八方雲集鍋貼水餃專門店

Open Now

Now Closed

八方雲集鍋貼水餃專門店 (將軍澳)📍將軍澳坑口培成路15號連理街1樓112號舖🔸原味招牌水餃有10粒水餃絕對夠飽🤣肉餡JUICY😋自行調配黑醋及醬汁6.8/10🔹紫菜花枝丸湯紫菜湯好飲有3粒花枝丸味道正常6.7/10🔸韭菜水餃韭茶味好香味道吾差價錢又Ok🤣🤣6.7/10🔹百香果雙Q珍珠綠茶叫左走甜 飲落吾會太淡因為雙Q珍珠配料已經有甜味整體飲落吾錯6.6/10✏️人均$50左右，價錢算抵食🤣

晚餐屋企唔夠餸，可以叫鍋貼做餸。我最鍾意嗌咖喱鍋貼，同埋泡菜鍋貼，唔係好辣，好好味，添飯一流。不過呢一間分店好多人，經常都要排隊，要等好耐先拎到外賣。由於店舖好細，所以通常都係外賣返屋企，食少堂食。

將軍澳其實都冇咩好食，唔太想食粉面類，選擇就更加少。久唔久都會去八方雲集，簡簡單單又一餐。今日去到想食餃子，不過好多味道已經賣晒，就剩返最簡單嘅招牌，就食10隻。新鮮煎好非常熱辣辣，加上豆瓣醬非常惹味。不過略嫌其實餡料唔太多，滿足感減半。另外加咗酸辣湯，味道不過不失。睇返餐單，幾蚊一隻餃子，豐儉由人，慳家來講呢個都係唔錯嘅選擇。

今天下午，外賣左個八方雲集。坑口連理街店一到午飯時間或者放工時間，就好多人排隊同埋等外賣。驚唔夠飽，今日叫咗一個勁量麵線餐，食到飽飽都只係$45元，又飽又好食。以我多年食八方雲集嘅經驗😂通常個米線一定要盡快食咗先，之後先慢慢嘆水餃同埋鍋貼。因為米線一放得耐少少好容易就會變水，無左杰杰地嗰種口感😂另外招牌鍋貼keep到水準，不過有時候會煎得得比較燶，真係撞彩數。我覺得八方雲集有一個位係可以有待改善，就係點解豆瓣醬冇得好似辣椒醬咁獨立包裝，比客人外賣拎走😭因為鍋貼配豆瓣醬先無敵😭每次外賣，都要喺堂食果兜豆瓣醬，自己”不”落去，有點不衛生。

因為趕住返屋企繼續開工，喺返屋企途中用Foodpanda 落order 買鍋貼套餐，揀咗10隻招牌鍋貼，泡菜，花枝丸湯同凍豆漿。到步同大細眼收銀阿姐講係拎網上order, 惡夢就開始。個阿姐大大聲話我無揀鍋貼，問我係要咩(問得即係比我啦，唔係問我要咩鍋貼做咩？)我咪答招牌10隻，跟住就再鬧話我無揀可以唔比我，好彩我親身嚟 拎，咪送貨係唔會比。我諗住好心話佢知我係有揀，唔係比唔到錢(有用過foodpanda嘅人都知揀唔齊嘢去唔到比錢個畫面)，跟住佢又鬧話唔會理foodpanda點，呢家張單無可以唔比鍋貼我。咁我就同佢講話鍋貼可以唔要，我亦會同foodpanda講返，不過叫佢態度好啲，同埋佢都可以同foodpanda講返有問題，個阿姐就再鬧話唔會同foodpanda講(咁佢哋做咩join人哋個app?), 係我無揀，係我揀得唔好！最後有個態度好些少嘅店員嚟調停，我亦表示可以唔要嗰10隻鍋貼，唔想要10隻鍋貼係咁比人鬧，嗰個哥哥仔亦話唔好意思叫我同foodpanda講返。大佬，唔係貪快真係唔想食你囉，嘢又唔係好食，仲要無啦啦係咁比人鬧，foodpanda有bug唔奇，但唔好比鍋貼我又要鬧我呀

經濟實惠嘅麵線套餐$39 · 原味鍋貼5隻·大腸麵線·凍豆漿店舖面積較細，座位唔多，每次食緊嘅時候都見到好多人等外賣。套餐可以揀水餃或者鍋貼，我比較鍾意食鍋貼，仲有多款口味選擇，今次擇原味，煎到微微脆口，然後沾上豆瓣醬，再加上份量適中嘅大腸麵線，簡單又好食嘅午餐😋

又係一個人開飯既時候啦😊😊😊今日黎到我第二個comfort food餐廳 八方雲集 食我最鐘意既泡菜鍋貼同埋咖哩鍋貼配珍珠奶茶😍😍😍😍😍呢到採用自助制 落單俾錢後要自己等聽no. 自己去櫃枱到拎野食的等左大概十分鐘 終於有得食太興奮已經食左兩隻🤣應該係十隻套餐我要左half half 鍋貼 五隻泡菜味 五隻咖哩味😊泡菜味係我至愛 泡菜mix埋d豬肉 令到內部無甘油 食多幾隻都晤怕😆😆😆咖哩味 味道似日式咖哩 晤太辣 岩小朋友食珍珠奶茶要左走冰少甜杯野變左完全晤甜 不過我ok既如果想要翻少少味 可以要翻正常口昧就可以了

或許是因為我已經相隔了一段頗長的時間，未嘗試過台灣的大腸麵線，或者是蚵仔麵線的關係，所以我今次在將軍澳坑口「連理街」分店的台灣麵線鍋貼食店「八方雲集」裡面，竟然忘記了先點餐後享用再付款。我重蹈了以前在深水埗的覆轍，在「八方雲集」購票完畢之後，才及時省起要先入座，然後再慢慢寫點餐紙，等候侍應端着「大腸麵線」送過來也不遲。我唯有先向「八方雲集」收銀店員道歉，希望把我自己的「大腸麵線」下午茶，留到在餐廳裡面的檯櫈內，坐下再慢慢用大大碗的「大腸麵線」。等了一段時間之後，我在「八方雲集」購買的「大腸麵線」，很快就已經可以享用。「大腸麵線」不同「蚵仔麵線」，裡面沒有講究鮮味很「蚵仔」，只要大腸裡面洗得乾淨，就，已經沒有問題了。幸好我的「大腸麵線」，裡面的大腸味道尚且未有任何異樣，大腸口感仍然新鮮很彈牙，不過「大腸麵線」的真正重點，其實應該是麵線才對。「大腸麵線」裡面的麵線質地仍然算是未有斷裂，用筷子仍然能夠把一箸完整的麵線直接夾起來，麵線實際的連貫口感也因此而得到完整保障。至於麵線跟湯裡面的味道，仍然有足夠的鹹味，以及醬油裡面裡面的鮮味。「大腸麵線」裡面有好幾塊切片的豬大腸，大腸裡面的味道仍然算是

I have tried this Taiwanese store before, my experience was that the fried dumpling was soggy. What is more, the dumplings fillings, ground pork, is stale and tough. For the soy milk, it is too sweet and contains only a weak taste of soy. To put it in a nutshell, not recommended. 

哈哈8方雲集竟然出左我最既栗米餃😍即刻要試試佢！呢個係9號餐，自選鍋貼餃子各5隻😀 hkd38 👍🏿小編全部都要晒栗米🙆🏽佢啲水餃係冇得輸！加埋啲栗米可以上天啦💯入面肉同菜同栗米既份量係1:1:1 😂每一淡都會有栗米😆栗米又甜又多喎，真係好好食😭另外佢啲鍋貼就比較香口啦，一樣都係爆晒餡～啖啖都食到栗米同肉🤤一樣咁好食😈但相對黎講水餃就冇咁熱氣😏真係大推！要試呀各位！😚一定要飲埋佢啲湯😆絕配

個人好中意食鍋貼，所以間唔中都會去八房雲集食鍋貼，一黎快捷，二黎價錢都幾平。韭菜鍋貼餐💰HKD34餐內包括10隻韭菜，好香韭菜味，而且皮薄，所以餡料都算幾豐富，配上醋及豆瓣醬等已經好夠味。但係略嫌煎得唔係好夠脆皮，表皮有點腍。另外有一碗貢丸湯，湯就味精湯，唔算好清，亦唔會好油膩。貢丸有三粒，十分彈牙。勁量鍋貼麵線套餐💰HKD39有十隻鍋貼，我要左招牌鍋貼。我外賣，返到屋企仍然係熱嘅，餡料豐富亦充滿肉汁，好味！但同樣都係煎得唔夠脆身。另外亦有一碗台灣麵線。麵線十分幼細，都幾滑，配上麵線嘅汁及落少少醋，好香之餘好開胃。麵線中亦有大腸及丸，配料比較少。店員服務十分好，我另外多加一杯豆漿，店員叔叔會好好咁幫我計到最扺嘅付款組合。而外賣時醬汁同餐具都係就自己需要並自己拎嘅。

4點幾先黎食第一餐 所以2口子只係叫一個雙拼餐 $36咋 今日天氣突然涼左好多 所以叫左碗湯 （平時會叫凍飲架呢）而且一黎就食 唔記得影相講真呢間分店衛生就麻麻 有個位係垃圾桶隔離 而且出菜位下面就有一大堆垃圾 不過味道依然如此好味 叫左泡菜煎餃 招牌水餃 上菜全部熱辣辣 勝在店舖夠細卦 哈哈 泡菜爽口辣味夠 食完一舊又一舊而水餃係即滾 所以耐少少 但肉質鮮嫩 皮唔薄但又唔會成口粉 加啲醋 加啲辣醬 正！而個肉丸湯 好夠熱辣辣 飲完個人暖晒 只是全碗都係特咸味 好多芫茜 肉丸肉質似粉狀 口感同味道一般中途遇上2位男士 話食唔晒 俾返碟水餃 店員 仲講左句：唔洗退錢架啦 係唔想浪費店員可能一面愕然 所以男子先咁講卦？但店員接過 都冇不滿 所以態度算係好啦 有啲人可能會講：食唔晒仲想退錢？ 不過佢地冇 至於點處理碟野 我就唔知啦 店員仲好好心 有位老伯撞聾 佢地都好有耐性問清楚要椰菜饀 定 韮菜饀呀！

今日收工，經過八方雲集，少少肚餓，我見好香嘅味道傳出，就去睇下，最後嗌左一份原味！有幾多件我就冇數啦，不過件件都大大隻幾好食，料都算多，我次次都外賣自取，因為我覺得呢間八方雲集嘅位吾係好多，而且較迫，所以吾中意，加上我喜歡食軟身少少嘅，所以買完放在盒焗一陣會比較軟身，比較好食，因為有時個鍋貼煎得個皮有點硬，我麻麻地。講返d鍋貼，一共有四款，有原味(招牌)，菲菜，泡菜同咖啡，最後兩款較特別，但我本人就覺得同鍋貼吾太相親，有點奇怪，所以大部分都嗌原味同菲菜，肉都好有肉味，咬落少少肉汁，個皮吾算厚，食落都吾錯，難怪加價都咁多人買。

今日毒左成日係屋企，咪落街行下，點知俾我發現留下新開左間八方雲集我向來少吃鍋貼之類，但估唔到個招牌鍋貼入口即溶嘅豬肉，脆卜卜的外皮，非常可口，米線亦十分不錯，抵讚！

第一次去坑口呢間八方雲集，一去到見到間舖頭都幾shocked，因為舖頭真係好細，得十幾個位，同埋雖然未到繁忙時間，但都冇乜位淨。我自己一個人就好易搵到，不過想要多個位擺下個大背囊都唔得，唯有攬住佢係大脾上面，所以坐得真係好唔舒服。因為唔想要餐，所以我散叫左餃子同埋再另外叫左一碟菜。田園蔬菜水餃（$3.2一隻），包得幾靚，同埋味道都正常，因為其實八方雲集啲餡其實全部都係由公司送到唔同分店，然後再由分店職員包好，所以間間嘅餡料同味道都應該係一樣嘅。加左少少醋同埋豆瓣醬，幾好味嘅。另叫叫左一碟油菜全走（$12）。我係其他分店叫過，係烚生菜，不過呢間係菜心。一碟都幾大碟，不過全部都勁老，睇下老到中間有個窿。其實真係唔好食，因為真係好難咬好硬。呢間八方雲集係落完order後要即刻俾錢，同其他唔同，同埋上菜嘅時間都幾耐，店員服務唔算好好，要催幾次先上到菜。