Bingo & Cook (港匯廣場)

Open Now

Now Closed

今次去咗尖沙咀食韓國菜，餐廳門口有一列紅色帳幕，霎時間仿如置身於韓國的路邊攤檔，可以感受一下泡菜國風情。醬油蝦（連飯)醬油蝦蝦肉結實彈牙，蝦頭滿滿蝦膏，醬油味道不會太咸，跟一碗紫菜飯，麻油味好重加入了紅米，食得更健康。韓式生牛肉韓式生牛肉份量挺多，伴有生雞蛋、芝麻、雪梨絲同芝士，拌勻後入口香滑，牛肉味濃，纖維細緻，雪梨絲清甜爽口，醬汁麻油味夠香口，凍冰冰岩曬夏天食用。人參雞湯人參雞湯味道濃郁，雞肉軟腍，腍到連雞骨都好容易咬開，糯米份量比較多，飽肚感十足。

阿女一向鍾意食韓國菜，尤其係Bingo & cook ，今晚去尖沙咀做facial，之後book咗去食晚餐，餐廳由韓國人主理，見有好多韓國人都嚟食飯，感覺好地道，好有氣氛，環境同枱椅闊落，坐得舒適。入座後隨即送上4款韓式前菜：泡菜、翠玉瓜、青瓜、蓮藕片，味道酸辣好醒胃。蜂蜜黃油炸雞：炸雞件件都炸到金黃，入口唔會油膩，炸雞的外皮充滿濃濃的牛油味，肉質好嫩滑。藥膳人參雞湯，人參雞湯暖身又美味，乳白湯汁入口有如牛乳般的滑潤並帶有清新米飯香氣。人蔘入湯香氣濃郁，味道甘甜。雞肉軟爛不柴，湯汁濃郁香滑。牛肉紫菜包飯、炸蝦紫菜包飯，每條包飯捲住好多料，餡料份量十足，有青瓜、甘筍絲、醃蘿蔔、蛋絲、芝士、蔬菜絲配牛肉或炸蝦等等，再撒上好多白芝麻，所以口感豐富，味道富層次。炸醬麵，炸醬的醬料舖滿了整碟醬料麵，內裡充滿了肉粒，混合整碗麵後，每一條麵條都沾上美味的炸醬，麵條的硬度適中，味道帶甜。海鮮炒飯，飯炒得粒粒分明好香口，加入海鮮有蝦、魷魚、青口令口感豐富，再淋上特製醬汁，味道更惹味！

尖沙咀相信大家都去到爛，點知原來成日經過既一條街，係柳暗花明又一村，行入一個loan loan到盡頭就會搵到呢間餐廳坐低例牌食下韓國小食先，簡簡單單，食得出係自家製之作Ox bone soup ($145)牛骨湯煮到變白色，味道清甜，入面有麵線同唔少牛𦟌，補身之選Pork Bulgogi Spicy Stir-fried Pork ($200)鐵板上十分惹味，少少辣，會跟一碗飯，送飯真係一流50cm Korean Seafood Stew ($380)到主角50cm海鮮鍋啦，要用兩個爐頭先放得落，氣派十足，入面差唔多講得出既海鮮都有，蟹、鮑魚、帆立貝、魷魚、蝦、蜆，仲跟一碟韓國手打麵，吸盡海鮮湯精華

記得喺母親節嗰日，我帶咗媽媽去食呢間隱世嘅韓國餐廳～其實之前都有聽過佢大名，不過最近先知佢喺尖沙咀開咗分店，然後個location極度隱世😆 真係要搵咗一陣先搵到，不過無礙🤣因為佢啲野食都好高質好值得食～🍕海鮮煎餅 $148超級超級多料嘅海鮮煎餅🥰 比起傳統海鮮煎餅冇咁多麵粉，而且煎得好香脆～又有爆多魷魚、蔥同韭菜😋又香口又惹味！🍯蜂蜜黃油炸雞 （半份）$130呢個炸雞都係炸得好香脆！雖然只係半份，但係都好多舊，好似有5-6舊！佢個質地係有少少似麥脆雞嘅質地，但完全就唔會有嗰陣萬年油味，而且蜂蜜牛油味好出😍入面雞肉又嫩滑又夠juicy!我打包左少少返屋企食都冇稔到！🔥（中）韓式燒烤套餐 $420係有專人幫手燒嘅燒肉，所以基本上都燒得啱啱好，啲腩肉肥瘦均勻，個面又燒到卜卜脆🥰 然後份量又係超多！兩個人係食唔哂的🙈 然後呢個set仲有一堆配菜同豆腐湯😳豆腐湯超級好飲，唔會太辣又好夠泡菜味（（有少少似羅宋湯味🤣～然後入面都好有料！有幾舊煲得好軟稔嘅豬骨肉同埋啲豆麼真係好夠滑～🥘原味韓式炒年糕 $158想講呢個辣炒年糕個汁超級超級好味同惹味！會令人胃口大開😝～不過就真係會越食越辣🫣 超多好入味

終於搵到間韓國菜 唔洗去韓國街啦呢間餐廳係k11附近啲小巷 都算方便好彩有訂位 估唔到竟然入場爆滿 氣氛一流音樂超強 重有幾個oppa不停行黎行去餐前小食都好好食 個泡菜好好食我地叫左半份honey butter炸然 上台勁香每一舊雞肉都沾滿蜜糖粉 脆而唔乾 好好食重有中嘅bbq pork set 呢個oppa會幫手處理第一次食呢款韓國香菜 well 唔係我杯茶😂食得咁開心無理由唔飲返杯丫最後加多個牛肉蒸餃 韓國餃子真係好好食最正係 佢真係蒸住上 唔會坐一陣就凍晒如果涼返少少 下次可以試下係對面食 再地道啲😂

#fafafoodblog韓國菜 #fafafoodblog尖沙咀前菜有泡菜 菇 西蘭花 腸仔 仲有茄子 好唔錯既餐前小食🍴蜂蜜黃油炸雞半份130 蚊🐥半份炸雞都多 咬落去好香雞油味 蜂蜜味香甜 茨粉厚度適中 好香脆 雞肉入面嫩滑 juicy食到膩 仲有 d沙律汁椰菜 夠哂 fresh 🍴韓式海鮮鍋 390 加25 蚊加麵🌶️🍜好豐富既海鮮鍋 有蜆肉 青口 海蝦鮑魚 花蟹 魷魚 全部好新鮮 佢個湯汁帶 d香辣 煲海鮮時湯盡吸鮮味 底層既芽菜好多 好爽口 盡吸辣汁 好味 加25 蚊既麵 有 d似拉麵 闊身上海麵嗰款 好爽口彈牙 正 🍴辣豬肉炒飯128 蚊🌶️豬肉炒飯🐷 好足料 好多入味香辣既豬肉 菇 洋葱 飯粒分明 口感軟熟🍚 好夠香辣#海鮮 #韓國菜 #豬肉炒飯 #鮑魚 #拉麵 #炸雞Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#bingo&cook尖沙

朋友推介左好耐呢一間韓國餐廳，咁啱見到有foodie介紹海鮮火鍋，所以決定同男朋友嚟試吓！.我地係星期五夜晚7:30去食，早一日打電話去卜位，訂位過程順利👌🏻位置有啲隱蔽，所以搵左一陣先搵到，因為入口冇大厦名比較難搵。.去到嘅時候已經係全場爆滿，好彩有卜定位，所以想去嘅朋友記得卜定位呀！😗海鮮火鍋！就係為左佢而嚟！我地叫左少辣，另外加左個麵大約$25。.我食譚仔係食十少辣嘅廢J，所以佢嘅少辣我都係覺得幾辣😂😂 不過慢慢食係完全冇問題！.火鍋裡面有扇貝、鮑魚、青口、蝦、蟹、魷魚，另外仲有芽菜同菇等等。.海鮮大部分都新鮮，份量嚟講，兩個人係完全足夠，但如果一大班人食，就未必每人每樣都食到，不過呢個價錢同份量再加上視覺效果係完全值回票價🤑.同埋如果鐘意食麵嘅朋友記得加，個麵應該係人手造嘅。火鍋食到一半嘅時間放埋個麵入去煮，食完海鮮先食個麵，都仲好煙韌、彈牙，而且好入味👍🏻炸蝦紫菜包飯都唔錯，蝦係即炸嘅熱辣辣，飯卷好足料，而且包得好靚、好結實，唔會一夾就散哂👍🏻甜辣炸雞配年糕香腸串，有驚喜！年糕香腸串係炸嘅，年糕外面鬆軟內裡煙靭，好似係韓國食都冇咁好味😭 .個炸雞真係暫時我食過最好食嘅甜辣炸雞

去過兩次銅鑼灣分店，一直都覺質素唔錯又有氣氛，尤其係佢地既海鮮煎餅超好味🤤最近發現尖沙咀都開咗分店，雖然位置係隱蔽啲🫣但食物味道同服務整體都保持到🫶🏻🥗免費前菜有泡菜、蜜糖蕃薯、茄子同魚糕😚飯前小吃味道都唔錯，前菜黎講份量足夠。1️⃣醬油蟹（連飯 ）2隻 $380推薦！去過韓國食過醬油蟹嘅小編～覺得依款🦀拍得住韓國🇰🇷蟹好有鮮味唔腥，調味恰到好處幾多肉～吸啜入口好似食緊啫喱咁～蟹膏量多味道濃撈埋紫菜飯一流🙌🏻2️⃣吞拿魚紫菜包飯 $65🤤餡料豐富有吞拿魚肉、紅蘿蔔、青瓜同牛蒡等～加埋芝麻同沙律醬料好夾💯3️⃣手作豬肉蒸餃子 $110最特別係有蒸爐蒸住維持溫度～每粒豬肉餃子都熱辣辣唔會凍左感覺幾好～餡料以菜同豬肉為主，味道正常發揮。4️⃣甜辣炸雞+ 香腸年糕串 （半份） $140韓國炸雞必吃～甜辣醬配香脆炸雞！肉質唔會話太乾～年糕都有驚喜煎到外皮脆夠煙靭～兩人share半份啱啱好5️⃣凍烏龍茶 $28烏龍茶消脂解膩首選🤫叫咗一杯冇冰都夠凍～份量都足

Bingo & Cook📍尖沙咀麼地道37-41號港匯廣場地下17-20 & 31-34號舖難得約到朋友食飯，今次特登揀咗間新開嘅韓國菜分店聚餐，呢度嘅氣氛好有韓國地道特色，店員同食客都多韓國人，室外仲設有帳幕，加上餐廳喺係巷仔入面，所以真係有啲似去咗韓國。一坐低就上咗泡菜同前菜，個人特別欣賞佢個西蘭花，爽口之餘帶有淡淡香腸嘅香氣。我自己唔太受得辣，所以唔係太食到個泡菜，但食得辣嘅朋友表示唔辣好好食，所以如果你係食得辣嘅就務必試下個泡菜啦！ 💰$580醬油海鮮 (連飯) 🦀🦐一個醬油海鮮入面有2隻醬油蟹、2隻醬油蝦、3隻醬油扇貝、3隻醬油鮑魚，非常豐富。蟹肉蟹膏甘甜、蝦肉新鮮厚肉、扇貝鮮嫩、鮑魚彈牙，鍾意食海鮮嘅一定會食得好滿足。跟上嘅飯係紫菜飯，好重油香同芝麻香，有別一般嘅紫菜飯，佢有加入紅米，好味得嚟又健康。 💰$200醬油炒豬肉 🐖一般都食開辣炒乜乜，今次就試試醬油炒豬肉，估唔到都幾有驚喜！因為佢嘅醬油鹹中帶甜，豬肉雖帶脂肪但唔會油膩，味道偏重口味，配白飯食一流！除咗豬肉片，佢仲落咗洋蔥、大蔥同金菇菜炒，食落好夠鑊氣。 💰$145牛骨湯 🐄呢度牛骨湯同想像中有啲出入，因為無諗過佢

同朋友見面總係充滿著期待，喺網上睇到「Bingo & Cook」銅鑼灣分店口碑唔錯，而家開咗尖沙咀新分店，就同朋友嚟嘆一頓韓國菜餐廳設有室外座位，以帳幕包圍，貼上韓星照片，甚具地道風味先奉上前菜，泡菜辣得過癮；西蘭花調味得宜；蜜糖薯仔夠滋味==========🔹醬油海鮮 (連飯) $580醬油蟹2隻、醬油蝦3隻、醬油鮑魚3隻、醬油扇貝3隻醬油蟹膏甘甜軟滑，蟹肉富漿性醬油蝦厚身大隻帶有鮮味；鮑魚入味；扇貝厚肉軟嫩紫菜飯加入健康紅米，帶啖啖油香==========🔹牛骨湯 $145以多片牛腱淆製而成，配上米粉牛腱嫩滑帶彈性；牛骨湯清甜不油膩==========🔹醬油炒豬肉 $200加入金菇、洋蔥及蔥段炒成豬肉肥瘦比例適中，醬油鹹甜平衡==========🔹蜂蜜黃油炸雞 (全份) $198炸雞有5件，上檯時聞到清香的蜂蜜味道；炸雞油份不高，炸漿厚度適中==========🔹吞拿魚紫菜包飯 $65加入青瓜、紅蘿蔔絲及芝麻等配料吞拿魚口感細滑不帶腥味，整體配搭得宜==========🔹茉莉花茶 $28🔹檸檬 $42🔹西柚 $42🔹生力啤 $88

尖沙咀Bingo & Cook地址雖為麼地道，但從赫德道後巷進入似乎較為簡單。餐廳侍應清一色為oppa，一入餐廳已經好像身處韓國。Bingo & Cook每道菜的份量均很大，多人前來的話不用點很多菜式，份量已經十分足夠。韓餐必備的前菜有四款之多，除大路泡菜外，尚有甜番薯、西蘭花腸仔及椰菜魚餅。泡菜醃得酸辣，發酵得很好，番薯外層有一層糖漿包裹，西蘭花腸仔及椰菜魚餅帶有麻油香味，每樣都做得剛好。青蔥沙律 在韓國的烤肉店桌上必備的涼拌辣蔥絲，配搭任何肉類味道更為提升。醬油炒牛肉 醬油炒牛肉絕對超下飯，味道有點像烤牛肉，但配上洋蔥及鮮菇就更鮮嫰更多汁。藥膳人參雞湯韓國人與中國人不同，會於夏天飲人參雞湯，因為夏天流汗多，體力消耗大，所以會以鮮人參補充體力。此人參雞湯參味很輕，飲後不會覺得很滋補。湯內雞肉連雞骨都入口即溶，想必是經長時間燉製。此雞湯內有很多糯米，拌勻後入口更像雞粥，既鮮甜又飽肚。海鮮煎餅海鮮煎餅粉漿不多，大部份為海鮮韭菜及蔥段，韭菜蔥段烤過後十分香口。Bingo特製紫菜包飯Bingo特製紫菜包飯配料包羅萬有，加上芝士，入口特別充實惹味，帶有淡淡麻油香氣。

Bingo&Cook之前食過銅鑼灣分店，宜家📍尖沙咀新開左分店，入口有d隱蔽🙈但阻唔到我食好西既決心❤️嘢食確係高汁又地道🥳🦀50cm韓式海鮮鍋 $380一上枱好吸晴😍好長既一個鍋鋪滿哂唔同海鮮，有一大隻蟹、魷魚🦑、扇貝、蝦🦐、鮑魚、青口、蜆等，海鮮好新鮮份量足☺️，蟹好多肉🦀，叫左小辣🌶️，個湯底辣辣地，加埋海鮮越煮越鮮甜😋，忍唔住飲左好多，一定要加$25手工麵🍜，個麵有d似烏冬咁，吸哂海鮮鍋既精華，推介必點❣️🐥原味炸雞+芝士球3粒(半份) $130原味炸雞又幾有驚喜，有6件左右，熱辣辣好脆好夠味🔥芝士球唔係拉絲果款，個餡係香草芝士味🧀味道唔錯🍙吞拿魚紫菜包飯 $65有10件🍱，平時就食得多泡菜豬肉🐷或牛肉紫菜包飯🐮，吞拿魚🐟沙律味都好正，同飯卷好夾，相對又唔會咁膩，可以解下辣味😙🍸青提子燒酒 $80食海鮮配韓國燒酒無得輸🥂Overall留意番尖沙咀新分店先有海鮮鍋叫，2間分店既menu都有d唔同🧐尖沙咀仲有好韓國地道戶外布帳馬車位坐，裝修好用心💕岩一班朋友黎聚下

好耐無食韓國菜🤤超級掛住韓國炸雞同豬腳！😝知道原來尖沙咀既CHUMCHUMMI同Bingo & Cook合并左，好耐以前食過一次CHUMCHUMMI既豬腳覺得大份又好食，唔知合并左之後既食物質素又如何呢😋🌟燉煮豬腳🐷 $320喜歡吃豬腳的人必叫！超級推介的🤤豬腳真係好大份，兩個人根本食唔曬要打包😂餐廳會提供爐，開火煮熱預先煮熟既豬腳，所以豬腳熱辣辣~食落去脂肪位置超級軟腍，而且好入味，係啖啖骨膠原既感覺🤤😆肉既部分都好腍，唔會好乾，半肥瘦就係我最愛！另外配有一大兜唔同種類既菜同醃蘿蔔比我地包住一齊食🥬連紫蘇葉都有！豬腳配紫蘇葉同醬汁一齊食真係好正😋❤️🌟醬油蟹 (連飯) 1隻🦀 $270第一次食同最後一次食醬油蟹已經係五年前喺韓國lol記得嗰陣第一次食係接受唔到，但呢次食就真係有完全唔同既感覺！😳醬油蟹唔算好大隻，但肉質感覺都好新鮮，同埋好多金黃色既蟹膏😋🤤鮮甜唔會腥~而且好香醬油味！另外配上紫菜飯可以自行撈蟹蓋一齊食，冇人幫手撈唯有自己落手🤣將飯撈落去充滿蟹膏蟹肉既蟹蓋，再淋上甜醬油，飯粒吸滿醬汁，每啖都係蟹膏🤤🌟蜂蜜黃油炸雞 (半份)🍯 $130食韓國野叫炸雞係基本啦🥰想講呢個炸雞有

話說開關後都仲未有時間去首爾，真係好掛住韓國嘅美食😙😙😙今日同細妹行過尖沙咀發現左有呢間鋪好特別所以就入去試下啦打開meau每樣野都好吸引，店員已經拿拿聲俾左個前菜我地，分別有泡菜，芽菜，雞蛋粒同醃菜，我地首先點左個燒豬肉套餐，仲有個泡菜煎餅，同埋唔少得嘅炸雞加年糕串添😋😋😋 店員好純熟把生嘅豬肉放入個鍋度燒，反兩反，炒兩炒已經聞到好香，之後再剪開細細件，我地翹埋雙手就可以食啦，跟住再上就係炸雞，炸雞表層係酸酸甜甜嘅脆漿，雞肉好嫩滑，年糕都好煙靭。

尋晚又同太太去食佢幻想嘅鄉下韓國菜🇰🇷😂我哋就去到尖沙咀嘅「Bingo & Cook」😋呢間小編已經bookmark左好耐啦！終於可以去同太太試吓😬醬油蟹(連飯) 1隻 $270非常之入味而又新鮮嘅醬油蟹撈落去熱辣辣嘅紫菜飯度，真係十分之夾😋又完全冇腥味，而且有蟹膏味🤤諗返起都想再食☺️甜辣炸雞＋香腸年糕串（半份）$140呢個炸雞外脆內嫩😋非常之鬆脆👍而且個甜辣醬嘅味道又岩岩好！好好味☺️Bingo特製紫菜包飯 $80呢個係小編最鍾意❤️因為加左芝士呀😍真係好味到不得了！好想瘋狂encore🤤海鮮煎餅 $148呢個煎餅材料十足😋每食一啖都係充滿材料🤤包括有海鮮之外，仲有洋蔥🧅、韭菜、蔥等等……亦十分之鬆脆！西柚汁 $42橙汁 $42