夜燒站

Open Now

Now Closed

接近黃昏時間 同朋友想食串燒 就諗起夜燒店 入到去店舖好乾淨企理 有大玻璃窗 陽光照入舖 好舒服枱上有幾款調味料 但最後冇試因為串燒都好夠味 唔需要另外再加調味 每樣串燒到賣相很好 味道不錯最印象深刻是豬肉荔枝卷豬肉燒得很惹味 中間荔枝咬落去有汁 很甜豬肉和荔枝味道很配搭大葱雞肉串亦都係我最愛汁燒雞肉嫩滑 大葱很香亦燒得夠熟兩者既份量都好足另外啤酒薯條非常好食做到外脆內軟 很香口個醬係明太子蛋黃醬食晒d薯條 繼續用個醬沾其他野食因為太好食了 明太子雞翼也很香內餡明太子很充足成隻雞翼脹卜卜明太子飯團表面燒得脆 有點似飯焦感覺裏面有熟明太子飲品叫咗熱薑蜜同埋大話七大話七冰凍酸甜 可以解膩呢間係荃灣既宵夜串燒開到零晨12點岩晒一班朋友食宵夜傾計！

to be honest, the food is normal. price dont have +1. a bit surprosetable is very small, cannot fit water cup and few dishes. the waitress need to take away empty disc from time to time very often.if you want to eat really full. basic 200$/ head os required.each stick contain small food than imagine. portions is little small.squid ball 墨魚 only have half size. a bit weired.just Normal🫡i wont come back sorry.#food #hkfood #hongkongfood #hongkong #hongkongdessert #hongkongcrusine #omicron #食物 #香港 #

個女朋友去荃新天地行完街 突然間想食串燒r爆頭之下又唔想搭返車出去用apps搵到附近有呢間新開嘅 夜燒站行過去5分鐘左右門口好光鮮 成條街得佢一間咁出眾食完餐廳送嘅前菜已經好開胃燒燒賣 無冰鮮味 外層燒到好脆 外脆内軟燒午餐肉 唔會太鹹 同樣外層燒到好香口燒花枝丸 係靚花枝丸 唔係x寶啲冰鮮貨 燒牛柳 鹽燒豬頸肉 鹽燒五花柳 呢幾樣燒肉類燒到好juicy 入口唔會太咸 最緊要都係冇冰鮮味 呢樣嘢 偏偏係最基本 反而係做到舖頭做唔到另外一定要推薦炸魷魚鬚 數量多 炸粉小 入口脆卜卜 一啲油溢味都無 十分出色蒜蓉燒生蠔都好適合鍾意食好嘅朋友隻蠔好有肉地 無腥味 好新鮮 蒜蓉嘅味道加上蠔嘅鮮味 配合得天衣無縫而食串燒點可以冇飲品？鹹檸七同埋檸檬柚子 絕對係最佳選擇食一啖串燒 飲一啖冰凍飲品 作為宵夜絕對係一日一個完美嘅終結食咁多嘢，每人都係二百幾蚊，真係香港夜繽紛

係荃灣同朋友踩完單車想搵啲野食下吹下水，就黎左呢間「夜燒店」啦入面裝修環境唔錯坐得好舒服，入到黎先知原來呢到開到半夜12點下次黎荃灣食宵夜有落腳點了手機自助落單勁方便，比較驚喜既係估唔到呢到有好多特別串燒豬肉荔枝卷，外面層豬肉燒到好香好入味，一啖食晒又咸又甜咁估唔到勁match豬肉雞蛋卷，好有特色第一次見，係menu見到即刻話要試下中間係流心蛋，好濃蛋黃味，外層豬肉勁香好重豬味，勁特別好好食燒雞肉串，肉質軟身，調味足夠但又唔會蓋過左雞味免治雞肉串，呢個係我次次食串燒都必叫免治串入面仲食到啲一粒粒細粒雞軟骨係入面好有咬口，配上燒汁蛋黃好好食汁燒雞肉大蔥，厚厚雞肉配上燒得勁香既蔥，唔錯燒秋葵，唔會太乾身除左串燒呢到仲有好多小食炸物，過黎食宵夜串燒無得彈

聽荃灣街市介紹聯仁街有間開到12點嘅日式串燒店，堂食外賣都可以，性價比ok，選擇多，環境乾淨衛生，好羨慕住附近嘅人呢～題外話，每枱都有送蟹籽青瓜沙律，好肉去咗日本居酒居咁😳醬油雞全翼雞全翼偏大隻，雞皮燒到脆皮，肉汁鮮嫩，咬落係有雞油流出嚟㗎！醬油味道唔會過咸，推介！鹽燒牛舌一串3件，煙靭彈牙，鹽燒都食得到淡淡牛味豚肉雞肉蛋卷賣相好吸睛，第一次以呢個配搭嘅串燒，雞蛋細細一隻仲要流心的，外層包咗一塊豬肉，食落冇咁油膩，推介！豬肉荔枝卷同上面嘅分別喺入面包原粒荔枝，食落清，甜，爽，唔怕有串燒嘅油膩感，感覺女仔都會喜歡💕火山丼（追加雞蛋）見到每枱都有叫呢款，一碗份量適合2人分，面頭鋪滿咸白豬肉粒，加上辣椒粉同蔥粒，少少辣，飯有落微甜醬汁，食落香口，食得辣又同要啲澱粉質嘅要叫啦～雞泡魚乾冇燒過龍，剛剛好微焦香，咬落有油香，個人串燒店/居酒居必叫嘅菜式芝士年糕另一款個人最愛小食，一份2粒，正常發揮日見免治雞肉軟骨棒食完上面口痕追加嘅，清楚食到雞肉與雞軟骨碎，醬汁甜甜地，再蘸點蛋汁，滿足呀

一入門同平時的燒烤店好唔同，好乾淨企理，亦唔會坐得好逼，好適合三五之知一齊吹水，仲要係開到深宵，坐到凌晨12點都無問題，斷斷逐逐都好多人，睇得出好受歡迎👏前菜：薯蓉 ，好開胃燒芝士腸脆卜卜的外皮，加上甜甜的蜜糖，甜到適中牛油蕃薯仔牛油🧈燒都食到甜味焦糖菠蘿燒得岩岩好，焦糖唔會太厚，岩岩好中和菠蘿🍍的酸度，串燒必食！鹽燒五花腩五花腩燒夠乾身，十分脆口！每一塊肥瘦適中味噌一口椰菜一口一粒，椰菜仔本身比較硬身，食開先好叫吖芝心流心蛋大啡菇一切開流心蛋醬，即刻流出黎，好正！大啡菇都燒得岩岩好，好juice 🤤🤤燒雞翼尖好耐無食雞翼尖，就叫下，乾身得黎配上鹽味的調味粉，好惹味原條肉碎茄子超多肉碎仲多過茄子🍆，叫茄子記得要趁熱食！炸七味雞軟骨超大份的雞軟骨，配酒一流！粒粒都好酥脆，亦唔會太油膩火山丼滿滿的肉碎加上辣椒粉，真係有噴火的口感😂檸檬柚子&青檸梳打唔飲酒，就必定要叫杯透心涼的飲品！

第二次黎食，質素一樣咁好之前第一次黎叫左燒茄子同火山丼飯都非常好味可惜當時又掛住食唔記得影相🙈今次今左兩啖終於記得影返幾張相🙈今次首推豬頸肉、牛舌爽口彈牙，肉味香濃，油脂肉汁都好夠，唔會乾爭爭之後再大推月見免治雞肉軟骨棒無他既，純粹個人喜好，深得我心除左以上幾款，仲叫左好多，例如牛骨髓、豚肉蠔仔串燒、蜜汁豬手粒串、雞腳筋等等等等…未能盡錄，串燒方面既全部都唔錯，有啲味道唔夠既可以用7味粉或其他枱上提供既調味搭救唯一係燒雜菇有啲失望，味道實在太淡調味粉都救唔返咖哩雞飯不過不失，同火山丼比較，本人比較推薦火山丼

最近去左一間位於荃灣既串燒店, 距離地鐵站比較遠, 不過荃灣天橋之城, 行到去千色, 再行過去寶石大廈後面就係呢到係用QR code落單, 餐牌上面有小食, 唔同既串燒, 仲有烏冬, 飯等等叫一落完單, 老闆娘就送左個前菜比我地, 係青瓜薯蓉沙律黎, 沙律菜幾新鮮, 薯蓉幾柔滑, 同青瓜既爽脆感好夾, 配合埋黑醋, 酸酸味味咁幾開胃首先，我們當然就點左串燒先, 先黎既係燒多春魚同雞腎, 燒多春魚既色澤金黃，外脆內嫩，唔會太乾, 好食雞腎都燒得幾好，食落好有咬口跟著黎既係燒豆腐, 係出面比較少見到有得食, 食落幾特別, 好香豆味同埋唔肉平時豆腐咁一咬就散曬, 仲食到燒野食既味道, 十分推薦之後就係燒一口椰菜仔同埋豚肉包雞蛋串, 燒一口椰菜仔燒得恰到好處, 保持左天然既甜味同嫩脆既質地, 而且冇燒到乾曬豚肉包雞蛋串就結合左豬肉的鮮嫩同埋雞蛋的滑嫩，蛋黃仲要係半生熟. 口感豐富, 都值得推薦之後我地仲叫左D小食, 有檸醋八爪魚漬同埋清酒煮蜆, 八爪魚好淋, 加埋檸醋幾夾, 食完串燒食一流清酒煮蜆黎到見到D蜆大大粒, 好肥美, 不過就略嫌個味淡左D, 如果多番D酒味就更好最後, 我地叫左2個主

朋友住荃灣，聽佢極力推薦呢間串燒小店。好似開到凌晨12點，今日10點幾黎都仲有唔少人。前菜係送嘅，都唔錯。清酒煮蜆呢個好清甜，一D沙都無而且多肉。裡面起碼有20隻，2個人分都好夠。牛肉烏冬唔係誇張佢d牛肉係新鮮牛肉，重肉味，唔係下欄或者得d肥膏肥牛。烏冬係稻庭烏東，彈牙幼身。50蚊唔洗仲要份量夠2個人食….叫左都唔少串燒。整體黎講調味我鍾意，唔會太重口但夠味。佢唔係孜然有d揀辣果d，偏日式燒烤多d。娃娃菜：多汁夠味😂鹽燒牛舌：多汁夠味😂尖椒：有幾段有d辣 不過好過癮白鱔：肥美大蔥雞肉：d汁調得好好 鹹度適中 食肉獸之選雞腎：呢個唔乾 都ok芝士年糕：煙韌 好難唔好食😂櫻花蝦飯糰：賣相好靚 不過食落就係飯糰 飽肚 有好多飯焦連埋2個coke zero 食到勁爆都係300多d，難怪0負評。

係門口已經見到坐滿曬人，幾有人氣。留意到呢間荃灣串燒開到凌晨12點，幾夜都有得食。坐底之後，就上左前菜，侍應上菜快。我地2個人叫左：1.鹽燒五花腩：一黎就即食，無需額外調味，鹹香十足，肉質好軟身。簡簡單單鹽燒已經非常好食。2.豬肉荔枝卷：入面真係包住荔枝，一咬開就食到甜甜地嘅荔枝味，第一次食呢款甜嘅串燒，幾有趣～3.海苔䐁蠔卷：一串4件，用豬肉包住一隻大蠔，口感豐富。4.清酒煮蜆：鮮美清甜嘅清酒煮蜆，大大隻，真係剛剛好熟，好正，而且分量都多，私心推薦。😋5. 芝士流心蛋大啡菇：一切開啲蛋漿就流晒出黎，非常多汁。大啡菇上邊除咗有芝士外，仲有好多洋蔥粒。6.火山丼：火山丼主要有肉碎、蔥、雞蛋黃同埋辣粉等等，食得辣嘅可以不妨點黎食。而且飯嘅份量都大，一定食得飽。7.燒西蘭花苗：成餐只係叫左一款菜類，主要想試下佢地串燒菜嘅手勢。通常加咗醬汁燒嘅菜容易燶，但師傅手勢幾好，唔燶。8.牛肉稻庭烏冬：稻庭烏冬口感好q彈，而令我最驚嘆嘅係佢地嘅牛！牛肉好易入口，一啲都唔韌，好似啱啱煮熟咁，真係有啲料到。👏🏻👏🏻仲有叫左2支支裝飲品，包括解渴又清熱嘅夏枯草&竹蓆茅根，一路飲一路食，唔驚熱氣。下次可以再過黎

終於慢慢開始多返夜生活，今晚夜收工，本來以為冇咩地方有野食，又要買外賣，點知同事話荃灣呢間夜燒店係開到半夜架，夜一夜都唔怕。咁近近地就去試下。坐底身一樣要叫野飲，我地叫左2杯大話七，超冰涼，好正。呢間食串燒原來都有幾多特色野，，呢個豚肉雞蛋卷，好犀利溫泉蛋都有得燒，豚肉都包得好好，又易咬開，唔會食到好倫盡。好特別。最愛既燒菠蘿，佢菠蘿本身都好甜爆汁，而且佢仲燒左啲焦糖係面，脆脆一層糖包住，超好味。呢個月見免治雞肉軟骨棒係店主推介。賣相好靚，要配埋生蛋同醬汁食，又真係好嫩滑，仲要咬到啖啖軟骨，好有口感，果然值得食。吉列免治豚肉番茄真係好得意，番茄都炸得。外面真係脆口，入面番茄又鮮味，而免治肉竟然仲釀入番茄入面，好犀利。燒白鱔同紫蘇秋刀魚，我覺得呢2種食材用黎燒真係冇得輸，必食。燒明太子雞翼真係啖啖肉，好豐富。最後，食埋好吸引既燒櫻花蝦飯糰，真係燒得好脆，係飯焦包住啲飯，真係超正。果然係完美既一餐，第時要食宵夜就有好地方啦。

荃灣就比較大，好野食亦好多。今日黎到聯仁街的夜燒店，好好餐番餐，不過轉頭有下一場，食得幾多得幾多。試完要再試:頭盤一汁燒牛舌尖薑蓉微微自帶辣，加上燒汁，完全帶出了牛舌的味道，牛舌入口近乎即溶，功夫非常到家。一定要試:明太子燒聖子(48)本身聖子要煮得好食，係好難的。明太子加埋他他醬(估係，不肯定)，係Prefect match，提升成個食物既質素。唔試下就可能係你既損失。當然，能夠再平宜些，就性價比超高。可以一試:豬肉荔枝卷，海苔豚蠔卷。有特色，又新奇，食野食到咁又既有趣味。荔枝又好，海苔都好，輔助核心食材的功能係做到晒。當然荔枝要時令食，遇到時令當做，所以一試無妨。蠔無因為燒過而水份流失，算手工不錯。整體串燒燒得好。

Wed 14th Jun 2023 熱大躍進。第2次嚟幫襯了。全店所有食物、速度、服務水平都大躍進，店員全部都係型男小鮮肉、俊女。冠以荃灣頭圍第1食店實至名歸。店裏店外 乾淨企理，環境好好。唔好俾佢嘅隔籬鄰舍fake到你。可能就係呢個滄海遺珠嘅地段，可以將慳咗少少嘅租金回饋係食物嘅質素上邊。高質素不鏽鋼重身餐碟，餐具講究。先來嗰個冷盤前菜。清涼爽口醒胃。焦糖豬手。caramel 得啱啱好，微微焦香 脆皮嘅糖。串燒四季豆，食嘅係廚師一串一串傳出嚟嘅青春光陰。要好好珍惜。估唔到燒賣、午餐肉 都好好味。呢個 醬油年糕 一定唔可以放過。用盡最後一口氣力都要食佢。外脆甘香，裏面軟綿綿，米味香濃，將由調味啱啱好。最後用呢個串燒菠蘿 完美咁結束，今晚嘅美食之旅。

夜燒站 (荃灣)荃灣聯仁街18號地舖作為樓上嘅街坊，就算呢間小店隱藏喺車房隔離，我哋都會捐窿捐罅搵到呢間日式串燒屋來食宵夜，可以自由自在坐到夜晚十二點，超爽！佢所有串燒包括主食都好正，真心想推介比其他人認識免費前菜日式麻醬青瓜拌牛舌燒燒賣$10燒午餐肉$10焦糖骰仔豬手$22以上三款屬於蜜糖系列，燒到香香脆脆，再加埋蜜糖，好食過細細個同朋友一齊去BBQ嗰啲燒燒燒賣同燒午餐肉好多好多！個骰子豬手嘅焦糖係直情卜卜脆到好似法式焦糖布甸咁！惹味蒜芯$34燒四季豆$14牛油燒冬菇$12味噌一口椰菜$24各款蔬菜都好香甜，食串燒都唔一定要食肉㗎，蔬菜都可以好多變化豚肉大葉卷$20鹽燒五花腩$24兩款斷咗都好惹味，尤其係斷用大業卷入邊夾咗大業，經過燒製後滿口都係大業嘅香味，又可以解咗豚肉嘅肥膩感雜錦天婦羅$48分別有南瓜、冬菇、糖心蛋、大蝦、茄子⋯⋯即係我見過最豪華版嘅雜錦天婦羅日式叉燒手打烏冬（微辣）$45 呢個係我每次都會嗌㗎，個湯底真係好開胃，叉燒整整有六大片，烏冬好彈牙，我一個女仔都忍唔住食咗大半碗焦糖菠蘿$24醬油年糕串$32串燒甜品，全部外脆內軟，好滋味

想吃串燒的一個傍晚，特意開車過來，小店性價比高，更開到凌晨十二時。每台均送上一份免費前菜，醬醃牛蒡口感爽脆，是健康又美味的小食。蟹籽沙律味道清新，爽脆的青瓜配上一絲絲的蟹柳，配上沙律醬很開胃。汁燒雞肉大蔥經過醬燒，味道甜甜的，雞肉也很嫩滑。燒雞腎和燒雞肝火候剛好，雞腎爽脆不在話下，雞肝獨有的羶味，一旦愛上便不能抗拒。牛油粟米燒得微焦，帶淡淡鹹香，有點粟一燒的感覺。蒜蔥封門柳燒至七成熟，口感軟嫩同時保留了肉汁，蔥蒜口味惹味又香口。豬肉荔枝卷的清新果香令豬肉串味道昇華，個人平常不太喜歡吃豬肉，但也愛吃這個配搭。原條肉碎茄子有驚喜，茄子軟嫩多汁，肉碎分量多，調味也充足，讓人吃得滿足。焗蝦的醬汁很惹味，鋪上大量蔥蒜，每隻都開邊容易入口，蝦頭的蝦膏令味道更鮮美。每次吃串燒都必點焦糖菠蘿作為甜品，燒得香脆的焦糖配上香甜又多汁的菠蘿，讓人百吃不厭。點了兩杯凍飲紅棗茶和大話七，大話七話梅味濃，紅棗茶則帶淡淡的甜味。難得在荃灣區有開到夜深的串燒店，今晚絕對是愉快又享受的一餐。