老闆火鍋冰室

Open Now

Now Closed

「老闆火鍋冰室」晚市開番一個月，黎個全新120分鐘晚市任飲任食雞煲火鍋😉🍻餐廳充滿懷舊港式風味，牆上掛滿黑白香港電影相、電影海報同霓虹吊燈，感受懷舊夜香港!!揀左牛頸脊套餐$298 (9折) 包120分鐘晚市任飲任食雞煲火鍋😍 (送) 星級海鮮拼盤 + 響鈴，免加一、免醬料費，CP值爆錶！😋😋😋招牌老闆香辣雞煲: BB辣味雞煲，喜歡惹味雞煲，必選!!!極品安格斯牛頸脊：牛頸脊肉質嫩滑，有口感🤤星級海鮮拼盤：送上的海鮮拼盤，每日隨機包括貴妃蚌、鮑魚、海蝦🦐、沙白蜆和新鮮鯇魚腩片🐟送鮮炸響鈴😆其他菜式：美國PRIME GRADE 牛肩胛、特級牛舌、鴨血、雞脾菇、油麥菜、蜂巢豆腐、涼瓜和粟米，全部份量十足，食得驚喜又夠滿足😊

老闆火鍋冰室 元朗昌盛徑18號元通樓地下9-10號舖元朗新彈出嚟嘅火鍋專家裏面裝修霓虹燈加懷舊風情門口樓底夠高 成個空間好強老闆晚市雞煲放題 兩位以上入座送升級海鮮拼盤推薦美國安格斯牛頸脊套餐120分鐘任飲任食$298 九折之後$270自選雞煲或 自選火鍋湯底一款（無限追加雞）即炸響鈴一份 自家製作即炸係唔同啲牛肉美國安格斯牛頸脊 美國PRIME GRADE 牛肩胛 美國進口牛板腱特級牛舌 西班牙黑毛豬 紐西蘭羊肉片安格斯牛頸脊 PRIME GRADE牛肩胛 屬運動量較多部位 有適量油花 肉質鮮嫩爽滑 肉味濃郁牛板腱部位經常運動，所以脂肪較少 有咬口 佢哋切得厚身又大塊牛舌同樣高質 有驚喜鵝腸 豬潤 唔怕你食 大大碟拎出嚟咁嘅質素食多幾次都冇問題

知道老闆冰室晚市開返🥳就即刻過嚟食返個🐣雞煲放題, 貪靚🧏🏻‍♀️嘅我當然唔少得整返個花膠雞煲啦🤭個湯底超正🫶🏻真係超滋潤, 啲膠質黏住晒我個口😬我哋仲叫咗安格斯牛🐮同埋一個海鮮🦐🐙🦞🦑🐟拼盤, 望的牛到啲雪花🥩就知道佢啲油脂好正, 海鮮拼盤又多又新鮮🙌🏻🙌🏻🙌🏻其他嘅火鍋配料都不得了尤其是響鈴😻同新鮮腐皮🫶🏻佢哋個響鈴熱辣辣🔥即叫即炸好食到不得了, 我覺得係全香港最好食嘅響鈴🤝🏻🤝🏻🤝🏻調味區有多款醬汁, 佢哋一啲都唔孤寒, 仲有佢哋廚師自家製嘅XO醬, 真係想買返張返屋企超好食, 裏邊仲有好多乾瑤柱添✌🏻✌🏻✌🏻嘢飲🧃🥤🧉方面都有好多糭㗎仲有好少有嘅涼粉爽地點又方便環境又舒服冷氣又夠服務又周到, 而且價錢相當抵🥳

離遠已經被佢大大燈箱吸引左；再者任食火鍋雞煲價錢相當優惠（免加一），坐位環境相當闊落，即刻入去試試！不得不讚，由坐低叫嘢食一刻至埋單最後一秒，店員非常有禮貌及好服務，令整個晚市體驗提高。Order左牛頸脊套餐（$298正價），雞煲及湯底都有幾多選擇！今次嘗試招牌老闆麻辣雞煲（先雞煲後邊爐）。我地怕太辣叫左小小辣，店員好跟足我地要求去整！雞件滑嫩，讚！最神奇係就算加左湯底打邊爐都唔淡味！另外每個餐都跟送響鈴卷及海鮮拼盤各一份，已經值回票價！海鮮拼盤共有五款：鯇魚片，白貝，鮑魚，扇貝及海蝦！食落全部海鮮都好甜好大隻，先發現原來餐廳係會每日新鮮拎海鮮，好有heart！任食追加item 包括牛、羊、豬、丸類、蔬菜類、麵等！每樣擺盤都好令，絕不馬虎；而且份量細細碟，食唔晒可以再嗌，謝絕浪費！我encore得最多係牛頸脊同牛肩胛！油脂分布比例很好！推介一下，個人認為成餐飯嘅MVP係即炸油炸鬼同即炸響鈴。新鮮熱辣辣，脆口又不會食到成口粉！另外，雖然罐裝飲品係任拎，但我哋都叫咗水果茶！水果茶Size係大杯到上枱時嚇親我！好抵，好有茶味，仲有新鮮蘋果粒係入面！真係飲足一餐飯！呢餐真係超級飽，坐得又舒服，

好耐無入來元朗覓食，同友人經過呢間<<老闆火鍋冰室>>，見門口寫住晚市任食雞煲火鍋八折,仲免加一優惠👀即刻入去試試，順便支持下本地小店👍🏻👍🏻✨✨✨✨✨✨✨✨✨✨✨✨✨✨✨一坐低，店員好熱情介紹返有咩套餐同湯底推介🍲我地就揀左 安格斯牛頸脊套餐，拼養顏花膠雞湯潤一潤😋 八折左$238/位無加一另外平d嘅套餐 八折左都係$190/位無加一二人鍋有半隻雞🐔肉質都幾滑花膠口感黏口，花膠味濃厚，有驚喜wo😮重點係個湯底！極重雞味😍忍唔住飲左兩碗🥣🥣另外店員仲贈送左一盤海鮮拼盤同即炸響鈴😆海鮮目測都好新鮮，沙白蜆食落無沙好鮮甜！脆肉鯇都有起曬骨，好貼心😇響鈴即叫即炸，超邪惡😈牛頸脊 雖然脂肪較少，但食落有咬口同食到牛嘅好重嘅牛味😀個人推薦牛板腱✨肉紋色澤均勻，爽口帶韌性，同時食到牛嘅油香味，出色！😋😋成程我地都食得好開心，不過最後略嫌無雪糕/甜品供應，同埋飲品櫃選擇比較少可以改善下😣總括來講，呢個價錢可以任食又不限時間 不妨可以一試🌟

💖 老闆火鍋冰室 (元朗)✨元朗昌盛徑18號元通樓地下9-10號舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️近排我老公放咗一個長假，所以我日日都帶佢食好嘢。不過日日都係揀我想食嘅燒肉，佢一聽到燒肉就驚🤣仲話已經好耐冇打過邊爐😮‍💨有少少怨言咁話喎💁🏻‍♀️，所以今日我就同佢近近地去元朗一間啱啱新開晚市火鍋嘅餐廳食下雞煲打下邊爐🍲-老闆晚市雞煲火鍋放題🐥 $238/120mins湯底可以揀雞煲底或者普通火鍋湯底，佢呢度仲可以無限追加雞件，好抵食呢🤤，可能啱啱開始做晚市火鍋放題嘅關係所以兩位以上入座就可以送升級海鮮拼盤同即炸響鈴一份😙都幾吸引我地呢啲師奶仔，即刻覺得自己賺咗😆海鮮拼盤就係每日隨機新鮮5款，今日我哋就有鮮帶子、貴妃蚌、沙巴、海蝦、新鮮鯇魚腩片🦐。海鮮真係食得出係新鮮嘢🫡完全唔係雪藏❤️任食追加嘅項目就有牛、豬、火鍋配料、蔬菜、丸、菇類、主食😉我覺得豬嘅系列就好特別，就好似豬天梯同埋太子肉咁🤔。豬天梯，其實就是豬上顎連接牙齦嘅肉，食落都幾有咬口，如果有興趣嘅話大家都可以試吓，因為都真係幾特別🫡，而太子肉就係豬前胛嘅位置，食落去爽口甘香👍🏻所有食物嘅份量都好多，好大份🔥，我同老公🐻❤️兩個人都

個收銀女人態度極差，好似得罪左佢甘，我食食下一半個飯居然可以叫我拎碟飯去隔離枱座，但係附近啲枱係無人，永不再幫襯食物只係茶餐廳水準，只係改個靚啲既名就收貴啲，真係食到好受氣

同朋友聚舊，見呢度OpenRice 訂位有9折就試吓，嚟到仲話可以$500以上送生果茶，即刻叫多兩碟牛，另外叫咗水魷魚、蓮藕、牛柏葉加埋落雞煲一齊煮，個雞煲中辣幾辣幾好食，但要食得辣先好叫中辣，因為我見個朋友都辣到出晒汗食完一隻雞再加湯打邊爐，我地食牛同叫咗個小食油炸鬼。牛頸脊淋又有肉味，唔錯！另一碟牛舌好好食，有牛脷芯中間位比較軟比較淋，邊位就比較爽，唔駛煮好耐，變色就剛剛好。整體唔錯，每人唔駛$300，下次會再食～

平時食開呢間都唔錯，今日食個下午茶吉列豬扒，塊扒巨大，但點個醬有點少，要加醬突然另加$3，凸咗凸，最主要係隔離枱有個女士都需要加醬時職員都冇話要加$3，我問個時突然話加$3，令到心理吾係好平衡，之前食開都唔洗加，我同個職員講你塊扒甘大，比嘅醬甘少都唔夠點啦，姐係比餐個時比多少少啦，唔會再黎🙄

我同事高 呢間係元朗高質早餐佢話出名既係奶油豬沙嗲牛肉麵同埋 特濃咖啡我揀左個肉碎米粉味道係幾好連啲湯都想飲埋😌但應該吾太健康 多味精奶油豬 熱上 係脆 👍🏻高質高質

約左frd閒日食下午茶，佢大力推薦依間餐廳，元朗嚟講依間茶記算坐得舒服豬扒炒公仔麵對炒公仔麵情有獨鍾，雖然佢好邪惡。炒公仔麵算炒得幾乾身，豬扒份量都幾多，又唔算太乾爭爭，依個價錢收貨有時夜晚行過見到會由茶記變做打邊爐，下次都可以嚟試下豬扒西多薯角相比之下，依份睇落就細份啲，但食完都幾飽。有半份邪惡嘅西多同薯角食，唔係薯條好surprise。豬扒正常發揮加有少少沙律菜，食左啲咁邪惡嘅嘢要食返蔬菜嚟平衡下

昨天食了一個鵝掌飯，簡直是不知所謂，霉霉爛爛，同湯渣冇分別！我們的鵝掌是這樣的。當時我好想退回去，退回去鵝掌都是這樣，熄晒啲飯就算啦。因為我深信廚房退回去一定不開心，做一些小動作是在所難免。

呢幾日天寒地凍，最岩就係火鍋或者羊腩煲，今日收工即慶同老友黎個羊腩煲，但由於即慶關係無做功課又無book位行過都唔知邊度好食，經過老闆火鍋見到都有羊腩煲食就唔諗咁多直入啦，好彩無book位情況下都有位。坐底先叫個羊腩煲，再加d配料咁，生力清啤做特價30蚊枝買2送1，配料選擇都幾多，有d都比較有特色，選擇都唔少。落單後先上左d醬料俾我地調配，唔洗自己出去拎，不過調料就唔多，得蔥，辣椒碎，生蒜同類似豆辦醬咁既。羊腩煲羊腩好入味，唔會羶，份量都正常，都有好多支竹，岩岩上黎汁底比較濃d所以有d咸，叫侍應幫手加多d湯就好返d。至尊牛三拼B淨食羊腩煲我地2個大男人邊夠呀，點都加d野，見呢份牛3拼幾抵，有牛柳粒，肥牛同牛頸脊，不過黎到後悔了，因超大份，當堂有d嚇親，呢度我諗係4人份量，唯有出盡力食吧，講返質素，牛肉預先解凍左，擺盤都好靚，切得都厚薄適中，肉質都幾靚，真係出盡力食了。總括黎講晚市火鍋配料幾高質，選擇又多，係幾好既選擇，雖然今次埋單平均每人要500蚊好似幾貴，但我地明顯係order左，下次要睇住黎叫了，另外早上同中午佢係一間茶仔，都有黎食過，價錢合理份量都幾足，另外留意返晚市要收加一的。

早餐緊係叫沙嗲牛面（首選）呢間都唔錯架。但有時都會唔想食湯麵，我就會揀呢個法蘭西扒餐，貪佢多款野食，有沙律菜，牛油粉菇，茄汁豆，蛋沙律，大塊雞扒，同多士。（有時食佢既炸魚柳$50都好大塊有一成半張A4紙咁大。） 呢個餐都好飽肚得黎無咁多碳水，都幾健康（其實都好多油下😃）。仲有佢既野飲都係好大杯目測個杯有成500ml，岩哂得我呢d一野會chur大半杯既人，唔會唔夠飲🥹朝早都幾多人下，但都多位。🫶🏽

元朗屯門成日都聽到有好多好嘢食難得嚟到呢邊梗係要搵吓有啲咩好嘢食啊屋企人突然間話想食雞煲🐥但因為晏晝食得太飽，又唔係好肚餓所以就搵咗間唔係仼食既雞煲啦🐥雞煲都唔錯㗎👍🏻👍🏻👍🏻仲叫左個美國🇺🇸肥牛❤️由於有小朋友嘅關係可以叫多咗一個一人餐因為小朋友唔食辣🌶️咁就叫咗梅菜扣肉同埋個炸豆腐仲有個粟米魚肚羹食咁多嘢咁梗係要叫嘢飲㗎啦咁啱見到隔籬枱有一渣渣既飲品😆咁就叫咗個水果茶啦3個大人，一個小朋友總共四百七十幾又唔貴呀最好既係唔洗食到太飽