樸生 (Closed)

以前係青衣返過工,有好多舊同事都係依面所以間唔中都會黎搵朋友食飯聚舊一下印象中青衣城都冇韓式餐廳不過姒排見到D舊同事話依間樸生幾特別,所以今日同佢地黎試下岩岩開張既時候都有黎睇過等位人都唔少加上係星期6於是同朋友決定搵個閒日先黎食雖然係閒日但係人數都比想像中多好多基本19:30後都要等位喇食物既種類都唔少而且主菜好多都可以自己選擇 非常多變化最驚喜既呢到居然有醬油蟹食!我地4個人,所以可以有醬油蟹送不過朋友最近腸胃唔太好唯有留返下次食另外佢地有分素食區,會有條手帶比素食既朋友我地食左椰子雞湯本身無咩期望,因為依度價錢唔貴,但係個湯估唔到幾夠味, 個雞好香連埋湯一齊食好惹味雞肉吸左湯汁之後仲好食所以我覺得都算係唔錯既選擇除此之外我地仲點左炸魷魚圈,PIZZA等等,都幾好食,又唔會太油,炸得好脆好多餐廳既八爪魚都係急凍冰鮮而呢到既係新鮮八爪魚已經好耐冇食過咁新鮮而且甜美既八爪魚

今晚嚟到青衣城搵好嘢食，見到有一間外觀好清新，好Green 嘅餐廳，原來佢係有兩邊嘅舖位，一邊係素食嘅，另一邊係食火鍋自助餐！一於入黎試吓啦，而家仲做緊秋日優惠，每人只需要$188再加一，以任食黎講呢個價錢都唔算貴呀！係呢度可以揀人蔘雞鍋，或者係海鮮部隊鍋，海鮮部隊鍋嘅話仲可以有唔同嘅湯底可以揀㗎，我哋今次就揀咗蝦汁芝士湯底，我地真係冇揀錯，呢個湯底係我打過咁多次邊爐最好味嘅一個，因為香濃嘅蝦汁同芝士嘅配合，就好似食緊喇沙咁，回味無窮，淨係飲佢個喇沙湯都已經覺得好好味！海鮮部隊鍋入邊有蜆，青口同埋蝦，當然仲有部隊鍋必要嘅午餐肉啦，另外仲可以無限添加特選牛肉，黑毛豬，同埋雞柳！除咗部隊鍋之外，大堂仲有好多熟食同埋甜品㗎，亦都可以任點炸雞！我哋仲可以喺大堂揀好多唔同嘅醬汁用嚟點炸雞，例如有士多啤梨醬，擔擔麵醬，芫荽等等，有啲醬汁都好特別架！呢度嘅熟食有好多唔同嘅選擇，例如有關東煮，咖喱魚蛋，韓式年糕，滷水雞翼，仲可以揀自選配料嘅石頭鍋飯添，不過食得太飽所以我哋都冇試到喇！除咗食物之外呢度都有幾款飲品可以任飲㗎，全部都係一啲自家製比較特別嘅飲品，好似樸生珍露特飲就係有酒精成份嘅，不過飲落都唔

我呢個肉食動物，日日都多肉零菜，今次我朋友終於頂我唔順，捉左我去食素！餐廳行簡單樸實風，冇話有好特別嘅裝潢，但人與人都保留左啲空間，唔會好迫。呢間素食餐廳都幾特別，行半自助餐形式。夜晚有三樣主菜可以揀，揀完就可以出去任拎野食。主菜揀左素芝士百靈菇石頭鍋飯，食之前，staff好貼心咁提醒我地，如果想食飯焦嘅話，可以用每張檯都有嘅電池爐煮多一陣。自助餐果邊仲有啲伴飯材料可以添加，是但拎左一堆，加埋本身啲伴飯到。對我呢個食肉獸黎講，呢個素食都唔錯，好難得。另一個主食，就嗌左個香煎素豬肉流心芝士漢堡扒。漢堡扒食到啲香菇味，加埋中間嘅芝士麻薯口感，唔錯！點嫌煎得太油，加埋啲生菜食會更好。呢啲仲有個迷你打邊爐，唔算多材料揀，但都係過下口癮姐。佢嘅流心芝士腸唔錯，雖然唔似我地平時食開嘅芝士腸咁香口，但素食可以整到呢個水準，已經好出色。食完飽飽，仲可以食甜品。有芋圓、朱古力撻、麻薯等。自己試左個南瓜撻高質，甜得岩岩好，係我在場唯一忍唔住refill嘅野食。豆腐花略嫌擺得太耐，有出水嘅問題。不過在場有勁多配料可以加。總搭黎講，質素中上，多野揀，前菜到甜品都可以話有齊，仲要係半自助，唔錯！

前排同爸爸黎食過晚餐，今次諗住同男朋友去食👫去到發現變左韓式火鍋自助餐🍲一場黎到，緊係試下啦！反正我地都好耐無打邊爐啦😋-🔹火鍋自助餐($198)⭐️6/10➣ 人蔘雞湯 / 蝦汁芝士湯 / 麻辣湯 / 泡菜蕃茄湯 / 雪濃湯↻ 升級海鮮汽水任點(+$68). . .全部湯底都好有韓國特色🇰🇷我地揀左泡菜蕃茄湯同雪濃湯👅前者較甜，後者清啲有奶香🍼除左基本牛、雞、豬之外，出面自助形式自己夾蔬菜、部隊鍋區、甜品區、韓式熟食區🍤升級左$68💵肉類都會升級🔝仲有幾多海鮮揀，有生蠔、藍青口、虎蝦、帆立貝等🦐-▫️任食自選石鍋飯🥘自己裝飯，再排配料，然後自己煮熱🔥最後打隻蛋落去撈勻，就食得啦😋估唔到自己整又幾好味喎👍🏻仲有飯焦添呀！▫️任食混醬炸雞🍗又係無限任點呀！-🔺9:30pm後入座仲會再平啲😱

#樸生Bobsang Bobsang主張從飲食開始🍴推崇簡約樸實的生活態度🍀餐廳由裝潢🛋、 餐具🍴以至菜式設計🔖均以清新自然風格為主🍀；菜式除了韓式生牛肉🐄、韓式煎餅🌮等傳統韓式家常美饌🇰🇷， 👨‍🍳大廚更獨家設計多款創意Fusion料理🍤，如炸腐皮芝士卷🧀、 粟米豆漿年糕🌽等，為一眾饕客帶來全新美食體驗🆕💯 ====—====—====—====— #晚市半自助餐 （$168） 🔹韓式部隊鍋🍲 🔸炸雞🐥 🔹熱葷🍱 🔸甜品🍧及飲品🍹 ———————————— 設多款食物專區😍 🔅熱食區 🔅混醬炸雞區 🔅部隊鍋區 🔅老火湯及石鍋飯區 🔅煎餅及炸物區 🔅飲品區 🔅蔬菜及五穀區 🔅甜品及棉花糖區 🔅醬料區 ====—====—====—====—  

朋友飯聚，想揾間舒服D既餐廳,又唔想太貴，最後決定來樸生，是韓國菜，有任食火鍋,也有素食，所以店名叫做樸生，樸素養生的意思，但也有肉類食物的，所以食物都多元化。店面用了很多藤籃和綠色葉去裝飾，木桌椅也感覺自然樸素。有素食健怡之選，可以任何惠顧加$68,自取一次新鮮沙律、水果和泡菜。不過我們想試特色食物，所以就不點這個了。韓式任食火鍋, 我們選了海鮮部隊鍋,這個真的是大膽嘗試！大家都未試過有那戍$多不同的海鮮一起放進去湯裡！ 估不到湯底食落冇渣又好滑，而且食完覺得好鮮甜醒胃，都幾易入口。青口,鮮蝦,豆腐都好好食,最易入味,感覺唔會好heavy,好relax,道很不錯！特選牛肉不覺得多油脂，所以軟軟的，口感很特別，肉味也不錯.黑毛豬味道也是不錯,配上湯底後,,味道由淡變濃，輕微酸辣泡菜味，加上有紫菜碎的鹹味和香口，令口感生色不少。底部有公仔麵，拌勻之後，應該充滿湯底味道,海鮮味十足，而且好夠飽。這個湯口感豐富，味道好，價錢仲要咁平，超推介！價錢可以接受的。 食物味道令我印象最深刻。賣相又靚；醬油蟹價錢貴啲，但係味道仲好過在韓國食；超好味！而且4人同行仲會送一隻醬油蟹,會再幫襯呢！

一直都很想來青衣城，不過不是太多朋友住這邊,所以沒什麼機會,今次終於來了,發現餐廳種類也很多,所以順便在這邊晚飯我們可以說是被餐牌吸引了， 這裏吃的不只是一般的排骨湯、餃子、冷麵，原來韓國菜也可以有這麼多款式！他們有素食區,我們也過去逛逛,拿了一些素食醬油蟹可說是韓國的名主菜，來這來當然要試試，味道有驚喜，蟹很香濃，質感很結實，很少機會吃到這樣的醬油蟹,配上白飯也是停不了口～之後吃的是韓式火鍋人參雞湯,雞肉很大塊,這個份量應該要三人才吃得完⋯,無限任食的肉類一定是黑毛豬最好吃,沾上雞湯後很入味價錢不貴,而且超抵吃,難怪這裡那麼多客人

中午餐牌改左了，現在可以中午套餐再自選火鍋，真系要試下。侍應態度好好，入門時已經介紹佢地既野食同揀野方法。揀左紫菜拌飯，再自助蔬菜火鍋。揀左杏仁碎同南瓜粒，同紫菜拌埋一齊，好健康。可以自制部隊鍋，蔬菜品種豐富，環境清潔，可以做鐵鍋飯，甜品吧，飲品吧，加38蚊可以任用，仲有朱古力噴泉，小朋友一定最喜歡。炸雞，設有N種醬料，總有一種岩你，我揀左青檸蜜糖醬，好清新，有檸檬的清香，甜甜的，同雞好襯。部隊鍋，揀左蔬菜火鍋區任食，跟住就可以自由揀喜歡的蔬菜，店員會送上韓式辣湯底，其實好小辣，即使晤食得辣的人也可以試一下。粉絲真的很不錯！有一種紫薯年糕，有芝士餡，一定要試。好好味！整混醬，蔬菜更有味！

可能在青衣城的關係，價錢比較貴。今次食了牛肉石頭飯，食物質素一般，無驚喜。當我問牛肉石頭飯有否配自助韓式湯時，職員說不跟餐的，但隔離枱有在喝湯哦🤨覺得餐牌最好寫清楚午餐set會跟什麼，以免造成誤會。

舊同學很久沒見,我們決定來一個小聚餐,大家都住在青衣,所以到青衣城晚餐我倆都喜愛韓國文化而且更加喜歡韓國飲食決定試一試呢間位於青衣城新開既韓食店樸生Bobsang 樸生 設有素食既 Bobsang Green 樸生・素食 同葷食菜式既 Bobsang 樸生食肉同時都可以Go Green樸生地點方便易搵 店內寬敞舒適 風格清新自然 韓氣十足餐牌上有多款不同韓食 例如拌飯拉麵年糕煎餅炸雞 具代表性既韓食都一應俱全決定點一個韓式石鍋飯、韓國火鍋、素泡菜芝士卷以及青檸牛油果炸雞韓式石鍋飯, 泡菜混合高麗菜一併整成 用料十足而且厚實大塊石鍋飯內裡香軟外圍則香脆,飯焦是一定要吃的沾上附帶微辣又有點酸甜既醬汁 份外惹味 更覺開胃而且味覺更提升素泡菜芝士卷 一口咬落滿是腐皮做成既素泡菜 香脆可口配上內裡既咸香芝士意外地合拍 一個微辣一個咸香走在一起沒有違和感 反而覺得惹味吸睛食前沾上幾滴檸檬汁 消膩之餘 更可以消除個份邪惡感青檸牛油果麻藥炸雞 品嚐韓食無理由不吃炸雞 雖然邪惡不過食埋再算好了熱哄哄既炸雞炸得連雞皮都鬆脆可口 配上清新帶酸既青檸同埋特別既牛油果混合打成既醬汁酸酸地惹味開胃 實在令人禁不住

今日約左中同食飯因為佢好鐘意食韓國野所以就選左食呢間呢度出面係有自助吧 可以食前菜同埋拎火鍋配料等等我地試左d韓式煎餅泡菜煎餅好香而且唔太辣另外關冬煮都係值得推介既而且選擇有好多之後就係火鍋 選左海鮮部隊鍋湯底要左雪濃湯海鮮有青口，蝦同蜆而且仲有唔同既配料 年糕呀粉絲呀公仔麵等唔夠可以係出面refill豬牛同雞可以任叫的 推介牛牛味好濃呢～可以食到好滿足最後仲有唔同甜品選有芋圓同綠茶cake等等綠茶蛋糕用杯裝的好靚

呢間餐廳有素食又有肉食又可以自助餐好似幾特別，今次去左試佢地既韓式火鍋自助餐，原價每位$288加一，而加秋日試食價只係每位$188加一🤩行入去第一下感覺好光猛幾舒服，係正中間就係拎野食既地方，餐廳職員帶我地坐底之後就俾張點餐紙同餐牌我地並細心解釋基本任食有啲咩，另外仲可以追加海鮮飲品等。每兩人一鍋，有人蔘雞鍋或者海鮮部隊鍋，我地揀左後者，另外仲有四款湯底可以揀，今次就試韓國雪濃湯，即係牛骨湯😋我地冇選擇追加任何野，因為本身已經有海鮮食，同自助區都有幾款飲品。落完單等緊既時候就先去自助任食區睇下有咩可以落肚先，熱食方面有咖哩魚蛋豬皮、關東煮、滷水雞翼、辣炒年糕。煎餅及炸物區有海鮮同泡菜煎餅、天婦羅。每樣試少少，冇太大特別😝🥘等到個海鮮部隊鍋啦😍有蝦、青口、蜆、餐肉、豆腐、公仔麵。食材新鮮👍🏻👍🏻之後仲可以係出面既部隊鍋食材櫃繼續加碼😆😆🥓肉類方面有牛肉、雞柳同黑毛豬。質素都唔差，牛肉同黑毛豬係我最鐘意既☺️🍗炸雞我地先叫四件，驚會好飽😂果然！件件都好大件，好彩冇叫好多~重點係要點佢啲醬汁，有六款選擇咁多，青檸蜜糖醬同炸雞又幾夾喎，酸酸甜甜，食落會減去炸雞既油膩感，之後再黎一個混醬🤣發現原來

Weekend返青衣老家，順手去青衣城B牌子舖頭買啲衫，咁啱落電梯走嗰陣見到1樓開咗間勁靚嘅新餐廳，主打韓式放題，好似好抵食，就決定食埋先返屋企先！呢間餐廳嘅玩法係一個價錢包晒啲基本食物，身為窮等人家，雖然見點餐紙唔駛額外付費嘅食物唔算多，都係揀咗最basic嗰隻先。火煱湯底呢，我哋二人就可以揀一個鍋，人蔘雞同部隊鍋二揀一。見隔離幾枱都食人蔘雞，羊群心態...照跟！好快就上咗個鍋，嘩，遠處已經聞到超濃嘅藥膳同人蔘香味，仲有原隻釀入咗糯米嘅雞，都好重本下最緊要係湯底好清，唔會因為咁大隻雞喺度搞到勁多油。未開始火鍋，試咗一啖，好正！去到出面夾嘢食嘅section，先知仲有好多嘢食可以任夾，可以睇下個盛況由於po相數量有限制，用文字表達- 食物分咗幾個主要區域：火煱配料區 (蔬菜、瓜類、年糕等)熟食區 (韓式雞翼、海鮮煎餅、炸物、湯等）石鍋飯區 (基本上石鍋飯有嘅配料都有齊晒，仲有埋雜錦海鮮同三款煮好咗嘅燒肉)部隊錯鍋區(好多丸、腸仔、餃子、魷魚、蜆、海帶等)甜品 (朱古力fondue、棉花糖機、幾款jar dessert、生果、仙草、芋圓等)兩大至愛火鍋配料：羽衣甘藍好新鮮，用嚟恰下恰下都

同朋友去了青衣城行街，行過這裡見到啲選擇多而個價錢又都合理，就係咁入去了，望望個餐牌，點了最愛嘅海鮮部隧鍋配蝦汁芝士湯，而落了個鍋就出去了個自助區搵食先，有火鍋配料區，又有熟食區，甜品區，對於我來說就係花多眼亂，見到啱食嘅就樣樣攞少少試吓，有最愛嘅泡菜，韓式烤牛肉，當然要食啦，而個自助飲品區亦唔錯，雖然得三種口味，但絕對啱飲有蘋果味道嘅冰茶，入口青新鮮味！個戲肉海鮮部隧鍋，足料嘅海鮮，上面還有大大塊芝士，開火滾，而湯底就有濃郁嘅蝦味，味道夠晒鮮味！海鮮有彈牙爽口嘅大蝦，鮮味嘅青口，裡面還有最愛嘅韓式午餐肉，同軟滑軟嘅豆腐，中間還有份公仔麵，當滾一會麵條吸收了湯底嘅味道同麵條軟熟入口，個種口感超正！當個鍋嘅食材吃得差不多時就可以再出去部隊鍋區內取材料返來再滾過！吃得差不多就可以到甜品區取一些精緻甜品，亦可以自制棉花糖，任你選擇！這裡還可以自制石鍋飯，但最老實就係個胃，可以留待下次再來這裡試吓！

去完青衣自然徑、青衣公園和青衣海濱公園，窩夫與蝦子餅去青衣城覓食。樸生的門面看來不錯，窩夫與蝦子餅有一段時間沒有吃過韓國菜，便進去一試。自助晚餐由晚上六時開始供應，限時90分鐘。炸雞和火鍋配料都是任食的，另外每位客人可選一款限定美食。自助任食區提供的食物選擇很多，單是韓式煎餅便有兩款，分別有海鮮煎餅及泡菜煎餅，適合不同客人的口味。窩夫很喜歡這個關東煮，特別是薄薄、滑滑的年糕和彈牙的蒟蒻，煮得很入味。其他熱葷有咖喱豬皮魚蛋、韓式果醬雞翼和辣炒年糕。可以自己動手做石鍋飯。火鍋配料除了點菜紙上的特選牛肉、雞柳和黑毛豬外，還有自助區的食材櫃，其中濟州墨魚丸窩夫與蝦子餅第一次吃，口感像沒有蟹籽的龍蝦丸。還有火鍋的蔬菜區，必吃羽衣甘藍。自助飲品區有三個選擇，其中一款是有酒精的，窩夫與蝦子餅較喜歡無酒精的提子味特飲。限定美食之一的芝士焗濟州元貝，芝士醬裡加了菇粒，令口感更豐富。迷你燜牛肋骨煲的煲仔細細，裡面放了一件牛仔骨、兩塊年糕，一隻冬菇，一塊紅蘿蔔再加一塊薯仔，誠意十足。窩夫與蝦子餅選了人蔘雞鍋當火鍋湯底，人蔘雞湯的味道很好，人蔘味不會太濃，叫人很容易接受，沒想到樸生依足傳統做法在雞裡釀了糯米呢