王家沙．花樣年華 (又一城)

Open Now

Now Closed

星期日同屋企人睇完戲7點鬆啲，間間餐廳都排曬隊，費事老人家等，見王家沙唔洗排就入去食。入去一坐低都知有小小賴嘢，梳化有頭髮，有食物碎屑，碗碟亦唔太乾淨🫣素鵝 - 勁油，個腐皮完全比油浸住係淋嘅，而且仲好大陣油益味酸辣湯 - 正常，但都唔係特別好飲生煎包 - 個包又油又唔脆，入面完全冇肉汁，舊肉又霉又細粒 蟹粉小籠包 - 蟹粉腥，皮厚，肉汁有啲好似藥材味咁，有啲奇怪招牌炒飯 - 味道正常，係炒得唔夠乾身東坡肉 - 個汁好稀好似豉油汁咁，完全唔掛汁唔入味，其實都唔知佢算唔算係一個東坡肉😓清炒河蝦仁 - 完全冇味清炒菜心 - 係全晚最好嘅菜式👍🏻唔洗排隊係有原因架……

前排端午節買過隻粽,覺得味道唔錯,諗住餐廳都應該唔差得去邊,今日特登去食晚飯就瀨晒嘢.首先係頭盤燻魚.成碟大概得四嚿,魚肉又乾硬又嚡,骨頭又多.第二道菜係嫩雞煨麵,好難食. 麵未煮熟,食落除左硬仲有d生生地既粉味. 最不知所謂係d雞肉,好大陣雪藏味+冇乜調味, 加上啲微酸的罐頭蘑菇,成碗麵真係好難食.第三道係炸黑毛豬扒擔擔麵, 碗麵就一般問題不大,炸豬扒既底部麵衣未炸好,食到一層口感略帶煙韌嘅粉漿黐住舊肉最後上既係金牌蟹粉生煎包, 好一般. 包既上半部分略油口感好”pat” ,底部煎得唔夠脆內餡正常.用左open rice訂枱有九折優惠,但係最終埋單呢個價錢： 4百幾同佢嘅食物質素相比完全唔合理. 坐低之後直接斟沖好嘅茶,一啲茶味都冇,溫度都係溫溫吞吞.除咗食物質素,夥計態度都唔太好. 明明有訂枱有冇記低, 去到都要等一陣先可以入座,安排有啲混亂. 餐具頗為殘舊, 碗碟嘅花紋明顯大部份已經甩晒. 座位都唔太乾淨.好低質既餐廳唔明白點解可以係又一城屹立咁耐

食物水準好穩定醉雞，炒飯，津白，小籠包，上海粗炒酸辣湯用來點薄餅基本上都係好食座位夠闊落提早訂位方便照顧家人安排了坐在最入的圓檯有矮的板隔住算闊落價錢四個人 兩大兩小孩每人兩百左右

小籠包：是我食過最厚的皮，肉汁欠奉。那等如的肉汁也不鮮甜，用的豬肉不是新鮮的。屋村街市嗰啲都好食過佢。蒜泥白肉：舊白肉硬骨骨，亦沒有肉味。純粹食汁。豬扒擔擔麵：舊炸豬扒凍既。擔擔麵霖啤啤，好粉。擔擔面汁都尚可以。因為是最後上的一味菜，本人已經頂唔順，要求佢更換。侍應妹妹都好有禮貌。之後換新的一塊，係熱。但廚房炸油不夠高溫，炸出來的豬扒浸滿油，又要多做兩日GYM減番，頂！茶：不會問你飲咩茶，茶倒出來是和暖、是黑色的，因為已經浸泡很長時間。四季豆：唯一可以讚嘅。豆夠爽脆、惹味。Openrice訂位：準時去到都係要在外邊等，感覺他們不知道訂左位咁最後同場加映：由於外邊落大雨，呢間黃家沙是露天茶座式的，一齊有些雨粉嬸落黎，正👍🏻 涼爽

都好似好耐冇食上海嘢🤩揀咗呢間，都好耐冇食過喇！叫咗必食嘅小籠包😍個皮都幾薄，幾好食唔錯👍🏻😍小食叫咗蒜泥白肉，我覺得細碟咗D🥲，但係幾好食，佢個蒜汁幾好，入面夾住塊萵筍，又幾夾🤤另外個陳醋海蜇頭，個醋好勁，海蜇勁爽，有青瓜墊底，個人覺得⋯個醋勁得滯🤣最後仲有一碟炒飯同我好想食嘅生炒骨🤣（佢冇咕嚕肉，唯有叫生炒骨）配料都多，D肉偏細粒，都唔錯。炒飯一嚟到，笑死，勁多青豆😂我都OK嘅，朋友唔食，慢慢揀返出嚟。我覺得個飯都唔錯，有好多雞粒，夠晒味👍🏻-蘇式鮮肉小籠包 $62-蒜泥白肉 $78-陳醋海蜇頭 $88-鮮鳳梨生炒骨 $128-家鄉金腿炒飯 $108

今日路過又一城有啲事做，到咗下午見到王家沙又好耐冇食過上海菜，但見到食評話食物不熱所以有啲擔心，點知食物水準可以，沒有食物不熱的情況，四季豆，招牌炒飯，黑毛豬扒飯，水準都可以不會差

星期四平日放工，六點左右可以直接入座中間位置的二人枱，枱與枱之間緊貼著三絲粉皮粉皮佔咗九成，有少量嘅雞肉和青瓜絲麻醬比較結身粉皮混不上麻醬，無味道麻麻地蘇式鮮肉小籠包小籠包皮特厚夾嘅時候一定唔會穿唔好食上海粗炒呢個算係最正常但係顏色勁深色一向喜歡食上海菜呢度都嚟咗好幾次是次用餐經驗麻麻整體食物質素…….失望服務一般⭕️座位間有透明膠板相隔✅店員人手處理進入食肆之安心出行❗️部分座位為開放式（商場） ✔️每位收取茶錢$12✔️QR code自助下單

呢間上海菜，以前都幫襯過，不過好耐冇去啦。今日去開九龍塘又一城行街，突然間想食椒鹽小黃魚，所以就決定去嗰度食晚餐。落單係用QR code，都幾方便。叫咗幾個餸，包括生煎包，奶油津白，椒鹽小黃魚，韭菜炒鱔糊，話梅骨及芝麻豆沙餅。生煎包一般啦，椒鹽小黃魚就麻麻哋啦，肉質都仲算OK，但係炸得麻麻地。最失望嘅係韭黃炒鱔糊，啲黃鱔非常唔新鮮，10分「鞋口」，係我咁多年食過嘅韮黃炒鱔糊最差嘅一點。忍唔住叫經理幫我換過第二個餸，幸好服務態度都唔算差。幾個餸裏面話梅骨算好食，連芝麻豆沙餅都唔夠脆呀，呢個廚師真係要好好鑽研下佢嘅廚藝先得喇！

疫情期間,安排二人坐檯仲逼過茶餐廳, 只有0.5米距離,要求經理可唔可以坐遠啲, 明明有空枱,但係都唔得. 經理完全冇禮貌, 完全唔想有客人. 食物質素每況愈下, 應該冇下次.

望月樓事件前，同屋企人係呢間分店食過dinner當時食物質素仲保持到水準。爸媽都中意食上海菜～今日又再去試吓啦當知失敗至極天呀～～最嚴重嘅問題呀～～啲嘢食唔係熱騰騰上菜速度快到呢～雖則話冇乜人食晚餐，但都唔該控制吓上菜嘅速度～落單5分鐘左右～啲菜都差唔多上到7788感覺全晚冇食過熱嘢一樣小籠包好難食唔夠熱、皮又厚松子桂花魚🐟味道可以但係炸得太乾闊佬炒飯味道正常，唯一一碟有熱力嘅餸炒羊肉配薄餅，跟餐只有4片薄餅，可另外加錢配多半打，呢個係我之前最鍾意食，因為佢個薄餅好煙韌4片一定唔夠食上海粗炒，油！無味！賽螃蟹🦀️，醉雞🐥正常水平～～～～～～～～～～～～～～～～～整體嚟講，食到我懷疑係咪換咗廚師👨🏼‍🍳？點解今次會咁難食另外仲有叫甜品紅豆煎餅～唔錯奶黃煎堆仔～尚可如果想坐六人枱記得訂位時要同佢講清楚～另外現時Open rice book 枱優惠～免+1

真係無諗過甘難食！嘩！真心覺得俾錢買難受！侍應個態度係帶錢反工甘！叫左6樣野！只有一樣覺得放得入口！叫左擔擔面，口水雞，四季豆，黑毛豬扒菜飯，酸辣湯，話梅排骨放得落口只有話梅排骨😞首先講個擔擔麵，一放落嚟已經知佢唔熱啲湯唔熱，個湯冇味剩係得個花生醬味🤮第二講個口水雞，個雞擺明放咗喺雪櫃好耐雪到硬晒，又冇辣味，凈係凍！第三講個四季豆，其實四季豆還可以，不過師傅落重手放多咗鹽搞到啲肉鬆好鹹！第四講個酸辣湯，飲呢個酸辣湯飲到火都嚟，雖然係叫酸辣湯，但係唔係剩係得個酸囉！連酸辣湯咁普通嘅嘢都做唔到真係冇下次！第五樣講個黑毛豬扒菜飯，第一啖食落個菜飯到鹹到唔識講嘢，同咗個經理講經理話整個新嘅出嚟，滿心期待有個新菜飯，一食落口苦嘅，一食就知炒到過咗龍差少少燶，所以都冇再同經理講由佢啦！最後話梅排骨都算係可以接受！唔會再有下次一定唔會！

小胖以前覺得佢雖然有啲貴但幾好食，點知今日真係食完之後好想講「俾返啲錢我！」因疫情，所以叫咗外賣食，點咗個點心拼盤，精選二人餐和炸豬扒擔擔面(辣)佢的所有食物都好鹹！特別係有汁同埋湯類的食物，如擔擔面，鹹到要加水先食到炸物好燶，包類食物，如小籠包，生煎包等，全都超厚面皮😶，而無俾醬汁點炒飯可能因為外賣原因，變得好濕，唔怪得佢，但亦都唔好味，好普通唯一相對好食係白菜，味道可接受，比起其他冇咁鹹結論：貴夾唔好食🙃

琴日突然想食靚少少既上海菜，見到呢間既裝修都幾靚坐得舒服所以就入去一試。每次食上海野都必點小籠包同生煎包，仲有醉雞。蟹粉小籠包($78)見到個名好吸引滿心期待，但係都係普普通通，冇蟹粉味。醉嘉美雞($108)上盤係幾靚幾有古代氣息，但味道好淡，雞冇咩味，食到最尾先食到酒既味道，而且份量都幾少，呢個價錢嚟講都幾貴，有少少失望。乾煸四季豆($88)最好味呢個樣，肉碎炒得好香，四季豆炒得岩岩好，咬落仲係爽口既程度。送飯一流。家鄉金腿炒飯($98)味道比想像中好味，飯炒到粒粒分明，金華火腿既咸香味都剛剛好。而份量都十分足夠，我地2個人都食唔晒。埋單2個人$472，性價比唔算高。

今日中午和舊同事選擇呢度聚餐。首先環境麻麻哋，坐得好逼！兩個人想叫多碟嘢都唔得！涼菜：四喜烤麩，味道一般，木耳都不脆的。應該擺咗好耐。招牌蟹粉小籠包，還不錯，湯汁多，但皮不算薄。不過上菜嘅姐姐嘅服務就很差了，就咁「啪」一聲放檯面，我仲以為係茶餐廳食緊飯！一定要改善。京醬肉絲：味道不錯，肉絲嫩，味道鹹甜適中。不過麵餅就太少了！收得$108應該畀多幾塊嘛！還叫了一個家鄉炒年糕，不過唔記得影相，味道不錯，年糕也煮到恰到好處。總體來說，性價比一般，服務就很一般！

這天去完九龍塘辦事，已是5:30pm。想吃個 early dinner，又想食中菜，於是揀了呢間。我從來無食過王家沙，平常只吃翡翠小籠包 or 上海姥姥。今次係因為見到餐單好多嘢揀，幾吸引喎，所以試下啦~而家係5:40pm 5係用餐高峰時段，所以5使等位，不過用餐時限是1.5小時，都習慣了，無問題~坐低先來一壺茶，無得揀咩茶。然後揀咗5樣嘢，揮手叫落單。。。可能時間太早，無乜 staff，揮了一段時間才有員工來處理。我地叫咗：1. 鮮肉小籠包 ($58)：皮真係有點厚，肉有點實。我覺得翡翠 or 姥姥好味d 2. 酸辣湯餛飩 ($68)：酸辣湯夠味，酸度適中。最重要係夠熱。。。何解我會強調呢點？係因為之後既體驗。。。anyway 呢道菜係幾好~3. 上海話梅骨 ($118)：呢碟熱度一般，排骨過度走油，所以有點實，對於老人家來講，真係幾難咬嚼。調味都幾好，有一粒話梅核。估計話梅醬不是 homemade。由於5係太熱，所以要快食。4. 雜錦海鮮炒麵 ($128)：呢個係鐵板上，但溫度係微暖。佢地究竟 hea 放幾耐後才拎出來？？？於是我地只好將微熱話梅骨放埋一邊，馬上 ko 呢碟微暖炒麵