BEL CIBO Seafood Bar & Restaurant (Closed)

睇到openrice咁多人比笑笑，因為家人生日都想試下。一行六人，我地有訂位。但中途見好幾個人想walk in都被婉拒。總括黎講，食物好味，服務好，唔係好平個種餐廳，但你比咁既價錢又會覺得值。Staff每樣野都會解釋點樣最好食，唔錯！因為有折所以叫左個二人餐。份量多應該三個人食都得。個海膽意大利飯真係好食，牛扒好味。海鮮盤都好食，特別係龍蝦，鮮甜，叫海鮮盤會送一支白酒，岩晒幾個人分享。個摩天輪小食係炸野，正正常常，但相信好多小朋友都會鍾意。開心又滿足既一餐！😋

呢間餐廳環境唔錯，唔會好嘈。職員多，好有禮貌，收拾較快。唔知係咪甘岩定特登安排，食物唔會一次過上晒，上完前菜上主菜，每次兩碟到係枱面，唔需要食得好急。食到差不多，碟污糟時，會幫你換過只碟，仲會𣎴時加水，服務唔錯！題外話，當日有人係餐廳求婚，第一次見！講反食物先！我地一行兩個人，安排左坐卡位，又大又舒服，仲可以望到落地下。前菜我地叫左個西班牙風乾火腿多士，好好食！一碟四件，個底係牛油多士，香脆，熱熱地。中間有生洋蔥同蕃茄粒。本身以為生洋蔥會好辣，但撈左沙律油同蕃茄，味道幾夾。加埋面頭既火腿食，正！！😋😋小食摩天輪 食物以炸野為主，脆卜卜，伴有一杯長條型既甘荀同紅蘿蔔，好甜，食完炸物食佢就岩啦！最搞笑係有章魚小丸子，熱辣辣，有一粒粒章魚係入面，可惜無紫菜木魚等配料😜主菜松子仁野菌薄餅可以稱呢個為素pizza，配料有大量松子仁、洋蔥、芝士、鮮冬菇同其他雜菌等。配料先炒熟入味再焗，所以好香。甜品沙巴翁黑炭球，望落去好似心太軟甘，但其實係雪糕球，外邊灑左好多朱古力粉。呢個價錢唔平，但真係好好食！雪糕香滑，濃甜，一個人食一個都完全無問題！仲有個小新陪你食推！👍🏻👍🏻有二人餐可選餐廳就腳易搵，食物質

前幾日Farewell同事，揀左一間食fushion菜西餐廰，位於尖沙咀厚福街，地點方便。　打開大大既餐牌，樣樣都想食，唸住好耐都決定吾到，後來見到有四人餐，有齊大家想食既野，咁就吾好煩，就四人餐啦！四人餐超多野食，湯、前菜、主菜、甜品、飲品等等十二樣。頭盆有冰鎮鮑魚同美國生蠔，本身怕食生蠔，因為驚佢吾新鮮有怪味，但係呢隻生蠔好鮮甜同juicy；冰鎮鮑魚好”林”, 一D都吾”UN”, 配個cream sauce, 好味!  跟住仲有個鮮果釀酥盒伴煙三文魚花配香芒汁，好喜歡香芒汁，原來配三文魚好match。鮮果酥盒好鬆脆，同生果一齊食吾會覺得膩。 飲完餐湯羅宋湯，就來個海膽黑松露野箘意大利飯，海膽係加拿大來，好鮮甜，配埋黑松露意大利飯，正！ 主菜有肉眼扒、豬鞍扒、三文魚扒同銀鱈魚扒。銀鱈魚好滑但三文魚扒就熟左Ｄ，吾夠滑。肉眼扒好林同多汁；估吾到豬鞍扒一Ｄ都吾硬，都好林，好好味。甜品有用椰皇水整Cream Brulee同沙巴翁；Cream Brulee好好味呀！好香椰青水味，吾會太甜。沙巴翁好得意，原來入面係雪糕。四人餐份量好夠，就算五個人食都ＯＫ。　環境好適合一班人傾計；服務態度好好。　

男朋友最近工作好忙，所以揀個左好地方慰勞下佢想食多啲嘢，就叫咗個二人晚餐，單單前菜就已經有三樣鮮果釀酥盒伴煙三文魚花配香芒汁 賣相十分精緻，鬆脆嘅酥盒承載住鮮果，而每一粒都好清甜三文魚花配搭甜甜的芒果汁，意外地提升咗三文魚的甜味海膽黑松露野菌意大利飯黑松露野菌十分之香，但最吸引嘅莫過於鋪係上面嘅海膽先食一啖海膽，海膽一啲都唔腥，鮮味餐廳一啲都唔吝嗇，黑松露野菌落得好足，每一啖飯都好滋味美國有骨豬鞍扒外出食扒大多數叫牛，羊，貪佢濃味啲今次就突然想試下，先發現豬扒都可以好好味調味剛好，肉質嫩滑 外層香口，時間掌握得十分好是日晚飯我同男朋友都好滿意，由頭到尾都無地方值得挑剔

尖沙咀厚福街真係好多野食！尤其是呢幢大厦，競爭超大！多國菜任均選擇，總有一款你！因為個人較喜歡西餐，千挑細選下揀左呢間Bel Cibo，位於十二樓。食完覺得真係唔錯！所以推薦大家黎呢度試下！餐廳裝修都算簡單，以灰色為主，俾人淡雅既感覺。餐廳清潔度高，座位較闊落，坐得舒服。首先，我地叫左個摩天輪小食拼盤，我見好多枱都有叫。有幾款食物，一次過滿足唔同既願望😌摩天輪一共有五款小食，包括雞翼、小丸子、薯條、炸蝦餃子同炸芝士丸。全部都好脆口，尤愛雞翼，似係無葉過，食落無平時食既甘咸，雞皮面灑左調味，甘已經好足夠。另外炸芝士都唔錯，佢外邊係肉丸，入面有一舊芝士，即使放左一陣先食，芝士都仲好融跟摩天輪仲有兩只醬同生菜，甘荀同青瓜都好甜，食完炸野食番條係幾好既配搭！香烤bbq豬背骨排個底有薯條同西班牙青豆塊骨排都幾大塊！平時食過既有啲肉會超林，好似煲完湯既肉，無物口感。但呢塊肉質較實，好入味，汁甜甜地，又唔會太咸！啲肉燒到剛好離骨，做得唔錯！椰皇焦糖焗蛋甜品黎到時都好驚喜，因為右下角有只蠟筆小新係度，好得意！應該係因為佢加左椰皇既關係，蛋既質感無普通既焦糖燉蛋甘滑，會有少少一粒粒，未試過既你就要試下啦

呢日朋友做完好大份功課，梗係要帶佢出嚟食下好野啦！厚福街多野食就係人都知，但原來行到最篤嘅呢一棟H8入面有好多特別、不為人知嘅好食餐廳！喺openrice search左search，見到呢間bel cibo都幾多人推薦，就一於試下啦因為我哋6點幾就上到去，所以餐廳都未有好多人客。但過咗一個鐘左右已經座無虛席喇！大家要試嘅話可以book定枱呀一上到去老闆同侍應就好熱情咁招呼我哋，又同我哋好詳細咁介紹餐牌上嘅野。最後我哋兩個人嗌咗頭盤、主菜、甜品、野飲，每樣分別兩個。一開始上嘅係野飲。老闆同我哋講happy hour嗌cocktail嘅話會有半價架，鍾意同朋友飲嘢嘅大家不妨考慮下嚟bel cibo 呢個係Peach & Pink Grapefruit Smoothie，酸酸地好開胃，同埋peach好好味，好fresh第二個係Cookies Banana Milk Shake，好正！最正嘅位係上面有幾塊oreo+威化餅香蕉味好濃，岩晒鍾意食香蕉嘅我！兩杯野都好大杯，細食嘅人或者可以叫唔milky嘅野飲，無咁滯 跟住就上頭盤喇！呢個係香芒鮮蝦塔野菜沙律，好足料面頭有芒果，下面係用鮮蝦同粟米等

今日終於約到老死去傾計談心食飯，更係揀一間較為有質素既餐廳，今次揀左厚福街H8既BEl CIBO 餐廳，預先訂好位，一去到就可以入座，餐廳安排左我地坐窗邊位，感覺更加寧靜。餐廳裝修有情調，座位都好闊落、舒服，好岩情侶、三五知己食飯傾計好地方。入到去坐低，侍應面帶笑容同我地介紹餐廳優惠及特別菜色，我地最後揀左2人set dinner, 因like 餐廳專頁有65折優惠，嘻嘻等左一陣，先上頭盤秘制鮮凍鮑魚、鮮果釀酥盒伴煙三文魚花配香芒汁，見到都已經心心眼，好鬼吸引，我地先食鮮凍鮑魚，鮑魚入口淋身，好有鮮味，配埋佢地大廚調制忌廉汁，正到想再食多一隻，哈哈！鮮果酥盒呢個菜式又好特別，酥盒切開仲聽到爽爽聲，好鬼香脆，配埋新鮮生果，開胃醒神！最後一道頭盤係香煎法國鵝肝伴焦糖菠蘿，侍應一放低已經聞到香噴噴鵝肝味道，廚師煎得好好，鵝肝外面仲脆既，配埋菠蘿食都特別跟住就係上南瓜粟米湯，好香又滑既南瓜味，口感幾好。海膽黑松露野菌意大利飯上場，賣相不得了，我眼中只有海膽，侍應話佢地餐廳用加拿大海膽配呢個飯， 我地已經急不可待動手食啦，因為飯係要熱食既，海膽配黑松露超夾，我地一口一口唔停咁擺入口，大家都明啦，

朋友話要慶祝三．八婦女節🤣其實根本就係搵藉口約食飯．不過朋友係要見既所以當然應約啦😝朋友帶左我一間上樓既西餐廳．驚訝佢既座位都幾大．座得舒服一D都唔迫😌正呀！好懶既我地選擇叫Set Dinner．實際上係我有選擇手有障礙🤣另外仲發現完來Like 佢地FB個Set Dinner就有65折．唔叫都唔得啦真係👍🏻個Set好多野食😋首先個頭盤就係鮑魚凍飽魚我好似第一次食．重點係佢仲要唔韌．個自家制白汁仲要超好味😍再黎就係鮮果盒伴煙三文魚．上既時候心唸點解咁快上甜品😂平時我好小食酥皮．但佢竟然整到好脆勁新鮮．結果食晒😝再黎煎鵝肝😋搭埋菠蘿食好夾湯係南瓜粟米湯．好濃不過我覺得唔夠滑再黎既係海膽黑松露飯呢款加拿大海膽我都係第一次食．口感好得意．重點係無腥味．加埋黑松露飯食原來味道幾夾．唔錯👍🏻今次除左點安格斯肉眼外．揀左銀雪魚柳．😍好好味呀．好滑同仲有肉汁起裡面👍🏻👍🏻👍🏻鐘意飲野既我地加左錢叫其它野飲🍸朋友叫左蜜桃茶．但裡面放既係菠蘿🤔但飲落係好味既我點既係Cookies Banana Milk Shake．黎到個樣好靚．但佢個味唔似係新鮮蕉整．有D失色左最後到甜品．．一上檯．．哇😱我無唸過Set

朋友介紹黎呢到食飯 上到黎環境幾舒服 平日好少食fushion 感覺幾特別 價錢亦公道呢個頭盤係芒果鮮蝦沙津 好鮮甜 唔會好似一般沙律太酸 但又清清地 幾開胃 賣相都好精緻酥皮即焗好香脆 配上手打忌廉汁 雖然只係頭盤 但其實份量好足 幾飽肚賣相十分吸引 pizza底薄而脆 每一塊都有大大舊龍蝦肉 十分足料 配上芝士同紅椒 鮮甜又濃郁$198有四塊海膽真係超值 海膽係加拿大海膽 咪道濃郁 黑松露汁配意粉好香 海膽 +黑松露味道又幾夾由最上層開始有朱古力條 cream 水果 blueberry jam nuts 同奶凍 層次好豐富 口感都好多變化同出面的焦糖燉蛋唔同 呢個係coconut 感覺好特別 冇一般食蛋咁濟 反而幾fresh 而且唔會太甜係出面飲peach的飲品通常都會好甜 但呢個應覺好fresh 加埋沙冰好爽 唔會令你飲到太濟幾適合少人聚餐 野食特別有新意 想同朋友試新野可以黎試下 環境都唔錯 服務態度好好 老闆/侍應好用心介紹每道菜

同好耐冇見嘅朋友約食飯談談心，餐廳燈光柔和，令人感覺好輕鬆，可以悠閒舒服咁傾下計，放鬆心情。二人套餐都尚算抵食，有三個頭盤、餐湯、意大利飯、二份主菜、甜品同餐飲。三種頭盤中，鮮果釀酥盒伴煙三文魚花配香芒汁就最深得我嘅歡心。新鮮嘅生果同香脆酥盒互相配合，生果清新同酥盒香口，兩者好夾，食落唔會好熱氣。隔離嘅煙三文魚以花嘅形式上碟，視覺效果一流。餐湯就係比較普通嘅蔬菜湯，但就可以配合埋長條餅乾泥一齊食。海膽黑松露意大利飯，份量唔算太大，所以對於兩個人泥講就啱啱好，海膽尚算新鮮，黑松露味亦冇掩蓋咗海膽嘅鮮味。主菜方面，我就叫咗美國安格欺肉眼扒，肉質結實，有肉汁，用咗餐廳提供嘅海鹽調味，味道更加符合個人口味。甜品嘅沙巴翁黑炭球，係朱古力同雲尼拿雪糕，球體造型，都幾可愛！

前陣子約了很久不見的好友一聚，大家都是為食之人，對食總有點要求...千挑萬選的，最後決定到尖沙咀H8的BEL CIBO，看上去食物較多元化，就來一試喇！一行3人，早早訂好枱~ 平日沒有想像中的多人，正好給我們一個寧靜闊落的空間暢談一番。人一到齊便先攻沙律小食了，其實那小食摩天輪早已是我的目標喇！大家都搶吃的香芒鮮蝦塔野菜沙律，香甜芒果與爽甜的鮮蝦非常夾，加上沙律更開胃，很快被清碟了！賣相吸引的小食摩天輪，籃子內有不同的炸物小食，雞翼、芝士丸、蝦多士、八爪魚丸和薯條，相當豐富。偏偏我最愛的就是蝦多士和最普通的薯條 蝦多士鬆脆可口，加上面頭有芝麻，好香口！不過那麼多炸物，難免有點熱氣...但相當飽肚~點了個熱情果soda清清熱，糖漿自己加，甜度可以自由控制的。我的話就要整支糖漿加進去才夠味~ (太愛甜喇！)蟹肉芝士焗大菇很足料！面頭滿滿是芝士和蟹肉，不過一定要趁熱品嚐~大菇鮮嫩多汁，蟹肉夠鮮加上煙韌芝士，好好味！不過一人一口就清碟了;口; 雖然有點貴，但值得一試~海膽黑松露忌廉汁扁意粉，清新特別的Fusion~ 上枱時已聞到黑松露香，意粉硬度適中，海膽新鮮份量多，再甜一點就perfect了

今次己經第二次黎食,自從上次食完之後念念不忘趁佢做緊FB優惠 ,即刻吾好執輸你睇下煎PAN都有黎幫襯等左五至十分鐘就即刻上冷盘,冷凍鮑魚my favorite 一切就開,入口夠爽仲有好耐無食過既肝鵝,朋友吾太好食俾埋我一次食兩件太幸福喇,海膽飯一上,我隻眼簡直發晒光海膽又鮮又甜,一啖飯一啖海膽港女是這樣形成的!!!主菜有四個選擇,諗左好耐決定食豬><原本對豬扒吾太大期望,點知咁好食脂肪位吾算太多,但整體口感嫩滑咬落油脂溢出,回味無窮食完主菜己經飽飽,不過港女見到甜品即刻又食慾大增係超好味既朱古力雪糕,香濃朱古力味而且甜而不膩吾覺吾覺食晒成碟!!

第二次黎食生日飯今次係電話confirm booking 個時終於記得要講窗口位 1行4人嗌左個二人餐+ 8隻蠔+大蘑菇+摩天輪+pizza ,侍應哥哥好似比我哋嚇親,嗌得太多嘢食.呢餐飯同上次一樣都係差不多食完一道再上另一道,可以慢慢比我地食,而且環境都好好,唔會好似有d餐廳咁係咁出d菜,好似想快d趕你走咁. 所以有朋友生日或者聚餐都好適合不過,今次好似遲左少少黎,d蠔就已經無得揀,得翻1種(雖然侍應哥哥有介紹,呢隻會重味d),但個人就貪心少少想一次試多幾隻唔同口味

今日同朋友慶祝生日，所以一早就揾咗間靚餐廳，諗住食餐好！餐廳環境偏向時代感，純白色既椅墊比人一種簡潔舒適嘅感覺，水晶吊燈就係一個小小嘅點綴，提升華麗感，咁我同朋友就可以係舒服嘅環境一路食一路傾下計。今次同朋友決定咗食二人套餐，可以嘗試較多菜式。而三款頭盤都具特色，當中香煎法國鵝肝伴焦糖菠蘿，以鮮甜嘅菠蘿降低鵝肝嘅油膩度，兩者互相配合，所以食落都唔會有好漏嘅感覺。另外，菠蘿仲伴咗焦糖微煎，煎香嘅表面散發濃濃嘅菠蘿香味，甜度偏甜。而秘製鮮凍鮑魚，鮑魚爽口彈牙，雖然鮑魚係凍上，但配合咗忌廉汁嘅調味，仍然保持鮮甜。泥到主菜方面，主菜嘅美國安格斯肉眼扒果然冇令人失望，我選擇咗七成熟，烹調程度啱啱好，肉扒分量充足，大大份脂肪比例適中，唔會過分肥膩，而濃郁嘅肉汁仍然保留得好好，食落好juicy! 調味方面，餐廳仲附上海鹽同燒汁兩款，任君選擇。生日又點少得一個靚甜品呢，今次就點咗一個沙巴翁黑炭球。甜品一上嘅時候，朋友仲誤以為佢只係一個普通嘅心太軟，但佢咁諗就錯啦！其實佢係由一個外面係朱古力雪糕，入面係雲呢拿雪糕嘅組合，配搭特別。

超重味精！完全唔掂！第一次上來留言！因為未試過咁覺得openrice咁多like既餐廳會咁差！😤😤😤😤我同朋友慶祝生日冇idea打算去尖沙咀食，見本身評語唔錯打算試下，點知中哂伏！1). 餐廳本身好似樓上cafe裝修咁，有d殘舊同OpenRice d相完全唔相乎2）食物份量小3）味道唔係特別好，重要超重味精！！！大人小朋友不停要飲水，味道好重又唔好食4）價錢唔扺，以2百一個dish真心覺得好多餐廳比佢好！以後上OpenRice 真係要睇清楚，原來食評只可以作參考，今次之後唔敢亂試