海灣燒烤大王 (Closed)

睇左好多食評, 有人講E道用料好, $138 貴D都抵..... 同女友好想BBQ, 家住TKO見近近地下午3:00就坐巴士出發, 去到碼頭下大雨, 要步行15分鐘左右, 途經一個小公園, 有好多狗仔係到玩, 一把縮骨姐兩個人用, 感覺好浪漫..先講 環境: BBQ場來講算靚, 部份有沙灘景位, 有硬頂上蓋暴雨下都無問題, 好能落雨洗手間好濕, 燒烤場4成位置都水沈, 全場有風扇2大把明顯通風不足, 煙霧四起, 場唔細但位好迫, D人好鐘意塞住走廊, 工作人員唔會理, 但都算清潔.娛樂: 場地係無, 可以行出去有個好沙灘, 有好貴既水上活動, 付近有狗公園設備: 燒烤網要租, 好似18蚊個, 錫紙及夾要另買, 我自己就自帶. 除開爐外, 其他事係全自助, 所以帶咩入去都係無人理, 加炭無夾就自己小心... 另外入場一人有三個膠碟, 一支差 另外就有個掃+蜜糖碟 及一盒紙巾共用. 小心D, 膠碟爛左就自費買, 另有汽水啤酒買, 全部8蚊, 款少無支裝.服務: 除左入場外, 基本上係 0 交流, 另外可能下大雨關係, 個日跳灰士有5-6次, 跳一次要半個鐘先有人攪, 我見有人因跳灰士無燈,

週未家庭樂,選擇此處,喜此處稍離繁囂,門外又有沙灘,可與小孩玩耍及觀星,今次更碰剛巧有人放孔明燈,細觀賞其飄移起伏,算是額外收穫,此場食物品種多,質素亦高,價錢雖貴,都算物有所值.個人最喜愛的食物是:青椒,雞中翼,沙孟魚,熟食有牛肉燒賣

10.03.13　一分錢一分貨的高檔自助BBQ @ 西貢海灣燒烤大王新年過後同事們早就嚷著要烤肉去今天終於一行11人，扶老攜幼到西貢烤肉去～在旺角登打士街家樂商場門口坐紅色小巴到西貢總站沿著海邊走約10分鐘就到了假日的西貢，可以說是狗展，因為超多人帶著狗狗來玩呢～下午3點多到達海灣燒烤大王自助BBQ才剛開始，客人也冷清清的不過時間越晚，客人就越來越多囉周日收費每人$138，入場費含一罐飲料及一支礦泉水還有烤肉叉一支及塑膠盤子三個每張桌子會有一支蜂蜜筆及用來倒蜂蜜的透明塑膠小碟場內供應各式餐具、醬料及燒烤炭想到什麼就有什麼免費飲料方面選擇很少只有可樂、碧泉檸檬茶、玉泉忌廉、芬達橙汁、甘蔗汁及清涼茶另外熱盤食物旁有投幣飲料機，那邊會有其他口味像沙士等等的去廸士尼要做好準備烤肉當然也少不了啦～我們自己帶了兩個烤肉鐵夾子、鋁箔紙等在場內買可貴的囉！場內食材非常的豐盛放在冰櫃的吐司有１吋厚抺上蒜泥奶油慢慢烤的金黃金黃的，讚讚讚！青椒用烤肉叉子刺好慢慢烤，不用加任何醬料巳經夠鮮甜厚切茄子不容易烤到熟透用鋁箔紙包好加入蒜泥奶油放在炭火旁，半小時就OK～檸檬片擠在烤好的食材上能增添香氣還能調成檸檬可樂

初一又情人節，真係幾十年先難得一次，之前一晚去行花市，都有收鑊﹗就係行花市買左玫瑰花，大家估下幾多錢﹗問得就梗係唔會貴啦﹗凌晨2:30去行，竟然係賣3蚊一支﹗即時掃佢兩打，再行下買的襯花加埋都唔洗一舊水﹗抵呀﹗人生第一次買到咁平既玫瑰呢﹗行花市都係越夜越妙﹗初一同老豆拜完年，就同食家出發去玩慶祝情人節喇﹗黃昏都仲有0的雨粉，今日我地去西貢bbq king燒野食﹗大家都去做節，燒野食得0個十枱八枱，夠哂清靜﹗大時大節$148一位，可接受水平，唔算貴啦﹗地方都幾企理，唔會爛地一塊，勝在舒舒服服空間又闊落。攞野食的地方無人架，真係十年唔見一次﹗幾靜大家可知一二﹗丸類腸類你諗到既都齊備﹗肉類咩雞翼牛扒豬扒魷魚等都一應俱全﹗超正的食物就係蒜蓉包，是切好了的法包，加上牛油蒜同燒簡單得來好好味﹗食家出品，必屬佳品﹗我都整番條正野佢食下，就係燒秋刀魚﹗唔食魚都燒魚，這是彰顯愛的表現。燒得燶左0的﹗哈哈﹗不過飛左0的皮其實都幾好食﹗加少少檸汁去腥魚味濃﹗黑椒雞扒超厚切，要燒耐一點﹗味道就一般可接受水平。一向都無咩驚喜既丸類反而唔錯喎﹗龍蝦丸彈牙而香口﹔墨魚丸外脆內軟有墨魚香，唔易燶，同食家都覺好味﹗牛丸

因為鍾意西貢,所以間唔中都會去呢間燒烤大王bbq的...........我由佢幾年前only提供燒烤網,食到而家只係提供bbq叉.......不過今次再去,真係覺得越來越差..........首先因為有朋友會遲到,同個度d人講可否遲d先加位.........佢地話得,不過唔會幫我地加枱law,實行你入咗場除了幫你起左火就唔再理你,唉..................因為我地自己帶左海鮮去,所以要用網, 加$18買價錢合理,但係如果要個燒烤鉗要俾多$30,個鉗佢係可以reuse架..........仲有d蕃薯同粟米無包錫紙,要另外同佢買......之前係包晒的...........還有所有嘢食都加了勁多味精,一食落去就勁想飲野.........飲了3支飲品都覺得好口渴而家d碟同餐具全部轉左即棄,勁唔環保..........我d扇貝燒到熱d,一放落個發保膠碟就立即溶,勁無奈..........不過而家有提供牛油同蒜蓉牛油都幾正,可以燒蒜蓉包..............經過今次之後,應該未必會再去................

今日重陽節同家人三點左右去鑽石山拜完山後就搭車嚟呢度燒嘢食，對呢度真係又愛又恨：愛呢度冇時間限制(重點)，地點適中(因為家人大多數住東九龍)，地方大，可帶寵物，食物種頪多，有沙灘俾小朋友玩恨呢度價錢一次比一次貴(重點)，落車後仲要行一段路，空氣混濁，食物偏咸，贈送飲品太少，愈嚟愈孤寒同唔環保實在要讚下呢度，時間真係冇限制，有本事的大可以由午餐食到宵夜都得，咁我同家人今日只係由下午茶食到晚餐，燒到九點左右走人；眼見今日雖然係假期，但都唔算好多人，好好彩我哋仲可以坐到近海邊位置，，邊燒邊有海風吹住，正呀！呢度ge食物種頪算唔少，有腸仔、丸(其碼有5-6款)、咖喱魷魚、雞扒、牛扒、豬扒、煙肉、腎、秋刀魚、多春魚、沙蜢魚、雞翼(共有四款)、番薯、栗米、菠蘿、茄子、厚方包同法包，而家仲有蒜蓉牛油，因為以前我要自己帶去，熟食就有茶葉蛋、燒賣、魚蛋、意粉、炒飯、蝦片，所以佢ge種類都算令人滿意唔知呢度係咪獨市生意，唔似屯門龍鼓灘咁多競爭，嚟呢度食一次比一次貴，今日係特別假日要收$148一個人，小朋友都$108，我哋共有6大人1小童，埋單計數成隻金牛俾咗佢哋，真係去酒樓食分分鐘抵過佢哋。雖然佢哋係好多

中秋同朋友仔一齊去燒嘢食, 食到一肚火!!未食都要講下個場同職員有几差:1) 場地通風好差, 焗都焗死2) 職員超級無禮貌, 尤其是門口兩個阿姐, 簡直係趕客一樣我的親身經歷: 由於佢哋安排俾我哋個位太焗, 真係未燒都好辛苦, 見個場都未FULL, 仲有半個場未有人, 而我入場都係5分鐘, 我就要求換枱, 門口兩個可姐話, 你入咗几耐呀, 我話5分鐘, 咩用具都未攞架, 想調位因為太焗. 根住另一個阿姐就話, 無呀, 無得調呀! 你睇唔到門口寫住唔俾調枱架咩, 個個都話調咁我未好唔得閒......我真係未試過任何地方要求調枱俾職員鬧過囉, 如果你無位, 我無得好講, 但唔係囉, 最重要係佢D態度, 唔知點解可以咁惡同客人講嘢.....食物質素:1) 望落好似都几多款食物選擇, 但質素好差2) 有D食物醃得太喊, 唔知係咪醃太耐....有D係無味囉.... 3) 唔好諗住加D蜜糖會好食D, 因為蜜糖都係無味架走個時, 眼見裏面個場都唔係太FULL, 係碼我坐O既AREA有4張枱無人, 但無人收拾枱架, 門口有人等都唔諗住俾人入架.超失望囉!PS 相都無影一張, 因為真係無咩值得影, 亦

果晚係大約 10.00pm 到....佢地01.00 am 才關...perfect果陣仲有三四枱客,地方好大好大...但可以感覺到,如果滿坐,會好嘈好大煙....但今次夜涼如水加上微微海風....真係食飽坐到唔捨得走...一般既任食 bbq 服務應有盡有..包汽水,紙碟,廁紙,叉,蜜糖......但熟食只供應至 10.30....唔想浪費胃納量,所以炒麵炒米粉咖哩魚蛋薯餅豬腳姜等等...下次先試.....燒烤食品雖云大路....但款式勁多,好多食品都有幾種不同味道,例如雞翼有黑椒味/南乳味/蜜糖味...豬扒雞扒牛扒亦然....如果自己買野去郊野公園 bbq ,好難買倒咁多不同味道响度 bbq 既攻略係..沒有矝貴海鮮做"回本:...所以要每種食品,每種味道,都試一下...就會感覺超抵遇啱清閒時段...更係好坐, 好 hea 之選

燒野食蜜糖係好重要呢度d蜜糖好神奇, 唔知點解一d蜜糖味都無 似係糖膠?!?!希望可以改善下 !不過好在d野都幾好食, 而且選擇都算多有法包,厚多士燒都幾正

一直以來我都同朋友極力推介呢度, 因為呢度地方夠大, 又近沙灘, 可以食吓行吓! 但經過星期日的幫襯, 我諗我真係唔會再去.價錢加咗 $20 唔緊要, 但係咁噫都比番啲 service 嚟吖! 一檯8個人, 只係要求多一個蜜糖碗都要加 $3 , 做生意做得咁執著, 點留客呀? 可能佢哋客多唔憂做啩! 不過今次真係食得好唔開心!

其實都冇其他人寫得咁差丫~2月8日, 14人, 一早電話booking, 有海邊靚位好爽.每人$138, 冇加一, 一人3隻碟, 一燒烤叉, 一樽水, 一汽水其他刀叉筷子冇限,蜜糖兜全檯得一隻, 另買$3一set. 不過蜜糖係任添錫紙$20卷(結果要籌期)d野食唔錯丫, 放得好整齊, 感覺好衛生.最特別係有蒜蓉牛油, 燒法包/ 方包一流,牛油/ 蜜糖燒粟米又係好好味.d丸同扒類大致ok, 係牛筋丸味道有d怪.蕃薯勁紫, 汽水種類唔多.2個人都可以開爐, 由早食到晚都得.有手套同夾用黎加炭, 自己加有咩問題呢?個廁所都叫做企理接受到,仲可以落下面個淺灘仔hea下~真係幾好玩~

幾個月前去過一次，都仲係收$118(公眾假)，點知上星期六去，已經加價，假日收$138!!!!平日都要$108-118，貴得離譜!!!以前去食，知道佢係用網燒，我就唔多鍾意，多數會自己買燒烤叉入去。點知佢依家已經轉左營運方式，所有餐具改用即棄餐具，唔用網燒(估計係炒左洗碗阿嬸)，一人1支燒烤叉、3隻耐熱碟、1把膠刀、3隻膠叉。我就用左$3.2係外邊士多買左2支多餘既燒烤叉。食物款式都係同以前差唔多，不過當日燒烤食物醃得幾咸，味精都多，我同老公都要事後狂灌水同茶先解渴!!!!整體而言，如果呢個價錢同質素，我覺得麻麻地同昂貴，下次會去試0下屯門0個d較平既自助燒烤。如果網友知道各區燒烤場既最新價格，希望都盡快update0下食評同餐廳資料，免得食客去到變成羊古或者水魚

有以下原因不會再去 :$ 118 很貴、要自行加炭、職員態度冷莫不友善、不提供鉗、入場俾錢時不講明不提供任何服務，自已買去公共爐燒仲冇咁嬲。$ 118 很貴 - 大酒樓價錢，沒有任何待應服務提供。要自行加炭 - 要自行用白手加炭，同自已去燒冇分別。職員態度冷莫不友善 - 俾錢入場後，職員連問野都吾係好采人，全部座係門口傾計。不提供鉗 - 職員會叫客人穿裝修手套取熾熱的錫紙煨番薯。入場俾錢時不講明不提供任何服務 - 俾錢入場後，到要求服務時才回答是自助燒烤。

This place is huge. Great for getting a big group of people together, and the dishes are cleaned and stored in those sanitizing machines.There is no service because it is buffet. The people moving the coal around are courteous.Its just that, the staff at the entrance are SO RUDE!It is summer time after all. People want to get a big bunch of friends together to BBQ, right? So I gathered around 15-20 people. Over the phone, they said that we have to pay ahead for everybody if we were to save space

星期六晚同朋友去呢度bbq,每位$118,包一罐汽水,一支水通風系統極差,好焗!!!好大煙,勁熱!!!職員只係幫我地放左d已經燒著既炭落d未燒著既炭下面,之後就走開,唔會再有人理你,連用風扇仔吹下都無,咁究竟要等幾耐先有火呢?!食物好一般,雪櫃d沙律係熱既,完全唔凍!我覺得最過份係佢俾d夾我地夾野食燒,但d夾係壞既,完全無彈力!!問佢拎燒烤叉,每支要$3(大佬我俾左錢入黎燒野食架,連叉都要另外收費?!我係唔係去錯地方呀?!)人地好多地方都有免費泊車,但佢地收$10一個鐘!!價錢唔係平,食物質數差,配套唔完善,最緊要係我係去燒野食唔係去燒炭架,完全會焗死囉!!