老闆火鍋冰室

Open Now

Now Closed

今次是第二次幫老闆既任飲任食雞煲，呢度雞煲係無限加雞，唔係雞煲仲有其他湯底可以選擇。我最欣賞係呢度既雞煲係即落單即炒，可以選擇一隻或半隻雞，啲雞仲要大大件味道亦唔差。套餐還有配送海鮮，我今次去就送上時令大閘蟹，蟹雖然細但都很爆膏，而即炸響鈴就不發第一次食既好，但一定會再來的

早幾日我哋去咗元朗呢間舖度打邊爐，舖頭裝修好懷舊，有霓虹燈牌、牆身係地磚樣式。位置都好闊落下，幾好坐。我哋叫咗佢招牌沙嗲湯底同埋蕃茄湯，沙嗲湯底冇我哋想像中咁鹹，反而帶有一啲香料味，味道唔錯。邊爐食材包括一大碟海鮮，入邊有蝦、鮑魚、沙白，仲竟然有鱔！係平時啲舖頭都好少見會有鱔，原來都幾啱打邊爐，食落彈牙。啲海鮮都好新鮮，睇吓呢隻游水蝦就知咩料啦！而配料都好豐富，除咗海鮮之外都可以任嗌。牛柏葉超級大嚿，重到夾唔起。仲有唔同款牛肉，各種蔬菜，配料例如鵝腸、鴨血、各類丸等成50至60款配料，啱晒乜都想試吓又眼闊肚窄嘅我哋，食到我哋勁飽。見到隔籬枱喺度食雞煲，聞到好香，又見佢哋可以加雞，下次嚟都要試下。

行經發現左老闆火鍋冰室，見到佢哋門口宣傳，214蚊就可以任食邊爐，同男朋友入去試下。我地揀咗個胡椒豬肚雞湯底，佢哋係將新鮮嘅雞肉切好畀你，等你自己落鍋，雞件份量多到食唔哂既。湯底夠胡椒味，仲有啲豬肚都幾夠腍。上菜時附送咗一個海鮮拼盤，入面有蝦、鮑魚、青口、蠔同蜆，蝦肉彈牙，鮑魚連殼上既，肉質緊緻，海鮮拼盤整體都有驚喜！套餐係任食任飲，通常任食嘅質素都唔係咁出色，但老闆火鍋冰室嘅肉類真係唔錯！每一輪叫出嚟嘅肉都係新鮮又均勻分佈瘦肉同肥肉，唔會得第一輪既肉質素好。特別要推薦番牛肩肉，我地覺得厚薄岩岩好岩打邊爐，肉味都夠。我地仲試咗唔少菜式，例如萵荀﹑娃娃菜﹑水魷﹑冬菇等，選擇好多而每碟份量唔算太大，啱哂人少少食，可以試到好多款式又唔會浪費。整體而言老闆火鍋冰室CP值比起連鎖火鍋店高，可以作為平日同三五知己打邊爐既另一選擇。

又係開餐時間，講到打邊爐同屋企人都好鐘意週圍去食😋，今次去左位於元朗嘅「老闆火鍋冰室」7月先開始推出晚市120分鐘任食雞煲火鍋，免加一，免醬料費，宜家仲做緊9折優惠，超抵呀!😍😍😍餐廳裝修以懷舊港式風味，坐位闊落坐得舒服👍🏻湯底可選擇雞煲底或者普通火鍋湯底，仲可以無限追加雞件，超抵食呀😍2位以上入座仲升級海鮮拼盤同即炸響鈴一份星級海鮮拼盤方面，隨機新鮮五款，我地今次就有鮑魚、海蝦、鯇魚片...款式隨機，見每枱都有啲唔同湯底我地揀左濃湯豬雞煲，有小朋友一齊食就啱哂牛肉質素very good😋😋,全部都好新鮮好嬾滑其他火鍋配料選擇十分多，連平時少有嘅豬內臟都有選擇👍🏻而炸芋頭更加係有驚喜，大家記得一試🤩

收工已經八點食咩好 😮‍💨 呢間火鍋放題120分鐘，夜晚11點先閂門，可以慢慢食。😆我哋揀咗安格斯牛頸脊套餐，唔知係咪因為平日，平時$298一位，今日只需$268一位，好彩😆我哋揀咗椰汁花膠雞鍋，湯底一到，國際慣例梗係飲碗湯先啦，係好清嘅雞湯，雞切得比較大件，而且有唔少嘅花膠。兩位以上入座仲送一個海鮮拼盤，入面有六款海鮮，啲沙白好肥嘟嘟，好甜呀😋 如果海鮮覺得唔夠喉，仲可以加錢追加。😛除咗送海鮮拼盤，仲送即炸響鈴，摸吓佢真係好熱個喎😂安格斯牛頸脊平時咁樣出街食一碟最少都要$238，對於我哋呢啲牛魔王，一個人最少食兩碟，基本啦，輕鬆回本。😂 呢個厚薄啱啱好，滾兩下就食得，而且牛味好重，咬落去啲油脂就滲出嚟🥲 諗返起都肚餓。🥹仲點咗其他火鍋配料，我覺得係因為個湯底好味，所以其他火鍋配料加落去味道都唔錯，尤其是係蔬菜類。🥬座位方面都幾闊落，裝修行港式懷舊路線，好經典嘅綠色格仔💚 抬高頭仲有當舖嘅霓虹燈招牌。店員主動又熱情，當我同朋友企喺門口猶豫緊嘅時候，佢哋好主動問我哋幾多位，又會同我哋介紹吓個餐，咁就卻之不恭啦 😂 依家好少餐廳職員都有禮貌，又坐得舒服，又開得夜，又抵食（真心一個人食兩碟牛

同朋友有心事傾訴😭梗係要去一個可以瘋狂食瘋狂飲既地方🥲見到元朗近朗屏西鐵站附近新開咗一個火鍋任飲任食專門店，襯而家有新開張優惠，仲要免加一，今晚就黎試下😊😊我地食120分鐘任飲任食火鍋，但都見有啲顧客係單點既，大家可以睇下張餐紙，相信可以滿足唔同朋友既需要。我地點咗而家新開張優惠$268一位的美國安格斯牛頸脊套餐，內含無限量雞煲、美國安格斯牛頸脊、美國牛肩胛、美國進口牛…仲有好多款式的豬和羊類，鐘意食蔬菜的朋友亦都會好多選擇。我比較喜歡呢度既美國安格斯牛頸脊和美國牛肩胛，兩者牛味濃郁，每枱仲會有炸響鈴🔔附送，我超級鐘意😍😍老闆火鍋冰室 (元朗)元朗昌盛徑18號元通樓地下9-10號舖

🐻爸就算天氣熱辣辣都有股邊爐癮，等佢收工返到元朗，🐻媽我就揾定餐廳等佢開餐。今日我哋胃口特別好，揀左老闆火鍋冰室，佢哋7月先開始火鍋放題，今晚一於食餐勁。去到老闆火鍋冰室望下餐牌有兩個套餐可以揀，分別係$238任食美國Prime Grade牛肩胛同$298任食美國安格斯牛頸脊，價錢仲全包免加一，可以兩小時任食。我哋揀左安格斯任食，湯底點左胡椒豬肚雞煲，可以無限追加雞件，真係唔怕食唔飽。湯底來到同時仲有贈送既海鮮拼盤，有鮮蝦，元貝，貴妃蚌，日本蠔同脆肉鯇五種海鮮，一邊食雞同海鮮既同時，一邊追加牛肉，仲見到豬粉腸，豬潤等多款內臟，自然唔會放過。牛肩胛同牛頸脊都好重肉味，我哋食完一碟又一碟，豬生腸豬潤都好鮮唔腥，值得一讚。唔覺唔覺就食左兩個鐘，我哋都飽到上心口，捧住個肚滿足咁返歸。

今日收工約咗朋友食嘢 因為佢住呢邊就聽地膽推薦呢間老闆火鍋冰室加上間店出面就有咪錶泊車真係方便間店好大 除咗牆上掛有黑白相片/電影海報仲採用咗香港傳統街市有嘅「紅燈罩」配搭綠色傢俱同牆磚 好似返咗7/80年代喺呢個環境下食住雞煲 加上老闆感覺隨和會主動推介食咩好等等 人情味出晒嚟呢度係食老闆晚市雞煲放題(120分鐘)兩個套餐可揀 美國牛肩胛/安格斯牛頸脊任飲任食 無限加雞 送海鮮拼盤同即炸響鈴咁樣都係$238/$298 仲要唔收加一!!- - - - - - - - - - - - - - - - - - - - - - - - 1. 自選雞煲(招牌老闆香辣雞煲)共有六款口味 揀咗「招牌老闆香辣雞煲」見佢落咗好多調料 洋蔥/芫荽/大蔥/蒜頭/辣椒辣度方面可以自選 唔食得辣嘅我揀咗微辣上枱之後等食就得 侍應會時不時過嚟幫手打開鍋蓋炒吓啲雞 食得嘅話就會提提我哋啲雞本身有經過長時間慢煮 熱咗之後底下熱辣辣又豐盈嘅雞汁係精華 包住啲雞食落雞肉軟爛入味 鮮美汁香 重點可以無限加雞!!2. 任食火鍋肉片段食完雞煲就可以叫侍應加湯 如果想就咁打邊爐嘅話呢度都有5款湯底可揀 雞煲就用返普遍嘅清湯等緊

就同打邊爐都係我最愛，元朗老闆火鍋冰室就可以一次過滿足我兩樣要求❤️老闆晚市雞煲放題＋安格斯牛頸脊套餐•任飲任食120分鐘放題❤️$298/位👉🏻8月仲有9折【雞煲六選一】🔸招牌老闆香辣雞煲🔹胡椒豬肚雞煲🔸四川麻辣雞鍋🔹原生椰子雞煲（另加＄60）🔸濃湯豬雞鍋🔹椰汁花膠雞鍋【自選火鍋湯底五選一】🔸九龍城沙嗲鍋🔹芫荽皮蛋鍋🔸蕃茄薯仔鍋🔹西環喇沙鍋🔸清湯鍋而我今次揀咗招牌老闆香辣雞煲，非常惹味，兩位以上仲送星級海鮮拼盤（帶子、海蝦、鯇魚腩片、貴妃蚌、生蠔）同即炸響鈴一份，全部海鮮都好新鮮，原來老闆堅持每日新鮮選購，真係好有驚喜😋😋咁食追加項目種類繁多，牛、豬，丸、蔬菜、菇、同主食，不得不讚嘅係美國安格斯牛頸脊，真係超級好味，入口即溶，而且牛味濃郁，牛舌童珠天梯，亦都係我不斷encore嘅item..調味料方面亦都好有心思，值得推介嘅，仲有廚師秘製嘅XO醬，真係第二道食唔到㗎而且裝修好復古，好特別，而且老闆同員工服務態度好好，呢樣嘢真係好欣賞👍🏻👍🏻📍老闆火鍋冰室元朗昌盛徑18號元通樓地下9-10號舖

前排有friend去過呢間鋪頭打邊爐話抵食，話要搵埋我再食多次，因為宜家8月做緊9折優惠，加上免加一免醬料費，200幾蚊一個價錢任飲任食，聽落去都幾吸引我，所以約左個平日夜晚去食。去到門口仲見到寫住會送一份海鮮拼盤同即炸響鈴！好彩我FD 醒一早book定位吾洗等，食左陣已經坐滿哂。湯底選擇好多，基本上大多數都無額外收費，我地叫左椰子花膠雞鍋，勁香椰子味，花膠都有5-6塊，雞都ok，個湯飲落無咩味精，自己都飲左3碗！送既海鮮拼盤都有鮑魚、生蠔，我見佢好似系隨機，因為每枱都有啲吾同。另外呢個都系送既響鈴，大大舊仲要即炸，好食！我地叫左貴啲既套餐，會多左安格斯牛頸脊同牛柳粒呢2款肉。呢到啲牛肉質素幾好，無雪味，食到有牛味之餘，仲幾有口感，比一般放題質素好！另外想推介鮮蝦雲吞都好食，每粒都有原隻蝦肉，大大粒！菜芯苗都幾靚，吾會黃同爛！呢度雖然吾收醬料費，但都有幾多醬料選擇，最重要有炸蒜！另外仲有餐廳自己煮既蒜蓉辣椒油！飲品都有8-10款選擇，有汽水、冬瓜茶、甘蔗水等等。

呢間抵食雞煲火鍋放題位於元朗廣場附近穿過輕鐵站行過去5-6分鐘左右店內裝修都好有特色，好有懷舊氣氛🍽️我哋今日揀咗個小辣嘅雞煲除咗雞煲之外，佢仲有好多唔同嘅湯底俾你打邊爐🥣我哋今日食呢個牛頸脊套餐$298一位雞煲嘅雞，食完唔夠仲可以不斷加 真係超抵食👍🏻每份套餐仲包一盤海鮮拼盤同埋即炸響鈴響鈴即炸熱辣辣脆卜卜 點雞煲汁食都一流佢比一般任食火鍋，仲多更多特別配料選擇鍾意食豬內臟嘅朋友唔可以錯過粉腸大腸絕對唔少得 仲有好多特別部位牛肉質素都好好 超重牛味 除咗牛頸脊之外仲有牛舌同埋骰仔牛柳粒都好好味 鍾意食牛嘅唔可以放過🤫配料方面，仲有我最鍾意食嘅雞子 超大粒🫶🏻 用QR code落單好方便 嘢飲都係自助 去後面雪櫃拎就有啦一班朋友聚舊黎講呢度都幾抵食又有得打卡唔錯唔錯👍🏻

今次又去到元朗大坑渠附近搵野食🤭男朋友不嬲都中意打邊爐，今次就同左佢去依間-「老闆火鍋冰室」 @boss_hotpot ,$298就可以任食火鍋雞煲，依架仲做緊9折添丫😍😍🌟美國安格斯牛頸脊套餐（$298）依個套餐就包左自選雞煲/自選火鍋湯底一款，當然就係無限追加雞。我自己就揀左招牌老闆香辣雞煲，好惹味，每一舊雞都煎香左，而且味道好夠👍🌟星級海鮮拼盤2個人以上仲會有海鮮拼盤送，入面嘅海鮮都好新鮮。我自己就特別中意佢嘅蝦同扇貝👍好鮮甜🌟牛肉打邊爐又點可以冇牛肉呢，佢total有5款牛可以揀：美國安格斯牛頸脊、美國PRIME GRADE 牛肩胛、美國進口牛、牛板腱、特級牛舌。我自己就獨情美國安格斯牛頸脊，牛肉味幾濃，油脂分布都幾靚，食多幾碟都回本🤭所有嘢食都好大份下，性價比都好高架👍我覺得都幾啱同朋友gathering 食，位置又方便，地方又闊落，快啲趁有9折優惠去試下佢啦🤭🍴老闆火鍋冰室 (元朗)📍元朗昌盛徑18號元通樓地下9-10號舖

今晚同朋友好想食雞煲，離遠已經比門面招牌吸引到。於是我哋揀咗老闆雞煲火鍋放題。舖頭門面好乾淨，員工服務態度良好。餐廳仲設有醬料吧同飲品吧。 本身我哋仲想嗌水果茶，點知飲品吧嘅飲品已經夠晒我哋飲！首先上咗熱辣辣嘅雞煲，我哋揀咗中辣覺得啱啱好，除咗麻辣之外辣椒嘅香味索哂入啲配料洋蔥大葱度。 特別讚揚呢個鍋，有別於平時食嘅雞煲用既爐具，將啲雞煎香到焦香得黎肉又好嫩有汁。 雞煲食到差唔多，我哋就加咗湯繼續打邊爐。 舖頭採用電話落單，我哋叫嘅所有食物都無甩單上齊菜，呢個係食放題入面好值得讚揚。最令我哋驚喜嘅係海鮮拼盤，每日隨機五款，今日拼盤入面有魚、海蝦、青口等5種海鮮，全部都好新鮮清甜，一啲都唔腥。第二個重點就係牛肉！牛肉全部都好新鮮好嫩，特別係牛肩胛、鮮牛肉同牛柳粒。肥瘦分明，一啲都冇被雞煲嘅湯底搶走牛肉嘅鮮味。之後我哋嗌嘅都係各式各樣嘅火鍋配料。選擇好多，而且唔會有啲話無法供應。特別鮮嫩既太子肉配埋薯粉索哂雞煲嘅汁一流！我哋兩位入座，仲送咗即炸響鈴一份。並唔係間間嘅響鈴都好食，有啲舖頭真係炸到好大浸油益味。呢個響鈴好香豆腐香味，浸落雞煲湯底幾秒啱啱好，又脆又香。用呢個價錢食到咁高性價比嘅

#KENNISEATSOKENNISFAT平時食開佢既下午茶 $38大大兜肉醬意粉已經覺得好抵食！最近仲推出左任食火鍋即刻要試一試先得😛🧚🏻‍♀️簡簡單單有兩個set 基本上一樣 加多幾十蚊梗係食埋安格斯❣️可以揀唔同煲去打邊爐 雞煲仲可以任加雞添😍啲雞肉超滑又夠味 絕對唔會因為任你加就無水準而且都落足料 配菜一樣入哂味 連啲洋蔥都爆香哂🤩除左雞煲任加雞之餘 仲送埋個海鮮拼盤😍仲仲仲有新鮮即炸既大大舊響鈴卷 超脆口！一般打邊爐既材料都應有盡有全部野叫一轉都已經夠哂飽 不得不提一提個油炸鬼 可以兩食 淥熟嚟食都唔會好淋身又唔會太油膩 比起出面既油炸鬼爽身好多而且有牛肉 豬肉 羊肉都有絕對係實現肉食自由！超讚最欣賞既佢既鵝腸係超爽口🥹唔係平時任食邊爐既質素 好有咬勁而且重味啲～咁既價錢既質素真係值得一試！襯依加岩岩新開始8月都仲有優惠有興趣既快啲去試啦😍抵食指數：🌕🌕🌕🌕🌕🌕🌕🌕🌕🌑好食指數：🌕🌕🌕🌕🌕🌕🌕🌕🌖🌑

一路都有幫襯開「老闆火鍋冰室」，知道晚市轉為任食雞煲放題，即刻同風先生試一試；「老闆火鍋冰室」裝修以港式懷舊冰室為主題，光猛明亮，冷氣充足，設有卡位雅座，用餐環境舒適；點了安格斯牛頸脊餐 $298 全包，免加一及無額外醬油費兩位以上送海鮮拼盤，海鮮是隨機贈送，我倆有元貝、海蝦、日本蠔、貴妃蚌及鯇魚片，海鮮鮮甜精神，見鄰桌有鮑魚、沙白等；湯底選了椰子花膠雞鍋，清甜椰香濃雞湯，花膠厚身，有驚喜雞件嫩滑，可無限追加；必食推薦有即炸響鈴、萵筍、鵝腸，牛頸脊牛味濃，口感肥嫩且具彈性；建議魚肚留到火鍋尾段先吃，湯汁盡吸海鮮與肉類的精華，好惹味任食食材有60多種，較少見的雞子、豬天梯、太子肉也有，飲品有10多種可供選擇，出餐快，無漏單，值得一讚；總結：整體食材新鮮有質素，120分鐘大滿足，捧著肚子離開 8月惠顧享有九折優惠，推薦大家一試