夜燒站

Open Now

Now Closed

今晚去開荃灣探朋友，佢介紹附近開咗間串燒店「夜燒站」表示唔錯，就專誠過來試吓。餐廳面積不大，但環境都幾乾淨衛生，坐得幾舒服。主打日式串燒，價錢都幾親民（而且唔收加一😎），用QR code落單好方便。Menu有多款串燒/燒物選擇，甚至有飯同烏冬。我哋今日下午食得好飽，所以唔想再食太多澱粉，就淨係試佢啲串燒同海鮮。先來嘅係前菜沙律，免費的👍🏻佢嘅串燒係燒得唔錯，唔會過熟，重點推介係佢嘅海鮮，係非常新鮮，例如蛋黃醬燒青口，係必試，青口勁大隻好好肉，配以蛋黃醬味道唔錯。佢嘅蠔都幾大隻有鮮味，清酒煮蜆啲蜆非常鮮甜。另外佢個芝士流心蛋大啡菇亦非常有特色，幾好味。以下4⭐️ 以上都係推介😎😎蔬菜類：芝士流心蛋大啡菇 $28 4.5/5⭐️雞：燒雞軟骨 $15 5/5⭐️燒雞腎 $18 4.5/5⭐️汁燒雞肉大蔥 $22 4/5⭐️月見免冶雞肉軟骨棒 $32 4/5⭐️牛：鹽燒牛舌 $45 3/5⭐️鹽燒牛小排 $42 3/5⭐️豬：豬肉荔枝卷 $26 4/5⭐️野菜豬肉卷 $18 3.5/5⭐️海鮮：燒白鱔 $38 3/5⭐️蛋黃醬焗蠔 $34 4/5⭐️蒜蓉燒生蠔 $34 4/5⭐️蛋黃醬燒青口（6隻）$55 5/5⭐️清酒

前菜送咗一個牛蒡沙律， 豉油味偏濃， 但新鮮芝麻好香，有啲柚子味，幾清新🫶🏻點咗牛舌、雞腎（$18）、鵪鶉蛋（$16）、雞翼（$22），、野菜豬肉捲（$18）、羊架（$48）、原條魷魚筒（$72），、免治雞肉軟骨棒（$32）😀主食點咗火山丼（$42）呢間餐廳雖然平，但用料新鮮，唔會有好冰鮮既感覺。要特別一提既係餐廳提供辣味調味粉，我地覺得加入串燒後，更覺可口😋我最推薦既係鵪鶉蛋，除咗因為本人好喜歡食鵪鶉蛋，但可以提供嘅餐廳唔多，仲有一串得4粒，食完都冇罪疚感😝朋友最鍾意燒羊架，羊架揀選咗有肉有油脂🤓油脂提供羊騷味，但又有啖啖肉嘅感覺，平衡做得好好。食串燒最令人擔心既係又貴又唔飽肚， 呢度有飯同烏冬提供。 火山丼， 肉碎配合少少辣味更覺可口😋食串燒最緊要配番支啤酒，不過朋友要揸車，所以我哋就放棄lu🤣

為了多謝之前婚禮幫手的朋友，深入荃灣請佢食一餐串燒；搵到間新開走「居酒屋」路線嘅鋪頭：夜燒站。位置雖然唔係最方便，但味道都值回腳程🐾 我食過以下嘅都好食🤤🍢日式燒豆腐 $14雖然價錢平，但係其實未到一啲都唔少少，性價比好高。燒豆腐上面再加上木魚乾。🍗鹽燒手羽 $22燒雞翼，自細鍾意食，冇得輸。🐄鹽燒牛小排牛肉好好食🤤 值得encore 嘅！牛肉燒得夠冧身，入口有肉味但又唔會過分地煙韌。🐑羊架 $48肉質都幾冧，份量都算幾OK，切到兩大嚿肉出嚟share 食🙂 無香草🌿但味道都非常之足夠。🐟姿焼黃花魚有檸檬🍋 和酸辣醬汁一齊上碟～ 酸辣醬汁都真係幾難，建議由淺入深🍢醬油年糕串大概可能因為係日本醬油，所以味道之中略帶甜味，再配合埋年糕似麻薯一樣煙韌的口感😋😋燒櫻花蝦飯團🍙外面燒得香脆的米飯，好似飯焦咁黐埋咗一齊，形成外面香脆嘅「外殼」，但係裏面都係軟熟嘅。味道少少鹹，適合用嚟送其他串燒

同老公兩個人喺荃新天地睇完7點半，有少少餓餓地咁就周圍行吓睇吓有咩食。荃灣就行得多，但係往楊屋道街市方向就真係少行啦，成條街黑媽媽行行吓都喺度諗其實呢邊仲有冇嘢食🫠諗住向大窩口方向行嘅時候，就喺路上見到間光猛嘅餐廳，行近一睇，原來係食串燒嘅，咁就fitfit啦！門口痴左張紙寫住佢哋係新開😳新餐廳係要試既！！餐廳裝修好特別，一邊係歐式風格，另一邊係日本風，我個人真係幾like咁跳既style，一間餐廳兩種打卡🤪餐廳係QR code落單既，相信唔係咩新鮮事，對於我驚落單既人嚟講真係好friendly🤣每張枱旁邊都有啲調味料，啱曬重口味人士叫下叫下都叫咗好多嘢食，除咗基本大路嘢，有啲真係少見😳牛骨髓火雞子西蘭花苗都有有個前菜送，係我最鍾意既醬醃蒜頭🤩🤩🤩叫咗個炸七味雞軟骨，唔誇張真係我食過最好食既炸雞軟骨😻而且份量特大，食極都仲有，我本來諗住係普通炸雞軟骨上面灑七味粉，但發現雞軟骨上面冇乜粉，只有好好食既脆炸蒜，我地估會唔會係炸漿到調味，惹味得嚟有熱辣辣好鬼脆，真係好令人心心念念🥹老公一意孤行叫燒青椒，本身已經有溫馨提示可能會好辣。食過青椒既人都知，辣同唔辣既青椒，真係冇樣睇🥴青椒來了，食完

今日路經88商場，早前朋友介紹話串燒正，一於去試下先，地點有少少隔偏僻，其實都唔係太難揾。出色的燒烤，係上菜時間、火喉、食材新鮮，其次醬料配答。呢間係抵食，CP值高的小店，支持! 食物都係原汁原味，只輕下鹽冇太多調味。點餐時可選走葱或蒜，隨各人喜好。每一道都熱辣辣，燒的火喉剛好，香脆微焦，上菜與客人進食的速度先後配合，時間剛剛好，剛吃完，又上碟，非常好!店主非常有禮，收碟速度很快，亦留意客人需要。雖然剛開業，但不乏熟客幫襯。雖然是日是冬至晚上，不乏一家做冬桌席，氣氛熱閙!有前菜免費提供，今日係大蒜，蒜唔辣，好味，食晒，好想叫多碟!清酒煮蜆，剛好熟，肉質滑。汁燒雞肉大蔥, 大蔥好香月見免冶雞肉軟骨棒，正常燒白福花, 有驚喜! 燒白鱔, 正常焦糖菠蘿，好好味!飯糰 若有醬料或清湯配答會更合適，但燒得好靚!仲有豬肉荔枝卷，荔枝味道好重，ARM晒我!燒茄子，豆腐都好大份，味道不錯！店剛開業，店家正申請酒牌，但串燒點都要配酒，這期間店家可讓我們自攜酒到店，又提供清酒杯，除酒類飲品外，其它如汽水、茶類都有提供，亦有自調的飲品，點了檸檬柚子好好味, 加了SODA, 唔錯唔錯! 電話自助點餐，冇加一，

夜晚約咗上朋友屋企食飯，發現附近有幾間新開嘅串燒店，求其入咗一間試一試，睇下值唔值得下次再食個正餐。點了我去串燒店必叫的雞翼，羊架和牛舌。雞翼略嫌有點乾身。羊架做得幾好。牛舌係假期裏面吃了三間餐廳最好的一間。另外再點了個雞腎和鵪鶉蛋，價錢勝於一切， 性價比高。唯一係食完之後整個晚上都很口渴，很想飲可樂。

叫得夜燒站營業到凌晨12點是必須🥹住附近宵夜有咁高質嘅串燒食真係好開心，重點係價錢一啲都唔貴‼️好多菜同肉都係十幾蚊就有，今次我就食多左海鮮～前菜 free幾有心機嘅前菜，類似泡菜嘅硽料漬蒜頭食落一啲都唔辣，蒜味唔出好易入口，食落酸酸鹹鹹好開胃燒燒賣 $10BBQ最鍾意就係蜜糖燒賣😋😋平得黎又好食蛋黃醬焗蠔🦪 $34蠔好大隻多肉又新鮮，配大量蛋黃醬，調味好夾芝士燒扇貝 $40片裝芝士嘅燒扇貝好大隻明太子蟶子 $40明太子同蟶子原來都幾夾～爽口彈牙，明太子有鹹香又有沙律醬嘅creamy羊架 $48肥瘦均匀，好香羊味月見免治雞肉軟骨棒 $32超香濃嘅蛋黃撈醬油好正，但係啲肉軟左啲，多啲軟骨增加咬口會仲正野菜豬肉卷 $18熱辣辣燒起嘅豬肉包住清新嘅菜超平衡日式燒豆腐 $14有啲木魚好日式的調味，係接近豆卜的質感

有時搭車經過會見到呢間串燒店～之前係喺ssp 後尾轉咗過嚟荃灣 雖然地點有少少偏 但係十分值得去食！叫咗兩杯熱野 熱檸蜜同埋紅棗蜜 都好好飲 唔會冇咩味 好濃🫶🏻池魚唐揚 炸得好脆 好香口呢個飯一定要試！火山井 佢好好好好惹味 啲汁好特別 而且撈埋流心蛋一齊食太jeng!! 仲有啲肉碎 一齊食好惹味👍🏻👍🏻呢個飯9.8/10！燒燒賣同埋燒鴨胸 都係有蜜糖既 甜甜地好惹味燒賣係魚肉燒賣鴨胸都燒得好香口呢個係蛋黃醬燒青口 好好好好好食！蛋黃醬同撈埋青口食好惹味同埋濃味 食唔停呢個芝士流心蛋大啡菇 好好好出色！好juicy!!! 好重菇味 成個撈埋一齊食冇得輸仲有雞泡魚乾 好香口 好重魚味 都係會食唔停口😆燒青葵都好好味 落咗少少調味 整體好味又健康😆豚肉雞蛋卷好特別🤪蛋係半流心 用豚肉包住 好特別呢度係用手機QR code落單 好方便👍🏻👍🏻整體都十分好食！而且價錢合理抵食 cp值好高🤓會encore的( ´▽｀)

收工決定同朋友一齊去食串燒，今次揀左工作附近的小店試下，叫夜燒站。夜燒站是一家主打平價消費的串燒店。路過門口就可以看到醒目的純白色店面，門上還有可愛的串燒裝飾！店內的座位很寬敞，以主白色設計，簡潔風格，除了有許多居酒屋海報設計，還有半浮雕的門框可以拍拍照，當然最重要係好適合同朋友一起小酌一杯傾下計！一見餐牌，發現價位大約都在幾十塊之間，不需要花大錢也能吃飽喝足，平價美味的串燒，就算點滿一桌也不心疼！我地都點左好多︰牛油蕃薯仔、牛油粟米、牛油燒冬菇、日式燒豆腐、燒雞腎、豚肉本菇卷、燒雞肉串、鹽燒手羽、燒鴨舌、燒牛柳、豚肉露荀卷、鹽燒五花腩，仲有兩杯飲品︰可樂及生薑柑桔蜜。仲有餐店送的牛蒡沙律，好清甜，好岩胃口的前菜！🌟肉類串燒︰燒雞腎、燒雞肉串、鹽燒手羽、燒鴨舌、燒牛柳、鹽燒五花腩肉件夠大，油脂夠多夠香，啖啖肉十分滿足，溫度夠可以鎖住鮮味，配上特制香料更惹味。特色串燒要數燒五花腩，真的很推薦，配上秘製醬汁，味道濃郁，吃起來口感酥脆彈牙，很適合當下酒，是用心之作。🌟肉類和蔬菜合拼組合的串燒︰豚肉本菇卷和豚肉露荀卷皮脆肉結實，調味適中，表面微焦，入口多汁酸甜，別有一番滋味。全部搭配在一起吃非

今日去左呢間在荃灣新開既串燒店。餐廳乾淨企理，佈置簡潔，座位亦很舒適。一坐低，店員就會送上一碟免費前菜，跟住就自己掃碼落單。食物方面：牛油燒冬菇：灑上孜然粉，很香口。牛油蕃薯仔：軟綿綿，一口一啖。日式燒豆腐：燒過之後豆腐仍然保持嫩滑，頂層鋪滿木魚絲，賣相很吸引。野菜豬肉卷 ：表面燒到金黃香脆，包住野菜令口感唔會膩，聰明的煮法。月見免治雞肉軟骨棒：雞肉及雞軟骨比例恰到好處，令人垂涎欲滴。燒白膳：魚皮燒得是非常脆，白膳肉質新鮮肥美。燒粉絲貴紀蚌：配上蒜蓉一齊燒，又香又惹味，必食之選。燒櫻花蝦飯團：燒到飯粒焦香脆口，內裡的櫻花蝦，令普通的飯團生色不少。日式叉燒手打烏冬：湯底有少少辣，稻庭烏冬超級彈牙，半肥瘦日式叉燒有好多片，抵食。芝士年糕：熱辣辣，咬開有少許流心。飲品：熱話梅蜜+熱檸檬柚子蜜。總括黎講，串燒既選擇非常多，價錢相當親民，全部食物都係即叫即燒，員工親切有禮，朋友聚腳既好地方。

今晚放工同朋友聚會，揀咗食串燒，落好單之後送咗個前菜，係洋蔥牛舌粒😆牛舌粒好淋，好正👍鹽燒秋葵 $15秋葵細細條，嫩口d 😄豚肉大葉卷 $18薄豚肉片同大葉卷埋一齊，每啖都食到大葉嘅香，好味😆鹽燒牛舌 $45牛舌係厚切嘅，燒得岩岩好，牛舌好彈牙😄月見免冶雞肉軟骨棒 $32雞肉棒好夠份量😍 而且撈埋蛋黃同個醬汁，食落好滑，而且一路食仲會有啲軟骨，好有咬口😆原條肉碎茄子 $42茄子上面真係鋪滿咗好多肉碎，茄子燒到好好，軟林林嘅茄子再配上入味嘅肉碎，好正💯明太子蟶子 $40明太子醬好足料，蟶子好大件，一啖差啲食唔哂🤣燒粉絲貴妃蚌(2隻）$36貴妃蚌肉質厚實彈牙，配埋粉絲食好滋味蜂蜜生薑茶（凍）$22而野飲揀咗杯蜂蜜生薑茶，蜂蜜同生薑嘅比例好好，唔會話太多薑好辣👍😚

細個成日食牛骨髓， 依家想食返都唔知邊度有，咁啱朋友講喺荃灣這間新開的串燒店有牛 骨髓就即刻馬上嚟試一試睇完餐牌覺得好多嘢都想試下真係叫咗好多，差點兒食唔曬必叫兩串牛骨髓， 又香又滑內脆外軟久違了的味道食完兩串仲想再叫，真係好好食鹽燒牛小排，重牛味，油香細緻， 完全冇跟啖啖肉炸七味雞軟骨真係估唔到有咁大碟，好似食極都有咁樣，非常過癮原條燒茄子，上面仲有肉碎，啖啖肉直情想連皮都食曬佢牛油焗雜菌份量又係好多，牛油配雜菇真係絕配牛油分量啱啱，好食落唔會油膩豬肉荔枝卷， 荔枝清甜豬肉爽脆牛肉稻庭烏冬，勁平45蚊，諗住細細碗份量都唔算細，而且牛肉質素都幾好 係非常有驚喜朋友叫了一串燒菠蘿當係甜品，面仲有焦香感覺切開4件，分嚟食都好方便貼心全日最驚喜估唔到係明太子燒飯糰原本見到餐牌寫住要等25分鐘，真係有一點兒卻步，但係諗住嗌慢慢食，所以都照等所以呢個係最後黎到真係好驚喜，面每一粒係每一粒飯都燒得香脆 又唔會燶，真係冇諗過飯糰係會咁好食齋睇相都諗到係有幾咁香脆是日所有食物都覺得係好食同值得推介下次再去荃灣再食過

早排見到有新餐廳開張 日本野主打串燒 正嘢 咁啱有朋友生日訂枱試試 座位唔算多但整體感覺好舒服 Menu有沙律 炸物 主食同串燒 我哋幾個女仔主要都係食串燒傾下計為主 因為地址比較隔涉 唔係荃灣友都真係未必識路 打去訂枱時老闆有問要唔要預留海鮮 我哋就叫左條魚 因為一燒完出嚟脆卜卜太香 大家諗都冇諗就食咗 唔記得影相😂😂 其實大部分串燒上枱都好香🤤大家都餓狗搶x 咁 其中有一樣想介紹下有個好似叫豚肉大葉卷👍🏻好好食😋豚肉燒到十分香口 大葉嘅清新將豚肉嘅油膩感降低 食落有少少似梅子味 十分開胃另外炸藕片都十分好食 賣相又靚 好似薯片咁 送酒一流🍻講起送酒 老闆娘話因為新鋪酒牌仲申請緊所以未能夠提供酒精飲品 只能夠自己買酒去另外值得一提嘅係燒飯團🍙 佢哋有幾款口味揀 我就揀左明太子 之前去六本木一間居酒屋食過真係返唔到轉頭 燒飯團真係十分講師傅心機同火喉 當然呢到冇嗰間燒得咁好食 但味道都算係相當滿意 成個飯團燒到香脆但又唔會燶哂 識煮飯嘅人就知咩料 搽左醬要香口又唔可以燶 都真係考功夫最後我地因為有朋友生日 帶左蛋糕去切 冇收切餅費 仲要自動波播生日歌 十分加分👍🏻👍🏻我都好耐冇寫過食評