正潮樓

Open Now

Now Closed

叫上朋友吃晚飯，潮州打冷確實是不錯的選擇，散叫一些餸菜，環境氣氛也夠熱鬧！這間打冷店位於灣仔，晚市客人絡繹不絕，主打各款潮式鹵水拼盤，亦有些地道的潮式菜品和粿可以一嘗，整體味道質素也不錯！------------------------------🍳◖煎九肚魚烙◗ $138作為招牌菜，九肚魚份量亦不少，煎得外酥內嫩，香口富有蛋香，口感味道亦不錯，但小心會有細小的魚骨～🐟◖凍食黃花魚◗ $218凍魚確實是潮州菜必食，店家先幫黃花魚去掉魚骨，加上魚汁啫喱，可以根據個人口味沾上少許普寧豆醬，吃上去更鮮更香！🍜◖普寧咸面線◗ $128雖說是面線，但感覺更似是米粉，加入普寧豆醬猛火快炒，加上少許配料，炒得夠鑊氣夠香！🥠◖煎荷蘭薯粿◗ $58這個也是店家推介，感覺像是變奏版的薯餅，用薯蓉混合糯米粉造成，煎得很香口，口感煙煙韌韌，挺特別！🌟 Encore指數：9/10

今晚和家人在灣仔, 正潮樓 吃了一頓晚飯, 嚐嚐潮州菜, 感覺不錯. 先來傳統必食潮州滷水鵝片 ~用古法鹵水汁烹煮, 肉質油脂感豐富, 鵝片已去骨好入味.  墊底用了鹵水花生, 又稔又好食.鵝肝半份 ~  不同西餐以煎烹方法,  食得香口.  而潮州菜把鵝肝用滷水配制, 味帶鹹香, 口感軟綿嫩滑, 墊底的豆腐也非常好食. 汕頭煎蠔烙 ~ 潮汕經典菜,   熱辣辣的送上,  蠔仔肉加上雞蛋及番薯粉, 煎得不油膩, 脆中帶點煙韌,  蠔仔飽滿,  味道鮮美.  配以魚露.嘮粕春菜煲 ~ 家常菜, 味道清新, 不油膩.豆醬焗海蝦 ~ 海蝦好大隻, 每人一隻, 有海蝦的鮮味又有豆醬的香味, 不錯.糖醋煎伊面 ~蛋面煎得金黃香脆,   配來鎮江香醋.  醋味香濃, 再加添上白砂糖,  食落軟內外脆,  酸甜香脆,  好滋味.  食物調味不錯, 食材選擇多, 價錢中肯.

正潮樓位於灣仔謝斐道117號富通大廈地下2號舖灣仔地鐵站A1出口，過行人路行前小小就見到呢幾日天氣熱左，有成25度以上好似夏天到了所以想食碗清心丸綠豆爽$48潮州特色甜品綠豆具清熱功效助排泄甜度岩岩好，好清甜潮汕煎蠔烙$108因為用左蕃薯粉所以好煙韌平時係廟街食開煎蠔餅係用麵粉會比較鬆脆一人餐$338滷水鹅秘製滷水汁鵝肉滷到好入味味道較咸送飯一流豆腐入晒味酸菜爽口點埋蒜泥白醋提升鮮味解膩作用菜膽燉翅招牌菜湯水充滿金華火腿的香味非常足料白灼青菜係菜心非常淋甜

灣仔有間好高質嘅潮州菜館，價錢合理，坐得舒服，所以閒日晚上都好好生意👍🏿圖中係6點半，但去到7點已經坐滿7成了。煎韮菜棵（$58）呢個未食過，有啲似炸過嘅茶棵，不過入面有滿滿嘅韮菜餡。老菜脯豬肚湯（$68）好足料嘅燉湯，胡椒味濃郁，入面仲有好多豬肚😍滷水鵝片（$168）拼鵝蛋（$28）食潮州菜必嗌！呢度嘅滷水鵝片必嗌，啖啖肉又嫩滑，一啲都唔鞋。底下仲有豆腐，索晒啲汁好美味。第一次叫鵝蛋，原來係咁巨大😱 嗌一隻四個人分都得。肉碎蠔仔粥（$70）呢度係一人份，但其實分到四小碗，兩個人嗌就好足夠。入面有好多蠔仔，仲好鮮甜肥美🤤 呢個都係必嗌！豬油炒蕃薯苗（$108）本身聽到豬油有啲驚，點知個炒菜一啲都唔油膩。蕃薯苗都好嫩，食得岀係靚嘢。

🇭🇰 全港最正潮汕菜-「正潮楼」 湾仔附近一向是美食家聚集之处，中式➕西式，各种各样的餐厅层出不穷，作为粤菜忠实的爱好者，潮汕菜一直是我心里最喜欢的菜系，朋友推荐下，到湾仔的这家「正潮楼」，一试绝食潮州菜！ 🪿卤水鹅片 一个字，绝！鹅片味道非常软嫩，卤汁很棒，下面垫的豆腐简直是一绝，味道不要太棒，就连配的花生米感觉都很棒！ 🥩五花肉 第一次吃这种做法的五花肉，和烧肉或者红烧肉不一样，口味清爽，有淡淡的油香，感觉非常nice！ 🍖梅汁猪手 今晚的MVP给到这道菜！本来以为鹅片已经是天花板了，是真的再给我来了一击啊，甜甜的糯糯的，真的吃起来太享受了，配的青菜也非常入味！ 🍕蚝仔饼 生蚝搭配着油香的鸡蛋，真的是绝美的享受！ 潮州菜天花板，名不虚传！

跟家人到來吃晚飯，試了以下幾款食物，服務人員殷勤有禮，食物及服務都很有水準，值得一讚! 滷水鵝片(例) - 滷水鵝片啖啖肉，鵝肉又香又滑又入味，滷水汁很棒，又香又惹味，鵝片沾點白醋汁更能提鮮及中和鵝皮的油膩感，墊底的滷水豆腐也不錯，有豆香味及滷水香味。滷水鵝粉肝(半份) - 鵝粉肝很嫩滑，入口有香濃嘅肝味，但卻沒有一點腥味，很喜歡，同樣有滷水豆腐墊底。汕頭煎蠔烙 - 蠔仔很新鮮，份量很多，每一口都吃到，煎的火喉控制得很好，沒有油膩的感覺。糖醋煎伊麵 - 麵煎得香脆，底面更灑上韭黃粒同煎，所以感覺更清香，加上浙醋及白糖同吃，味道更昇華。

朋友生日想食潮洲菜，見灣仔正潮樓多人推介，價錢適中，所以一早訂位同朋友黎慶祝。裝修都好中國風，古色古香。環境闊落座位都多，眼見仲有得包房，一大班人黎食岩哂。滷水鵝肉我地叫左例牌，份量都好多，鵝肉色水好靚，肉質非常嫩滑，配合秘製滷水汁，鵝肉味好甘香，下面仲有多件厚切豆腐，食落好滑，好入味。汕頭煎壕烙蠔餅唔會過份酥脆，所以食落感覺唔會太熱氣😛，呢道蠔既份量足料外，仲要大大粒，食落好鮮。整體口感唔會太油，但口感鬆化啖啖都食到蠔肉，配埋魚露食真係無得頂呀。必點！豬油炒蕃薯苗呢個又係一碟令人起出望外既餸，豬油炒出黎既蕃薯苗好香好鮮嫩，食落非常惹味， 完全係食唔停口。芋頭炒香飯估唔到勁大煲，3-4個人食都夠，飯粒粒分明，芋頭份量多，每一口都食到芋頭既香味，再配小量蔥花，係好飽情況下每人都食到2大碗。 呢到食物份量真係好大碟，2人食唔哂，最後都打包😆福果甜芋泥呢個甜品第一次食，口感好特別，鐘意芋頭味既人必試。芋泥幼滑清香，加左豬油做，所以口感更軟糯，芋味更出更細膩。

灣仔有間滷水超正既潮洲菜館—正潮樓裝潢古色古香，椅桌同幅牆畫都好有特色。依間招牌係滷水野，仲有國家級大廚坐鎮，有質素保證。收銀處有句書法：不怕膽固醇，好攪笑！鵝翼（例）、鵝粉肝（例）、鵝蛋（隻）餐廳有提供滷水三寶/六寶，適合人少少但想食多d款式。但我偏愛鵝翼同鵝粉肝所以單點食多幾塊。兩款滷水野都暖暖的，滷水汁超入味又甜甜地。鵝翼啖啖肉、鵝粉肝口感滑嘟嘟又夠粉，仲有豆腐係底，大讚！鵝蛋大大隻，蛋肉係特別厚身彈牙。干貝海鮮粥（位）食少少墊下個胃。超多粒干貝，鹹香用作配淡味既粥提鮮！粥身好綿。椒鹽九肚魚即叫即炸好脆。九肚魚肉質入口即溶又無暗骨。

這家古色古香的潮州菜館！餐廳的佈景彷彿穿越到了古代的宴會場景，超有情調一走進去就有一股香氣迎面撲來，國家級大師傅親自坐鎮，每一道菜都展現了他們的功力和對潮州菜的熱愛～我最喜歡的菜之一是鹹菜炒香飯，簡直是鹹香味的代表！鹹菜和香飯的香氣完美結合配沙茶炒牛肉，可是絕對不能錯過的！牛肉片又嫩又軟，搭配上濃郁的沙茶醬，口感真是一級棒！底下還有菜芯吸盡醬汁😍另外他們的老菜脯豬肚湯湯汁鮮美濃郁，豬肚的鮮嫩口感加上湯汁的滋味，喝一口就感到溫暖又滿足🥰🥰最後是豆醬焗嫩雞，半隻雞煲熱騰騰的，肉質鮮嫩多汁，再配上豆醬的獨特風味，真是美味！

位於灣仔鄰近地鐵站步行幾分鐘傳統潮州菜酒家 好耐都冇食潮州嘢啦 今日喺灣仔電腦城行完之後過嚟試下滷水鵝片 $168 豆腐超級嫩滑但不鬆散 鵝片份量好多 肉質嫩口 配埋個酸醋 超惹味潮州炒香飯 $128 層次好豐富 口感飽滿 配料很足夠 食而不膩汕頭煎蠔烙$108 蠔仔嘅份量好多又新鮮 係我食過最好食嘅蠔餅 每一口咬落去都好飽滿 配上魚露味道 剛剛好蝦棗兼蟹棗$168 啖啖都係肉 非常新鮮 完全食到蝦和蟹的鮮味肉質亦都十分彈牙 再配上桔油 酸酸甜甜非常開胃

(*˘︶˘*).。.正潮樓:*♡第一次來灣仔的正潮樓，果然是正正子，潮州菜都做得很棒。地點方便也好吃 ，尤其滷水鵝留有餘韻。潮州菜控表示有驚喜啊～-這次一嚐晚市菜式,二人商務套餐其中當然有我愛吃的炒鮮魷!簡單油泡快炒南澳魷，肉厚鮮甜，挑挑花，簡單吃起來已經很惹味很好吃!! 我一個人絕對可以吃光一大隻魷魚！！-當晚滷水拼盤也很驚艷滷水一聞一吃已經知滷水底用料功夫深吃落清香淡雅，滷水鵝片焦糖色的，鵝皮有光澤肉嫩入味。滷水大腸軟糯入味，肥而不膩。也很喜歡滷水墨魚片，鮮爽彈牙，清爽可口。-臘泊春菜煲賣相雖較平實，但味道也好自帶春菜甘甜味。-欖仁五穀羹也是一道不錯的養生湯羹，用欖仁、薏米、芡實、蓮子、紅豆等五穀熬煮而成，口感咸香綿密。-啊啊對了，潮州點心韭菜粿和荷蘭薯粿絕對要必點！韭菜粿香氣十足，荷蘭薯粿口感軟糯外皮也很酥脆，好吃好吃！-正潮樓灣仔謝斐道117-119號富通大廈地下2號舖#灣仔美食 #灣仔 #謝斐道 #滷水鵝 #潮州菜 #滷味 #欖仁五穀羹 #油泡南澳魷 #臘泊春菜煲 #韭菜粿 #荷蘭薯粿 

正潮樓有國家級嘅潮州菜大師博坐鎮， 相信可以食到正宗好味嘅傳統潮州菜🥰🥰😛😛😊🦪魚露浸花甲🦪 $188花甲鮮甜，每一隻都大粒，有挑選過嘅，魚露醬汁有加到蒜頭，醬油，蒜，辣椒，鹽，芫茜等配料，鮮香而唔會搶到花甲原有鮮味，味道調節得恰到好處🪿滷水鵝肉🪿 $138滷水香濃， 呢到嘅滷水膽甘草味道比較出，每一口過後，有淡淡嘅回甘味，同鵝肉好夾；同時豆腐嫩滑，打冷必點🍲老菜脯煮粥🍲 $70店家用上30年老菜脯，係坊間少見菜式，老菜脯降氣消食，理氣化痰，係上佳嘅食材，見到嘅要叫返碗，食完感覺好滋潤🥬朥粕春菜煲🥬 $118朥粕即豬油渣也，朥粕已經煎去大部分油脂，春菜取其香氣，香而不膩，潮州人善用各項食材，做到物盡其用每一道菜水準都好高，廚房師博有料到，整體表現滿意，好適合朋友聚會同家庭聚餐☺️☺️😋😋😆正潮樓地址：灣仔謝斐道117-119號#wanchaifood#wanchai#正潮樓#潮州菜#潮州菜大師博#大師博#國家級廚師#潮州菜正宗#魚露浸花甲#花甲鮮#滷水鵝肉#滷水豆腐#潮汕滷水#滷水膽#打冷#老菜脯#30年老菜脯#老菜脯粥#朥粕#春菜煲#豬油渣#朥粕春菜煲#謝斐道#家庭聚會#朋友聚餐

好耐冇食過潮州菜喺香港唔係好多餐廳可以食潮州菜所以係網上搵咗好耐後來發現灣仔有間潮州菜 咁我就抱著試試的心態點知一試上癮咯味道幾好 好適合我的口味下次會找機會吃吃😉

早幾日出開灣仔，相約朋友在附近食晚飯正潮樓-傳統潮州菜餚古色古香的潮州菜館國家級大師傅坐鎮 梅汁焗豬手，以酸甜梅汁調味，豬手內裡嫩滑，好有口感又豐富膠質糯米雞翼，外皮香口，內裡融合了糯米和雞肉的香氣，滿滿的餡料，不錯的配搭老菜脯豬肚湯，以豬肚和老菜脯熬煮而成，湯汁濃郁，豬肚軟嫩入味。水晶白桃棵，炸致金黃，，入口有點像咸水角，亦帶微微的果甜富果甜芋泥，以香濃的芋頭為主，加入各種水果的甜味，口感綿密順滑清心丸綠豆爽一道清涼的甜品，由綠豆熬煮而成，口感清爽，清清甜甜，好足料。

今天同朋友去到灣仔正潮樓食正宗潮州菜。今日叫左滷水鵝片，汕頭煎蠔烙，朥粕春菜煲，糖醋煎伊麵。滷水鵝片：鵝片啖啖肉，肉質鮮味不鞋口。滷水入味岩岩好到位。豆腐完美作為配碟吸收了滷水鵝片汁的精華。花生也是很美味。汕頭煎蠔烙：即煎金喉到位，煎到金黃色不過火也是廚師的功架。蠔烙鮮味可口。朥粕春菜煲：清甜菜的味道，配合已炸蒜頭也是很夾，還有豬油粒都不會油膩。糖醋煎伊麵：伊麵煎到金黃色香口而沒有燶的味道。韮黃在底帶出韮黃香味。加上糖和醋令到整體更加昇華。