紫荊閣海鮮酒家 (Closed)

食懷舊菜既紫荊閣,酒樓格局坐位舒適,我地一行10 人點左花枝片炒西蘭花 不錯雞蛋焗魚腸 魚腥僻得好, 蛋出面夠脆入面夠滑, 配胡椒粉正叫化雞 打蘭出面用泥包住既雞, 入面雞肉比較鞋但好入味,有一種燒焦既泥味, 幾特別.!蜜桃骨 蜜桃汁酸甜開胃, 骨夠爽口臘味炒芥蘭 臘肉醃得好, 芥蘭新鮮富貴龍鳳球 蝦肉包住雞肝再林上沙律醬,吾錯金錢雞 叉燒,雞肝,肥豬肉一齊串住黎燒,好香蜜糖味之餘,肥豬肉同叉燒既油混為一體,係邪惡又好味之選大良野雞卷 爽口既肥豬肉包住粉狀口感既咸蛋皇炸,兩者中和,食茖吾肥膩茄汁花枝蝦 用花枝片釀入大蝦入面再用茄汁整成, 手工菜之一,花枝同蝦一齊鮮味一齊MATCH, 配茄汁中和味道既單一百鳥歸巢 一個用麵粉做成既器皿(可以食)上面放住吾同既材料,好似西蘭花,炸魚蛋, 黃豆,鵪鶉蛋等鴨掌包 用鵝腸包住鴨掌 叉燒, 雞肝,充滿住蜜糖香味之餘,口感富有粉,爽,同硬既口感,幾得意食左甘多都係每人200 算幾抵

從好友facebook裡得知這兒快將結業，甚感詫異。想不到老店也要在歴史的巨輪中被淘汰，真是可惜.....此時忽然想起多月前在這裡的一個早茶點心聚會，唯有在此在這兒寫它一筆，以表紀念....在這裡吃晚飯就吃得多，早茶點心卻只是第一次。不過，這亦是最後的一趟了....一行五人連埋小友，叫了很多點心，多得差不多要打包，肚子也被塞得滿滿的....先來碗皮蛋瘦肉粥連薄脆。師傅味是重了些少，但綿度卻甚充足。皮蛋粒差不多與米花"溶"在一起，瘦肉絲也頗夠鹹香....煎鯪魚餅下油略嫌太重，是十二分的油膩，但肉質卻是夠彈牙....芋頭糕煎出來外脆內軟，甚有功架；糕身內有頗多的芋條，很足料....雞包仔包身鬆軟，但餡內薑末下得太多，多了辛辣之感。小友唯有與之絕緣了麻蓉包現在在尋常酒樓已不常見，一見到便馬上要叫。甜至膩人已是意料中事；麻蓉餡是"起沙"的，這樣吃才過癮。稍嫌蛋黃不起黃油而且太硬....腸粉不算滑而且有黏筷的情況出現；豉油也是下得太多了吧....牛肉肉質太散，且吃不到有太多的馬蹄粒及陳皮香；春蛋燒賣反而不錯 --- 春蛋漲卜卜很飽滿，底下的啄豬肉是半肥瘦的，入口滑溜....千層糕又甜又軟熟，而且

下午二點先到...去到本來話冇位最後都比左位我地.. 桌同桌都幾逼 (酒樓呢計)叫左大量舊式點心.. 唔全部講喇.. 特別D 既都係所有舊式點心如燒賣等~仲有佢既炒野只係29 一碟, 叫左炒牛河超大碟.. 仲抵過隔離街既茶餐廳.. 勁..SERVICE 係0, 全場冇人換過水全程都係自己去拎.. 算吧, 舊式酒樓就有舊式做法..大家想食舊菜既可以一試.. 味道唔差既...

同屋企人落街食飯所見所聞,八寶鴨：見網上推介,就叫隻食下...賣相正,有蓮子、、薏米、汁濃味香，正正正咕嚕肉又唔係網上講得咁好...粉太厚..又硬....全碟至好味的只係舊菠蘿. 蕃茄牛腩牛腩夠淋，蕃茄鮮...出奇地好焗魚腸 - 一香，焗得好脆 ..美味

來得這兒開飯，主打自不然是一系列的懷舊菜。趁着為外父大人賀壽之際，到來大啖一下偶一為之的古早味，實樂事一樁也....說到吃懷舊菜，除了這裡之外，SPK的得龍當然亦是翹楚之一。其中的金錢雞、野雞卷及鴨掌包更是兩者皆有得供應，吃過後很自然就會對兩者作出比較。究竟誰勝誰負 ? 且看小弟來分解一下吧.....這夜先打頭陣的是金錢雞拼野雞卷。冰肉、义燒件及鳳肝是前者的主要組成部份，這裡的出品自然亦不缺。但很可惜的是，這兒弄的冰肉只一味得過"肥"字，卻亳無爽口之感，入口自是一片油膩了；义燒是死硬實的，吃得人大皺眉頭；鳳肝是三者中較像樣的，可用"甘、香、軟"三個字去形容。不過很不幸的，如此高質素的鳳肝，卻被其餘的配料拖跨了，可惜，可惜.....單論這一味，得龍的水準是無可匹敵的，堪稱全港最佳.....相反野雞卷卻是另一個景致 ---- size比在得龍吃到的較大份，猶如一顆放大了的棋子餅。炸得外層金黃香脆不油膩，夾在中層的火腿粒很有鹹香，與肥豬肉散發出來的脂香混在一起，實在是妙不可言。這個弄出來的水準，比得龍的可說猶有過之呢....跟那金錢雞件一樣，鴨掌包內的大粒义燒同樣是又乾又韌的，但肝膶件卻又是

隨著城市發展，很多歷史建築、事物、甚或技術都逐漸被埋沒在時代巨輪下。近年雖有不少市民或團體為保育而戰，但大多數人仍然到所謂的「集體回憶」失去前才學懂珍惜。食店與食物也一樣，新派菜式推陳出新，但懷舊菜式則因技術失傳或青黃不接而日漸沒落。以往在普通酒家隨處可見的金錢雞，隨著一間又一間的老牌酒家相繼結業，現在還有售的應該屈指可數了。我們今次一行十人，便趁經典懷舊菜還在時，到來紫荊閣一嘗昔日的廣東懷舊菜，緬懷一下六七十年代的傳統菜式。酒家樓面佔了大廈二三樓，位置頗大，裝潢為一般新派酒家格局，座位不太擠迫，光線充足，感覺舒適自在。食物方面，這裡有除了有一般中菜小炒外，還有不少懷舊廣東菜，有些如叫化雞、八寶鴨等甚至要一早預訂。 叫化雞：叫化雞即乞兒雞。店員先把一大件「泥頭」放在小車上，然後交槌仔給我們把泥頭扑開，裡面便是錫紙包裹著的乞兒雞。店員慢慢除去錫紙，內裡還有一層荷葉；再打開荷葉，香氣撲鼻的乞兒雞便現於眾人眼前。雖然店員早已奉上膠手套，準備給我們來個手撕雞，但也先用骨剪分開成較小的雞塊，方便大家食用。乞兒雞雞肉嫩滑美味，而且還留下不少雞汁；而破開雞身，肚裡的餡料還有冬菇、金針、雲耳和瘦肉絲，

再向老香港出發 有如上一位食家評語這店子沒什麼裝修且有點殘舊，但清潔企理，地下沒一舊舊既拉圾也沒有粗口送飯既自由行貴客。原來想食失傳鴨腳包 and 荔芋香酥鴨，但見佢二人餐$148包三送一湯仲包茶芥加一，除開每送只係$37，咁平一定要試試睇下係唔係豆腐價錢鮑魚味道。 天麻班骨湯天麻味不重，唔覺天麻既甘苦味，但魚味幾夠，可能魚骨多而且成本輕啦 咕嚕肉咕嚕肉好好味 薄薄一層粉包住半肥瘦肉，肉炸得脆但唔油，汁比較甜唔似用李錦記即食咕嚕汁。聴講好既咕嚕汁......要用山渣餅開水再加五柳同醋，不過佢既肉係半肥瘦而且保持到脆身己經造得好好 魚湯雜菌魚湯味鮮甜而唔鮏，可惜雜菌吸唔到魚湯既鮮甜，食落湯還湯味...菌還菌味...似兩道唔同既送放埋一齊，可能煮得唔夠時間 蕃茄牛腩牛腩唔夠淋。酸既配料可以軟化肉類作為天然鬆肉粉，但有蕃茄同茄汁作配料都幫唔到手，又係燘既時間唔夠啦 糯米飯$25 細細碗，係蒸唔係生炒 (相信而家度度都係蒸) 都算足料，有芋頭粒臘味粒同雞蛋絲，煙韌得來唔油膩飯後仲送糖水紅豆沙，以咁平既價錢係市區晚飯真係無得再要求，只不過食送既份量一般，我情願佢收 $198 但碟碟大些少好過

地方比想像中細, 沒什麼裝修, 看樣子還有點殘舊, 但環境也算乾淨企理, 叫人坐下也見舒服. 平日的晚上人客不多, 計算我們在內的也只有數檯, 而看上去也是年長者居多, 我們的加入好像有點兒格格不入二人餐只賣$148, 已包三食送一湯, 見選擇也不少, 三個人就要了這個, 再另加點的應該夠吃脆皮燒腩仔 - 腩仔半肥瘦, 皮脆且香, 單看還以為會比較乾身, 但吃落卻依然嫩滑, 而且也帶鹹香黑椒煎牛柳 - 牛仔柳軟腍但牛味淡, 雖是用上黑椒, 但味道卻偏於甜, 黑椒還是辣辣的才夠香口蒜茸蒸勝瓜 - 勝瓜很的骰的整齊排著, 簡單的用上甜豉油, 蒜茸同蒸, 清新中帶點惹味香茜牛肉羹 - 三個人點二人餐來的當然只有兩碗, 而一向不太好此的我也向朋友取數啖來試試, 芫茜份量下得剛好, 味不濃不淡, 令牛肉鮮味見更出, 而打獻也不會過於重手, 對個人而言很不錯百鳥歸巢 - 再另點的, 在這老飯店賣$128已算是不便宜, 但在這裡不吃鴨腳包, 也總要吃點懷舊菜才似點樣, 記得童年只有在飲宴時才能吃上這個, 看上它不禁有點重遇舊朋友感覺. 材料有鴿蛋, 魚柳, 蝦乾, 松子, 西蘭花等, 很是豐富, 雀

舊式酒樓，之前同屋企人飲過茶幾好食，星期五再試晚飯，3個人叫左二人套餐 ($148)+鴨掌包 :鴨掌包 - 幾得意既懷舊菜但d肉太實啦!古法海上鮮 - 整之前show條魚俾你睇，有誠意! 條魚整得唔錯!咕嚕肉 - 好食! 醬爆茄子 - 簡簡單單，亦好味!湯個套餐包3送一湯都幾多選擇，冇咩花巧但見功架，一班中年伙計招呼又唔錯。不過位置有d唔就腳，可能因為咁所以星期五都唔滿啦!難得有間實實在在提供好食物既餐廳，定會繼續支持!

前晚阿姨想吃特別點的廣東菜,我便想起紫荊閣. 要算紫荊閣跟鳳城還是我最愛的懷舊廣東菜!! 七點到竟然是第一檯!!!??? hmm...經濟真的這樣差嘛?? 說實心裡有點擔心. quality會跟從前一樣嘛? well.反正來了.還是吃了才算.三個人其實真的沒甚麼選擇.想吃雞蛋焗魚腸,八寶鴨,但怕三個人真的吃不下.Waiter便介紹ニ人精選餐...三一湯送甜品. 每款都有不下十種選擇. 就這樣我們點了例湯菜干豬肺湯.菜浦海上鮮.咕嚕肉.清炒涼瓜.再加兩件鴨掌包.阿姨還點了馬交咸魚肉餅煲仔飯.鴨掌包: 熱上蜜汁燒鵝腸,包著半肥瘦叉燒,綿綿的雞肝和相比下比較少的鴨掌.還是十分野味.湯菜干豬肺湯: 清甜.豬肺也洗得很乾淨.沒有'ugg'味.菜浦海上鮮: 活生生的先給我們看看斤量才拿去蒸.新鮮~咕嚕肉: 酸甜度剛好.不會太多炸粉.肉質軟硬適中.也沒有一大口肥肉.雖然不算突出,但算是少有酒樓能做到平均的水準!!清炒涼瓜: 脆口涼瓜. 清!最仲要是少油!馬交咸魚肉餅煲仔飯: 肉餅很moist.煲仔飯也做到軟硬適中且略略有飯焦.ニ人份量足夠四碗飯.唯獨咸魚質感似梅香多過馬交...甜品: 紅豆沙或蓮子雪

以前工作地點附近就係呢間出晒名食懷舊菜嘅酒家，今日終於可以親身嚟試一吓！八點幾，好容易就有位，部長都好殷勤招待，不想等得太久先有得食，我哋即刻坐低就叫咗： 鴨掌包：以為一定要叫四隻，但係阿部長話其實都可以叫兩隻嘅，為咗可以食多啲嘢，我哋梗係叫兩隻啦！鵝腸包住鴨掌、叉燒同雞膶，原本以為會好硬，但竟然有驚喜！鵝腸有啲脆，鴨掌係硬身少少都還可以接受，最好係啲叉燒，軟而多肉汁，襯埋雞膶綿綿嘅口感，好正！ 富貴龍鳳球：真係好富貴，成百蚊，入面係蝦仲有雞膶，有層炸粉包住先炸，外面鋪滿沙律醬，上面仲有啲芝麻。不過我哋覺得層炸粉怪怪咁，有啲似咸水角層皮，接受唔到！ 百花釀蟹鉗：都算大隻，係我哋食過嘅炸蟹鉗中入面最多蟹肉嘅一間，（當然除咗旺角鳳城）肉有啲散，但係味道就真係好有蝦蟹味嘞！ 八寶鴨：要咗半隻，其實兩個人真係食唔晒，但係都想叫，因為想試！八寶鴨係最後先上嘅，賣相好靚，扒開隻鴨，入而有好多料，有蓮子、蛋黃、薏米、仲有啲唔知係乜，但係就好好味，啲汁亦夠濃味，鴨肉入口即化! 汽水2罐嘩！好飽！最後隻八寶鴨都係食唔晒打包番屋企宵夜再戰！

琴晚請舅父食飯, 知道佢鐘意食懷舊餸, 所以選擇左黎呢間~~入到去唔係太多人, 只有幾枱客人, 仲有三枱外國遊客,第一道菜先上乞兒雞, 當我"卜"開包住隻雞d泥時, 引來間離枱d"鬼佬"的目光, 哈哈跟住再上鴨掌包, 仲有焗魚腸, 舅父同阿媽都讚不絶口~~~~仲有叫左條黃立倉, 豉油蒸, 好野味~~~仲有雙菇時蔬同花膠生菜都一樣咁正!!!!!!埋單920, 七個人都差唔多啦但係有點唔明, 點解隻雞會咁貴, 成6百蚊呢 @@

寫回月前大局的食評, 就係紫荊閣. 套用大生兄同埋南瓜兄的一句: 瘋狂的一夜. 狂在吃的食物, 實在係件件硬野, 比小弟樓下的食評更加之得人驚. 在此再謝過黎生的安排, 讓大家享受了一晚帝王式的款待.去飲宴都係得八道菜色, 是晚的菜色竟然係十三道!懷舊金錢雞: 7分, 一來就係金錢雞, 比起其他店來講, 這裡的金錢雞係比較失色, 面頭勁油, 件雞肝實在油淋淋, 賣相一般, 不過就幾香口的. 小弟吃的那件冰肉還算帶點肥, 不過吃得這個金錢雞, 其實情願要件全肥的好了, 好過現在的不湯不水. 叉燒肉質實實. 或許係小弟的要求高了, 但是晚的開頭, 實在有點失望.燒雞肝: 7分, 吃完金錢雞, 就輪到燒雞肝, 其實這兩道菜係有點重複了. 這碟雞肝, 同樣的油淋淋, 都係一件起一件止好了, 就算高呼膽固醇萬歲也不敢多吃.鴨掌包: 7分, 也係這裡的招牌, 起碼白頭佬當年來的時候就係吃這個鴨掌包. 做法係將鵝腸包起鴨掌, 叉燒, 雞肝等等而成. 吃落口第一感受係實在太硬, 實實的, 都幾難咬得開, 特別係叉燒, 不知是否是晚的叉燒不太靚. 加上比較乾身, 質感一般. 當然, 這種傳統菜色, 有得

這間酒家我經常光顧，有一次在食晚飯時，見到鄰枱用槌仔扑一舊泥，扑開後原來食乞兒雞，我坐在隔離都聞到香味，於是叫侍應可叫此菜，sorry！可惜要預定(補充早上定，晚飯有得食)，於是我立即預定。第二日我和幾個朋友再到酒家食乞兒雞，首先燒雞肝送紅酒，非常配合，之後清蒸大海青，廚師保持一貫水準，條魚非常嫩滑，不會蒸過龍，之後再食幾個小菜，到主菜乞兒雞出場，由我親自用槌仔扑開，侍應問我用手食或斬件食，我當然話用手食，侍應派我哋手套，之後用刀义劏開隻雞，原來肚內塞滿餡料，我立用手攞呢食，係金針雲耳和瘦肉，因為索晒雞汁非常好味，再撕開雞肉，嫩滑有雞味，記得連皮食，正在食得慶起時，電話响起，於是停手聽電話，當我聽完電話後，再想食雞時，祗剩雞骨，雞肉和餡料已被這幾個真正朋友一掃而光，我有對着他們苦笑，下次我自己一個人嚟食，但係是晚我哋都食得非常開心，朋友都話我好介紹。

這裡其實不是太就腳的地方，由佐敦站步行過來要十五分鐘，所以很少來這邊。先喝例湯，是海底椰甘筍煲豬肉（附送雞腳），最合時常咳的我及正在咳的小頭。此湯甚為清甜，沒有妖邪味亦沒有下太多鹽。一場來到當然要試名物鴨掌包，可惜令人非常失望，因實在太乾了，不論是叉燒、雞肝、鴨掌或是外皮的鵝腸都是奇乾，一邊吃要一邊喝飲料才可下嚥。幸好這個焗魚腸挽回一些信心，豐腴甘美的魚腸配嫩滑的蛋，十分美味，是近年吃過最好的焗魚腸之一。可惜炸蟹螯卻是水準之下，蟹肉少是主要原因，蝦膠亦嫌過份結實了些。追加的椒絲腐乳炒通菜十分普通，鑊氣稍欠。全晚最差是這貴妃雞，又老又韌，很久沒吃過這種水平的雞，非常後悔點了這個。