燒魚重油，滿口膩感。淹蓮藕紅蘿蔔加很多糖，有黠太黏的口感，好不舒服