波記(大排檔) (Closed)

去波記，吃的絕對是排檔風味與鑊氣。在中環一條微斜的窄巷中，兩塊破舊帳蓬、兩個石爐、幾張摺合式桌椅、幾位執碼落單收銀兼能的阿姐、兩名穿背心的伙頭，組成了一個檔口，就是波記。波記只開午市，既設『堂食』，也有外賣。我孤身一人，找位容易，蒲坐下，阿姐已詢問吃什麼了。火爐『呼呼』『隆隆』之聲不絕於耳，又見師傅手執鐵鑊拋個不停，如斯氣勢，鑊氣迫人。二話不說，來一客干抄牛河，以試功夫。檔外邊的石爐專抄粉麵，師傅就在食客面前大顯身手。阿姐對單執碼，然後師傅熱鑊落油，下河粉、落調味、再『拋鑊』、放牛肉、『落色』加配料，又再『拋鑊』多次，最後上碟。過程乾淨俐落，没有一絲多餘動作。不消半刻，牛河上桌，熱騰騰的香氣滿溢。牛肉不『鞋』軟熟，河粉則没有一條黏在一起，條條分開，色澤均勻。夾起河粉没有斷開，少有『碎濕濕』；吃一口，河粉軟滑帶豉油香，加上韮菜芽菜爽口不腍，是爽香軟滑兼而有之。師傅在油溫、熱力、食材生熟掌握得宜，加上抄功一流、爐頭火力夠猛，令牛河鑊氣十足，食材香味散發，河粉『條理分明』。當然，所用牛肉質素不過爾爾，比起正斗，牛肉及油香，是有所不如；抄功鑊氣，則略勝一籌。在香港抄得比波記好的，應該寥寥可數。

Heard about their signature stir-fried beef noolde for a while. Gave it a try this day. However, I was told the flat/fat noodle was finished. I chose the other rice verminceli to do the stir-fried noodle. The meat they used/gave to me was not beef; I would say sliced pork. Anyway, it was tasteless as they used frozen one, not the fresh pork meat ?! The noodle was done very well - it came with WOK HEI - super hot and tasty. The noodle was better than the pork meat, funny enough. Have to come back

呢度其實我舊年曾經帶公司同事嚟過，但嚟到之後，同事一見啲坐位咁近個爐頭，怕咗啲油煙，立即打退堂鼓，所以就此作罷。今日突然好想食乾炒牛河，其然就想起波記。聽聞波記嘅師傅炒功一流，而乾炒牛河係非常講究「鑊氣」，需要猛火快炒，要炒勻之餘，手勢又唔可以太快，否則河粉會碎掉。油嘅分量亦要準確控制，如果唔係就會食到一口油，所以乾炒牛河被認為係考驗廣東廚師炒菜技術嘅一大測試。我都知食呢啲鑊氣嘢，堂食一定好過外賣，但為免食到成身油煙味，唯有將就吓算啦。返到公司，盒炒河雖然未至於仍冒煙，但温度適中，河粉每一條都上色均勻，牛肉亦唔韌，两者炒得好夠火侯，我不得承認，河粉嘅味道其實比牛肉出色，夾埋啲銀芽葱絲一齊食，很是美味。隨盒更附送原椒醬兩包。食完個盒底也沒有留下很多油，可見師傅控制油份，恰到好處。

中午一個人, 去到中環做野. 同樣是沒有目標的去找地方食飯. 當行過波記既檔口時. 又被其香香的油煙味吸引了. 於是便決定坐下來, 叫番個炒粉麵食下.這裡最好不要隨便坐下, 因為若姐仔唔知有人坐低左, 佢未必知道呢幾個人是剛坐下, 要食野的, 大叫問姐仔坐邊好, 佢搖指安排我坐低之後, 一向效率高的他們, 好快, 就有Menu俾我, 阿姐亦處於一個ready mode, 知道呢檯將會有人落order, 即叫即來, 寫單. 是日叫了一個班球炒麵. 因為自己想食炸麵底既炒麵, 同唔想食咁多紅肉. 不一會, 一碟熱辣辣的炒麵就放了在我面前. 姐仔同廚子, 除了效率快, 仲有記性好. 他們不一定要用紙仔入單. 全部靠腦力. 食炒粉麵, 當然要熱食. 底下的炸麵餅, 雖淋了汁, 仍能保持脆口感覺. 斑球, 面頭層粉脆到"sok sok"聲的. 加上一個茨汁, 再用菜心作伴, 味道不錯, 夠哂鑊氣. 除了在這些大排檔食野之外, 店舖雖然都有鑊氣, 但始終不及大排檔, 係你身邊炒, 炒好熱乎乎即上咁好. 不過次次食完, 到搞到成身油煙味.

Had a quick lunch here and ordered stir-fried noodles in soy sauce (豉油皇炒麵) with slices of pork. Very yummy, lots of wok hei (鑊氣). Noodles were a little drier with more bite, not limp or soggy. I sat about 10 ft away from the two guys each standing over a wok, with flames coming out of the sides and a huge fan trying to cool them off. I definitely felt the heat...

又一次來到中環的波記大排檔,同樣地吃肉絲炒麵.近期去茶餐廳,粥麵店,吃得最多的一味.去到剛剛開舖,師傅正在忙著打點中午備用的炸豬扒,排骨.要等一會,才開爐炒麵.三兩下便將麵餅炒起,又是用三兩下,整好炒麵上肉絲,前後大約三數分鐘.究竟熟不熟?見爐頭火力十足,師傅手勢快如閃電,應該也不用擔心.麵餅不是炸到脆卜卜,個人吃肉絲炒麵,還是喜愛炸到脆一脆的麵底.肉絲鬆化,茨汁味道不大咸.檯上的辣椒醬,可惜不是余均益呢.有人質疑是否一分鐘炒起碟星州炒米?正好有人點了星洲炒米,一路看著師傅,由下米粉,到落材料炒,再到上碟,看看手機上的計時器,真的只是一分鐘時間.因為忙了計時,而忘了拍片.否則可以放上來,給大家分享一下,順便可以藉此宣揚其中一樣"香港特色".

哩日又食自己, 去左隔離波記買.見佢地咁忙都唔太敢打擾, 事頭婆見我企左o係度睇完餐牌, 主動黎問我食咩.原本想買干炒豬扒米, 但係又見到佢整左d 炸斑腩, 又搞到自己想食. 所以叫左個斑腩炒米兜亂$24睇住佢點炒, 係一個米粉然後事頭婆再倒d 整好左既餸上面, 再比靚仔們炒d汁真係兜得勻.好有鑊氣, 由頭食到尾都仲係熱.d 米粉好爽, 唔會一pat pat / 食到食口粉. 好正!斑腩雖然林, 但係都好食.但d 米粉就好熱, 相比起d 餸就凍. 未炒得夠熱.仲有食到個口好油咁, 唔知係d 汁定油了. 但自覺就好似油多d希望可以食埋佢個干炒豬扒河

10月9日（星期五）中午，是日放假去找女友吃午飯，女友說天氣開始有點涼，可以去街邊檔吃，所以就來了這裡。因為這裡頗隱蔽，就算我自己曾經來過一次，也走了一段冤枉路才來到。來得後巷街邊，祇能注重食物質素，其餘的不能要求太多。阿姐們的招呼粗中帶幼，我們被安排坐在近爐頭的大檯，在近距離但又感受不到油煙和熱氣的情況下，欣賞師傅實而不華的廚藝，確是妙極。這次我選擇吃豉油皇炒麵，女友就要肉絲炒河。我們看著師傅先燒少量熱水，大火下很快就滾了，然後下肉絲和芽菜等配料略煮，埋芡後放在預先炒過的河粉上，肉絲炒河就送到我們前面來了，過程約祇需半分鐘。肉絲和芽菜份量不少，肉絲不韌而芽菜夠新鮮，芡汁無論在份量、濃杰和味道上控制得剛好，河粉爽滑且不會黏著；我們正開始吃肉絲炒河時，“皇麵”又來到了，“皇麵”炒得夠鑊氣外，每條麵條都上了色，豉油皇色澤夠深卻不太咸，吃完碟底也沒有過多的油，可見師傅的功力！兩個人吃兩碟炒粉麵，很飽，差不多吃完時，見到有人拿著“單反”拍攝師傅的炒餸時的雄姿，我也拿出“傻瓜機”拍照。可能師傅作風低調，叮囑我儘量不要拍人。師傅，請放心，我會尊重你的意願。不過，其實你已經“上了鏡”！

今日天氣唔太熱, 可以去街邊搵波記。好耐無去啦, 因為太熱, 今日去到都好少人, 不過外賣一樣咁多,我未坐底就叫左個什會炒河, 5分鐘唔夠就有得食, 蝦炒到半透明, 好彈牙, 豬肚好爽, 肉片入味, 好好鑊氣, 好正。另外見到加豬扒都係7蚊, 一於試o下,豬扒斬件, 用蔥/蒜頭爆香豬扒, 又香又野味。唔怕坐得唔舒服就可以一試。

夏日炎炎，著住裇衫帶住呔，坐喺室外烈火熊熊的煮食爐隔離食野，真係需要很大的勇氣。...又或者只係因為太過為食的關係。點都好，是日冒住臭汗淋漓的危險到了木人巷，因為睇到豬扒好似幾好食﹗本想要一個椒鹽豬扒飯，但見到師傅攞住個大鍋係咁拋，沒有唔試炒粉麵的理由？最後要左一個乾炒豬扒米。食魚蛋粉時小弟會揀河粉唔要米粉，但到了炒粉時會掉番轉。可能係因為米粉幼啲，較容易沾上醬汁，而且口感較爽口，用來炒較出色。隔離枱有個男人叫左一個炒飯，兩三分鐘就有得食，佢都不禁講左句「嘩，咁快嘅？」阿姐就即刻話「咁都叫快？算慢喇﹗」我的炒米都係等左兩三分鐘有得食，此時先發覺身上冇現金，廢事畀人鬧唯有就去攞錢。出奇地，伙計冇講啲咩，仲叫我慢慢唻...雖然佢地粗聲粗氣的，但只係想做多啲生意，唔代表態度差的。攞完錢即刻就返唻食。豬扒有少少乾，但幾入味的，比一般的好。米粉顏色均勻，炒得非常有鍋氣夠乾身，味道剛剛好又唔會太油膩。加上洋蔥、蔥同芽菜，好快就食完大大碟的米粉，好飽。食的時候好彩有個大風扇吹住，如果唔係好食都假，已一早熱死了。廿幾蚊有如此大碟又好炒功的米粉，很抵食呢。不過下次一係外賣，一係冬天先唻會更好﹗

下午一點九，未吃午飯。路經波記，記得好評不少；當時顧客也不多，於是想也不想就坐下點了賣飛佛- 星洲炒米是也！上菜速度非常快，可是賣相和味道嘛。。。不行！非常濕（像燜米），非常油（整個碟底也是油），只有辣椒的辣而無咖哩的香。令人蠻失望的 另外，油煙很厲害，幸好今天不太熱。

雖然只是一餐午飯，在士他花利街這大排檔堂食，殊不簡單，閣下要：一要坐得穩，地點位於一條樓梯斜巷下，環境又迫，平衡力差一點，很容易東歪西倒。二要行動快，下單後不到三分鐘，就可以炒起一碟東西，吃完後麻煩盡快埋數，免得阻住人家做生意，其節奏不容你「緩慢」下來。三是受得熱，尤其是坐在火爐附近，其熱氣已令你迫出一身大汗，OL的粉粧也會溶掉，遇著下雨天，濕淋淋的環境又令你好不舒服。即使如此，這裡的午市十分旺場，堂食和取走大有人在，無他，廿五元不夠的價錢，就有一盒即叫即製的炒粉麵飯，論味道，雖然不是甚麼上佳出品，無可否認，掌鑊師傅的火侯炒功，實在了得，加上一條龍家族生意，執荷又快，是當區「平快正」之選。前後光顧了三次，第一次叫了洋蔥豬扒飯，用的是巴西的雪貨，鮮味欠奉，醃過後也經過「拉油」處理，所以也算鬆化。但因為會錯意，原來洋蔥汁是指用豉油和豆粉來埋的芡汁，雖然不難吃，但不是心目中酸酸甜甜的味道，於是造就是第二次的午餐。第二次的茄汁豬扒飯，用的汁是西炒飯的芡汁，依然以洋蔥作伴菜，切件豬扒依然鬆嫩，芡汁較淡，但相對上味道不會過搶，整體味道不錯，進食期間，見到師傅將一堆白色河粉，落鑊再用醬油兜過「上色」

早兩日食完晏幫同事買飯盒, 佢話想食八珍炒麵,咁我想起士他花利街波記咁好鑊氣,又差唔多兩點, 不如去碰o下運氣,去到見仍高朋滿座, 仲有幾個人企到唔知等位定買外賣,見兩個亞姐同平時一樣好勞氣,咁我已經等一陣,趁住其中一個埋去整理d單o個陣,好有禮貌咁同佢講: '亞姐唔該有無八珍炒麵?'我估無人會估到佢會大大聲咁答話:'我而家好煩, 你唔好煩我!'咁我唯有即走, 永遠都唔再去煩佢地!如果閣下認為我誇張, 不妨去睇睇, 睇o下有無我咁好彩?

在中上環如懸崖般峭的橫街中，有着大大小小的食店，滿載了的是香港獨特的飲食文化，而今天到了這間專門做炒粉麵飯的波記。來的原因是今天要到中環聽一個Lunchtime Seminar，也當然在食物質素有限下只吃了一丁點東西，所以當然有足夠的胃納容納一碟炒粉。去到的時候已是兩點十五分左右，未坐下阿姐已大大聲的說排骨及河粉賣光了，算吧！反正沒有特別的意欲要吃以上兩者，本來想吃椒盬豬扒的，但不想吃飯，而阿姐說椒盬豬扒炒米會是濕炒來的，勸說我乾炒的米粉比濕炒的好吃，也有道理，所以點了乾炒豬扒米粉，即阿姐所說的乾豬米，眼見阿姐手快快的拾了米粉及其他材料，而那些豬扒很明顯是預先準備下來的，然後不足兩分鐘，已有得吃了。米粉炒得剛好，乾濕度是剛好的，縱使點的是乾炒，但也不應乾巴巴的，保持每條米粉濕潤之外，但也不會水汪汪的，炒功是無容置疑的好，而豬扒也下得慷慨，有十多件切條的豬扒，但肉質就很一般了，韌韌的，下次來吃一定要點搶手的排骨，當中也下了一些芽菜及洋蔥以分別提升口感及味道，而調味相信也離不開生抽及老抽吧。在吃的途中觀賞兩大奇景，其一是師傅炒餸時的功架，發現是一項全身配合的連串動作，是要借助腳不斷向上升高

以前我公司就o係佢樓上,炒野真係好夠火喉!不過我建議買外賣返公司食,除o左因為環境問題,最大問題係兩個亞姐, 午市時大大聲哎通街, 大噴口水花,o係樓梯走上走落,令你一路食一路處於亢奮狀態!