巴希雅海灣重慶燒烤

Open Now

Now Closed

喺龍尾灘玩完，聞到香噴噴嘅燒烤味，忍唔住就過咗嚟BBQ！一入到黎就有左右兩排嘅燒烤爐，已經坐滿晒人好熱鬧。行入少少嚟到收銀處，呢度同時都係拎飲品嘅地方，比完錢有專人帶我哋去坐位，兩位除咗任食嘅燒烤之外，仲送有一兜蝦、兩隻大蜆、一兜蒜蓉牛油金菇、一隻香蕉同兩塊菠蘿。呢度採用嘅係串燒嘅燒烤爐，唔使自己叉食物，確認安全又方便。放低啲嘢即刻趕去拎食物，食物種類繁多，有各種蔬菜例如雞髀菇🍄、蕃茄🍅、韭菜等等，仲有我最鍾意嘅橙色番薯🍠同原條茄子🍆！肉類除咗各款腸仔、丸類之外，豬、牛、雞、羊應有盡有！尤其係羊架，肉質嫩滑羶味十足！調味料方面有Rosemary香料同辣椒粉，仲有秘製嘅燒烤醬，而蜜糖就要另外加錢買。

同朋友去完大埔行完山，黃昏嘅時候去到龍尾泳灘，見到烽煙四起， 群情洶湧， 遠處已經聞到濃濃嘅香烤氣味， 原來係一個地方超大， 有超過一百枱燒烤爐，又有停車場嘅任食燒烤場，行到近門口，已經有超過40人喺度排緊隊，一家大細咁， 好開心咁樣呢呢度家庭樂 天氣轉凍嘅時候 同屋企人一齊，輕輕鬆鬆揸架車嚟燒嘢食，真係暖到入心，除咗有得食仲有得玩， 大人小朋友都啱 食物款式齊全， 有豬扒雞扒牛扒羊架， 多款雞翼，廚師腸，司華力腸 ，芝士腸等， 仲有唔同嘅丸類，款式應有盡有包羅萬有蔬菜類種類繁多， 有蕃茄菠蘿， 長過你手臂， 大隻過你手瓜嘅茄子，各種菇類， 難以一一盡列， 最估唔到嘅係仲有青口同蝦， 一定食到你捧住個肚走 咁新鮮嘅食材，當然仲要配合廚師級嘅燒烤技巧， 每樣食物都有竹籤穿好，好方便，職員都會不厭其煩提醒你燒食物嘅時間同技巧， 務求令你食得開心，又唔會煙親

趁住放假約埋朋友去大尾篤踩單車同龍尾灘散下步。中午打算去位於龍尾灘對面既巴希雅海灣重慶燒烤食燒烤。我哋三點鐘入場，見到已經有好多人燒緊嘢食。見到個環境空曠優美，有種假日渡假嘅感覺。職員好貼心態度好好，會問我哋有冇之前食過，知道我哋冇食過就同我哋講解場地嘅設施。一坐低店員會先上炭爐，我哋可以用卡去換領一盒海鮮、金針菇同埋飲品。食物種類好多，肉類有羊架、牛肋骨、牛肉串、雞翼、雞腎等⋯有我最喜愛嘅雞軟骨。海鮮方面就有鯖魚、青口、蝦、多春魚、魷魚等⋯另外亦都有唔同款式嘅丸類同腸類選擇。另外亦有少量熟食，例如燒賣同咖喱魚蛋，旁邊放住既蒜蓉包亦都可以燒嚟食。估唔到燒烤都有咁多款蔬菜選擇，個人非常推薦原條茄子。最後食埋套餐包埋嘅菠蘿同香蕉做甜品，問過店員先知原來條香蕉可以燒熟之後出去比店員加朱古力醬或焦糖醬一齊食，覺得好特別。我覺得任食三小時，時間好充裕，成班朋友可以一邊燒下嘢食，一邊傾下計，唔需要因為急住還檯而食到好急，而且食完唔會成身炭燒味，我同朋友都覺得下次再入大尾篤，一定會去再食過。

涼涼冬日，下午最好就係去bbq，選擇巴希雅，方便自設停車場🅿️之餘，行過對面又係沙灘🏖️玩足一日無難度我地大約在下午兩時到達，一入場工作人員就會安排坐位，全場任食，包兩罐飲品，海鮮有鮮蝦，青口，菠蘿🍍，一檯一隻香蕉，其他食品任食不同於傳統bbq，巴希雅係燒串燒形式，小朋友也可以烤，覺得十分新奇好玩肉類選擇多不勝數⋯⋯羊架，雞全翼，牛仔骨等任燒唔嬲，其他如雞軟骨，腎，腸仔類，丸類 每檯更配備一樽辣粉和香草🌿準備周到蔬菜類有整條茄子，粟米🌽，九菜，翠玉失，菇類…三小時食到棒著肚子熱食也有燒賣魚蛋等…百多元一位真是物有所值食完直接過沙灘🏖️同孩子玩樂，好快又下次再黎☺️☺️

天氣凍 BBQ 癮發作 所以今日就嚟燒嘢食止下癮🤤🤤我哋揀咗位於大尾督既巴希雅海灣重慶燒烤(大埔)🏖呢到既交通極方便🚏可以搭巴士或者小巴嚟 而且落車只要行1分鐘就到☺️佢啲食物都包羅萬有😆第一樣試嘅就係羊架，羊加通常燒完會有一陣羊羶味🍖呢度冇之餘 肉質仲好鮮嫩 非常好食😋想試下食羊又驚羶嘅朋友仔不妨一試另外佢有個特別既串燒🍢就係好少見到既腐皮串 冇諗過拎佢嚟燒野食又格外好食☺️口感幾特別🤤🤤🍖肉類方面金沙骨調味惹味🔥🤤可以同朋友share一舊試下😛豬扒多汁嫩滑🥩無坊間咬完一啖要撩幾次牙嘅感覺😂雞扒有用沙嗲醃製調味夠肉質又juicy☺️☺️雞中翼大大隻好抵食😋幾驚喜重慶燒烤有雞全翼食，夠哂大隻肉又厚身而且juicy，贏過哂咁多間便利店，食完勁滿足🤤🤤🤤，3款雞建議大家揀雞全翼，留qouta試更多d其他嘢！！至於肉類串燒方面🍢牛串燒有牛味細細舊，每人幾串都唔驚食多左😋建議食牛嘅qouta留哂俾牛串燒 ！！雞腎雞軟骨串就中規中矩😃燒個陣要注意火喉避免燒太乾。食埋其他串燒覺得龍蝦芝士丸幾特別，係長條形狀，食個陣小心辣嘴🤭🤭🤭 香腸我地學隔離枱開腸落辣粉幾好味有驚喜！😋到最後菜類都係串燒形式咁上🍢洋蔥呈

巴希雅海灣重慶燒烤，我黎過都好多次，保守估計都做左10年以上🤔，越做越大範圍，質素依然保持到。今日我又黎BBQ 啦。呢度肉類同蔬菜一樣好多選擇，唔怕淨係食肉覺得唔徤康。另外仲有咖喱魚蛋同燒賣，最啱太肚餓既我打打底。我都試左好多肉類，牛肉串、雞肉串、牛肋骨、雞翼、雞軟骨、羊架等。啲肉已經腌得夠唒入味，唔加調味都掂，加埋孜然粉/辣粉就更惹味。食完肉後食番蔬菜徤康下先，燒韭菜、冬菇、青椒、南瓜、脆肉瓜、娃娃菜，真係好多選擇。每枱都會有一份菠蘿、香蕉、金菇、蝦、青口。金菇、蝦、青口我用錫紙兜裝黎煮，落埋提供埋既牛油、芝士、蒜蓉，好香好正。我再落啲菜落去煮，簡直索哂啲精華。我最愛既燒菠蘿，微微燒熱就可以，好鬼甜，大滿足。

天氣轉冷，今晚唔食火鍋，轉左去户外燒烤，當為露營前熱身😬大美督汀角路龍尾村附近，有好多間燒烤場，今晚揀咗喺巴士站旁，標榜重慶燒烤的巴希雅。燒烤場地方都幾大，分左幾個燒烤區域，樹蔭、帳篷和露天位置。每張枱面都預先放咗幾塊磚，用嚟承起長型燒烤爐，用上備長炭，可以連續燃燒幾個小時，都不用加炭，好方便👍調味料：孜然粉、辣椒粉和豉油食品區有多個電櫃放置肉類，除咗常見的豬扒雞扒丸類和蔬菜 ⋯⋯外，還提供羊扒和牛仔骨😍多春魚、魷魚、墨魚鬚，大部份食物都預先用長竹籤串起，燒和食都好方便👌另一邊枱放咗2個鍋，係熱辣辣的小食～咖哩魚蛋、燒賣，方便肚餓的客人👍菠蘿、尖椒（辣🔥）、洋蔥、青椒、青豆墨魚鬚、豬扒、雞扒、多春魚、魷魚牛仔骨雞腎、雞軟骨脆卜卜好似食薯片咁牛油法包而海鮮就有蝦和青口，質素唔錯👏第一次燒香蕉，香蕉連皮燒後，職員會幫忙起皮，再淋上朱古力醬，美味甜品就完成啦😋不過可惜唔記得影相🤣

我知佢以前好出名，但我都係第一次食😂原來又幾開心！食物種類都幾多，蔬果類同肉類都好多款式👍🏻可以睇下究竟一次放到幾多串上碟😆一串串咁放上網燒好方便，我本身仲諗住個火唔猛要燒好耐，點知係好快熟🤩覺得自己隻雞翼燒得幾靚好有成功感，其實係因為佢有醃過所以會上色啲😂羊架都幾有驚喜，鍾意佢有小小羶味，仲痴住啲肥膏燒到半溶咁好正😋牛肉串好好味，有肉汁架！金沙骨係BBQ必食⭐️雞軟骨好好食，瘋狂食左好多串😂特別一提限量得一客既金菇好出色，有哂牛油、蒜蓉同芝士，有心機之作🥰臨尾食埋個燒菠蘿，好滿足啊！好滿意，食物質素幾高，包左兩枝飲品都好夠飲，再凍啲可以再食過🥳

秋高氣爽嘅天氣最啱約埋班friend去BBQ一齊去聚下。依間燒烤場嘅食物選擇大多數都係丸類。丸類包括有燒賣、魚蛋、龍蝦丸、黑椒豬肉腸、芝士丸、雞肉腸、紅腸、芝士腸。黑椒豬肉腸幾有驚喜，黑椒味道濃香，腸衣薄脆，食落就好似台灣夜市食到嗰D味道。依度仲有墨魚食，食落都幾新鮮，爽口、彈牙。最特別係依度除左有菠蘿燒之外，仲有香蕉，兩款水果燒完之後，個果甜味迫曬出尼，特別好食。依度嘅環境幾乾淨，而且天氣涼爽，好啱一家大細一齊尼BBQ。

天氣涼涼地，最適合放風箏、踏單車、BBQ，今日我地去完大尾篤放風箏，我地就去巴希雅BBQ，好彩一早預約，超級多人排隊。價錢只係成人$198，小童$128，開爐費$50，任食3小時，包兩罐飲品，最緊要已經一串串串好，爐上已經有鐵絲網，一放上網就燒得，小朋友都可以幫手轉下食物，好玩又好食。食物種類都好多，有原條茄子、菇類、粟米、蕃茄、菜類、丸類、肉類、海鮮類、蒜蓉包，食物refill 得好快，而且仲有小食，有燒賣、魚蛋可以食住先。肉類醃得好入味，其中金莎骨、叉燒、雞翼、雞扒都好入味，另外丸類都有台灣黑椒腸、芝士丸，墨魚丸、牛丸等等，最有驚喜係牛丸，好多汁，唔會硬淨淨，整體食物質素高質另外餐廳會送上每枱一份青口、蝦、蒜蓉牛油金菇、菠蘿、香蕉。蒜蓉牛油燒完好香，牛油蒜蓉味勁濃、另外燒菠蘿，爆多汁，最正就係燒完香蕉可以叫佢地加朱古力醬，最飯後甜品

天氣真係非常之好 真係好耐冇踩單車入大尾督堤壩玩一轉有好多朋友都推薦呢一間燒嘢食好好味所以都特登過嚟試一試 **記住book位!!** walkin 大排長龍 ಠ_ಠ 收費合理 大人$198 (140cm+) /小童$128(2y-140cm)/ 2y以下free依家冇得去燒烤場燒嘢食 去呢啲地方都係一個好選擇帶住小朋友 衛生都好重要 真心覺得呢度幾好ʕ•ᴥ•ʔ 俾開爐費$50 跟人頭每人♥︎送兩罐罐裝飲品 飲品選擇好多仲有用鐵盤裝住的♥︎青口大蝦 & ♥︎金菇牛油芝士 菠蘿 香蕉🍌 有一隻碟同埋兩個夾俾你可以自己去攞嘢食選擇的種類都好多 本身想食嘢都有♥︎多款急凍凍肉雪藏魚 ♥︎丸類 樣樣都好冰凍♥︎蔬菜亦都目不暇給 每樣野都好新鮮 ♥︎冬菇都勁大 蒜蓉包都有 好多都串好一串串 無論攞返枱 喺爐上燒 甚至食都超方便一個室內屋企好乾淨整齊擺好自取 refill快其實已經好肚餓 見到熱食嘅都有♥︎香辣魚蛋同♥︎燒賣 可以即刻頂住肚先 個炭爐細細個 但係燒嘢食好快趣 穿好一串串嘅食物 擺喺網上面燒好快就食得枱面已經擺放好 ♥︎水 ♥︎醬油 隨時用仲有♥︎孜然粉 ♥︎百里香 調味用 真心覺得呢度食物quality 係

假日約朋友踩單車做運動，去大美篤巴希雅灣重慶燒烤晚餐。 由於一早book咗時間、唔使排隊等有位。 有預約好快入座，相反門口就好多人排緊隊。入座後第一時間去拎食物先，食物區入面有熟食，好似有魚蛋同燒賣，如果太肚餓都可以食少少醫下肚先嘅。 另外，燒烤食物方面有蔬菜類：雞髀菇、一條完整嘅辣尖椒、茄子、粟米、韭菜、蕃茄⋯之類。選擇都算多嘅。 肉類方面見到有雞扒、豬扒、雞全翼、羊架、雞中翼、金沙骨、魚扒⋯之類。 另外，有肉丸、龍蝦丸、魚蛋。 快熟啲嘅食物：雞肉腸、腐皮、紅腸。另外，入場時一人會有兩張換取飲品劵。 場內都有酒精飲品賣，可以加錢買。我就買樽啤酒同朋友一邊燒嘢食一邊飲下酒，吹下水咁都幾chill。 另外，仲有兩錫紙盒裝有蝦、青口同埋金針菇。 會有牛油同埋蒜油喺入邊。 仲有香蕉同菠蘿各一份。 燒完香蕉可以加少少朱古力醬，超好味。 總體黎講呢間燒烤都唔錯，食物選擇又多。 同埋佢服務都細心，每張枱有包紙巾、有裝垃圾嘅紙盒。

又到秋天啦!!!  上2年疫情, 之後又到大夏天, 已經好耐冇BBQ過, 今日放假, 特登去踩個單車, 打算直落BBQ!!遠遠見到巴希雅, 2年冇黎, 諗緊對面點解多左座建築咁靚, 近睇原來係新沙灘, 又一個香港笑話, ANYWAY~因為多左個景點, 巴希雅前所未有咁多人, 一早BOOK左位, 行到門口見到排左幾十人, 嚇死, 以為俾錢都要等咁耐, 好在個邊係排WALK IN.有BOOK到就快快入得啦, 雖然人好多, 不過地方都好開揚。野食方面係BBQ, 係諗得到既都有, 肉魚全部都串好晒, 另外每人仲有一份蝦同青口, 同以前唔同左, 不過都好有風味

秋高氣爽除咗郊遊，又點少得BBQ呢？講起BBQ就一定會諗起大尾督，今日就踩單車入大尾督BBQ啦！喺大尾督有好多任燒任食嘅燒烤場，其中一間頗有名氣嘅就係巴希雅海灣重慶燒烤。巴希雅海灣重慶燒烤同平時嘅燒烤場好唔同，佢哋會先將食物用串吉好，形成串燒，大家可以好方便咁利用枱上嘅燒烤爐整熟，食得夠晒方便。嚟巴希雅海灣重慶燒烤記住要預先book枱，因為我哋weekend嚟到，眼見walk-in嘅人好多，排晒長龍，反而有預訂嘅朋友仔就可以優先入場呀！至於嚟巴希雅海灣重慶燒烤場就梗係兩手揈揈，燒烤場已包咗燒烤爐、辣汁、每人2罐指定飲品、一盒海蝦、一盒青口、一盒牛油金菇、香蕉、菠蘿之外，當然仲有任燒任食嘅食物，款式勁多，非常豐富！海蝦、青口海蝦同青口預先放入錫紙盒，所以燒嘅時候唔會燒得太乾。不過，由於餐廳並未有免費提供蜜糖同鹽等調味料，如果你有需要，就要額外購買！但我哋就提醒青口唔洗刻意調味都非常鮮甜！任燒任食選擇食物嘅種類真係好多，有廚師腸、台式香腸、芝士丸、貢丸、紅腸、鴨胸、司華力腸等丸類之外；肉類選擇有羊架、牛仔骨、雞中翼、雞全翼、牛柳粒、雞肉串、雞扒、豬扒、雞腎、雞軟骨等等；菜類選擇就有生菜、娃

我因為呢間野，第一次寫食評！呢間野啲staff個個都好似欠左佢地咁，一黎到，坐低咗有個員工態度好差咁交代去邊度攞嘢食後，就同我地講，個爐好快有人攞嚟。點知等左差唔多半個鐘，個爐仲未到，咪行出去問下個爐幾時會到，因為係限時3個鐘。跟住個職員好大聲咁講：催乜呀催！老人家慢呀！催催催，「我請你好好放低」！唔講我仲以為我係黎乞食，如果唔想招呼人，摺埋唔好做啦！唔好當啲客唔係人！垃圾到爆，你貼番俾我都唔會再黎！