波記(大排檔) (Closed)

筆者由畢業開始已經係中環工作左十年八年, 波記係我咁多年以黎幫襯得最多既一間鋪頭, 原因簡單不過: 平、靚、正位置上, 波記其實幾難搵, 你好難想像係商廈林立既中環, 旁邊一條巷竟然有一間大排檔波記既特色係:阿姐好好記性而且好大聲師傅係熊熊火光中以一分鐘既時就炒好一碟鑊氣飯價錢全部只係廿幾蚊而且超大碟炒飯只需加兩蚊可以炒底想食排骨要早d去因為超快賣晒...筆者食過的菜色:椒鹽豬扒飯: 筆者食過最好食既一味, 唔怕辣既一定要試下芙蓉蛋飯: 呢味都好好, 由於係鑊氣炒出黎, 所以可以做到外脆但內裡仲係半熟蛋各類炒飯: 筆者食過楊州炒飯, 西炒飯, 咖哩炒飯, 蝦醬炒飯 & 福建炒飯, 個人覺得楊州炒飯 & 蝦醬炒飯係最好的京都骨飯: 都唔錯, 酸甜適中, 不過千萬唔好外賣, 因為個汁會令到個飯 & 豬扒唔好飯...干炒牛河: 其實波記既炒河都好出色, 牛河更係最多人叫既其中一款炒粉麵飯其實仲有好多味筆者都食過, 不過最常叫既, 都算係以上既推介食左咁多年波記, 得出如此結論: 千萬不要外賣, 波記係堂食先好食的

2009-01-12有時行過都真係唔覺一間o野o既存在。初時唔係好搵到，但一見到就會：原來呢度之後仲好多人等，亦好多佬o黎外賣炒o野想要臘味炒飯(寫住冬天限定)，點知無臘味喎，咁即係幾時有要了牛肉炒麵，說明要乾的，但不是那些脆麵條，有少少失落好好食，好夠鑊氣，雖然碟底有油，但食落唔覺。睇住兩個大叔幾十秒就炒好一碟(但係熟o架)，不停炒炒炒，真係佩服o的阿姐亦勤快，唔粗聲粗氣，so good隻貓成日o係你腳下走o黎走去，另類"有趣"吧但，食完後我就開始係咁咳……個人問題吧？！

早陣子行去勝香園搵食期間，路經波記大排檔，想不到中上環巷仔竟然有專營炒粉麵的大排檔，今日由於要到西環考試，順路去試試街檔風味!到涉時已兩點鐘，人流較少，阿姐拎住餐牌過黎，表示無晒排骨無晒班腩、得番飯得番米，本想叫牛腩炒米，但因無牛腩唯有改成牛肉，阿姐收到大叫"牛炆米兜亂"($23)。正如之前各食評所指，大廚火光熊熊的炒來炒去，不出三分鐘已是一碟 牛炆米兜亂，加上幾條菜，上碟後食物一直出煙，可見確充滿鑊氣! 熱騰騰的炆米，或者是時間關係，味道未及想像中吸引，特別是牛肉只得寥寥數片，肉質也較鞋口；巷仔檔口衛生情況理所當然較差，人來人往，貓仔也會穿插當中... 但這些都是風味所在，試問 $23 港式鑊氣炒粉麵去邊度搵? 見有兩位老外幫襯，真識貨呢! 值得一提是，同臺的人點的牛肉炒麵及京都豬扒飯賣相不俗，但他們點菜時竟出現麥兜情況...阿姐:"無晒排骨無晒班腩、得番飯得番麵"食客 A:"我要牛河丫"阿姐:"無河，得番飯得番麵"食客 B:"京都魚塊丫"阿姐:"無魚呀....無晒排骨無晒班腩"聽完我當堂笑晒

麵底是烘非炸，不夠香脆，甚失所望．其他材料有肉絲、銀芽、少量韭黃份量十足，價錢便宜，十分抵吃

趁天氣還涼涼的，就來吃吃這裡的炒粉麵。在眾多中環的大排檔中，專注做小炒及炒粉麵的，好像只得這裡。坐在樓梯中間，旁邊人來人往的，人很多，但也不難搵位，因為人客大多食完就走，流動量很大。而面對兩個爐頭，尤如噴射機引擎般在咆哮著，相當獨特。要了星洲炒米，多芽菜加辣。這裡一切也是「a la minute」的，擔保是最新鮮滾熱辣的了。米粉炒得略濕，不過見大廚只在彈指間炒起，水準也是有點靠運。加了紅辣椒，亦下多了咖哩，果然是夠辣勁又夠味道，非常好。料足，份量又夠多，吃得滿意。吃完就走，放下廿四蚊，是非常經濟的坊間美味。

友人介紹第一次到地踎吃午飯, 沒想到中環有這種食店一邊等吃, 一邊看師傅真人示範, 雖然一身油煙, 但真的娛樂性豐富叫了揚州炒飯, 干炒牛河, 不到五分鐘就送上, 兩碟都鑊氣十足, 河粉炒得透, 個人比較喜歡炒飯, 米飯粒粒分明, 飯裏的蛋炒得很香見隔離人兄的火腩豆腐飯和星洲炒米賣想都很吸引...再加一罐汽水, 只要五十三大元, 大嗌平靚正地方雖然比較dirty, 但一定會再黎

菜薳排骨河河粉不油且條條分明．排骨則過熟，有點失望兩位廚師，一個負責炒飯，另一個負責炒粉麵

天氣不錯, 決定無懼大排檔油煙同波記服務態度, 來兩個小炒. 中午, 日日都咁多人, 根本唔休做, 全程睇住姐仔鬧住客做. 當然我地都有份被鬧.打算每人一份炒粉麵, 再加豆苗, 幸好姐仔回頭大叫賣哂. 不然, 兩個大漢都會有食唔哂的一次.炒麵, 好有鑊氣, 全部即叫即炒, 等又唔算耐, 難怪姐仔們咁兇, 壓力不小喔! 由於鑊氣重, 食完一身油煙味, 但經濟, 快, 同最重要, 好食.. 加上買少見少呢個特色. 真的要多來, 一執既話, 香港又少間街邊大排檔啦

干炒菜遠肉片河份量可觀（炒飯更甚）。大廚的爐頭火光紅紅，好夠鑊氣，河粉不會黏在一起，豉油不是太多，卻能炒到每一條河粉和肉片都有味道。除了銀芽和菜心，還有少許洋蔥，材料新鮮，可以吃得到蔬菜的鮮甜。如果要菜遠，不少茶餐廳都要另外加錢，所以我先問明價錢，換來卻是衆大姐的哈哈大笑，她們說不是要加錢，而是炒河本身有銀芽，只想知道我要哪一樣，我說想吃菜，她們最後是兩樣都給我。大姐們很親切，有傾有講，邊吃邊問關於波記的歷史，她們說也記不清多少年了，以前連晚市都有開，日日做到半夜兩三點，像現在只做午市，也有十六七年了。臨走，她們多謝我的幫親，我囘謝他們還堅持煮這樣平靚正的食品。熱辣辣，大大碟，又平（$22）又好味又有人情味，去邊到搵？

蝦醬炒飯:蝦仁,火腿,辣椒,蔥花,雞蛋,材料好普通,但炒得好夠鑊氣,粒粒飯都炒到爽身,炒飯的調味係,童年時候食倒的味道,總之好好味(推介有蝦醬炒飯,揚州炒飯,炒河類)

得返五個字食晏, 近近地就黎吃個炒飯.差唔多兩點, 客人甚多; 炒粉麵飯價錢廿多元, 甚為經濟.此地有幾位阿姐執檯, 粗粗氣氣的, 唔好期望有咩服務, 忙的時候, 匙和筷子是要自己找的.叫了個福建炒飯, 等左十分鐘有得食.色水係唔錯, 有火腿, 菜莖, 冬菇, 小蝦, 肉絲.獻汁不杰不稀, 而汁是較深的, 即叫即炒, 熱騰騰的; 炒飯都算乾身, 有蛋香, 幾好食.下次可以再來, 不過就唔會咁晏, 事關賣完就冇.

天氣涼了,最喜愛食街邊.中環的街邊不愁沒好東西吃,當然少了一些這裡不用看餐單,大路嘢一定有.當中星米是不錯的.食的當然不是翠華那什麼大蝦而是得個爽字的冰蝦但加上了咖哩來炒..要多個可樂絶配

中午時候, 公司都係我一個帶頭搵食唔知點解行到呢條樓梯先上山, 見此大排檔, 即刻俾鑊氣吸引左三人行停左落黎, 吃炒粉面星州/廈門炒米係最出色既上菜快, 趕客都好快, 呢D大排檔, 好難得. 值得一試

今次到波記,中環的一間街邊排檔,沒有來自哈薩克的波叔的"自家製"芝士,只有擱置大碟,鑊氣沖天的炒飯麵.先睇戲後午飯,弔詭地避開中午如戰壕般景像,兩點幾來到,人潮漸散.來到差不多"百無",幸好,尚有炒麵.聽聞這裏以快為名,由落單,到上桌,前後快過煮即食麵.一碟肉絲炒麵,大功告成.味道不算上乘,麵底不夠香脆,肉絲亦不夠味道.可是在中環這個地段,$22吃到份量可不少的炒麵,免費奉送鑊氣,還能苛求甚麼?而且,在這個大排檔之集中地,更能體驗什麼是百份百香港風情,打不死的拼搏精神.

牌檔越來越買少見少...要珍惜機會，趁未消失晒之前儘量去試多D...有時嘢食嘅味道仲係次要，風味才是最重要...何况呢度嘅水準絕唔差--- 夠晒鑊氣，河粉算滑溜，條條分明上晒色，已是不得了嘅功夫；班腩雖則表皮炸得唔多夠脆，但魚醃得味剛好，唔錯；最重要係總體味道比想像嘅清，絕唔似其他牌檔及茶餐廳等出品咁，食完總覺得乸喉而要冇停咁灌水...最佳餘興節目係邊食邊睇住師傅於電光火石之間已炒好一碟嘢，賞心樂事...每碟先二十三蚊，係中環去邊度揾ar?